อิสะยา 37
37
เฮเซคียา ล์อ อิสะยา เถง
(เป๊ย หมั่ง 2 ฮู่ง โต้ว 19:1-7)
1เฮเซคียา ฮู่ง ไฮ์ ลิ์ว วั้ว เต้า ต้ม แปง-เปย๊ย ก๊อง เญย หว่า, นิ่น เป๊ด นิ่น เญย ลุย-โหว แอ๋ง ฒุ เจี๊ยน ล่าม่า เดีย-โธว เปียะ หฒั่ง เฒี้ยว เญย เปย๊า. 2นิ่น พ้าย โก๋ว ฮู่ง ติ่น วั้ว เต้า เอลียาคิม เหธา เซ้บนา โซว-ปิ๊ว เหธา โหฒว เก้า โฮล#37:2 ม่าย เต๋ย โซว ก๊อง เก้า โก๋. วั้ว เต๋ย ไซ เมี่ยน, เหยียด ฒู้ง ฒุ เจี๊ยน ล่าม่า เดีย-โธว, มี่ง ล์อ อาม้อด เญย ตอน, โต่ว หว่า เมี่ยน, อิสะยา. 3นิ่น บัว ก๊อง บั๋ว อิสะยา, “เฮเซคียา ฮนั้ง น้าย นอ ก๊อง, ‘อี้ ฮนอย เซ ด๊อด หน่าน, หฒุ ต้าน, หฒุ ไญ้ เญย ฮนอย. เซ ฮนั้ง มเซียะ ตอน อ๋อย ยู์ง กู้งว์า หย่า ไม้ ม่าย ชะ ยู์ง. 4เหฑีย เฒี้ยว, เม่ย เญย ทิน-ฮู่ง, หมวัง ไฮ์ วั้ว เต้า ต้ม แปง-เปย๊ย, ต้ง นิ่น เญย เฒี้ยว, อัดซีเลีย เญย ฮู่ง, พ้าย ต้าย ก๊อง คี เฒี่ยง เจี๊ยน เญย ทิน-ฮู่ง วั้ว เต๋ย หว่า. เฒี้ยว, เม่ย เญย ทิน-ฮู่ง, ฯฒฯ เหว่ย นิ่น ไฮ์ น้าย เต๋ย หว่า หัด นิ่น. เหว่ย น้าย โท้ เม่ย เถง น้าย เต๋ย เหฒ่ง เหฌี่ย เญย เมี่ยน เต๋า เก๋า.’”
5เฮเซคียา เญย เจียน มี่ง เถา อิสะยา วั้ว. 6อิสะยา ก๊อง บั๋ว นิ่น บัว, “อ๋อย หฒุ บั๋ว เม่ย บัว เญย เฒี้ยว, ‘เฒี้ยว ฮนั้ง น้าย นอ ก๊อง, “ไม้ ตู๋ง กั้ม เหฑีย เม่ย บัว ไฮ์ ลิ์ว น้าย เต๋ย หว่า, ต้ง อัดซีเลีย เญย ฮู่ง เญย โปว ก๊อง คี เยีย เญย หว่า. 7เยีย อ๋อย ปุน นิ่น ม่าย หญู่ง เฮญี้ยว. นิ่น ตุ๊ ไฮ์ หญู่ง หว่า-หฑยาว ฯฒฯ หฑวน นิ่น กั้น เญย เต่ย-ปูง. เยียม นิ่น กั้น เญย เต่ย-ปูง, เยีย ปุน นิ่น หฒุ หฑุ ด๊าว ไต๋ ไต่.”’”
อัดซีเลีย เมี่ยน แอ๋ง ต้าย โหฒว เฮ้น
(เป๊ย หมั่ง 2 ฮู่ง โต้ว 19:8-13)
8วั้ว เต้า ต้ม แปง-เปย๊ย ไฮ์ ก๊อง อัดซีเลีย เญย ฮู่ง ธ้วด ลาคี้ด ฒี่ง, นิ่น ฯฒฯ ถุย แอ๋ง ล์อ ปวัด ฮู่ง เตี๋ย เยียม ลิบนา ฒี่ง เบ๊าะ จ๋า.
