เอเสเคน 18
18
ป์าม ฒุ์ย เมี่ยน อ๋อย หฒุ ไต่
1เยีย แอ๋ง ตุ๊ ฒิบ เฒี้ยว เญย หว่า ก๊อง, 2“เม่ย บัว ฝู่ง หฒั่นๆ หฑั่ม เจี๊ยน ก๊อง เถา อิสะลาเอน เต่ย-ปูง น้าย ติ้ว หว่า-เป๊ย? เม่ย บัว ก๊อง,
“‘เตีย หญั่น อะหงุ่น เปี๊ยว-ซุย,
ตอน เญย ญ่า เฌี์ยน.’#เยเลมี 31:29
3เฒี้ยว ทิน-ฮู่ง ก๊อง, “เยีย เฒี้ยง เจี๊ยน เยีย กั้น เญย แหม่ง ก๊อง, เยียม น้าย มี่ง เยียม อิสะลาเอน เต่ย-ปูง เม่ย บัว ไม้ ตุ๊ แอ๋ง หล่ง น้าย ติ้ว หว่า-เป๊ย. 4หมั่ง ม่าะ! โม์ว เต้า เมี่ยน เญย แหม่ง เป๋น เยีย เญย. ไม้ กุ๊น เตี๋ย หม่า ไฟ ฝุเจว๊ย เญย แหม่ง, หย่า เป๋น เยีย เญย. หาย เต้า เมี่ยน ป์าม ฒุ์ย, วั้ว เต้า อ๋อย หฒุ ไต่.
5“สี ก๊อง ม่าย เต้า คู้ เมี่ยน,
นิ่น โหฒว ตุ๊ หอบ หย่า โหฒว ตุ๊ แป้ง ฟิม,
6สี ก๊อง นิ่น ไม้ เยียม บง กู้ หงว่าย หญั่น เหฒี่ย ปุน หมิ่ว-ฝัง เญย กะน้าย,
หย่า ไม้ เธา เฮมียน ป๋าย อิสะลาเอน เญย เฒ้ย-ฟุน เญย หมิ่ว-ฝัง,
นิ่น ไม้ เหฮยียน เมี่ยน เญย เอ๊า,#18:6 ฟาน หฒะ ก๊อง “นิ่น ไม้ ปุน จวั่ง ล์าง เมี่ยน เญย เอ๊า ม่าย หวุย”.
หย่า ไม้ เหธา ม่าย ซิน-เหยี่ยน เญย มเซียะ ตอน เปว๋ย.
7นิ่น ไม้ เหฒย หาย เต้า,
ฒู้ง เฒาะ ต๋อง-ต้าว ถุย หฑวน ปุน ก๊า แฒะ เญย เมี่ยน.
นิ่น ไม้ ลู้ เมี่ยน เญย กะน้าย,
ฒู้ง เฒาะ กั้น เญย หญั่น ฮบ ปุน หง่อ เญย เมี่ยน,
หย่า เฒาะ ลุย-โหว ปุน ฌัง ซิน เญย เมี่ยน ฒุ.
8นิ่น ก๊า ญ่าน ปุน เมี่ยน หย่า ไม้ หล่ง เหล่ย,
ก๊า ลิ์ว หย่า ไม้ หล่ง เก้า ธั้ม ป๊วน.
นิ่น ฮล้วด ปั์ว ไม้ โหฒว หาย หญู่ง เอ๊าะ สี่.#18:8 ฮิบลู หว่า ก๊อง “นิ่น ไม้ เฒ์ย ชบ เจี๊ยน ปั์ว, นิ่น เถง เมี่ยน จ่ม เมี่ยน”.
นิ่น เยียม อี ล่าน เมี่ยน บุด๋ง แป้ง ฟิม เญย ตุ๋น สี่.
9นิ่น กัน เยีย เญย เล์ย,
หย่า กัน หลง เยีย เญย เล์ย-หลัด.
น้าย หญู่ง เมี่ยน เซ คู้ เมี่ยน,
นิ่น ฒู้ง ตุ๊ แหม่ง เฒี่ยง เจี๊ยน.”#เลวี 18:5
น้าย เซ เฒี้ยว ทิน-ฮู่ง ก๊อง เญย หว่า.
