เอเสเคน 20
20
อิสะลาเอน เมี่ยน แหง่ง ทิน-ฮู่ง
1เยียม หฒุ กว๊าด มี่ง เญย ตะเธี้ยด หฮญัง, ฮม์ หฮลา แซง-เหฒียบ, ม่าย เต๋ย อิสะลาเอน เญย เมี่ยน โก๋ ต้าย หน่าย เฒี้ยว ฯฒฯ เฒว์ย เจี๊ยน เยีย เญย หฑะเฮมียน.
2เยีย ตุ๊ ฒิบ เฒี้ยว เญย หว่า ก๊อง, 3“ป้าม เมี่ยน อ้า! เม่ย อ๋อย หฒุ ก๊อง บั๋ว อิสะลาเอน เญย เมี่ยน โก๋, ‘เฒี้ยว ทิน-ฮู่ง ฮนั้ง น้าย ก๊อง, “เม่ย บัว ต้าย เซ เหว่ย หน่าย เยีย ไฟ?” เฒี้ยว ทิน-ฮู่ง ก๊อง, “เยีย เฒี้ยง เจี๊ยน เยีย กั้น เญย แหม่ง ก๊อง, เยีย ฒู้ง ไม้ ปุน เม่ย บัว หน่าย เยีย.”’
4“ป้าม เมี่ยน อ้า! เม่ย อ๋อย เซี้ยม นิ่น บัว ไฟ? เม่ย อ๋อย เซี้ยม นิ่น บัว ไฟ? เม่ย อ๋อย หฒุ ปุน นิ่น บัว ฮิ้ว ตุ๊ นิ่น บัว เญย อง-ถาย โหฒว วั้ว เต๋ย กั้ม เฑี้ย ไห่ เญย สี่. 5บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย ก๊อง. “ต้ง เยีย กิ๊น อิสะลาเอน วั้ว ฮนอย, เยีย โฮ้ว เจี๊ยน เหธา ยาโค้บ เญย โต้ว ฒง เญย เฒ้ย-ฟุน แล์ง หว่า, หย่า ปุน นิ่น บัว เยียม อียิบ เต่ย-ปูง ฮิ้ว ตุ๊ เยีย. เยีย โฮ้ว เจี๊ยน บั๋ว นิ่น บัว, ‘เยีย เซ เฒี้ยว, เม่ย บัว เญย ทิน-ฮู่ง.’#ธ้วด อียิบ 6:2-8 6วั้ว ฮนอย เยีย โฮ้ว เจี๊ยน แล์ง หว่า บั๋ว นิ่น บัว, เยีย อ๋อย ต้อ นิ่น บัว ธ้วด อียิบ, ต้อ นิ่น บัว เปียะ เยีย เหว่ย นิ่น บัว ล์อ เญย เต่ย-ปูง, เซ เดา-โท้ว หลง เญย เต่ย-ปูง.#20:6 เป๊ย หมั่ง ธ้วด อียิบ 3:8. เป๊ย หม่าน กั๊วะ, น้าย นอม เต่ย-ปูง เก้า เหฑว่ย เจี๋ย. 7เยีย หย่า ก๊อง บั๋ว นิ่น บัว, ‘เม่ย บัว เก๊าะ-เมี่ยน อ๋อย หฒุ กวั่ง ต้ง เม่ย บัว เญย มฒีง อะเฮน้ย หมั่ง วั้ว เต๋ย กั้ม เฑี้ย เญย หมิ่ว-ฝัง. ไม้ ตู๋ง หลาย อียิบ เมี่ยน เญย หมิ่ว-ฝัง ปุน กั้น ม่าย หวุย. เยีย เซ เฒี้ยว, เม่ย บัว เญย ทิน-ฮู่ง.’
