อิสะยา 17
17
ทิน-ฮู่ง อ๋อย ตี่ง ซีเลีย เญย ฒุ์ย
1น้าย เซ ก๊อง เถา ดามัดกัด เญย หว่า,
“หมั่ง ม่าะ! เยียม น้าย มี่ง ดามัดกัด ไม้ เป๋น ฒี่ง อ๊ะ,
มป่า เป๋น เหยียด ดุย กะน้าย-บาง.#เยเลมี 49:23-27; อาโม้ด 1:3-5; เสคาลิยา 9:1
2อาโลเอ เต่ย เญย เหฒีย นอม ฒี่ง อ๋อย เป๋น เดา-ฮวาง,
เป๋น ปู๋ง ปะกี ยู่ง เหธา ยู่ง เญย ต๋อง.
นิ่น บัว ตุ๊ เยียม หน่าย เปว๋ย,
หย่า ไม้ ม่าย หาย เต้า แฮะ นิ่น บัว กั้ม เหฑีย.
3เอฟาอิม เว่ย ว้วน เญย ต๋อง ไม้ ม่าย อ๊ะ.
ดามัดกัด เญย ฮู่ง หลี่ง อ๋อย เจี๋ย หมี่ อ๊ะ.
เหฒ่ง เหฌี่ย เญย ซีเลีย เมี่ยน
หย่า ฮนั้ง อิสะลาเอน เญย ฌัง-หล่าง.”#17:3 ม่าย เต๋ย โซว ฟาน ต้าย ก๊อง “...ฌัง-หล่าง เจี๋ย หมี่ อ๊ะ”.
เน่น เจี๋ย เญย เฒี้ยว ฮนั้ง น้าย นอ ก๊อง.
อิสะลาเอน เมี่ยน หฒุ ตี่ง ฒุ์ย
4“เถา วั้ว ฮนอย ยาโค้บ เญย ฌัง-หล่าง ฯฒฯ หฒิด หมี่ อ๊ะ.
นิ่น จุ่น เญย ซิน หย่า อ๋อย หฒุ ไจ่ เจี๊ยน เหฌี่ย.
5เถา วั้ว หฒั่น อ๋อย หฒุ ฮนั้ง ก๊าด เบย้า เมี่ยน ก๊าด เฒี่ยง เจี๊ยน เญย เบย้า,
นิ่น เญย ปั์ว ก๊าด เบย้า ต๊อ.
หย่า อ๋อย หฒุ ฮนั้ง เต้า เมี่ยน เยียม เลฟาอิม ฮ์อง
เฑ์า ด๊อด เหฌี่ย เญย เบย้า ต๊อ.
6มป่า เยียม หน่าย หธ่อ ม่าย เต๋ย เหฒ่ง เหฌี่ย เญย,
ฮนั้ง เมี่ยน พยุ กะลั้น เดี๋ยง,
เยียม กู้ หงว่าย เดี๋ยง-เตว๊ย เญย ฆว่า เหฒ่ง อี ปัว นอม เปี๊ยว,
เยียม เฒี่ยง เปี๊ยว กิ๊ด เญย ฆว่า หย่า เหฒ่ง เปยย ปยา นอม.”
น้าย เซ เฒี้ยว, อิสะลาเอน เญย ทิน-ฮู่ง, ก๊อง เญย หว่า.
7เถา วั้ว ฮนอย เมี่ยน ฯฒฯ ม่าย ลั่ม ฮนั้ม เหฒย นิ่น บัว ต้าย วั้ว เต้า.
นิ่น บัว เญย มฒีง อ๋อย หมั่ง เจี๊ยน อิสะลาเอน เญย ธีง-เหฑ่ง ทิน-ฮู่ง.
8นิ่น บัว ฒู้ง ไม้ หมั่ง นิ่น บัว เญย เหฒี่ย-ต้อง,
เซ นิ่น บัว เญย ปั์ว เหธย ต้าย เญย กะน้าย.
นิ่น บัว ไม้ หมั่ง นิ่น บัว เญย ปั์ว-โด๊ะ โหฒว ต้าย เญย กะน้าย,
ไม้ กุ๊น อาเซลา เฒี่ยน เญ์ย เญย ฝัง ไฟ ปั๊ว ฮูง เตี้ย.
9เถา วั้ว ฮนอย, นิ่น บัว ว้วน ไห่ เญย ฒี่ง, ต้ง นิ่น บัว หลาย อิสะลาเอน เมี่ยน หฒุ กวั่ง ฮวาง ฯฒฯ เป๋น หล่ม-เบยาะ เหธา เดี๋ยง-ตอน-ฟ้ม#17:9 น้าย เซ กัน ฮิบลู หว่า. กีก หว่า ฟาน ต้าย ก๊อง “ฮนั้ง ฮีไว เหธา อาโมไล เมี่ยน กวั่ง ฮวาง เญย ต๋อง”. เญย ต๋อง เป๋น เดา-ฮวาง.
10เหว่ย หฒุ เม่ย บัว หละคุ เหฌียว เม่ย บัว วั้ว เต้า ทิน-ฮู่ง.
เม่ย บัว ไม้ จั๋ง เม่ย บัว ด้าว เขา เญย หละเปย๊ย.
เหว่ย น้าย เม่ย บัว หฒวัง กะน้าย-หฒวัง เหฑว่ย,
โหฒว หฮวีง เหว่ย หฒั่ง กั้น ฝีง เญย เฒี่ยน.
11ไม้ กุ๊น เม่ย หฒวัง วั้ว ฮนอย เม่ย ปุน นิ่น ธ้วด,
หฒวัง วั้ว ดอม เม่ย อ๊าบ ฆอย เปี้ยง,
มป่า หฒุ เฑ่า โค้ว, หฒุ มุน, หฒ่อ ไม้ หลง เญย ฮนอย,
เซียว ต้าย เญย กะน้าย เฒียง หน่าย ไม้ ม่าย อ๊ะ.
วิน-วั้ง เญย กั๊วะ หฒุ ป่าย
12โอ๊, เหฒีย นอม กั๊วะ เญย เมี่ยน บุย โธ่ๆ เญย,
ฮนั้ง ค้อย เสย ไห่ เญย ววม บุย โฒ์ๆ นอ.
โอ๊, เมี่ยน ธั้ม บุย โธ่ๆ เญย,
ฮนั้ง เสย ไห่ เญย ต้ม ววม โฒ์ๆ เญย บุย.
13ไม้ กุ๊น ธั้ม-ฝีง ฮนั้ง ค้อย เญย ววม เจี์ย หล่าง เสย, โฒ์ๆ เญย บุย,
ทิน-ฮู่ง หัด นิ่น บัว, นิ่น บัว โกๆ เญย เปย๋า หมี่ อ๊ะ.
นิ่น บัว หฒุ หฒุ่น ฮนั้ง เยียม บง เญย เบี๊ยะ-โธว หฒุ หฑยาว ป่วน นอ,
หย่า ฮนั้ง เนีย-บูง หฒุ หฑยาว-หฒุ่น เนี้ยว.
14ลู่ง ม์าน-หฮมวัง, เลี่ยม เฒ่ย ธ้วด กั้ม เหฑีย! ไห่ เญย สี่.
ไม้ แก้ง เถา ลู่ง ดอม, ไม้ ม่าย นิ่น บัว อ๊ะ.
น้าย เซ ลู้ เยีย บัว วั้ว เต๋ย ตุ๊ เญย ป่วน,
เซ ธ้าง เยีย บัว เญย กะน้าย วั้ว เต๋ย เญย ป่วน.
Currently Selected:
อิสะยา 17: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