10“สี ก๊อง นิ่น ม่าย เต้า ตอน โหฒว เธี้ยว, ไต๋ เมี่ยน, ปุน ฑย้าม เหลี่ยว ธ้วด ไฟ โหฒว น้าย เต๋ย หาย หญู่ง สี่ ปุน เมี่ยน, 11(ไม้ กุ๊น นิ่น เญย เตีย ไม้ โหฒว เจี๋ย น้าย เต๋ย หาย หญู่ง หว่าย สี่,)
“น้าย เต้า ตอน เยียม บง หญั่น เหฒี่ย ปุน หมิ่ว-ฝัง เญย กะน้าย.
นิ่น เหฮยียน จวั่ง ล์าง เมี่ยน เญย เอ๊า.#18:11 เป๊ย หมั่ง เอเสเคน 18:6
12นิ่น เหฒย เมี่ยน จ่ม เมี่ยน เหธา ตั๋ง-ต๋น เญย เมี่ยน,
หย่า ลู้ เมี่ยน เญย กะน้าย.
นิ่น ไม้ คั้ง ถุย โหฒว ต๋อง-ต้าว เญย กะน้าย.
นิ่น เธา เฮมียน ป๋าย หมิ่ว-ฝัง,
นิ่น โหฒว กั้ม เฑี้ย เญย สี่.
13นิ่น ปู๋ง แฒะ เหว่ย หล่ง เหล่ย
เหว่ย ตุ๊ เก้า ธั้ม ป๊วน.
น้าย หญู่ง เมี่ยน ไฮ่ ม่าย แหม่ง เฒี่ยง ไฟ? นิ่น ฒู้ง ไม้ ตุ๊ แหม่ง เฒี่ยง. นิ่น โหฒว ลิ์ว น้าย เต๋ย เหยียด ฒู้ง กั้ม เฑี้ย เญย สี่, นิ่น ฒู้ง อ๋อย หฒุ ไต่ อ๊ะ. นิ่น เญย ฒุ์ย นิ่น กั้น หฒุ ดาม-ตอง.
14“มป่า สี ก๊อง น้าย ล่าน เมี่ยน ม่าย เต้า ตอน, ตอน ปวัด เตีย โหฒว เญย เหยียด ฒู้ง ฒุ์ย, นิ่น ฯฒฯ กั้ม เหฑีย,#18:14 ม่าย เต๋ย โซว ก๊อง ปวัด ลิ์ว. ไม้ เอย เจี๊ยน โหฒว.
15“นิ่น ไม้ เยียม บง หญั่น เหฒี่ย ปุน หมิ่ว-ฝัง เญย กะน้าย,
ไม้ เธา เฮมียน ป๋าย อิสะลาเอน เญย เฒ้ย-ฟุน เญย หมิ่ว-ฝัง.
นิ่น หย่า ไม้ เหฮยียน จวั่ง ล์าง เมี่ยน เญย เอ๊า.#18:15 เป๊ย หมั่ง เอเสเคน 18:6.
16นิ่น ไม้ โหฒว ต่อง หาย เต้า,
หย่า ไม้ หล่ง ต๋อง-ต้าว.
นิ่น ไม้ ลู้ เมี่ยน เญย กะน้าย,
ฒู้ง เฒาะ หญั่น ฮบ ปุน หง่อ เญย เมี่ยน,
หย่า ปุน ลุย-โหว ฌัง ซิน เญย เมี่ยน ฒุ.
17นิ่น ฮล้วด ปั์ว ไม้ โหฒว หาย หญู่ง เอ๊าะ สี่.#18:17 ไฟ “นิ่น ไม้ ห่อย เมี่ยน จ่ม เมี่ยน”.
นิ่น ก๊า ญ่าน ปุน เมี่ยน หย่า ไม้ หล่ง เหล่ย,
ก๊า ลิ์ว หย่า ไม้ หล่ง เก้า ธั้ม ป๊วน.
นิ่น กัน เยีย เญย เล์ย
หย่า เอย เจี๊ยน เยีย เญย เล์ย-หลัด.
