เอเสเคน 36
36
ทิน-ฮู่ง อ๋อย เหธย ฟุ ปุน อิสะลาเอน
1 เฒี้ยว ก๊อง, “ป้าม เมี่ยน อ้า! อ๋อย หฒุ โต่ว หว่า ก๊อง บั๋ว อิสะลาเอน เญย บง, ‘โอ อิสะลาเอน เญย หฒวัง บง อ้า! อ๋อย หฒุ หมวัง เฒี้ยว เญย หว่า. 2เฒี้ยว ทิน-ฮู่ง ฮนั้ง น้าย ก๊อง, “เหว่ย หฒุ วิน-วั้ง ก๊อง เม่ย บัว, ‘ฮ้า! ฮ้า! น้าย เต๋ย โล์-ฮนอย เญย บง เป๋น เยีย บัว เญย ป่วน หมี่ อ๊ะ,’” 3เหว่ย น้าย เม่ย อ๋อย หฒุ โต่ว หว่า ก๊อง, “เฒี้ยว ทิน-ฮู่ง ฮนั้ง น้าย ก๊อง, ‘เว่ย ก๋อม เญย กั๊วะ ปุน เม่ย หฒุ ป่าย ฮวาง หย่า เยียม ปูงๆ เหฒย เม่ย, ปุน เม่ย หฒุ เป๋น เหฒ่ง เหฌี่ย เญย กั้น ฝีง เมี่ยน หฑิบ เญย ป่วน. เม่ย หย่า เป๋น เมี่ยน หล่ง โหฒว โก๊ว ก๊อง ต้าน เม่ย. 4อิสะลาเอน เญย บง อ้า! เหว่ย น้าย อ๋อย หฒุ หมวัง เฒี้ยว ทิน-ฮู่ง เญย หว่า. เฒี้ยว ทิน-ฮู่ง ฮนั้ง น้าย นอ ก๊อง บั๋ว ต้ม บง ฟิ้ว-บง, หฒวัง โด๊ะ หฒวัง ฮ์อง, หฒุ ป่าย ฮวาง เญย ต๋อง เหธา กวั่ง ฮวาง เญย ฒี่ง, เซ หฒุ เว่ย ก๋อม เหฒ่ง เหฌี่ย เญย ฝีง ลู้, หย่า หฒุ นิ่น บัว ฮว้วด.” 5เหว่ย น้าย เฒี้ยว ทิน-ฮู่ง ฮนั้ง น้าย ก๊อง, “เยีย หฒะเก้ง! แฑง เจี๊ยน เม่ย บัว ฯฒฯ ก๊อง วั้ว เต๋ย เหฒ่ง เหฌี่ย เญย กั้น ฝีง เมี่ยน เหธา เอโดม เญย เหยียด ฒู้ง เมี่ยน. นิ่น บัว ออน-เหลาะ ไห่, เฮญี้ยว ฑอง เจี๊ยน เฒาะ เยีย เญย เต่ย-ปูง เป๋น นิ่น บัว กั้น เญย ป่วน#36:5 ฮิบลู หว่า ก๊อง “เหว่ย หฒุ่น ธ้วด เยียม เต่ย-ปูง เญย หฒวัง เมี่ยน”. แอ๋ง ลู้ เต่ย-ปูง.” 6เหว่ย น้าย เม่ย อ๋อย หฒุ เฒี้ยง เจี๊ยน อิสะลาเอน เต่ย-ปูง โต่ว หว่า ก๊อง บั๋ว ต้ม บง ฟิ้ว-บง, โด๊ะ เหธา ฮ์อง, “เฒี้ยว ทิน-ฮู่ง ฮนั้ง น้าย ก๊อง, ‘เยีย แฑง เจี๊ยน เม่ย บัว หย่า เฉีย เจี์ย เจี๊ยน เญย ก๊อง หลาย เม่ย บัว หฒุ กั้น ฝีง เมี่ยน ก๊อง ฮว้วด ปุน เม่ย บัว หฒุ ไญ้.’” 7เหว่ย น้าย เฒี้ยว ทิน-ฮู่ง ฮนั้ง น้าย ก๊อง, “เยีย โฮ้ว หว่า ก๊อง เว่ย ก๋อม เญย กั้น ฝีง เมี่ยน ฒู้ง อ๋อย หฒุ หลาย กั้น โหฒว เญย สี่ หฒุ ไญ้.”