8“‘มป่า นิ่น บัว แหง่ง เยีย, ไม้ คั้ง หมวัง เยีย. นิ่น บัว หย่า ไม้ กวั่ง ต้ง นิ่น บัว เญย มฒีง อะเฮน้ย วั้ว เต๋ย กั้ม เฑี้ย เญย กะน้าย, หย่า ไม้ กวั่ง อียิบ เมี่ยน เญย หมิ่ว-ฝัง. เยีย ฯฒฯ ก๊อง, เยีย อ๋อย เยียม อียิบ เต่ย-ปูง โน์ว นิ่น บัว, ปุน เยีย เญย กะเฉีย แป๊ด ธ้วด โหฒว ปุน นิ่น บัว. 9มป่า เยีย เหว่ย เยีย กั้น เญย เม่ง ไม้ ฮนั้ง หน่าย โหฒว. ไม้ อ๋อย ปุน เยีย เญย เม่ง เยียม ต้ง เยีย เญย เมี่ยน เยียม วั้ว เต๋ย กั๊วะ เญย เมี่ยน เญย หฑะเฮมียน หฒุ ม่าย หวุย. เยีย ตอง เจี๊ยน น้าย เต๋ย นอมๆ กั๊วะ เญย เมี่ยน ปุน นิ่น บัว ฮิ้ว ตุ๊ เยีย, เหว่ย หฒุ เยีย ต้อ เยีย เญย แปะ ฝีง ธ้วด อียิบ เต่ย-ปูง. 10ฮนั้ง หน่าย เยีย ต้อ นิ่น บัว ธ้วด อียิบ เต่ย-ปูง แอ๋ง ต้อ นิ่น บัว เปียะ เต่ย-ปูง-ฮวาง. 11เยีย เฒาะ เยีย เญย เล์ย-หลัด จิว ปุน นิ่น บัว หย่า ปุน นิ่น บัว ฮิ้ว ตุ๊ เยีย เญย เล์ย. สี ก๊อง เมี่ยน เอย เจี๊ยน โหฒว ฯฒฯ ตุ๊ เฒี่ยง เจี๊ยน.#เลวี 18:5 12เยีย แอ๋ง เฒาะ เยีย เญย ตี้ง กง ฮนอย จิว ปุน นิ่น บัว เหว่ย โหฒว จั๋ง-โห่ เยียม เยีย เหธา นิ่น บัว บุด๋ง, เหว่ย ปุน นิ่น บัว ฮิ้ว ตุ๊ เซ เยีย, เฒี้ยว, ปุน นิ่น บัว ธีง-เหฑ่ง.#ธ้วด อียิบ 31:13-17
13“‘มป่า อิสะลาเอน เญย เฒ้ย-ฟุน เยียม เต่ย-ปูง-ฮวาง แหง่ง เจี๊ยน เยีย. นิ่น บัว ไม้ เอย เยีย เญย เล์ย-หลัด, ฒู้ง แหง่ง เจี๊ยน เยีย เญย เล์ย. สี ก๊อง เมี่ยน เอย เจี๊ยน น้าย เต๋ย เล์ย โหฒว, ฯฒฯ ตุ๊ เฒี่ยง เจี๊ยน. นิ่น บัว หย่า โหฒว ปุน เยีย เญย ตี้ง กง ฮนอย ม่าย หวุย โฮล ไห่.#20:13 เป๊ย หมั่ง อิสะยา 58:13-14 เยีย ฯฒฯ ก๊อง เยีย อ๋อย เยียม เต่ย-ปูง-ฮวาง ปุน เยีย เญย กะเฉีย แป๊ด ธ้วด โหฒว ปุน นิ่น บัว หฒุ เหมียด เหฑ่ง. 14มป่า เยีย เหว่ย เยีย กั้น เญย เม่ง ไม้ ฮนั้ง หน่าย โหฒว. ไม้ อ๋อย ปุน เยีย เญย เม่ง เยียม ต้ง เยีย ต้อ นิ่น บัว ธ้วด อียิบ เต่ย-ปูง วั้ว เต๋ย ฝีง เญย หฑะเฮมียน หฒุ ม่าย หวุย. 15เยีย แอ๋ง เยียม เต่ย-ปูง-ฮวาง เหธา นิ่น บัว โฮ้ว หว่า ก๊อง, เยีย ไม้ ต้อ นิ่น บัว เปียะ เยีย เหธย ปุน นิ่น บัว วั้ว นอม เดา-โท้ว หลง เญย เต่ย-ปูง,#20:15 เป๊ย หมั่ง ธ้วด อียิบ 3:8. เซ เป๊ย หม่าน กั๊วะ, เก้า เหฑว่ย เจี๋ย เญย กั๊วะ,#ซ้าว เมี่ยน 14:26-35 16เหว่ย หฒุ นิ่น บัว แหง่ง เยีย เญย เล์ย, ไม้ กัน เยีย เญย เล์ย-หลัด หย่า ปุน เยีย เญย ตี้ง กง ฮนอย ม่าย หวุย, หลาย นิ่น บัว เญย เฮญี้ยว กัน เจี๊ยน นิ่น บัว เญย หมิ่ว-ฝัง. 17ไม้ กุ๊น ฮนั้ง หน่าย, เยีย หมั่ง เจี๊ยน นิ่น บัว, ค้อ-เลี่ยน นิ่น บัว, ฯฒฯ ไม้ เหมียด นิ่น บัว, ไม้ ปุน นิ่น บัว เยียม เต่ย-ปูง-ฮวาง หฒุด เหฑ่ง. 18เยีย เยียม เต่ย-ปูง-ฮวาง บั๋ว นิ่น บัว เญย น่าม โญ์ว, “ไม้ ตู๋ง เอย เม่ย บัว เญย อง-ถาย เญย เล์ย-เหญ่ย, หย่า ไม้ ตู๋ง กัน นิ่น บัว เญย เล์ย. ไม้ ตู๋ง หลาย นิ่น บัว เญย หมิ่ว-ฝัง ปุน กั้น หฒุ ม่าย หวุย. 19เยีย เซ เฒี้ยว, เม่ย บัว เญย ทิน-ฮู่ง. อ๋อย หฒุ กัน เยีย เญย เล์ย-หลัด, หมวัง เยีย เญย เล์ย หย่า เอย เจี๊ยน โหฒว. 20เซียว เยีย เญย ตี้ง กง ฮนอย เป๋น ธีง-เหฑ่ง ฮนอย. น้าย ฮนอย เยียม เยีย เหธา เม่ย บัว บุด๋ง โหฒว จั๋ง-โห่ เหว่ย ปุน เม่ย บัว ฮิ้ว ตุ๊ เยีย เซ เฒี้ยว, เม่ย บัว เญย ทิน-ฮู่ง.”
