เอเสเคน 19
19
หน่าน ฒี่ง ฑูง ก๊อง อิสะลาเอน เญย ฮู่ง
1“เม่ย อ๋อย หฒุ เหว่ย อิสะลาเอน เญย ฮู่ง#19:1 เซ อี เต้า ฮู่ง. ป๋าว ติ้ว หน่าน ฒี่ง ฑูง. 2อ๋อย หฒุ ก๊อง,
“‘เม่ย เญย มา เซ ฮนั้ง เยียม เซี่ยน บุด๋ง
เก้า เฮ้น เจี๋ย เญย เซี่ยน เญ์ย.
นิ่น เปว๋ย เจี๊ยน เซี่ยน หลุน บุด๋ง
ต้อ นิ่น เญย ตอน.
3นิ่น ต้อ เต้า ตอน โฮล ต้าย,
เป๋น เต้า เซี่ยน หลุน.
นิ่น โหะ เฒาะ กะน้าย หญั่น,
หย่า หญั่น เมี่ยน.
4หม่าน กั๊วะ ไฮ์ ก๊อง เถา นิ่น ฯฒฯ
เยียม นิ่น บัว แฒง เญย ค้วด เฒาะ นิ่น.
นิ่น บัว หล่ง ต้ม ติ๋ว ขวัง เจี๊ยน,
ต้อ นิ่น เถา อียิบ.
5“‘เซี่ยน มา ฒั้ว เกา,
ไม้ ลั่ม ฮนั้ม อ๊ะ.
นิ่น แอ๋ง เฒาะ เต้า นิ่น เญย ตอน,
ต้อ โฮล ต้าย เป๋น เต้า เซี่ยน หลุน.
6นิ่น เยียม เซี่ยน บุด๋ง
มี่งๆ ต้ายๆ, เป๋น เซี่ยน หลุน.
นิ่น โหะ เฒาะ กะน้าย หญั่น,
หย่า หญั่น เมี่ยน.
7นิ่น เหมียด นิ่น บัว ว้วน เญย ต๋อง,
ป่าย หว่าย นิ่น บัว เญย ฒี่ง.
ไฮ์ นิ่น ฌุ่น เญย เฉีย บุย,
เฒี่ยง นอม เต่ย-ปูง เหธา เต่ย-ปูง กะญั์ว เญย เมี่ยน กั้ม เหฑีย ไห่.
8เหฒีย กั๊วะ เมี่ยน, เซ เว่ย ก๋อม เญย แซ้ง,
ต้าย เหธา นิ่น ป์อง.
นิ่น บัว เฒาะ มู์ง หฒาว เจี๊ยน นิ่น.
นิ่น หฒุ เฒาะ เยียม นิ่น บัว แฒง เญย ค้วด กะญั์ว.
9นิ่น บัว หล่ง ต้ม ติ๋ว ทอ นิ่น เปียะ ล่ง กะญั์ว,
ต้อ นิ่น มี่ง เถา บาบีโลน เญย ฮู่ง.
นิ่น บัว เฒาะ นิ่น หววน เจี๊ยน นอม ว้วน เญย ต๋อง,
เหว่ย ปุน เยียม อิสะลาเอน เญย บง,
ไม้ ตุ๊ แอ๋ง ไฮ์ นิ่น เญย เฉีย.
10“‘เม่ย เญย มา ฒิ่น ด่าง ฮนั้ง ฒู่ง อะหงุ่น เฮมย เยียม อะหงุ่น หฮวีง,
เฒาะ ต้าย หฒวัง วั้ว โด๊ะ-เฮลน,
เฒี่ยง เปี๊ยว กิ๊ด, ฆว่า หย่า หฮยาง,
เหว่ย หฒุ ม่าย ววม ธั้ม.
11นิ่น ธ้วด เญย ฆว่า แหง่ง เญย, เฮ้น เญย,
ผุย ตุ๊ โหฒว ฮู่ง เญย ปย๊า.
เยียม โฮ์ เญย, หฮยาง เญย ฆว่า บุด๋ง
นิ่น แป๊ด ธ้วด ฮลัง.
หาย เต้า หย่า ปวัด นิ่น ธ้วด ฝาว ฮลัง,
ฆว่า หย่า เฒี่ยง ตุ๊ หฮยาง.
12มป่า เยีย เฉีย เจี์ย! แปง น้าย ติ้ว อะหงุ่น เฮมย ธ้วด
ฒอย กวั่ง กะเดี๊ย เดา.
ตง ปูง เญย หฑยาว ป่วน นิ่น เหญา มี่ง.
นิ่น เญย เปี๊ยว หฒุ ฮลุด เหฑ่ง.
แหง่ง เญย ฆว่า หย่า เหญา หมี่ อ๊ะ,
หฒุ โต์ว ปั๊ว ชุย เหฑ่ง.
13อี้ หฒั่น วั้ว ติ้ว เฮมย หฒุ แปง ธ้วด หฒวัง เต่ย-ปูง-ฮวาง,
เซ เต่ย-ปูง-ฮ์าน, ไม้ ม่าย ววม เญย ต๋อง.
14โต์ว เยียม เฮมย-หม่า ธ้วด,
เลี่ยม ฆว่า เลี่ยม เปี๊ยว ปั๊ว ชุย เหฑ่ง,
ไม้ เหฒ่ง เหยียด ติ้ว แหง่ง เญย ฆว่า,
ไฮ่ โหฒว ตุ๊ ฮู่ง เญย ปย๊า.’
น้าย เซ หน่าน ฒี่ง ฑูง, หย่า หล่ง เป๋น หน่าน ฒี่ง ฑูง.”
Currently Selected:
เอเสเคน 19: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