8“‘มป่า อิสะลาเอน เญย บง อ้า! เม่ย เญย เดี๋ยง อ๋อย ธ้วด ฆว่า, เฒี่ยง เปี๊ยว ปุน เยีย เญย แปะ ฝีง, อิสะลาเอน เมี่ยน, เหว่ย หฒุ ไม้ เล่า นิ่น บัว ตุ๊ หฑวน ต้าย. 9เยีย เญย เฮญี้ยว เยียม เม่ย น้าย ปูง เถง เม่ย, เยีย ฯฒฯ อ๋อย ฮวิน หฑวน ล์อ เม่ย. เม่ย ฯฒฯ ตุ๊ ไล่ เดา, ตุ๊ หฒวัง กะน้าย. 10เยีย อ๋อย ปุน เม่ย เญย เมี่ยน, เซ อิสะลาเอน เญย หฒวัง เฒ้ย-ฟุน, หฮยาง เจี๊ยน ฝาว. ฒี่ง ฯฒฯ ม่าย เมี่ยน เยียม. ป่าย ฮวาง เญย ต๋อง แอ๋ง ตุ๊ เหธย เจี์ย. 11เยีย อ๋อย ปุน เมี่ยน เหธา แซง-คู้ จา หฮยาง แอ๋ง ตุ๊ ตอน-เจว๊ย ธั้ม.#36:11 ตุ๊ ตอน-เจว๊ย ธั้ม ฮิบลู หว่า ก๊อง เฒี่ยง เปี๊ยว. เยีย อ๋อย ปุน เม่ย ม่าย เมี่ยน เยียม ฮนั้ง โล์ วั้ว นอ, หย่า ปุน เม่ย ตุ๊ เก้า หลง ฒิ่น ด่าง ธั้ม. วั้ว หฒั่น เม่ย ฯฒฯ ฮิ้ว ตุ๊ เยีย เซ เฒี้ยว. 12เยีย อ๋อย ปุน เมี่ยน, เซ เยีย เญย แปะ ฝีง, อิสะลาเอน เมี่ยน, ยั่ง เม่ย กู้ หงว่าย. นิ่น บัว ตุ๊ เม่ย เป๋น นิ่น บัว เญย ป่วน, นิ่น บัว ฯฒฯ ตุ๊ หฑิบ เจี๊ยน มี่ง. เยียม น้าย มี่ง เม่ย หย่า ไม้ ปุน นิ่น บัว หฒุ กวั่ง นิ่น บัว เญย ฝุเจว๊ย.
13“‘เฒี้ยว ทิน-ฮู่ง ฮนั้ง น้าย ก๊อง, “เมี่ยน ก๊อง เม่ย นะ เมี่ยน, เม่ย หย่า ปุน เม่ย เญย กั๊วะ เญย เมี่ยน หฒุ กวั่ง นิ่น บัว เญย ฝุเจว๊ย.” 14เหว่ย น้าย เฒี้ยว ทิน-ฮู่ง ก๊อง, “เยียม น้าย มี่ง เม่ย ไม้ ตุ๊ นะ เมี่ยน. เม่ย เญย กั๊วะ เญย เมี่ยน หย่า ไม้ หฒุ แอ๋ง กวั่ง นิ่น บัว เญย ฝุเจว๊ย. 15เยีย หย่า ไม้ ปุน เม่ย แอ๋ง ไฮ์ นอมๆ กั๊วะ เญย เมี่ยน ก๊อง ฮว้วด เม่ย. เม่ย หย่า ไม้ หฒุ หม่าน ฝีง จั๊ด หย่า ไม้ ปุน เม่ย เญย กั๊วะ ดิ๊ หฒุ ดอบ.” น้าย เซ เฒี้ยว ทิน-ฮู่ง ก๊อง เญย หว่า.’”
