อิสะยา 35
35
เฒี้ยว เญย แปะ ฝีง ตุ๊ หลง ฮนั้ง โล์ นอ
1เต่ย- ปูง-ฮวาง เหธา เดา-ฆาย อ๋อย อะเฮน้ย.
เต่ย-ปูง-ฮ์าน อ๋อย เฌียน-โย่ว เญย ฆอย เปี้ยง,
2ฒู้ง อ๋อย ฆอย เหฑว่ย เญย เปี้ยง ธั้ม เญย
หย่า เฌียน-โย่ว เญย เห่ว เจี๊ยน ออน-เหลาะ เญย ป๋าว ฑูง.
นิ่น อ๋อย ตุ๊ ฌัง-หล่าง ฮนั้ง เลบานอน เญย ฌัง-หล่าง,
หย่า อ๋อย เหฑว่ย ไห่ ฮนั้ง คานเมน เหธา ซาโลน.
นิ่น บัว ตุ๊ ปวัด เฒี้ยว เญย ฌัง-หล่าง,
หย่า ตุ๊ ปวัด เยีย บัว เญย ทิน-ฮู่ง เญย ฮ่าง ต้าว.
3เม่ย บัว อ๋อย หฒุ ปุน เมา เญย ปั์ว เฮ้น,
หย่า ปุน ไม้ ม่าย ชะ เญย ธี่ง เบาะ โซ้ว ตุ๊ ว้วน.#ฮิบลู 12:12
4อ๋อย หฒุ บั๋ว ต๊าม มับ เญย เมี่ยน,
“อ๋อย หฒุ เฮ้น, ไม้ ตู๋ง กั้ม เหฑีย.
เม่ย เญย ทิน-ฮู่ง อ๋อย ต้าย
จ๊าว วิน,
นิ่น อ๋อย ต้าย ตี่ง เม่ย บัว เญย วิน-วั้ง เญย ฒุ์ย,
ฒู้ง อ๋อย ต้าย เหฌียว เม่ย บัว.”
5วั้ว หฒั่น มฒีง แม่ง เญย เมี่ยน ไฮ่ หมั่ง ตุ๊ ปวัด,
มน่อม ดูง เญย เมี่ยน ไฮ่ หมวัง ตุ๊ ไฮ์.#มัดทาย 11:5; ลูกา 7:22
6วั้ว หฒั่น เหฒา ไบ เญย เมี่ยน ไฮ่ ถิว ฮนั้ง ไฌ่,
กะน้าย-หฮงง เญย เบียด ไฮ่ เฌียน-โย่ว เญย ป๋าว ฑูง.
เต่ย-ปูง-ฮวาง อ๋อย ม่าย ววม แป๊ด ธ้วด,
เต่ย-ปูง-ฮ์าน ฒู้ง ม่าย โด๊ะ เหลี่ยว เหฌี่ย.
7จอม ไห่ เญย ซา-เฒียว อ๋อย ทิ้ว เป๋น ววม-ต้ม,
บ๋อง ฆาย เญย เดา อ๋อย ธ้วด ววม-ฒี้ง.
เยียม เฮยี่ย จู๊ เปว๋ย เญย ต๋อง
เมี้ย อ๋อย ทิ้ว เป๋น หลัวะ ติ เหธา ตัง-โธ้ เมี้ย.
8เยียม วั้ว อ๋อย ม่าย ติ้ว ต้ม เจ๊า.
วั้ว ติ้ว เจ๊า เมี่ยน อ๋อย เห่ว ธีง-เหฑ่ง เจ๊า.
ม่าย หวุย เญย เมี่ยน ไม้ ตุ๊ ยั่ง วั้ว ติ้ว เจ๊า,
เซ ขูง เหว่ย ทิน-ฮู่ง เญย เมี่ยน ยั่ง ฮนั้ง,
เลี่ยม หฮงง เญย เมี่ยน ไม้ ไฮ่ ยั่ง ต่อง.
9เยียม หน่าย ไม้ ม่าย เซี่ยน,
หย่า ไม้ ม่าย เธี้ยว เญย เฮยี่ย ฒ่อย ฝาว.
เยียม วั้ว ไม้ ม่าย หาย เต้า ตุ๊ ปวัด นิ่น บัว.
ขูง ม่าย ตุ๊ หฒัวะ หฑวน เญย แปะ ฝีง ไฮ่ ยั่ง หน่าย ฮนั้ง.
10 เฒี้ยว หฒัวะ เญย เมี่ยน อ๋อย หฑวน.
นิ่น บัว อ๋อย ป๋าว เจี๊ยน ฑูง เปียะ สิโอน.
นิ่น บัว ฯฒฯ ม่าย ออน-เหลาะ ฮนั้ง นอม ฮู่ง นี้ง ปุน นิ่น บัว เหยียด ลิ์ว ด๋ง เจี๊ยน.
นิ่น บัว อ๋อย ตุ๊ เฌียน-โย่ว ออน-เหลาะ เถา ต้าว.
โยว-เฑ่า เหธา เท้า เฉีย-โดะ เญย เจ๊า หย่า เจี๋ย เหฑ่ง.
Currently Selected:
อิสะยา 35: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
