เอสะลา 3
3
เจี์ย กอน เหธย เหฒี่ย-ต้อง ฮนั้ง โล์ วั้ว นอ
1เถา เธี้ยด หฮลา, อิสะลาเอน เมี่ยน, เก๊าะ-เมี่ยน เยียม เหฌี่ย เก๊าะ-เมี่ยน เญย ป๊วน-มู้ง หมี่ อ๊ะ. นิ่น บัว เหยียด ฒู้ง ต้าย กั๊บ ฒุ้น เยียม เยลูซาเลม ฒี่ง. 2โยซาดัก เญย ตอน, เยซูอา, เหธา จวั่ง โหฒว ไซ เมี่ยน เญย เมี่ยน, เหธา เซอันทิเอน เญย ตอน, เสลุบบาเบน, เหธา นิ่น เญย มั์ว-ต่อย เธียน-เธะ เจี์ย กอน เหธย อิสะลาเอน เมี่ยน เญย ทิน-ฮู่ง เญย เหฒี่ย-ต้อง,#ธ้วด อียิบ 27:1 เหว่ย ปุน นิ่น บัว ต้อ กะน้าย ต้าย ปั๊ว เหฒี่ย หฒิว เฟี้ย เจี๊ยน ทิน-ฮู่ง เญย เมี่ยน, โมเซ, เญย เล์ย-หลัด โซว. 3ไม้ กุ๊น นิ่น บัว กั้ม เหฑีย เว่ย ก๋อม เญย ป๊วน-เต่ย เมี่ยน, นิ่น บัว เยียม โล์-กอน-โด๊ะ เหธย เหฒี่ย-ต้อง หย่า ดอมๆ ม์วนๆ ต้อ กะน้าย มี่ง ปั๊ว เหฒี่ย ปุน เฒี้ยว. #ซ้าว เมี่ยน 28:1-8 4หฒิว เฟี้ย เจี๊ยน เล์ย-หลัด, นิ่น บัว หย่า เจี๋ย บย๊อ ลิ่ว เญย ฒิบ.#ซ้าว เมี่ยน 29:12-38 เอย เจี๊ยน เล์ย เญย โสว โหม่ว นิ่น บัว ฮนอยๆ ต้อ กะน้าย มี่ง ปั๊ว เหฒี่ย. 5ฆะฮ้า นิ่น บัว แอ๋ง ต้อ หฒั่นๆ ปั๊ว เหฒี่ย เญย กะน้าย เหธา เปียะ เซียง-หฮลา เหฒี่ย เญย, เหธา หฒิว นอมๆ ฒิบ เหฒี่ย เญย, แอ๋ง เหธา เก๊าะ-เมี่ยน ธ้วด ฟิม เหฒี่ย ปุน เฒี้ยว เญย กะน้าย.#ซ้าว เมี่ยน 28:11—29:39 6เธี้ยด หฮลา แซง-เยี้ยด, เมี่ยน เจี์ย กอน ต้อ กะน้าย มี่ง เหฒี่ย ปุน เฒี้ยว, ไม้ กุ๊น นิ่น บัว ไม้ แก้ง เหลียบ หฒั่ง เฒี้ยว เญย เปย๊า เญย กอน-โด๊ะ.
เจี์ย กอน เหธย หฒั่ง ทิน-ฮู่ง เญย เปย๊า
7อิสะลาเอน เมี่ยน เฒาะ ญ่าน ปุน หละเปย๊ย-หฒั่ง เหธา เดี๋ยง-หฒั่ง. แอ๋ง เฒาะ หญั่น ฮบ เหธา กะลั้น โย่ว ปุน ไซดอน เมี่ยน เหธา ไทละ เมี่ยน เหว่ย เฒาะ เลบานอน บง เญย สีดา ฒ่ง เดี๋ยง หว่วน เหฌี่ย เถา ค้อย, แอ๋ง หว่วน กัน ค้อย เหฌี่ย เถา ยับฟา, หฒิว เปเซีย กั๊วะ เญย ฮู่ง, ไซลัด, ฆอย ฑุ่ย ปุน นิ่น บัว โหฒว.