“นิ่น ไม้ เหว่ย นิ่น เญย เตีย เญย ฒุ์ย หฒุ ไต่, นิ่น ฒู้ง ตุ๊ เฒี่ยง เจี๊ยน. 18มป่า นิ่น เญย เตีย อ๋อย หฒุ เหว่ย นิ่น กั้น เญย ฒุ์ย ไต่, หลาย นิ่น เนี้ยว เมี่ยน เหว่ย ตุ๊ ญ่าน หย่า ธ้าง นิ่น เญย ก๋อ-โย์ว เญย กะน้าย, หย่า เยียม นิ่น เญย จวั่ง ฝีง เมี่ยน บุด๋ง โหฒว ไม้ เป๋น เญย สี่.
19“เม่ย บัว หธ่อ ก๊อง, ‘ตอน เหว่ย หาย ติ่ว ไม้ หฒุ เหว่ย นิ่น เญย เตีย โหฒว เญย ฒุ์ย ดาม-ตอง?’ ตอน โหฒว ตุ๊ หอบ, โหฒว ตุ๊ แป้ง ฟิม เญย, กัน เยีย เญย เล์ย หย่า เอย เจี๊ยน โหฒว, นิ่น ด่ง หาย ฒู้ง ตุ๊ เฒี่ยง เจี๊ยน. 20หาย เต้า ป์าม ฒุ์ย, วั้ว เต้า อ๋อย หฒุ ไต่. ตอน ไม้ หฒุ เหว่ย เตีย โหฒว เญย ฒุ์ย ดาม-ตอง. เตีย หย่า ไม้ หฒุ เหว่ย ตอน โหฒว เญย ฒุ์ย ดาม-ตอง. คู้ เมี่ยน เหว่ย นิ่น โหฒว เญย คู้ สี่ วิ่น ปุน นิ่น. เอ๊าะ เมี่ยน เหว่ย นิ่น โหฒว เญย เอ๊าะ สี่ หฒุ วิ่น ปุน นิ่น.#หฑั่ม เล์ย-หลัด 24:16
เฒี้ยว แป้ง ฟิม เญย โหฒว
(เป๊ย หมั่ง เอเสเคน 33:10-20)
21“มป่า สี ก๊อง เอ๊าะ เมี่ยน ก๊อย เฮญี้ยว กวั่ง ฆอย นิ่น ป์าม เญย เหยียด ฒู้ง ฒุ์ย, เอย เจี๊ยน เยีย เญย เล์ย หย่า โหฒว ตุ๊ หอบ, โหฒว ตุ๊ แป้ง ฟิม เญย, นิ่น ฒู้ง ตุ๊ เฒี่ยง เจี๊ยน, ไม้ หฒุ ไต่. 22นิ่น โหฒว เญย เหยียด ฒู้ง ฒุ์ย เยีย ฯฒฯ ไม้ จั๋ง. เหว่ย นิ่น โหฒว เญย คู้ สี่ นิ่น ตุ๊ เฒี่ยง เจี๊ยน.” 23เฒี้ยว ทิน-ฮู่ง ก๊อง, “เอ๊าะ เมี่ยน ไต่ เยีย อะเฮน้ย เญย ไฟ? เยีย อะเฮน้ย เญย เซ นิ่น ก๊อย เฮญี้ยว กวั่ง นิ่น โหฒว เญย เอ๊าะ สี่ ตุ๊ เฒี่ยง เจี๊ยน ไม้ เฒ์ย?
24“มป่า สี ก๊อง คู้ เมี่ยน กวั่ง นิ่น โหฒว เญย คู้ สี่ แอ๋ง ป์าม ฒุ์ย หย่า โหฒว เอ๊าะ เมี่ยน โหฒว เญย เหยียด ฒู้ง กั้ม เฑี้ย เญย สี่, วั้ว เต้า เมี่ยน หอบ หฒุ ตุ๊ แหม่ง เฒี่ยง ไฟ? ต้ง นิ่น ฒิ่น ด่าง โหฒว เจี๋ย ต้าย เญย คู้ สี่ เยีย ฒู้ง ไม้ จั๋ง. หลาย นิ่น เบี๊ยน เฮญี้ยว หย่า หลาย นิ่น ป์าม เญย ฒุ์ย, นิ่น อ๋อย หฒุ ไต่ อ๊ะ.
