เอสะลา 4
4
วิน-วั้ง ตั๊ง เจี๊ยน ไม้ ปุน เหธย หฒั่ง ทิน-ฮู่ง เญย เปย๊า
1ยูดา เมี่ยน เหธา เบนยามิน เมี่ยน เญย วิน-วั้ง ไฮ์ ก๊อง, หฒุ กว๊าด มี่ง แอ๋ง ตุ๊ หฑวน ต้าย เญย เมี่ยน,#4:1 น้าย เต๋ย หฒุ กว๊าด มี่ง เญย เมี่ยน หฑวน เญย เฒี่ยง โห่ เซ เยซู ไม้ แก้ง ธ้วด เสย ฒิ่น ด่าง 538 หฮญัง. เหว่ย เฒี้ยว, อิสะลาเอน เมี่ยน เญย ทิน-ฮู่ง, เหธย หฒั่ง ทิน-ฮู่ง เญย เปย๊า. 2วั้ว เต๋ย วิน-วั้ง ฯฒฯ มี่ง ล์อ เสลุบบาเบน เหธา อิสะลาเอน เญย ปู้ง ป่วน เปย๊ย เฒ้ย. นิ่น บัว ก๊อง, “ปุน เยีย บัว เถง เจี๊ยน เม่ย บัว เหธย โอ่, เหว่ย หฒุ เยีย บัว หฒั่ง เม่ย บัว เญย ทิน-ฮู่ง ฮนั้ง เม่ย บัว นอ. เยียม อัดซีเลีย เญย ฮู่ง, เอสานฮัดโดน, ต้อ เยีย บัว ต้าย เยียม น้าย วั้ว หฒั่น เยีย บัว หฒั่นๆ ฝ่ง ห่อ เหฒี่ย ปุน ทิน-ฮู่ง.”#2 ฮู่ง โต้ว 17:24-41
3มป่า เสลุบบาเบน, เยซูอา, เหธา เยียม อิสะลาเอน เหฒ่ง เหฌี่ย เญย ปู้ง ป่วน เปย๊ย เฒ้ย ก๊อง บั๋ว ต้าย ล์อ นิ่น บัว วั้ว เต๋ย เมี่ยน, “เม่ย บัว ไม้ ม่าย ป่วน เหธา เยีย บัว เหธย หฒั่ง ทิน-ฮู่ง เญย เปย๊า. ขูง เยีย บัว กั้น ฮนั้ง อ๋อย เหธย ต้าย เหว่ย เฒี้ยว, อิสะลาเอน เมี่ยน เญย ทิน-ฮู่ง, หฒิว เปเซีย กั๊วะ เญย ฮู่ง, ไซลัด, พ้าย เยีย บัว โหฒว.”
4เยียม วั้ว เต๋ย เดา เญย เมี่ยน ฯฒฯ โหฒว ปุน ยูดา เมี่ยน ถุย โป่ว, กั้ม เหฑีย ไม้ เหธย วั้ว นอม เปย๊า. 5วั้ว เต๋ย เมี่ยน หย่า เป่ย เดี๊ย ฑุ์ย ญ่าน ปุน เจียน-โฟ้ว#4:5 ไฟ “ธี้ง ธ่าง ล่าง เญย เมี่ยน”. ตั๊ง เจี๊ยน ยูดา เมี่ยน, ไม้ ปุน นิ่น บัว โหฒว. ตะฟ่าน ไซลัด โหฒว ฮู่ง เญย ลู่ง เดี๊ย, ฒู้ง มี่ง เถา เปเซีย เญย ฮู่ง, ดาลิอัด, กุ๊น เญย เฒี่ยง โห่, นิ่น บัว หย่า ฟี่ ฮนั้ง เญย เญ้า เจี๊ยน ยูดา เมี่ยน เญย กง.#4:5 เอสะลา 4:5 ก๊อง เญย เจ๊า-โหล่ว เยียม 4:24 วั้ว เหยี่ยม เป๊าะ เจี๊ยน ก๊อง มี่ง. 4:6-23 ธ้วด ต้าย เญย เจ๊า-โหล่ว เซ เจี๋ย ลิ์ว วั้ว เต๋ย เฒี่ยง โห่ อ๊า ลั่ม ตุ๊ เหยียด แป๊ะ หฮญัง.