16เยีย แอ๋ง ตุ๊ ฒิบ เฒี้ยว เญย หว่า ก๊อง, 17“ป้าม เมี่ยน อ้า! อิสะลาเอน เญย เฒ้ย-ฟุน เยียม เจี๊ยน กั้น เญย เต่ย-ปูง เญย เฒี่ยง โห่, นิ่น บัว โหฒว เญย เจ๊า เหธา โหฒว เญย สี่ ปุน เต่ย-ปูง ม่าย หวุย. นิ่น บัว เยียม เยีย เญย หฑะเฮมียน โหฒว เญย เซ ฮนั้ง มเซียะ ตอน ซิน-เหยี่ยน เญย เฒี่ยง โห่ ม่าย หวุย. 18เหว่ย น้าย เยีย เญย กะเฉีย แป๊ด ธ้วด ปุน นิ่น บัว, เหว่ย หฒุ นิ่น บัว เยียม เต่ย-ปูง ไต๋ เมี่ยน, ปุน ฑย้าม เหลี่ยว ธ้วด, หย่า หลาย หมิ่ว-ฝัง นิ่น บัว โหฒว ปุน เต่ย-ปูง ม่าย หวุย. 19เยีย ฯฒฯ เฒาะ นิ่น บัว ฟ้าด หฑาน มี่ง เยียม เหฒีย กั๊วะ เมี่ยน บุด๋ง. นิ่น บัว ฯฒฯ เยียม วั้ว เต๋ย เต่ย-ปูง หฑาน หมี่ อ๊ะ. เยีย หฒิว นิ่น บัว โหฒว เญย เจ๊า เหธา โหฒว เญย สี่ ตี่ง นิ่น บัว เญย ฒุ์ย. 20มป่า นิ่น บัว มี่ง วั้ว เต๋ย กั๊วะ เญย เมี่ยน, ไม้ กุ๊น มี่ง เถา หาย, นิ่น บัว ปุน เยีย เญย ธีง-เหฑ่ง บั๋ว ม่าย หวุย. เมี่ยน ฯฒฯ ก๊อง ต้าน นิ่น บัว, ‘น้าย เต๋ย เมี่ยน เป๋น เฒี้ยว เญย แปะ ฝีง, นิ่น บัว หธ่อ อ๋อย หฒุ ธ้วด เฒี้ยว เญย เต่ย-ปูง.’#36:20 ไฟ “นิ่น บัว หฒุ หฒุ่น ธ้วด นิ่น บัว เญย เต่ย-ปูง”. 21มป่า เยีย เฑ่า เยีย เญย ธีง-เหฑ่ง บั๋ว. อิสะลาเอน เมี่ยน มี่ง เยียม หาย นอม กั๊วะ บุด๋ง, นิ่น บัว ปุน เยีย เญย บั๋ว ม่าย หวุย.