9อัดซีเลีย เญย ฮู่ง ไฮ์ ก๊อง, อียิบ เต่ย-ปูง, คู้ด เมี่ยน เญย ฮู่ง, ทีละหะคา, ธ้วด ต้าย อ๋อย เหธา นิ่น เบ๊าะ จ๋า. ไฮ์ ลิ์ว นิ่น ฯฒฯ พ้าย โต่ว เฝียน เมี่ยน มี่ง เฮเซคียา วั้ว ฮนั้ง น้าย นอ ก๊อง, 10“อ๋อย หฒุ ก๊อง บั๋ว ยูดา เญย ฮู่ง, เฮเซคียา, ‘เม่ย ไม้ ตู๋ง หมวัง เม่ย เขา เญย ทิน-ฮู่ง ดั๊ว เม่ย. นิ่น ก๊อง, “เยลูซาเลม ฒู้ง ไม้ หฒุ จิว ปุน เยียม อัดซีเลีย ฮู่ง เญย ปั์ว-เดี๊ย.” 11เม่ย ไฮ์ ก๊อง อัดซีเลีย เญย หฒวัง ฮู่ง ฮนั้ง หาย นอ โหฒว ปุน หม่าน กั๊วะ หฒุ เหมียด เหฑ่ง หมี่ อ๊ะ. เม่ย ฮนั้ม ต้าย เม่ย ไฮ่ ตุ๊ เหฌียว เญย ไฟ? 12วั้ว เต๋ย เหฒีย นอม กั๊วะ เญย เฒี่ยน ไฮ่ เหฌียว นิ่น บัว ไฟ? เซ เยีย เญย อง-ถาย เหมียด วั้ว เต๋ย กั๊วะ เญย เฒี่ยน, ต้ง โกซาน, ฮาลาน, เลเซ้บ เหธา เยียม เทนอัดสา เญย เอเดน เมี่ยน เญย เฒี่ยน. 13ฮามัด เญย ฮู่ง, อานปัด เญย ฮู่ง, เสฟานวาอิม ฒี่ง ไฟ เฮนา ไฟ อิบวา เญย ฮู่ง เตี๋ย เยียม หาย?’”
เฮเซคียา เต๋า เก๋า
(เป๊ย หมั่ง 2 ฮู่ง โต้ว 19:14-19)
14เฮเซคียา โตะ ลิ์ว โต่ว เฝียน เมี่ยน ต้อ ต้าย เญย เฝียน, นิ่น ฯฒฯ เปียะ หฒั่ง เฒี้ยว เญย เปย๊า คอย เฝียน อัน เจี๊ยน เฒี้ยว เญย หฑะเฮมียน. 15เฮเซคียา เต๋า เก๋า ก๊อง บั๋ว เฒี้ยว, 16“โอ เน่น เจี๋ย เญย เฒี้ยว, อิสะลาเอน เญย ทิน-ฮู่ง, ต้ง เยียม วั้ว เต๋ย อี เต้า เคลูบิม บุด๋ง#37:16 ฟาน หฒะ ก๊อง กู้ หงว่าย. เญย เหว่ย#ธ้วด อียิบ 25:22 วั้ว เต้า อ้า! ขูง เม่ย กั้น โหฒว ลู่ง เดี๊ย หม่าน กั๊วะ เญย ทิน-ฮู่ง. เม่ย เหฒย ลู่ง เหฒย เดา. 17โอ เฒี้ยว อ่า, โท้ แปง มน่อม หมวัง. โอ เฒี้ยว อ่า, โท้ หนูง ฆอย มฒีง หมั่ง. หมวัง เซนนาเคลิบ เญย หว่า, เซ นิ่น พ้าย เมี่ยน ต้าย คี เฒี่ยง เจี๊ยน เญย ทิน-ฮู่ง เญย เหยียด ฒู้ง หว่า.
18“โอ เฒี้ยว อ่า, หฒะเก้ง เฒียน เญย. อัดซีเลีย เญย ฮู่ง ป่าย หว่าย น้าย เต๋ย หม่าน กั๊วะ หม่าน ฝีง หย่า ปุน นิ่น บัว เญย เต่ย-ปูง เป๋น เดา-ฮวาง เหฑ่ง. 19หย่า เฒาะ เต่ย-ปูง เญย เฒี่ยน ฒอย เปียะ โต์ว เหมียด เหฑ่ง, เหว่ย หฒุ ไม้ เฒ์ย เฒี่ยน, เซ เมี่ยน กั้น เญย ปั์ว หล่ง เดี๋ยง, หล่ง หละเปย๊ย โหฒว ต้าย. 20โอ เฒี้ยว, เยีย บัว เญย ทิน-ฮู่ง อ่า, โท้ เหฌียว เยีย บัว เปย๋า ดุ๊ด อัดซีเลีย ฮู่ง เญย ปั์ว-เดี๊ย เหว่ย ปุน ลู่ง เดี๊ย หม่าน กั๊วะ เมี่ยน ฮิ้ว ตุ๊ เม่ย กั้น โหฒว เฒี้ยว. ”
เซนนาเคลิบ หฒุ ป่าย
(เป๊ย หมั่ง 2 ฮู่ง โต้ว 19:20-37)
21อาม้อด เญย ตอน, อิสะยา, ปุน หว่า มี่ง บั๋ว เฮเซคียา, “เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย นอ ก๊อง, ‘เม่ย เต๋า เก๋า ก๊อง เถา อัดซีเลีย เญย ฮู่ง, เซนนาเคลิบ, วั้ว เต๋ย หว่า เยีย ไฮ์ หมี่ อ๊ะ.’ 22น้าย เซ เฒี้ยว เญย หว่า ก๊อง นิ่น,
“‘สิโอน ฒี่ง เญย เมี่ยน#37:22 ฮิบลู หว่า ก๊อง “สิโอน เญย ไม้ เปว๋ย เจี๋ย ตอน เญย เซียะ, สิโอน.”