วิน-วั้ง ตั๊ง เจี๊ยน ไม้ ปุน เหธย เยลูซาเลม ฒี่ง
6เยียม อาหะสุเอลัด ฮู่ง#4:6 ฮิบลู หว่า ก๊อง อาหะสุเอลัด. หฒิว เปเซีย กั๊วะ เญย หว่า ม่าย เต๋ย เห่ว เซซิด. เจี์ย กอน กุ๊น วั้ว หฒั่น, วั้ว เต๋ย วิน-วั้ง แอ๋ง ล์อ เจ๊า โก๋ ยูดา เหธา เยลูซาเลม เญย เมี่ยน.#เอเซเท 1:1
7เยียม เปเซีย กั๊วะ เญย ฮู่ง, อานทาเซซี้ด, โหฒว ฮู่ง เญย ลู่ง เดี๊ย, บิดลาม, มิดเลดาด, ทาเบเอน เหธา นิ่น บัว วั้ว กวั้น เมี่ยน, เฟี้ย เฒ้ย โซว ปุน อานทาเซซี้ด ฮู่ง. วั้ว เฒ้ย โซว หล่ง อาลัม หฑั่ง หย่า เป๋น อาลัม หว่า.#4:7 ไฟ “เฟี้ย เป๋น อาลัม หว่า หย่า ม่าย เมี่ยน ฟาน”.
8เลฮูม แซ้ง-เฒี้ยว เหธา ซิมไซ โซว-ปิ๊ว, เฟี้ย โซว ปุน อานทาเซซี้ด ฮู่ง เหว่ย โก๋ เยลูซาเลม ฒี่ง เญย เมี่ยน ฮนั้ง น้าย.#4:8 เยียม เอสะลา 4:8 เถา 6:18, น้าย เฒ้ย โซว ไม้ เฒ์ย หล่ง ฮิบลู หว่า. เซ หล่ง เปเซีย กั๊วะ เญย ป๊วน-กั๊วะ หว่า, เป๋น อาลัม หว่า.
9แซ้ง- เฒี้ยว, เลฮูม, เหธา ซิมไซ โซว-ปิ๊ว, แอ๋ง เหธา เจี๊ยน นิ่น บัว เญย กวั้น, เซ เซี้ยม ฒุ์ย เญย เจียน, เหธา โหฒว เจียน เญย เมี่ยน, เหธา บาบีโลน กั๊วะ เญย แปะ ฝีง, เหธา เอเล้ก เมี่ยน, เหธา เอลาม แปะ ฝีง วั้ว เต๋ย สุสา เมี่ยน, 10เหธา เหฒีย นอม กั๊วะ เญย เมี่ยน, ต้ง โหฒว โฮล เญย ต้ม เจียน, โอดนับปา,#4:10 อาลัม หว่า ก๊อง โอดนับปา. ม่าย เต๋ย โซว ก๊อง อัดซูบันอีปาน. หฒุ่น มี่ง เยียม สะมาเลีย ฒี่ง เหธา วั้ว หง่าน หฒิ ยูเฟติด ด้าย, บะฮนอย ด๊อด แหมง นอมๆ ต๋อง, เฟี้ย น้าย เฒ้ย โซว.
11(น้าย เซ นิ่น บัว จุ๋ย มี่ง เญย โซว.)
ฝูง เถา อานทาเซซี้ด ฮู่ง เตี๋ย,
เม่ย เญย โปว, เซ เยียม บะฮนอย ด๊อด แหมง วั้ว ปูง ยูเฟติด ด้าย เญย หฒวัง เมี่ยน, จั๋ง เถา เม่ย.
12ฮู่ง เตี๋ย หอบ หฒุ ฮิ้ว ตุ๊, เยียม เม่ย วั้ว ต้าย เยียม เยีย บัว น้าย เญย ยิวไท เมี่ยน มี่ง เถา เยลูซาเลม ฒี่ง, แอ๋ง เหธย วั้ว นอม เอ๊าะ ไห่, อ้าโหล่ ฟ้าน หลุ่น เญย ฒี่ง. นิ่น บัว เหธย ฒี่ง หลาด อ๊า ลั่ม เหฒียง หย่า หฒ่อ ฒี่ง เญย กอน-โด๊ะ.
