อิสะยา 25
25
เธง ทิน-ฮู่ง เญย ฑูง
1โอ เฒี้ยว อ่า, เม่ย เซ เยีย เญย ทิน-ฮู่ง.
เยีย อ๋อย ท่าย เม่ย หย่า เธง เม่ย เญย เม่ง,
เหว่ย หฒุ เม่ย โหฒว บัวะ ฮ่อง เญย สี่,
หฒิว เม่ย โล์-ฮนอย ตี่ง ต้าย เญย หฒะเอ๋ย
เหฒียบ ฒัวะ, ตุ้น ยุ่น เญย โหฒว เหฒียง.
2เม่ย ปุน ฒี่ง เป๋น กะน้าย-ดุย,
เว่ย ว้วน เญย ฒี่ง หฒุ ป่าย หว่าย.
เม่ย ปุน กั้น ฝีง เมี่ยน ว้วน เญย ฒี่ง#25:2 ม่าย เต๋ย โซว ฟาน ต้าย ก๊อง ฮู่ง ติ่น. เยียม น้าย มี่ง ไม้ ไฮ่ เป๋น ฒี่ง,
เหยียด ลิ์ว ไม้ ตุ๊ แอ๋ง เหธย เจี์ย.
3เหว่ย น้าย เฮ้น เญย เมี่ยน ม่าน อ๋อย เธง เม่ย,
เมี่ยน โตะ เมี่ยน เญย กั๊วะ เญย ฒี่ง อ๋อย ท่าย เม่ย.
4เหว่ย หฒุ เม่ย โหฒว เมี่ยน จ่ม เมี่ยน ด้าว เขา เญย ต๋อง,
หย่า โหฒว ต๋อง ปุน ตั๋ง-ต๋น เมี่ยน หฒุ โค้ว เญย เฒี่ยง โห่ เขา ว้วน,
แอ๋ง เป๋น ปี๋ง ต้ม หฑยาว เญย ต๋อง,
หย่า เถง เมี่ยน ปี๋ง หญุด ท้อง ล่าง.
เหว่ย หฒุ เมี่ยน โตะ เมี่ยน เญย เฉีย
เซ ฮนั้ง ต้ม หฑยาว ป่วน ฒี่ง หลาด,
5หย่า ฮนั้ง เต่ย-ปูง-ฮ์าน จอม เญย เฉีย.
เม่ย ตั๊ง เจี๊ยน กั้น ฝีง เมี่ยน บุย เญย เฉีย.
บ๋วน ท้อง เจี๊ยน ปุน ยัวะ เญย เฉีย ฮนั้ง หาย นอ เสี่ยน มี่ง,
เมี่ยน โตะ เมี่ยน เญย เฉีย ฮนั้ง วั้ว นอ เซ้ก หมี่ อ๊ะ.
ทิน-ฮู่ง เบ่น ต๋น หลง เจี๋ย เญย ไล-หฮนาง
6เยียม น้าย นอม บง#25:6 เซ สิโอน บง. กู้ หงว่าย, เน่น เจี๋ย เญย เฒี้ยว อ๋อย เหว่ย หม่าน ฝีง,
เบ่น หลง เจี๋ย เญย ไล-หฮนาง,
ม่าย เซียว เจี๊ยน เล่า เญย อะหงุ่น ติ๊ว,
เซ หลง เจี๋ย เญย ติ๊ว เหธา หลง เจี๋ย เญย หญั่น ฮบ.#25:6 ฮิบลู หว่า ก๊อง “จุ่น ไห่ เญย อ๊อ, บู๊ง-ฟิม หย่า ม่าย เฮมย”.
7เยียม น้าย นอม บง นิ่น อ๋อย เหมียด ท้อง หม่าน ฝีง เญย กะน้าย,
เหธา บย์อง หม่าน กั๊วะ เมี่ยน เญย เดีย.#25:7 ม่าย เต๋ย โซว ก๊อง เดีย-ตั้ม.
8นิ่น อ๋อย นะ หฒุ ไต่ เญย ชะ เถา เหยียด ลิ์ว.
เฒี้ยว ทิน-ฮู่ง อ๋อย ซ้อด ฆอย โม์ว เต้า เมี่ยน เญย ววม-เหมว่ย.#1 โคลินโท 15:54; หล่าว ย่าง 7:17; 21:4
นิ่น เญย แปะ ฝีง เยียม ก๋อม ลู่ง เดี๊ย หฒุ เตี๊ย ไญ้, ทิน-ฮู่ง อ๋อย เฒาะ ฆอย.
น้าย เซ เฒี้ยว ก๊อง เญย หว่า.
9เถา วั้ว ฮนอย เมี่ยน อ๋อย ก๊อง,
“น้าย เซ เยีย บัว เญย ทิน-ฮู่ง.
เยีย บัว ฒั้ว เจี๊ยน นิ่น เหว่ย ปุน นิ่น เหฌียว เยีย บัว.
น้าย เซ เฒี้ยว, เยีย บัว มต้าย ฒั้ว นิ่น.
เยีย บัว อ๋อย หฒุ เหว่ย นิ่น เญย เหฌียว เอน อะเฮน้ย, ออน-เหลาะ.”
โมอับ หฒุ ตี่ง ฒุ์ย
10 เฒี้ยว เญย ปั์ว อ๋อย เยียม น้าย นอม บง,
มป่า โมอับ เมี่ยน อ๋อย เยียม กั้น เญย ต๋อง หฒุ ธ้าย เหฌี่ย,
ฮนั้ง เบย้า ฆ้าว หฒุ ธ้าย เหฌี่ย ไฆ้-ดุย กะญั์ว.#อิสะยา 15:1—16:14; เยเลมี 48:1-47; เอเสเคน 25:8-11; อาโม้ด 2:1-3; เสฟันยา 2:8-11
11นิ่น ฯฒฯ เยียม หน่าย กะญั์ว ซูง ปั์ว ธ้วด
ฮนั้ง เฒี่ยว ววม เมี่ยน ซูง ปั์ว ธ้วด เฒี่ยว ววม นอ.
มป่า ทิน-ฮู่ง อ๋อย ปุน นิ่น บัว โหฒว เหมา เญย เจ๊า,
เหธา นิ่น บัว เญย ปั์ว เญย ปั์ว-เต้า โหฒว เญย,#25:11 ฮิบลู หว่า เซ ไม้ หนั่ง เม่ง. ม่าย เต๋ย โซว ก๊อง “กู๊ ไกว๋ เญย หฒะเอ๋ย”. ด๊อด เหฌี่ย ไอ๊.
12เม่ย บัว ว้วน เญย, ฮลัง เญย ฒี่ง หลาด
นิ่น อ๋อย แธะ เหฌี่ย,
บาง เหฌี่ย เถา เดา,
ฒู้ง เหฌี่ย เถา เนีย-บูง.
Currently Selected:
อิสะยา 25: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
