อิสะยา 26
26
ทิน-ฮู่ง ปุน นิ่น เญย แปะ ฝีง ฮี่ง เจี๋ย
1ต้ง วั้ว ฮนอย เยียม ยูดา เต่ย นิ่น บัว อ๋อย ป๋าว น้าย ติ้ว ฑูง.
เยีย บัว ม่าย นอม ว้วน เญย ฒี่ง,
ทิน-ฮู่ง เญย เหฌียว เอน โหฒว ฒี่ง หลาด เว่ย เจี๊ยน.
2คอย ฆอย ฒี่ง แก้ง ปุน วั้ว นอม กั๊วะ เญย คู้ เมี่ยน,
เซ กัน หลง ทิน-ฮู่ง เญย เมี่ยน เปียะ ต้าย.
3เหลียบ ตี่ง เฮญี้ยว เญย เมี่ยน เม่ย ปุน ม่าย แป้ง ออน ตุ้น ยุ่น เญย,
เหว่ย หฒุ นิ่น เขา เม่ย.
4อ๋อย หฒุ เหยียด ลิ์ว เขา เฒี้ยว,
เหว่ย หฒุ เฒี้ยว ทิน-ฮู่ง เซ เหยียด ลิ์ว เยียม เญย หละเปย๊ย.
5นิ่น ปุน เยียม ฮลัง เญย ต๋อง วั้ว เต๋ย
เหธา เยียม ฮลัง เญย ฒี่ง
เหฌี่ย เหฑ่ง, บาง เหฌี่ย เถา เดา.
ฒู้ง บาง เหฌี่ย เถา เนีย-บูง.
6เหฒา ฯฒฯ ธ้าย เจี๊ยน,
เซ เมี่ยน จ่ม เมี่ยน เญย เหฒา,
เหธา ตั๋ง-ต๋น เมี่ยน เญย เหฒา-ธ้าย.
7คู้ เมี่ยน ยั่ง เญย เจ๊า เซ แป้ง เญย.
หฒีง เญย เฒี้ยว อ่า,
เม่ย ปุน คู้ เมี่ยน เญย เจ๊า ย่วน.
8โอ เฒี้ยว อ่า, เยีย บัว กัน เม่ย เซี้ยม เญย เจ๊า,#26:8 ไฟ เม่ย เญย เล์ย-หลัด. หย่า ฒั้ว เจี๊ยน เม่ย.
เยีย บัว เญย เฮญี้ยว เก้า อ๋อย เจี๋ย เญย
เซ เม่ย เญย เม่ง เหธา หอบ หฒุ จั๋ง เญย บั๋ว.
9ลู่ง ม์วน หฒั่น เยีย เญย เฮญี้ยว จั๋ง ไห่ เม่ย,
เยีย เญย เฮญี้ยว ชะ ล์อ เม่ย.
เหว่ย หฒุ เม่ย เยียม ลู่ง เดี๊ย เซี้ยม เญย เฒี่ยง โห่,
ลู่ง เดี๊ย เมี่ยน ฯฒฯ ฮิ้ว ตุ๊ โหฒว หอบ เญย เจ๊า.
10สี ก๊อง เหธย เอน ปุน เอ๊าะ เมี่ยน,
นิ่น ไม้ โหะ ฮิ้ว โหฒว หอบ เญย เจ๊า.
นิ่น เยียม เฮญี้ยว หฒีง เญย เมี่ยน เญย เต่ย-ปูง โหฒว เอ๊าะ สี่,#26:10 ไฟ ไม้ แป้ง ฟิม.
หย่า เฒียะ ไม้ ตุ๊ เฒี้ยว เญย ฮ่าง ต้าว.
11โอ เฒี้ยว อ่า, เม่ย เญย ปั์ว ซูง ฮลัง,
นิ่น บัว หย่า ไม้ ปวัด.
โท้ ปุน นิ่น บัว ปวัด เม่ย เหว่ย เม่ย เญย แปะ ฝีง จอม เฮญี้ยว,
นิ่น บัว ฯฒฯ หฒุ ไญ้.
โท้ ปุน เม่ย เญย วิน-วั้ง หฒุ โต์ว ปั๊ว ชุย.#ฮิบลู 10:27
12โอ เฒี้ยว อ่า, เม่ย อ๋อย เหลียบ แป้ง ออน ปุน เยีย บัว.
เยีย บัว โหฒว เหฒียง เญย เหยียด ฒู้ง เซ เม่ย เหว่ย เยีย บัว โหฒว.
