อิสะยา 16
16
โมอับ ไม้ ลั่ม ฮนั้ม ต๋อง
1เม่ย บัว อ๋อย หฒุ ฝูง
ปะกี ยู่ง ตอน มี่ง
ปุน กุ๊น เต่ย-ปูง วั้ว เต้า,
เยียม เซเอลา ยั่ง เต่ย-ปูง-ฮวาง
มี่ง เถา สิโอน บง#16:1 ฮิบลู หว่า ก๊อง สิโอน เญย เซียะ.
2โมอับ เมี่ยน#16:2 ฮิบลู หว่า ก๊อง โมอับ เญย เซียะ. เยียม อานโนน โด๊ะ เญย เจ๊า-โป่ว,
ฮนั้ง ได๋ เจี๊ยน เญย เหนาะ,
ฮนั้ง หฒุ หฒุ่น ธ้วด เล์า เญย เหนาะ ตอน.
3นิ่น บัว บั๋ว ยูดา เมี่ยน,
“โท้ เถง เยีย บัว ฮนั้ม,
เถง เยีย บัว ตี่ง.#16:3 ไฟ “โท้ โหฒว แป้ง ฟิม เญย”.
โท้ ปุน เม่ย เญย ต้ง ลิ่น ท้อง
ฮนั้ง ลู่ง เหฒียง อ๋าน เป๋น ลู่ง ม์วน หฒั่น เญย หฮมวัง.
เถง ปี๋ง หฒุ หฒุ่น เญย เมี่ยน,
ไม้ ตู๋ง หม่าย เปย๋า สี่ เมี่ยน.
4โท้ ปุน หฒุ หฒุ่น ธ้วด เญย โมอับ เมี่ยน
เหธา เม่ย บัว เยียม,
โท้ โหฒว นิ่น บัว ปี๋ง เญย ต๋อง
เหว่ย เปย๋า ดุ๊ด อ๋อย เหมียด เยีย บัว วั้ว เต้า.”
เหฒย เมี่ยน วั้ว เต้า เจี๋ย วั้ว หฒั่น,
หฒุ เหมียด เญย เจ๊า หย่า ตี้ง หมี่ อ๊ะ,
เยียม กั๊วะ กะญั์ว เหฒย เมี่ยน วั้ว เต้า หย่า ไม้ ปวัด หมี่ อ๊ะ.
5ฆะฮ้า ม่าย เต้า ดาวิด เญย เฒ้ย-ฟุน#16:5 ฮิบลู หว่า ก๊อง “เยียม ดาวิด เญย ด๊บ-ลิ่ว”.
หล่ง เหฒียบ ฒัวะ ฮนั้ม เมี่ยน เญย เจ๊า เหลียบ ฮู่ง เหว่ย.
นิ่น อ๋อย เฒว์ย เจี๊ยน เหฒียบ ฒัวะ เญย กุ๊น,
นิ่น อ๋อย เซี้ยม ฒุ์ย หย่า ล์อ แป้ง ฟิม เญย เจ๊า,
หย่า เซี้ยบๆ เญย โหฒว หอบ.
6เยีย บัว ไฮ์ ก๊อง โมอับ เมี่ยน เหมา ไห่,
หฒะเก้ง เหมา เจี๋ย ด่าง.
นิ่น บัว เธง-โฮล ปู๋ง หว่า-เหมา เฉีย เจี์ย,
มป่า นิ่น บัว ปู๋ง เญย หว่า-เหมา เป๋น ขูง-หว่า.
7เหว่ย น้าย โมอับ เมี่ยน ชะ เญี้ยม,
เต้าๆ เหว่ย โมอับ เญี้ยม บุย เญย.
นิ่น บัว เฑ่า เญี้ยม โค้ว ไห่
เหว่ย คีนหะเลเซ้ด เญย อะหงุ่น เปี๊ยว-ฆาย ฌั้ว.
8เฮ้ดโบน เญย เด่ย ฆาย เหฑ่ง,
สิบมา เญย อะหงุ่น เฮมย#16:8 จั๋น-แคะ หว่า ก๊อง พู่ เทา. หย่า ฆาย.
กุ๊น เหฒีย นอม กั๊วะ เญย ฮู่ง
โหฒว หว่าย เก้า หลง เจี๋ย เญย อะหงุ่น ฆว่า,
ต้ง ด๊าว มี่ง เถา ยาเซ,
แอ๋ง เจี๋ย มี่ง เถา เต่ย-ปูง-ฮวาง.
ฆว่า เญย หธุน หฮยาง เจี๊ยน มี่ง,
ฒู้ง เจี๋ย วั้ว หง่าน หฒิ ค้อย.
9เหว่ย น้าย เยีย เญี้ยม ฮนั้ง ยาเซ เมี่ยน,
เหว่ย สิบมา เญย อะหงุ่น เฮมย เญี้ยม.
เฮ้ดโบน เหธา เอเลอาเล อ่า,
เยีย เญย ววม-เหมว่ย อ๋อย เหลี่ยว เหฌี่ย ปุน เม่ย ดอน.
เฌียน-โย่ว เญย เห่ว เจี๊ยน#16:9 ม่าย เต๋ย โซว ก๊อง “ม่าย เบ๊าะ จ๋า เญย เฉีย บุย”. เซียว เปี๊ยว-หฒัวะ
เหธา ล่าง หฒิ เญย เฉีย เซ้ก เหฑ่ง หมี่ อ๊ะ.
10เยียม เปี๊ยว เญย หฮวีง เฌียน-โย่ว ออน-เหลาะ เญย เจ๊า หฒุ เฒาะ หมี่ อ๊ะ.
เยียม อะหงุ่น หฮวีง ไม้ ม่าย หาย เต้า ป๋าว ฑูง ไฟ เห่ว,
เยียม อะหงุ่น ติ๊ว เญย ฒ่อง ไม้ ม่าย หาย เต้า เญว่ย อะหงุ่น เปี๊ยว,
เหว่ย หฒุ เยีย, ทิน-ฮู่ง, ปุน เห่ว เญย เฉีย เซ้ก.
11เหว่ย น้าย เยีย เญย เฮญี้ยว เฑ่า เญี้ยม โมอับ.#16:11 ฮิบลู หว่า แอ๋ง ก๊อง “ฮนั้ง ต้าน ป้า เญย เฉีย”.
เยีย เญย เฮญี้ยว โด เจี๋ย เญย ต๋อง หย่า เหว่ย คีนหะเลเซ้ด เญี้ยม.
12โมอับ เมี่ยน มี่ง เยียม ฮลัง หฒั่ง เฒี่ยน เญย ต๋อง,
นิ่น บัว ขูง โหฒว ปุน กั้น โค้ว ฮนั้ง.
นิ่น บัว มี่ง เถา นิ่น บัว เญย เฒี่ยน เญย ต๋อง เต๋า เก๋า,
นิ่น บัว ไม้ ตุ๊ หาย หญู่ง.
13น้าย เซ เฒี้ยว จา-ด่าง ก๊อง เถา โมอับ เญย หว่า. 14มป่า อี้ หฒั่น เฒี้ยว ก๊อง, “เจี๋ย ลิ์ว ปัว หฮญัง, หฒิว ธี้ง กง เญย หฮญัง-โสว ปวั๊ง, โมอับ เญย ฌัง-หล่าง เหธา นิ่น เญย หฒวัง เมี่ยน ธั้ม ฒู้ง หฒุ หมั่ง เผีย. ตุ๊ แหม่ง ธ้วด เญย เมี่ยน โหย่ว โหฒะ โหย่ว เมา.”
Currently Selected:
อิสะยา 16: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
