เอสะลา 5
5
แอ๋ง เจี์ย กอน เหธย หฒั่ง เฒี้ยว เญย เปย๊า
1ม่าย อี เต้า โต่ว หว่า เมี่ยน, ฮักไก, เหธา อิดโด เญย ตอน, เสคาลิยา. นิ่น บัว เต๊ง อิสะลาเอน เมี่ยน เญย ทิน-ฮู่ง เญย เม่ง โต่ว หว่า บั๋ว เยียม ยูดา เต่ย-ปูง เหธา เยลูซาเลม ฒี่ง เญย ยิวไท เมี่ยน.#ฮักไก 1:1; เสคาลิยา 1:1 2เซอันทิเอน เญย ตอน, เสลุบบาเบน, เหธา โยซาดัก เญย ตอน, เยซูอา, ไฮ์ ลิ์ว นิ่น บัว เญย หว่า, ฯฒฯ ต์ง ปั์ว เซียง-เหธย เจี์ย ทิน-ฮู่ง เญย เปย๊า เยียม เยลูซาเลม ฒี่ง. ทิน-ฮู่ง เญย โต่ว หว่า เมี่ยน หย่า เยียม วั้ว เถง นิ่น บัว.#ฮักไก 1:12; เสคาลิยา 4:6-9
3วั้ว หฒั่น เยียม ยูเฟติด ด้าย บะฮนอย ด๊อด แหมง เญย แซ้ง-เฒี้ยว, ทัดเทไน, เหธา เชทาโบเซไน, แอ๋ง เหธา เจี๊ยน นิ่น บัว เญย กวั้น, มี่ง เยลูซาเลม ฒี่ง ล์อ นิ่น บัว หน่าย ก๋า, “หาย เต้า ปุน เม่ย บัว ม่าย เล์ย เหธย น้าย นอม หฒั่ง ทิน-ฮู่ง เญย เปย๊า แอ๋ง เซียง-เหลียบ เจี์ย?” 4นิ่น บัว แอ๋ง หน่าย, “โหฒว น้าย นอม เปย๊า วั้ว เต้า เมี่ยน เญย บั๋ว เห่ว หาย หญู่ง?” 5มป่า ทิน-ฮู่ง เญย มฒีง หมั่ง เจี๊ยน ยิวไท เมี่ยน เญย เมี่ยน โก๋. ทัดเทไน แซ้ง-เฒี้ยว เหธา นิ่น ต้าย เญย เมี่ยน ไม้ เห่ว นิ่น บัว ตี้ง กง. ฒั้ว ฝูง โซว บั๋ว ทง ดาลิอัด ฮู่ง แอ๋ง ฒั้ว ฮู่ง เตี๋ย วุ่ย โซว หฑวน.
6ยูเฟติด ด้าย บะฮนอย ด๊อด แหมง เญย ทัดเทไน แซ้ง-เฒี้ยว เหธา เชทาโบเซไน, แอ๋ง เหธา นิ่น เญย กวั้น, ต้ง บะฮนอย ด๊อด แหมง วั้ว ปูง ด้าย เญย เจียน-โฟ้ว, ฝูง น้าย เฒ้ย เฝียน มี่ง บั๋ว ดาลิอัด ฮู่ง. 7นิ่น บัว เฟี้ย เญย หว่า ฮนั้ง น้าย นอ ก๊อง,
ปุน เถา ดาลิอัด ฮู่ง เตี๋ย,
โท้ ปุน ฮู่ง เตี๋ย ตุ๊ แป้ง ออน.
8ฮู่ง เตี๋ย หอบ หฒุ ฮิ้ว ตุ๊, เยีย บัว มี่ง เถา ยูดา เต่ย, มี่ง เถา หฒั่ง โฮล ไห่ เญย ทิน-ฮู่ง เญย เปย๊า. อี้ หฒั่น เมี่ยน หล่ง ต้ม หละเปย๊ย-เป๊น เหธย เจี๊ยน ฝาว, แอ๋ง หล่ง เดี๋ยง-เป๊น เหฆน เจี๊ยน หฌ่ง.#5:8 ต๋าย นิ่น บัว ลับ ปัว เหยี่ยม หละเปย๊ย แอ๋ง หล่ง เดี๋ยง-เป๊น เหฆน เหยี่ยม. เป๊ย หมั่ง เอสะลา 6:4. น้าย เต๋ย กง นิ่น บัว โหฒว ตุ๊ เจี้ยน หย่า โหฒว ตุ๊ เซี้ยบ.
