เอเสเคน 35
35
โต่ว หว่า ก๊อง เสอี บง
1เยีย แอ๋ง ตุ๊ ฒิบ เฒี้ยว เญย หว่า ก๊อง,#อิสะยา 34:5-17; 63:1-6; เยเลมี 49:7-22; เอเสเคน 25:12-14; อาโม้ด 1:11-12; โอบาดี 1-14; มาลาคี 1:2-5 2“ป้าม เมี่ยน อ้า! เม่ย อ๋อย หฒุ ฮวิน มี่ง เสอี บง#35:2 เซ เอโดม เญย บง. หย่า โต่ว หว่า ก๊อง วั้ว นอม บง. 3อ๋อย หฒุ ก๊อง, ‘เสอี บง อ้า! เยีย เหธา เม่ย โหฒว วิน-วั้ง. เยีย อ๋อย ซูง เยีย เญย ปั์ว โหฒว ปุน เม่ย, ปุน เม่ย เป๋น เดา-ฮวาง, ป่าย หว่าย เญย ต๋อง. 4เยีย อ๋อย ปุน เม่ย เญย ฒี่ง เป๋น ป่าย ฮวาง เญย ต๋อง, ฯฒฯ เป๋น หฒุ กวั่ง ฮวาง เญย ต๋อง. เม่ย บัว ฯฒฯ ฮิ้ว ตุ๊ เยีย เซ เฒี้ยว.
5“‘เหว่ย หฒุ เยียม โล์-ฮนอย ต้าย เม่ย เหธา อิสะลาเอน หนิบ เจี๊ยน วิน. อิสะลาเอน เมี่ยน หฒุ เหฒะ หน่าน เญย เฒี่ยง โห่, เซ หฒุ ตี่ง ฒุ์ย ฆะฮ้า ลาย วั้ว หฑุ่น, เม่ย เฒาะ นิ่น บัว จิว ปุน วิน-วั้ง เญย หฑุ ด๊าว ไต๋. 6เหว่ย น้าย เฒี้ยว ทิน-ฮู่ง ก๊อง, “เยีย เฒี้ยง เยีย กั้น เญย แหม่ง แล์ง หว่า ก๊อง, เยีย อ๋อย หลิ่ว เล์ย ปุน เม่ย หฒุ ปวั้ง ฑย้าม เหลี่ยว ธ้วด เญย สี่. น้าย เต๋ย สี่ หย่า อ๋อย หฒุ่น เจี๊ยน เม่ย มี่ง. เหว่ย หฒุ เม่ย ไม้ ฑอง ไต๋ เมี่ยน ปุน ฑย้าม เหลี่ยว ธ้วด เญย ฒุ์ย, น้าย หญู่ง ฒุ์ย#35:6 ฮิบลู หว่า ก๊อง ฑย้าม. ฯฒฯ หฒุ่น เจี๊ยน เม่ย มี่ง. 7เยีย อ๋อย ปุน เสอี บง เป๋น เดา-ฮวาง, ป่าย หว่าย เญย ต๋อง. เยีย หย่า อ๋อย ปุน เหยียด ฒู้ง มี่งๆ ต้ายๆ เญย เมี่ยน หฒุด เหฑ่ง. 8เยีย อ๋อย ปุน เสอี บง ม่าย หฒุ ไต๋ ไต่ เญย เมี่ยน ปวั๊ง เหฑ่ง. เยียม เม่ย เญย ฟิ้ว-บง เหธา ฮ์อง, เลี่ยม เม่ย เญย ติ้วๆ โด๊ะ ม่าย หฒุ หฑุ ด๊าว ไต๋ เญย เมี่ยน. 9เยีย อ๋อย ปุน เม่ย เหยียด ลิ์ว เป๋น เดา-ฮวาง. เม่ย เญย ฒี่ง หย่า ไม้ ม่าย เมี่ยน เยียม. วั้ว หฒั่น เม่ย ฯฒฯ ฮิ้ว ตุ๊ เยีย เซ เฒี้ยว. ”
10“‘เหว่ย หฒุ เม่ย ก๊อง, “น้าย เต๋ย อี กั๊วะ อี ฝีง เป๋น เยีย เญย. เยีย อ๋อย เฒาะ เป๋น เยีย เญย ป่วน, ไม้ กุ๊น เฒี้ยว เยียม วั้ว.” 11เหว่ย น้าย เยีย, เฒี้ยว ทิน-ฮู่ง, เฒี้ยง เจี๊ยน เยีย กั้น เญย แหม่ง แล์ง หว่า. เม่ย ฑอง นิ่น บัว ฯฒฯ เฉีย เจี์ย, เหมว่ย เจี๊ยะ. เม่ย ฮนั้ง หาย นอ โหฒว ปุน นิ่น บัว วั้ว หฒั่น, เยีย อ๋อย ฮนั้ง วั้ว นอ โหฒว ปุน เม่ย. เยีย เซี้ยม เม่ย เญย เฒี่ยง โห่, เยีย อ๋อย เยียม นิ่น บัว บุด๋ง ปุน นิ่น บัว ฮิ้ว ตุ๊ เยีย. 12เม่ย ฯฒฯ ฮิ้ว ตุ๊ เยีย, เฒี้ยว, ไฮ์ เม่ย ก๊อง โตะ เญย เหยียด ฒู้ง หว่า, เซ เม่ย ก๊อง อ๋อย โหฒว ปุน อิสะลาเอน เญย บง เญย หว่า. เม่ย ก๊อง, “น้าย เต๋ย บง หฒุ ป่าย ฮวาง, ฒู้ง จิว ปุน เยีย บัว นะ หมี่ อ๊ะ.” 13เม่ย บัว หล่ง ฑุ่ย ปู๋ง หว่า-เหมา เธง กั้น โฮล, ไม้ ตี้ง เลี่ยว เญย ก๊อง เยีย, เยีย หย่า ไฮ์ หมี่ อ๊ะ.’ 14เฒี้ยว ทิน-ฮู่ง ฮนั้ง น้าย ก๊อง, “ก๋อม ลู่ง เดี๊ย เฌียน-โย่ว เญย เฒี่ยง โห่ เยีย อ๋อย ปุน เม่ย หฒุ ป่าย ฮวาง. 15เหว่ย หฒุ อิสะลาเอน เญย เฒ้ย-ฟุน หฑิบ เญย ป่วน หฒุ ป่าย ฮวาง วั้ว หฒั่น เม่ย เฌียน-โย่ว, เยีย ฯฒฯ หฒิว เม่ย โหฒว เญย โหฒว ปุน เม่ย. เสอี บง อ้า! เม่ย เหธา เอโดม เต่ย, เซ เฒี่ยง นอม เต่ย-ปูง, ฯฒฯ เป๋น เดา-ฮวาง. วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว. ”’”
Currently Selected:
เอเสเคน 35: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