25“มป่า เม่ย บัว หธ่อ ก๊อง, ‘เฒี้ยว ฮนั้ง น้าย โหฒว เซ ไม้ แป้ง ฟิม.’ โอ อิสะลาเอน เญย เฒ้ย-ฟุน อ้า! หมวัง ม่าะ! เยีย โหฒว เญย เจ๊า ไม้ แป้ง ฟิม ไฟ? เซ เม่ย บัว กั้น โหฒว เญย เจ๊า ไม้ แป้ง ฟิม ไม้ เฒ์ย? 26สี ก๊อง คู้ เมี่ยน กวั่ง นิ่น โหฒว เญย คู้ สี่ มี่ง โหฒว หว่าย สี่, นิ่น อ๋อย หฒุ เหว่ย นิ่น โหฒว เญย ฒุ์ย หฒุ ไต่. นิ่น อ๋อย หฒุ ไต่ เหว่ย นิ่น ป์าม เญย ฒุ์ย. 27มป่า สี ก๊อง แอ๋ง ม่าย ล่าน เมี่ยน กวั่ง ฆอย นิ่น โหฒว เญย เอ๊าะ สี่, แอ๋ง โหฒว ตุ๊ หอบ, โหฒว แป้ง ฟิม, นิ่น ฯฒฯ เหฌียว ตุ๊ กั้น เญย แหม่ง. 28เหว่ย หฒุ นิ่น ฮนั้ม-หฑวน, กวั่ง ฆอย นิ่น ป์าม เญย เหยียด ฒู้ง ฒุ์ย. นิ่น ด่ง หาย ฒู้ง ตุ๊ เฒี่ยง เจี๊ยน. นิ่น ไม้ หฒุ ไต่. 29มป่า อิสะลาเอน เญย เฒ้ย-ฟุน ก๊อง, ‘เฒี้ยว โหฒว เญย เจ๊า เซ ไม้ แป้ง ฟิม.’ โอ อิสะลาเอน เญย เฒ้ย-ฟุน อ้า! เยีย เญย เจ๊า ไม้ เฒ์ย แป้ง ฟิม เญย ไฟ? เซ เม่ย บัว กั้น เญย เจ๊า ไม้ แป้ง ฟิม ไม้ เฒ์ย?
30“โอ อิสะลาเอน เญย เฒ้ย-ฟุน อ้า!” เฒี้ยว ทิน-ฮู่ง ก๊อง, “เหว่ย น้าย เยีย อ๋อย หฒิว เม่ย บัว เก๊าะ-เมี่ยน โหฒว เญย สี่ เซี้ยม. ก๊อย เฮญี้ยว กวั่ง เม่ย บัว โหฒว เญย เหยียด ฒู้ง ฒุ์ย ม่าะ! เหฑีย เม่ย บัว เญย ฒุ์ย ไฮ่ ปุน เม่ย บัว ดิ๊ หฒุ ดอบ ฯฒฯ หฒุ เหมียด. 31เม่ย บัว อ๋อย หฒุ เฒาะ เม่ย บัว โหฒว ต่อง เยีย เญย เหยียด ฒู้ง ฒุ์ย กวั่ง เหฑ่ง. อ๋อย หฒุ ตุ๊ เซียง-เฮญี้ยว, เซียง-ลี่ง ว่วน. โอ อิสะลาเอน เญย เฒ้ย-ฟุน อ้า! เม่ย บัว เหว่ย หาย ติ่ว อ๋อย ไต่? 32เฒี้ยว ทิน-ฮู่ง ก๊อง, “เยีย ไม้ อะเฮน้ย หาย เต้า เมี่ยน หฒุ ไต่. อ๋อย หฒุ ก๊อย เฮญี้ยว หฑวน, ตุ๊ แหม่ง เฒี่ยง เจี๊ยน อ๊ะ.
Currently Selected:
เอเสเคน 18: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
