Popular Bible Verses from เอ​สะ​ลา 4

Share

เยียม วั้ว เต๋ย เดา เญย เมี่ยน ฯฒฯ โหฒว ปุน ยู​ดา เมี่ยน ถุย โป่ว, กั้ม เหฑีย ไม้ เหธย วั้ว นอม เปย๊า.

วั้ว เต๋ย เมี่ยน หย่า เป่ย เดี๊ย ฑุ์ย ญ่าน ปุน เจียน-โฟ้ว ตั๊ง เจี๊ยน ยู​ดา เมี่ยน, ไม้ ปุน นิ่น บัว โหฒว. ตะฟ่าน ไซ​ลัด โหฒว ฮู่ง เญย ลู่ง เดี๊ย, ฒู้ง มี่ง เถา เป​เซีย เญย ฮู่ง, ดา​ลิ​อัด, กุ๊น เญย เฒี่ยง โห่, นิ่น บัว หย่า ฟี่ ฮนั้ง เญย เญ้า เจี๊ยน ยู​ดา เมี่ยน เญย กง.

มป่า เส​ลุบ​บา​เบน, เย​ซู​อา, เหธา เยียม อิ​สะ​ลา​เอน เหฒ่ง เหฌี่ย เญย ปู้ง ป่วน เปย๊ย เฒ้ย ก๊อง บั๋ว ต้าย ล์อ นิ่น บัว วั้ว เต๋ย เมี่ยน, “เม่ย บัว ไม้ ม่าย ป่วน เหธา เยีย บัว เหธย หฒั่ง ทิน-ฮู่ง เญย เปย๊า. ขูง เยีย บัว กั้น ฮนั้ง อ๋อย เหธย ต้าย เหว่ย เฒี้ยว, อิ​สะ​ลา​เอน เมี่ยน เญย ทิน-ฮู่ง, หฒิว เป​เซีย กั๊วะ เญย ฮู่ง, ไซ​ลัด, พ้าย เยีย บัว โหฒว.”