อิสะยา 36
36
เซนนาเคลิบ อ๋อย ธ้าง เปียะ เยลูซาเลม
(เป๊ย หมั่ง 2 ฮู่ง โต้ว 18:13-37; 2 ฒุ่น ต่อย โต้ว 32:1-19)
1เฮเซคียา โหฒว ฮู่ง เหฒียบ เฝย หฮญัง วั้ว หฮญัง, อัดซีเลีย เญย ฮู่ง, เซนนาเคลิบ, ต้าย เบ๊าะ ยูดา ม่าย ฒี่ง หลาด ว้วน เญย เหยียด ฒู้ง ฒี่ง หย่า ธ้าง ตุ๊ หมี่ อ๊ะ. 2อัดซีเลีย เญย ฮู่ง พ้าย เต้า นิ่น เญย ต้ม แปง-เปย๊ย เหธา เจี๊ยน แปง-กวั้น ธั้ม เญย เยียม ลาคี้ด มี่ง เถา เยลูซาเลม, เฮเซคียา ฮู่ง วั้ว. มี่ง เถา วั้ว หฒั่น, นิ่น บัว ตี้ง เจี๊ยน เยียม วั้ว เจี๋ย ปูง เญย ววม-ต้ม เญย หฒวน, มี่ง หญ่ม เดีย เญย เธี้ยง วั้ว ติ้ว เจ๊า. 3ม่าย โก๋ว ฮู่ง ติ่น เญย ต้ม เจียน, ฮินคียา เญย ตอน, เอลียาคิม, เหธา เซ้บนา โซว-ปิ๊ว, เหธา อาสาบ เญย ตอน, เฟี้ย โซว-ตาน วั้ว เต้า โยอา, ธ้วด มี่ง ปวั้ง นิ่น.
4ม่าย เต้า วั้ว เต๋ย ต้ม แปง-เปย๊ย ก๊อง บั๋ว นิ่น บัว, “อ๋อย หฒุ บั๋ว เฮเซคียา,
“‘ต้ม ฒิ่ว ฮู่ง, เซ อัดซีเลีย เญย ฮู่ง, ฮนั้ง น้าย นอ ก๊อง, “เม่ย เขา หาย หญู่ง? 5เม่ย ฮนั้ม ต้าย ก๊อง ขูง-หว่า ฮนั้ง เม่ย ไฮ่ ม่าย หฒะเอ๋ย, ม่าย ชะ เบ๊าะ จ๋า ไฟ? เม่ย เขา หาย เต้า หธีง ต้าย แหง่ง เยีย? 6หมั่ง ม่าะ! เม่ย เขา อียิบ เซ ฮนั้ง เขา หลัวะ ติ แกว๊ง-บ๋าย โหฒว ปย๊า-บย่า ยั่ง เจ๊า นอ, ไฮ่ ป๊ะ หฒุ ปั์ว มุน. อียิบ เญย ฟาโล ฮู่ง หย่า ฮนั้ง น้าย นอ โหฒว ปุน เหยียด ฒู้ง ปั่ง นิ่น เญย เมี่ยน.#เอเสเคน 29:6-7 7สี ก๊อง เม่ย บั๋ว เยีย, ‘เยีย บัว เขา เฒี้ยว, เยีย บัว เญย ทิน-ฮู่ง,’ เฮเซคียา แธะ กวั่ง วั้ว เต๋ย เยียม ฮลัง หฒั่ง เฒี่ยน เญย ต๋อง เหธา เหฒี่ย-ต้อง เซ น้าย เต้า ทิน-ฮู่ง เญย ไม้ เฒ์ย? เฮเซคียา หธ่อ ก๊อง บั๋ว ยูดา เหธา เยลูซาเลม เญย เมี่ยน, ‘เม่ย บัว อ๋อย หฒุ เยียม น้าย นอม เหฒี่ย-ต้อง เหฒี่ย.’”
8“‘อี้ หฒั่น เม่ย เหธา เยีย เญย เฒี้ยว, อัดซีเลีย เญย ฮู่ง, โด๊ว ก๋า. สี ก๊อง เม่ย ล์อ ตุ๊ เมี่ยน เก๋า เก้ นอ, เยีย ปุน อี ธิน เต้า ม์า เม่ย. 9สี ก๊อง เม่ย เขา อียิบ เญย เบ๊าะ จ๋า ม์า-เธีย เหธา เก้ ม์า แปง, เม่ย ฝู่ง ไฮ่ เบ๊าะ ตุ๊ ฮี่ง เยีย เญย เฒี้ยว เญย เหยียด เต้า เก้า ไฝ เจี๋ย เญย แปง-เปย๊ย? 10ไม้ ตาน บัวะ น้าย. เยีย ต้าย เบ๊าะ ป่าย น้าย นอม เต่ย-ปูง เซ ไม้ ม่าย เฒี้ยว เหธา เยีย ต้าย ไฟ? เฒี้ยว กั้น ก๊อง บั๋ว เยีย ธ้วด มี่ง เหมียด น้าย นอม เต่ย-ปูง ม่าะ!’”
11เอลียาคิม เหธา เซ้บนา เหธา โยอา ก๊อง บั๋ว วั้ว เต้า ต้ม แปง-เปย๊ย, “โท้ หล่ง อาลัม หว่า เหธา เยีย บัว, เม่ย เญย โปว, ก๊อง หว่า เหว่ย หฒุ เยีย บัว เปียะ เฮญี้ยว เญย. ไม้ ตู๋ง หล่ง ยูดา เมี่ยน เญย หว่า#36:11 ไฟ ฮิบลู หว่า. เยียม 13 เหยี่ยม ฟี่ ฮนั้ง เญย. ปุน เยียม ฒี่ง หลาด กู้ หงว่าย เญย แปะ ฝีง ไฮ่ หมวัง ไฮ์.”