หมั่ง เผีย เม่ย, ฮว้วด เม่ย.
เยลูซาเลม เมี่ยน#37:22 ฮิบลู หว่า ก๊อง เยลูซาเลม เญย เซียะ. เยียม เม่ย บัว เญย ฆะฮ้า ฆาง หฮวัง มฆ้อง ปุน เม่ย.
23เม่ย ก๊อง โตะ คี หาย เต้า?
เม่ย หล่ง เม่ย เญย เฉีย ก๊อง หาย เต้า?
เม่ย หล่ง เม่ย เญย มฒีง โหฒว เหมา ปุน หาย เต้า?
เม่ย โหฒว ปุน อิสะลาเอน เญย ธีง-เหฑ่ง ทิน-ฮู่ง.
24เม่ย หล่ง เม่ย เญย โต่ว เฝียน เมี่ยน คี เฒี้ยว.
เม่ย ก๊อง, “เยีย หล่ง เยีย เบ๊าะ จ๋า เญย ม์า-เธีย ธั้ม
ฝาว ฮลัง ไห่ เญย บง,
ฒู้ง เปียะ เลบานอน โด เจี๋ย เญย ต๋อง.
เยีย ก๋อย เก้า ฮลัง เจี๋ย เญย สีดา ฒ่ง เดี๋ยง
หย่า ก๋อย เก้า หลง เจี๋ย เญย ฒ่ง.
เยีย เปียะ หล่ม เถา เก้า โก เจี๋ย เญย ต๋อง,
เปียะ เถา เก้า โฮ์ เจี๋ย เญย เก้ม.
25เยีย เยียม กั้น นอม เต่ย-ปูง เว้ด ววม-ค้วด
หย่า เยียม วั้ว ฮบ ววม.
เยีย หล่ง เยีย เญย เหฒา-เป๊น
กว้าย อียิบ เต่ย-ปูง เญย เหยียด ฒู้ง โด๊ะ ฆาย.”’
26“เฒี้ยว ก๊อง, ‘เม่ย บัว ไม้ ไฮ์ เจี๋ย ไฟ?
เยีย ตี่ง เหฒียง เล่า อ๊ะ.
โล์-ฮนอย เยีย ต๊า หฒะเอ๋ย,
อี้ หฒั่น ปุน ธ้วด ต้าย อ๊ะ.
เซ เยีย หล่ง เม่ย โหฒว ปุน เว่ย ว้วน เญย ฒี่ง
บาง เป๋น กะน้าย-ดุย.
27น้าย เต๋ย ฒี่ง เญย แปะ ฝีง เญย ชะ เหฑ่ง หมี่ อ๊ะ.
นิ่น บัว ฯฒฯ เฮญี้ยว หว่าย เหฑ่ง หย่า หฒุ ไญ้.
นิ่น บัว เซ ฮนั้ง เยียม เดา-ฮวาง เญย เมี้ย,
ฮนั้ง เมี้ย-ยาง หลุน เญย นอ,
เซ ฮนั้ง เยียม เปย๊า-ง่อ ธ้วด ต้าย เญย เมี้ย,
ไม้ แก้ง โฮล, หฒุ หญุด โต์ว ปั๊ว ฆาย.
28“‘มป่า เยีย ฮิ้ว ตุ๊ เม่ย เยียม หาย,#37:28 ไฟ เฒว์ย เหฌี่ย.
หย่า ฮิ้ว ตุ๊ เม่ย หาย หฒั่น ธ้วด มี่ง แอ๋ง เปียะ ต้าย.
เยีย หย่า ฮิ้ว เม่ย เฉีย เจี์ย โน์ว เยีย.
29หลาย เม่ย เฉีย เจี์ย, โน์ว เยีย, ก๊อง เยีย,
เม่ย ปู๋ง เญย หว่า-เหมา หย่า เถา เยีย เญย มน่อม.
เยีย ฯฒฯ หล่ง เยีย เญย เฮลียะ-เงา, เงา เจี๊ยน เม่ย เญย บะฒอง,
หย่า เฒาะ เยีย เญย ฮั่น โค้ว ฟับ เจี๊ยน เม่ย เญย ฑุ่ย,
ปุน เม่ย ต๋าว ฆาง หฑวน
เม่ย ต้าย เญย เจ๊า.