8หฑวน เยลูซาเลม ฒี่ง, หฒั่ง ทิน-ฮู่ง เญย เปย๊า, ตะเหญ่ย หฮญัง เหญ่ย หฮลา, เซอันทิเอน เญย ตอน, เสลุบบาเบน, เหธา โยซาดัก เญย ตอน, เยซูอา, เหธา นิ่น บัว เญย มั์ว-ต่อย เธียน-เธะ, เซ ต้ง ไซ เมี่ยน เหธา เลวี เมี่ยน, เหธา เหยียด ฒู้ง หฒุ กว๊าด มี่ง แอ๋ง หฑวน ต้าย เญย อิสะลาเอน เมี่ยน, เจี์ย กอน โหฒว กง. นิ่น บัว พ้าย หฮญัง-เจ๊ย หญี่ เหฒียบ หฮญัง ฝาว แหมง เญย เลวี เมี่ยน โหฒว เหธย หฒั่ง เฒี้ยว เญย เปย๊า เญย กุ๊น กง เมี่ยน. 9เยซูอา#3:9 เยียม เอสะลา 3:9 น้าย เต้า เยซูอา เซ กั้น เต้า เยซูอา. ไม้ เฒ์ย เยียม เอสะลา 3:8 วั้ว เต้า. เหธา นิ่น เญย ตอน บัว เหธา นิ่น เญย เธียน-เธะ, เหธา ขัดมีเอน เหธา นิ่น เญย ตอน บัว (เซ โฮดาวิยา#3:9 โฮดาวิยา ฮิบลู หว่า ก๊อง ยูดา. เญย เฒ้ย-ฟุน) เหธา เฮนาดัด เญย ปู้ง ป่วน ตอน-เจว๊ย ฟุน-ฟะ เหธา มั์ว-ต่อย, เซ น้าย เต๋ย เลวี เมี่ยน เถง เจี๊ยน กุ๊น เหธย หฒั่ง ทิน-ฮู่ง เญย เปย๊า เญย กง-เมี่ยน.
10หฒั่ง เมี่ยน เหลียบ เฒี้ยว เญย เปย๊า เญย กอน-โด๊ะ วั้ว หฒั่น, หฒวัง ไซ เมี่ยน ฒุ เจี๊ยน โหฒว ไซ เญย ลุย-โหว, นั้น เจี๊ยน หฑัด ธ้วด ต้าย. เลวี เมี่ยน, อาสาบ เญย เฒ้ย-ฟุน, นั้น เจี๊ยน ธ่าว เฒ้ย. นิ่น บัว ล่ม ฑ่อย เธง เฒี้ยว หฒิว ฒิ่น ด่าง อิสะลาเอน เมี่ยน เญย ฮู่ง, ดาวิด, ตี่ง ต้าย เญย เหยียด เหญ่ย.#1 ฒุ่น ต่อย โต้ว 25:1 11นิ่น บัว ป๋าว ฑูง เธง หย่า แล์ง ฒี่ง เฒี้ยว ก๊อง,
“เฒี้ยว หฒะเก้ง หลง ไห่.
นิ่น เหยียด ลิ์ว ฮนั้ม อิสะลาเอน เมี่ยน
เถา หม่าน โก๊ว หม่าน ต่อย.”#1 ฒุ่น ต่อย โต้ว 16:34; 2 ฒุ่น ต่อย โต้ว 5:13; 7:3; สีง ฑูง 100:5; 106:1; 107:1; 118:1; 136:1; เยเลมี 33:11
หฒวัง เมี่ยน ล่ม ฑ่อย เห่ว เฉีย บุย เญย เธง เฒี้ยว เหว่ย หฒุ หฒั่ง เฒี้ยว เญย เปย๊า เญย กอน-โด๊ะ เหลียบ เจี์ย ต้าย อ๊ะ. 12มป่า ม่าย หฮญัง-เจ๊ย โก๋ เญย ไซ เมี่ยน ธั้ม เญย, เหธา เลวี เมี่ยน, เหธา ปู้ง ป่วน เญย เปย๊ย เฒ้ย, ต้ง ปวัด เจี๋ย โล์ วั้ว นอม หฒั่ง ทิน-ฮู่ง เญย เปย๊า เญย เมี่ยน, ปวัด อี้ หฒั่น เหลียบ น้าย นอม เญย เซียง-กอน-โด๊ะ ฯฒฯ เญี้ยม ตุ๊ บุย ไห่. แอ๋ง ม่าย เมี่ยน ธั้ม! เญย เฌียน-โย่ว เญย เห่ว. 13เยียม วั้ว เญย หฒวัง เมี่ยน ไม้ ม่าย หาย เต้า ไฮ่ สัม ตุ๊ ธ้วด วั้ว เต๋ย เฉีย บุย, หาย หญู่ง เซ เฌียน-โย่ว เญย เฉีย หาย หญู่ง เซ เญี้ยม เญย เฉีย, เหว่ย หฒุ หฒวัง เมี่ยน หฒะเก้ง! บุย ไห่. เยียม โก เญย เมี่ยน หย่า หมวัง ตุ๊ ไฮ์.
Currently Selected:
เอสะลา 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