12มป่า วั้ว เต้า แปง-เปย๊ย ก๊อง, “เยีย เญย เฒี้ยว พ้าย เยีย ต้าย, ขูง อ๋อย เยีย เหธา เม่ย เญย เฒี้ยว เหธา เม่ย บัว กั้น ก๊อง ไฟ? เซ เลี่ยม เฒว์ย เจี๊ยน ฒี่ง หลาด วั้ว เต๋ย อ๋อย หฒุ เหธา เม่ย บัว หญั่น นิ่น บัว กั้น เญย ไฆ้, ฮบ นิ่น บัว กั้น เญย เยี์ย ไม้ เฒ์ย?”
13วั้ว เต้า ต้ม แปง-เปย๊ย ฯฒฯ โซ้ว เจี์ย ต้าย หล่ง ยูดา เมี่ยน เญย หว่า เห่ว เจี๊ยน ก๊อง, “อ๋อย หฒุ หมวัง ต้ม ฒิ่ว ฮู่ง, เซ อัดซีเลีย เญย ฮู่ง, เญย หว่า ม่าะ! 14ฮู่ง เตี๋ย ฮนั้ง น้าย นอ ก๊อง, ‘ไม้ ตู๋ง หมวัง เฮเซคียา ดั๊ว เม่ย บัว. นิ่น ไม้ ไฮ่ เหฌียว เม่ย บัว. 15ไม้ ตู๋ง หมวัง เฮเซคียา ดั๊ว เม่ย บัว เขา เฒี้ยว. นิ่น อ๋อย ก๊อง, “เฒี้ยว ด่ง หาย ฒู้ง อ๋อย เหฌียว เยีย บัว. นิ่น ไม้ เฒาะ น้าย นอม ฒี่ง จิว ปุน เยียม อัดซีเลีย ฮู่ง เญย ปั์ว-เดี๊ย.”’
16“ไม้ ตู๋ง หมวัง เฮเซคียา เญย หว่า. อัดซีเลีย เญย ฮู่ง ก๊อง, ‘ธ้วด ต้าย ล์อ เยีย ม่าะ! เหธา เยีย ก๊อง หอบ. เก๊าะ-เมี่ยน ฯฒฯ ตุ๊ หญั่น เก๊าะ-เมี่ยน เญย อะหงุ่น เฮมย เญย เปี๊ยว. เก๊าะ-เมี่ยน ตุ๊ หญั่น เก๊าะ-เมี่ยน เญย ง่ง หญอ เดี๋ยง เญย เปี๊ยว หย่า ฮบ กั้น เญย เซียว ววม-ค้วด เญย ววม. 17ฒั้ว เยีย ต้อ เม่ย บัว มี่ง เถา นอม เต่ย-ปูง ฮนั้ง เม่ย บัว กั้น เญย เต่ย-ปูง นอ. เซ ม่าย ล่าง หฒิ, ม่าย เซียง-อะหงุ่น ติ๊ว เญย เต่ย-ปูง, ม่าย ฌั้ว, ม่าย อะหงุ่น หฮวีง เญย เต่ย-ปูง.’
18“อ๋อย หฒุ บู้ง เจี๊ยน, เหฑีย เฮเซคียา ก๊อง, ‘เฒี้ยว ฒู้ง อ๋อย เหฌียว เยีย บัว,’ วั้ว เต๋ย หว่า, เม่ย บัว ไม้ ตู๋ง หมวัง, เหว่ย หฒุ นิ่น ขูง ดั๊ว เม่ย บัว ฮนั้ง. ม่าย หาย นอม กั๊วะ เญย หาย เต้า เฒี่ยน เหฌียว เจี๋ย กั้น เญย กั๊วะ เปย๋า ดุ๊ด อัดซีเลีย ฮู่ง เญย ปั์ว-เดี๊ย? 19ฮามัด เหธา อานปัด มู้ง เญย เฒี่ยน เยียม หาย? เสฟานวาอิม เญย เฒี่ยน เยียม หาย? นิ่น บัว เหฌียว สะมาเลีย เล่ย ดุ๊ด เยีย เญย ปั์ว-เดี๊ย ไฟ? 20สี ก๊อง น้าย เต๋ย กั๊วะ เญย เหยียด ฒู้ง เฒี่ยน ไม้ ม่าย หาย เต้า เหฌียว ตุ๊ นิ่น เญย กั๊วะ เปย๋า ดุ๊ด เยีย เญย ปั์ว-เดี๊ย, วั้ว หญู่ง เฒี้ยว ฝู่ง ไฮ่ เหฌียว เยลูซาเลม ธ้วด เยีย เญย ปั์ว-เดี๊ย?”
21มป่า แปะ ฝีง เซ้ก เหฑียะ เญย, ไม้ เตา เหยียด โจ๋ว, เหว่ย หฒุ ฮู่ง เตี๋ย หัด นิ่น บัว, “ไม้ ตู๋ง เตา นิ่น.”
22โก๋ว ฮู่ง ติ่น วั้ว เต้า เจียน ฮินคียา เญย ตอน, เอลียาคิม, เหธา เซ้บนา โซว-ปิ๊ว เหธา อาสาบ เญย ตอน, เฟี้ย โซว-ตาน วั้ว เต้า โยอา, ฯฒฯ เป๊ด กั้น เญย ลุย-โหว แอ๋ง มี่ง เถา เฮเซคียา วั้ว, หย่า ต้อ วั้ว เต้า ต้ม แปง-เปย๊ย เญย หว่า มี่ง ก๊อง บั๋ว นิ่น.
Currently Selected:
อิสะยา 36: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