22“เหว่ย น้าย เม่ย อ๋อย หฒุ บั๋ว อิสะลาเอน เมี่ยน, ‘เฒี้ยว ทิน-ฮู่ง ฮนั้ง น้าย ก๊อง, “อิสะลาเอน เญย เฒ้ย-ฟุน อ้า! เยีย โหฒว เจี๊ยน น้าย เต๋ย สี่ เซ ไม้ เฒ์ย เหว่ย เม่ย บัว, เซ เหว่ย เยีย เญย ธีง-เหฑ่ง บั๋ว, ต้ง เม่ย บัว มี่ง เยียม วั้ว เต๋ย กั๊วะ บุด๋ง ปุน หฒุ ม่าย หวุย.”’ 23เยีย อ๋อย ปิ๋ว เม่ง เยีย โฮล ไห่ เญย เม่ง เซ ธีง-เหฑ่ง, ต้ง เยียม หม่าน กั๊วะ เมี่ยน บุด๋ง หฒุ ม่าย หวุย, เซ เม่ย บัว เยียม หม่าน กั๊วะ บุด๋ง ปุน ม่าย หวุย. เยีย หล่ง เม่ย บัว ตอง เจี๊ยน นิ่น บัว เญย มฒีง ปุน ธีง เยีย เซ ธีง-เหฑ่ง วั้ว หฒั่น, หม่าน กั๊วะ เมี่ยน ฯฒฯ ฮิ้ว ตุ๊ เยีย เซ เฒี้ยว. ” น้าย เซ เฒี้ยว ทิน-ฮู่ง ก๊อง เญย หว่า.
24“‘“เยีย อ๋อย เยียม หม่าน ฝีง เมี่ยน บุด๋ง เฒาะ เม่ย บัว ธ้วด ต้าย. เยีย หย่า อ๋อย เยียม หม่าน กั๊วะ เซียว เม่ย บัว ฒุ้น, ต้อ เม่ย บัว หฑวน เม่ย บัว กั้น เญย เต่ย-ปูง. 25เยีย อ๋อย หล่ง ธีง-เหฑ่ง ววม ฟุ เม่ย บัว, สา เหฑ่ง เม่ย บัว เญย เหยียด ฒู้ง หวุย. เม่ย บัว เหยียด ฒู้ง หมิ่ว-ฝัง เยีย หย่า อ๋อย เฒาะ กวั่ง. 26เยีย อ๋อย เหธย เซียง-เฮญี้ยว ปุน เม่ย บัว, หย่า ปุน เซียง-ลี่ง ว่วน เยียม เม่ย บัว กะญั์ว. เม่ย บัว เฮญี้ยว แหง่ง ฮนั้ง หละเปย๊ย, เยีย อ๋อย เฒาะ ธ้วด มี่ง แอ๋ง ปุน เมา เญย, หมวัง หว่า เญย เฮญี้ยว.#36:26 ฮิบลู หว่า ก๊อง “ปุน เฮญี้ยว เมา ฮนั้ง อ๊อ”.#เอเสเคน 11:19-20 27เยีย อ๋อย ปุน เยีย เญย สีง ลี่ง เยียม เม่ย บัว กะญั์ว, ปุน เม่ย บัว เอย เจี๊ยน เยีย เญย เล์ย-หลัด, กัน หลง เยีย เญย เล์ย. 28เม่ย บัว ฯฒฯ ตุ๊ เยียม เยีย เหธย ปุน เม่ย บัว เญย อง-ถาย เญย เต่ย-ปูง. เม่ย บัว ฯฒฯ โหฒว เยีย เญย แปะ ฝีง. เยีย หย่า โหฒว เม่ย บัว เญย ทิน-ฮู่ง. 29เยีย อ๋อย เหฌียว เม่ย บัว เล่ย ฆอย เหยียด ฒู้ง เญย หวุย. เยีย หย่า อ๋อย เห่ว เบย้า ปู๋ง-หฒัวะ, ไม้ ปุน เม่ย บัว หฒุ หง่อ หฮนาง. 30เยีย อ๋อย ปุน เดี๋ยง เฒี่ยง เปี๊ยว ธั้ม, ปุน ลี่ง เต่ย ธ้วด แกง-หฒวัง หลง, เหว่ย ปุน เม่ย บัว ไม้ หฒุ แอ๋ง หลาย หง่อ หฮนาง เยียม หม่าน กั๊วะ บุด๋ง หฒุ ป่าย เฮมียน. 31วั้ว หฒั่น เม่ย บัว ฯฒฯ จั๋ง หฒุ เม่ย บัว โหฒว เอ๊าะ เญย เจ๊า เหธา เม่ย บัว โหฒว ไม้ เป๋น เญย สี่, ฯฒฯ เหว่ย เม่ย บัว เญย ฒุ์ย เหธา เม่ย บัว โหฒว กั้ม เฑี้ย เญย สี่ โหยว เม่ย บัว กั้น.” 32เฒี้ยว ทิน-ฮู่ง ก๊อง, “เยีย อ๋อย เม่ย บัว ฮิ้ว ตุ๊ เยีย ฮนั้ง น้าย โหฒว เซ ไม้ เฒ์ย เหว่ย เม่ย บัว. โอ อิสะลาเอน เญย เฒ้ย-ฟุน อ้า! เม่ย บัว อ๋อย หฒุ เหว่ย กั้น โหฒว เญย เจ๊า หฒุ ไญ้, หฒุ ป่าย เฮมียน.”