30“‘โอ เฮเซคียา อ้า! น้าย เซ เหว่ย เม่ย โหฒว นอม จั๋ง-โห่.
อี้ หฮญัง เม่ย บัว ตุ๊ หญั่น นิ่น กั้น ธ้วด เญย กะน้าย,
ตะเหญ่ย หฮญัง ฟี่ ฮนั้ง เญย ตุ๊ หญั่น นิ่น กั้น ธ้วด ต้าย เญย กะน้าย.
มป่า ตะฟาม หฮญัง อ๋อย หฒุ หฒวัง หย่า อ๋อย หฒุ เซียว,
อ๋อย หฒุ โหฒว หฮวีง หฒวัง อะหงุ่น เปี๊ยว หย่า หญั่น วั้ว เต๋ย เปี๊ยว.
31ยูดา เญย เฒ้ย-ฟุน ตุ๊ แหม่ง ธ้วด เหฒ่ง เหฌี่ย เญย เมี่ยน,
ฯฒฯ ฮนั้ง กะน้าย-หฒวัง,
กอน เหฌี่ย ฑู่ง, กู้ หงว่าย เฒี่ยง เปี๊ยว.
32เหว่ย หฒุ ม่าย เต๋ย เหฒ่ง เหฌี่ย เญย เมี่ยน อ๋อย เยียม เยลูซาเลม ธ้วด,
แอ๋ง ม่าย เต๋ย เปย๋า ดุ๊ด แหม่ง เญย เมี่ยน เยียม สิโอน บง ธ้วด ต้าย.
เน่น เจี๋ย เญย เฒี้ยว ด่ง หาย ฒู้ง อ๋อย ฮนั้ง น้าย นอ โหฒว.’#37:32 ไฟ “อ๋อย จอม เฮญี้ยว เญย ฮนั้ง น้าย นอ โหฒว”.
33“เหว่ย น้าย เฒี้ยว ฮนั้ง น้าย นอ ก๊อง อัดซีเลีย เญย ฮู่ง,
“‘นิ่น ไม้ ตุ๊ เปียะ น้าย นอม ฒี่ง,
หย่า ไม้ ป๊วน เหยียด ฑิด ฟอง เปียะ.
นิ่น ไม้ ตุ๊ นั้น ท้อง-ป้าย เยียม น้าย นอม ฒี่ง เญย หฑะเฮมียน,
หย่า ไม้ ตุ๊ ดุย เนีย ฮลัง เบ๊าะ ฒี่ง.#37:33 เป๊ย หมั่ง 1 ฮู่ง โต้ว 19:32.
34นิ่น ยั่ง หาย ติ้ว เจ๊า ต้าย,
นิ่น หย่า อ๋อย หฒุ ยั่ง วั้ว ติ้ว เจ๊า หฑวน.
นิ่น ฒู้ง ไม้ เปียะ น้าย นอม ฒี่ง.’
น้าย เซ เฒี้ยว ก๊อง เญย หว่า.
35“‘เหว่ย เยีย กั้น หย่า เหว่ย เยีย เญย โปว, ดาวิด,
เยีย อ๋อย เปว เจี๊ยน น้าย นอม ฒี่ง,
หย่า อ๋อย เหฌียว น้าย นอม ฒี่ง.’”
36วั้ว ม์วน เฒี้ยว เญย ฟิน-เมี่ยน ธ้วด มี่ง เยียม อัดซีเลีย เมี่ยน เญย เธี้ยง ไต๋ เหยียด สิน เหฮยียด หว่าน ปยา ธิน เต้า เมี่ยน ไต่. ตะเหญ่ย ดอม เฑี้ยว เญย เมี่ยน เจี์ย ซิน ต้าย ปวัด เหยียด ฒู้ง เป๋น เซย เหฑ่ง หมี่ อ๊ะ. 37อัดซีเลีย เญย ฮู่ง, เซนนาเคลิบ, ฯฒฯ เล่ย ฆอย วั้ว นอม ต๋อง หฑวน มี่ง เยียม นินะเว.
38ม่าย ฮนอย เซนนาเคลิบ เยียม หมิ่ว-เปย๊า กะญั์ว ป๋าย นิ่น เญย เฒี่ยน, นิดโล้ก, วั้ว หฒั่น, ม่าย อี เต้า นิ่น เญย ตอน, อัดลัมเมเล้ก เหธา ซาเลเซ, หล่ง หฑุ ด๊าว ไต๋ นิ่น. ฆะฮ้า ฯฒฯ เปย๋า มี่ง เยียม อาลาลัด เต่ย-ปูง. เซนนาเคลิบ เญย ตอน, เอสานฮัดโดน, หฑิบ เจี๊ยน นิ่น โหฒว ฮู่ง.
Currently Selected:
อิสะยา 37: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