13ฮู่ง เตี๋ย หอบ หฒุ ฮิ้ว ตุ๊, สี ก๊อง น้าย นอม ฒี่ง ตุ๊ เหธย เหฒียง, ฒี่ง หลาด หย่า หฒ่อ เหฒียง นอ, นิ่น บัว ฒู้ง ไม้ ฝูง ขอ-ฒิ่น เหธา โฑว-ฒิ่น มี่ง ปุน เม่ย อ๊ะ. ฮนั้ง หน่าย, ฮู่ง เตี๋ย เญย ฒิ่น ญ่าน ฯฒฯ โหฒะ เหฌี่ย. 14เยีย บัว เหยียด ฒู้ง เยียม เม่ย เญย ปั์ว-เดี๊ย เญย เมี่ยน, ไม้ อ๋อย ปวัด ฮู่ง เตี๋ย เญย เม่ง เต้า ด๊อด หธีง ฝูง น้าย เต๋ย หว่า มี่ง บั๋ว ฮู่ง เตี๋ย. 15โท้ พ้าย เมี่ยน ฒ่า หมั่ง ฮู่ง เตี๋ย เญย อง-ถาย เญย ตาน. เยียม ตาน ฯฒฯ ตุ๊ ปวัด วั้ว นอม ฒี่ง เญย เมี่ยน หฒั่นๆ ฟ้าน หลุ่น, ห่อย ต่อยๆ ฮู่ง เหธา นอมๆ แซ้ง เญย แซ้ง-เฒี้ยว. เยียม โล์-ฮนอย ต้าย เถา อี้ หฒั่น น้าย นอม ฒี่ง เญย เมี่ยน เฮญี้ยว แหง่ง, ธัวะ สี่. เหว่ย น้าย, น้าย นอม ฒี่ง หธีง หฒุ ป่าย หว่าย. 16เยีย บัว อ๋อย ฮู่ง เตี๋ย ฮิ้ว ตุ๊, สี ก๊อง น้าย นอม ฒี่ง เหธย เหฒียง, ฒี่ง หลาด หย่า หฒ่อ เหฒียง นอ, เยียม ยูเฟติด ด้าย บะฮนอย ด๊อด แหมง เญย เต่ย-ปูง, ฮู่ง เตี๋ย ไม้ ตุ๊ กุ๊น อ๊ะ.
อานทาเซซี้ด ฮู่ง วุ่ย เญย โซว
17ฮู่ง เตี๋ย วุ่ย โซว ฮนั้ง น้าย นอ ก๊อง.
ฝูง ปุน เลฮูม แซ้ง-เฒี้ยว เหธา ซิมไซ โซว-ปิ๊ว, แอ๋ง เหธา นิ่น บัว เญย กวั้น, ต้ง เยียม สะมาเลีย เหธา ยูเฟติด ด้าย บะฮนอย ด๊อด แหมง เหฒีย นอม ต๋อง เญย เมี่ยน.
โท้ ปุน เม่ย บัว แป้ง ออน เญย เยียม โอ่.
18เม่ย บัว จุ๋ย ต้าย ปุน เยีย วั้ว เฒ้ย โซว ม่าย เมี่ยน โตะ แอ๋ง ฟาน ต้าย ปุน เยีย หมวัง ลิ์ว อ๊ะ. 19เยีย หัด เมี่ยน ฒ่า หมั่ง, ฯฒฯ ปวัด น้าย นอม ฒี่ง เญย เมี่ยน เยียม โล์-ฮนอย มต้าย ม่าย เหธา ฮู่ง เตี๋ย ต๋อย-เตก, หย่า ม่าย แหง่ง เจี๊ยน ฟ้าน หลุ่น เญย สี่. 20ฒิ่น ด่าง ม่าย หัด ม์า เญย ฮู่ง กุ๊น เยลูซาเลม ฒี่ง เหธา ยูเฟติด ด้าย บะฮนอย ด๊อด แหมง เญย เหยียด ฒู้ง เต่ย-ปูง. เยียม วั้ว เต๋ย เต่ย-ปูง เญย เมี่ยน หย่า อ๋อย หฒุ ธ้วด โฑว-ฒิ่น เหธา ขอ-ฒิ่น ปุน วั้ว เต๋ย ฮู่ง เตี๋ย. 21ฮนั้ง หน่าย, เม่ย บัว อ๋อย หฒุ หัด นิ่น บัว ตี้ง, ไม้ ตู๋ง เหธย วั้ว นอม ฒี่ง อ๊ะ. ฒั้ว เถา เยีย ฆอย ฑุ่ย. 22เม่ย บัว อ๋อย หฒุ ไม้ ตู๋ง ไง่ เจี๊ยน หลิ่ว เล์ย น้าย เต๋ย สี่ เหว่ย ไม้ ห่อย ฮู่ง เตี๋ย หฒุ เควย.
23เลฮูม แซ้ง-เฒี้ยว เหธา ซิมไซ โซว-ปิ๊ว, เหธา นิ่น บัว เญย กวั้น เยี้ยด ไฮ์ โตะ ลิ์ว อานทาเซซี้ด ฮู่ง เญย โซว, นิ่น บัว ก๊าน เจี๊ยน มี่ง เยลูซาเลม ล์อ ยิวไท เมี่ยน, ฯฒฯ หล่ง หัด ม์า, หล่ง ชะ โหฒว ปุน ยิวไท เมี่ยน ตี้ง กง.
24เยียม เยลูซาเลม ฒี่ง เหธย หฒั่ง ทิน-ฮู่ง เญย เปย๊า เญย กง ฯฒฯ ตี้ง เถา เปเซีย กั๊วะ เญย ฮู่ง, ดาลิอัด, กุ๊น กั๊วะ ตะเหญ่ย หฮญัง.#ฮักไก 1:1; เสคาลิยา 1:1
Currently Selected:
เอสะลา 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