13โอ เฒี้ยว, เยีย บัว เญย ทิน-ฮู่ง อ่า,
ธ้วด ลิ์ว เม่ย, ม่าย เหญี่ย เญย เฒี้ยว กุ๊น เยีย บัว,
มป่า เยีย บัว ขูง เหญี่ยม เม่ย เญย บั๋ว ฮนั้ง.
14นิ่น บัว ไต่ มี่ง, ไม้ ไฮ่ แอ๋ง ตุ๊ แหม่ง เฒี่ยง,
นิ่น บัว เยียม เยี่ยม เกน, ไม้ ไฮ่ นั่ง.
เม่ย ตี่ง นิ่น บัว เญย ฒุ์ย หย่า เหมียด นิ่น บัว,
เม่ย ซ้อด กวั่ง นิ่น บัว เญย เม่ง โห่,
ไม้ ม่าย หาย เต้า จั๋ง ตุ๊ นิ่น บัว.
15โอ เฒี้ยว อ่า, เม่ย ทิบ เยีย บัว เญย กั๊วะ เญย แปะ ฝีง,
เม่ย ทิบ เยีย บัว เญย กั๊วะ เญย แปะ ฝีง, เม่ย ฯฒฯ ตุ๊ เมี่ยน ท่าย.
เม่ย ธับ กั๊วะ เญย ปูงๆ กั๊บ-จ๋าย จั๊ง ธ้วด.
16 เฒี้ยว อ่า, นิ่น บัว หฒุ โค้ว เญย เฒี่ยง โห่ นิ่น บัว ต้าย ล์อ เม่ย.
เม่ย เบ๊าะ หฌาว นิ่น บัว วั้ว หฒั่น,
นิ่น บัว ชะ ก๊อง ธ้วด เต๋า เก๋า เญย หว่า.#26:16 น้าย โต่ว ฮิบลู หว่า เซ ไม้ หนั่ง เม่ง.
17ฮนั้ง มเซียะ อ๊า ลั่ม ดุ๊ด ซิน เญย เฒี่ยง โห่,
มุน ตุ๊ โค้ว ไห่, ชะ เห่ว.
โอ เฒี้ยว อ่า, เยีย บัว เยียม เม่ย เญย หฑะเฮมียน ฮนั้ง วั้ว นอ.
18เยีย บัว หย่า ม่าย เจี๊ยน ซิน, มุน ตุ๊ โค้ว,
มป่า ขูง ยู์ง ธ้วด เญย เซ ฮนั้ง หฑยาว.
เยีย บัว ไม้ ไฮ่ โหฒว หาย หญู่ง เหว่ย เหฌียว ลู่ง เดี๊ย,
หย่า ไม้ ม่าย เมี่ยน ธ้วด เสย เยียม ป้าม เกน.#26:18 น้าย เต๋ย อี เลี์ยว ฮิบลู หว่า เซ ไม้ หนั่ง เม่ง.
19มป่า เม่ย เญย เมี่ยน,#26:19 ฮิบลู หว่า ก๊อง ไต่ มี่ง เญย เมี่ยน. ไต่ มี่ง แอ๋ง อ๋อย เฒี่ยง เจี๊ยน,
นิ่น บัว เญย เซย แอ๋ง อ๋อย นั่ง ต้าย.
เปว๋ย เจี๊ยน เนีย-บูง เญย เมี่ยน อ้า!
เญีย ต้าย เฌียน-โย่ว เญย ป๋าว ฑูง.
เม่ย เถง เดา เญี์ยม ฮนั้ง ลู่ง ดอม เญย บยู่ง-ซุ้ย,
เม่ย หย่า อ๋อย ปุน ไต่ มี่ง เล่า เญย เมี่ยน แอ๋ง นั่ง ต้าย.
20เยีย เญย แปะ ฝีง อ้า! อ๋อย หฒุ เปียะ เม่ย บัว เญย เกน, กวน เจี๊ยน แก้ง,
อ๋อย หฒุ ปี๋ง เจี๊ยน หล่ง ติ๊ เตียน เฒี่ยง โห่
ฒั้ว เถา นิ่น เฉีย เจี์ย เญย เฒี่ยง โห่ เจี๋ย.
21หมั่ง ม่าะ! เฒี้ยว อ๋อย เยียม นิ่น กั้น เยียม เญย ต๋อง ธ้วด ต้าย
ตี่ง ลู่ง เดี๊ย เมี่ยน โหฒว ต่อง เญย ฒุ์ย.
เดา อ๋อย หิ่น ธ้วด หฒุ ไต๋ ไต่ เญย เมี่ยน เญย ฑย้าม,
ไม้ แอ๋ง ปย๊บ หฒุ ไต๋ ไต่ เญย เมี่ยน.
Currently Selected:
อิสะยา 26: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