9เยีย บัว ฯฒฯ หน่าย วั้ว เต๋ย เมี่ยน โก๋, “หาย เต้า ปุน เม่ย บัว ม่าย เล์ย เหธย น้าย นอม หฒั่ง ทิน-ฮู่ง เญย เปย๊า แอ๋ง เหลียบ เจี์ย ต้าย?” 10เยีย บัว หย่า หน่าย นิ่น บัว เญย บั๋ว หธีง ต้าย ไฮ่ เฟี้ย นิ่น บัว เญย เปย๊ย เฒ้ย เญย บั๋ว ปุน ฮู่ง เตี๋ย ฮิ้ว.
11นิ่น บัว ฮนั้ง น้าย นอ เตา เยีย บัว.
“เยีย บัว โหฒว ลู่ง เดา เญย ทิน-ฮู่ง เญย โปว. เยีย บัว แอ๋ง เหธย หฒั่ง ทิน-ฮู่ง เญย เปย๊า, ต้ง ฒิ่น ด่าง ธั้ม-หฮญัง อ๊ะ, ม่าย เต้า อิสะลาเอน เมี่ยน เญย ต้ม ฮู่ง เตี๋ย เหธย เหฒียง วั้ว นอม เปย๊า. 12หลาย เยีย บัว เญย อง-ถาย ธัวะ ลู่ง หฒั่ง เญย ทิน-ฮู่ง เฉีย เจี์ย, นิ่น ฯฒฯ ปุน นิ่น บัว หฒุ เยียม เคนเดีย เมี่ยน, บาบีโลน กั๊วะ, เนบูคัดเน้ดซา ฮู่ง เญย ปั์ว-เดี๊ย. เนบูคัดเน้ดซา ฮู่ง โหฒว หว่าย น้าย นอม เปย๊า แอ๋ง เฒาะ แปะ ฝีง กว๊าด เถา บาบีโลน.#2 ฮู่ง โต้ว 25:8-12; 2 ฒุ่น ต่อย โต้ว 36:17-20; เยเลมี 52:12-15
13“ฆะฮ้า เยียม ไซลัด โหฒว บาบีโลน กั๊วะ เญย ฮู่ง ต้าว หฮญัง, นิ่น เหฌี่ย หลี่ง แอ๋ง เหธย น้าย นอม หฒั่ง ทิน-ฮู่ง เญย เปย๊า.#เอสะลา 1:2-11 14นิ่น ฒู้ง ถุย หฑวน ฒิ่น ด่าง เนบูคัดเน้ดซา เยียม เยลูซาเลม ฒี่ง, หฒั่ง ทิน-ฮู่ง เญย เปย๊า, ธ้าง ธ้วด ต้าย อัน เจี๊ยน บาบีโลน เญย หมิ่ว-เปย๊า วั้ว เต๋ย เจียม ญ่าน เญย จา-สี่.
“ไซลัด ฮู่ง ฯฒฯ เฒาะ น้าย เต๋ย กะน้าย จิว ปุน ต้ง นิ่น ออน โหฒว ยูดา เญย แซ้ง-เฒี้ยว วั้ว เต้า เซ้ดบัดซา. 15ฮู่ง เตี๋ย หย่า บั๋ว นิ่น, ‘ต้อ น้าย เต๋ย จา-สี่ หฑวน เยลูซาเลม ฒี่ง, หฒั่ง ทิน-ฮู่ง เญย เปย๊า, แอ๋ง เยียม โล์-ต๋อง กั้น เซียง-เหธย วั้ว นอม เปย๊า เจี์ย ต้าย.’ 16เซ้ดบัดซา ฯฒฯ ต้าย น้าย เยลูซาเลม เหลียบ หฒั่ง ทิน-ฮู่ง เญย เปย๊า เญย กอน-โด๊ะ. เยียม วั้ว หฒั่น โหฒว เจี๊ยน ต้าย เถา อี้ หฒั่น หย่า โหฒว ไม้ เหฒียง.”
17ฮนั้ง หน่าย, สี ก๊อง ฮู่ง เตี๋ย ปวัด หอบ เญย นอ, โท้ พ้าย เมี่ยน ฒ่า เยียม บาบีโลน ฒี่ง เซียว เจี๊ยน เญย ฮู่ง ตาน หมั่ง ก๋า ไซลัด ฮู่ง หฒะเก้ง ธ้วด โซว เห่ว เยียม เยลูซาเลม เซียง-เหธย น้าย นอม หฒั่ง ทิน-ฮู่ง เญย เปย๊า เจี์ย ต้าย เฒ์ย ไฟ ไม้ เฒ์ย? น้าย เต๋ย เจ๊า หฒิว ฮู่ง เตี๋ย ปวัด หอบ หฒุ โหฒว นอ, โท้ ปุน หว่า ต้าย ปุน เยีย บัว ฮิ้ว.
Currently Selected:
เอสะลา 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