33“‘เฒี้ยว ทิน-ฮู่ง ฮนั้ง น้าย ก๊อง, “ต้ง เยีย สา เม่ย บัว เญย เหยียด ฒู้ง ฒุ์ย ธีง-เหฑ่ง ต้าย วั้ว ฮนอย, เยีย อ๋อย ปุน เม่ย บัว เญย นอมๆ ฒี่ง ม่าย เมี่ยน เยียม. หฒุ ป่าย หว่าย เญย ต๋อง แอ๋ง ตุ๊ เหธย เจี์ย. 34เจี๋ย เจ๊า เญย เมี่ยน หมั่ง ปวัด เป๋น เดา-ฮวาง เญย ต๋อง, แอ๋ง ตุ๊ ไล่ อ๊ะ. 35นิ่น บัว ฯฒฯ ก๊อง, ‘น้าย นอม เป๋น เดา-ฮวาง เญย เต่ย-ปูง อี้ หฒั่น ฮนั้ง เอเดน หฮวีง. หฒุ กวั่ง ฮวาง เหธา ป่าย หว่าย เญย ฒี่ง อี้ หฒั่น ม่าย เมี่ยน เยียม หย่า ม่าย ว้วน เญย ฒี่ง หลาด.’ 36วั้ว หฒั่น เว่ย ก๋อม เม่ย บัว เญย กั๊วะ เหฒ่ง เหฌี่ย เญย เมี่ยน ฯฒฯ ฮิ้ว ตุ๊ เยีย, เฒี้ยว, ตุ๊ เหธย เจี์ย ป่าย หว่าย เญย ต๋อง, หย่า ตุ๊ หฒวัง กะน้าย เยียม เดา-ฮวาง เญย ต๋อง. เยีย, เฒี้ยว, ก๊อง ลิ์ว หย่า หฒะเก้ง อ๋อย ฮนั้ง วั้ว นอ โหฒว.”
37“‘เฒี้ยว ทิน-ฮู่ง ฮนั้ง น้าย ก๊อง, “เยีย หย่า อ๋อย ปุน อิสะลาเอน เมี่ยน โท้ เยีย เหว่ย นิ่น บัว ฮนั้ง น้าย โหฒว, เซ โท้ ปุน นิ่น บัว เญย เมี่ยน หฮยาง ต้าย ฮนั้ง ปะกี ยู่ง กวั้น นอ ธั้ม. 38ฮนั้ง ฝ่ง ห่อ เหฒี่ย เญย ปะกี ยู่ง กวั้น, เซ ตี่ง ต้าย เญย ฒิบ เยียม เยลูซาเลม เญย ปะกี ยู่ง กวั้น, วั้ว เต๋ย ป่าย หว่าย เญย ฒี่ง อ๋อย ม่าย เมี่ยน ด่ง วั้ว ธั้ม ปวั๊ง เหฑ่ง. นิ่น บัว ฯฒฯ ฮิ้ว ตุ๊ เยีย เซ เฒี้ยว. ”’”
Currently Selected:
เอเสเคน 36: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