21“‘มป่า วั้ว เต๋ย น่าม โญ์ว แหง่ง เยีย. นิ่น บัว ไม้ กัน เยีย เญย เล์ย-หลัด, หย่า ไม้ หมวัง เยีย เญย เล์ย, ไม้ เอย เจี๊ยน โหฒว. สี ก๊อง เมี่ยน เอย เจี๊ยน น้าย เต๋ย เล์ย โหฒว ฯฒฯ ตุ๊ เฒี่ยง เจี๊ยน. นิ่น บัว หย่า ปุน เยีย เญย ตี้ง กง ฮนอย ม่าย หวุย. เยีย ฯฒฯ ก๊อง เยีย อ๋อย เยียม เต่ย-ปูง-ฮวาง โน์ว นิ่น บัว, ปุน เยีย เญย กะเฉีย แป๊ด ธ้วด โหฒว ปุน นิ่น บัว. 22มป่า เยีย เหว่ย เยีย เญย เม่ง ฮล้วด ปั์ว, ไม้ ฮนั้ง หน่าย โหฒว. เยีย ไม้ อ๋อย ปุน เยีย เญย เม่ง เยียม ต้ง ต้อ นิ่น บัว ธ้วด อียิบ เต่ย-ปูง วั้ว เต๋ย กั๊วะ เญย เมี่ยน เญย หฑะเฮมียน, หฒุ ม่าย หวุย. 23เยีย หย่า เยียม เต่ย-ปูง-ฮวาง เหธา นิ่น บัว โฮ้ว หว่า ก๊อง เยีย อ๋อย ปุน นิ่น บัว ฟ้าด หฑาน, ปุน นิ่น บัว เยียม เหฒีย ฝีง เหฒีย กั๊วะ เมี่ยน บุด๋ง,#เลวี 26:33 24เหว่ย หฒุ นิ่น บัว ไม้ กัน เยีย เญย เล์ย, ฒู้ง เฆ่ม เยีย เญย เล์ย-หลัด หย่า ปุน เยีย เญย ตี้ง กง ฮนอย ม่าย หวุย. นิ่น บัว เญย มฒีง ขูง หมั่ง เจี๊ยน นิ่น บัว เญย อง-ถาย เญย หมิ่ว-ฝัง. 25เยีย ฯฒฯ เฒาะ ไม้ เป๋น เญย เล์ย-หลัด ปุน นิ่น บัว, เซ ไม้ ไฮ่ ปุน เมี่ยน ม่าย แหม่ง เฒี่ยง เญย เล์ย. 26เยีย ปุน นิ่น บัว หลาย นิ่น บัว ฝ่ง ห่อ เหฒี่ย เญย กะน้าย ปุน กั้น ม่าย หวุย. เยีย ปุน นิ่น บัว เฒาะ นิ่น บัว เญย เต้าๆ ตอน-หละเก๊า หล่ง โต์ว ปั๊ว เหฒี่ย ฝ่ง ห่อ.#20:26 ฟาน หฒะ ก๊อง “ปุน เต้าๆ ตอน-หละเก๊า เจี๋ย โต์ว.” เป๊ย หมั่ง เลวี 18:21. น้าย เซ เหว่ย ปุน นิ่น บัว โหยว! ไห่. นิ่น บัว ฯฒฯ ฮิ้ว ตุ๊ เยีย เซ เฒี้ยว. ’
27“ป้าม เมี่ยน อ้า! เหว่ย น้าย อ๋อย หฒุ ก๊อง บั๋ว อิสะลาเอน เญย เฒ้ย-ฟุน, ‘เฒี้ยว ทิน-ฮู่ง ฮนั้ง น้าย ก๊อง, “เยียม น้าย เต๋ย สี่ เม่ย บัว เญย อง-ถาย แอ๋ง คี เยีย, เหว่ย หฒุ นิ่น บัว เบี๊ยน เฮญี้ยว ปุน เยีย. 28เยีย ต้อ นิ่น บัว เปียะ เยีย โฮ้ว เจี๊ยน ปุน นิ่น บัว เญย เต่ย-ปูง วั้ว หฒั่น, นิ่น บัว ปวัด หาย นอม บง-ฮลัง ไฟ หาย ติ้ว ม่าย น่อม ธั้ม เญย เดี๋ยง, นิ่น บัว เยียม วั้ว ฝ่ง ห่อ เหฒี่ย หย่า ฝ่ง ห่อ ธัวะ เยีย เฉีย เจี์ย เญย กะน้าย. นิ่น บัว เยียม วั้ว ปุน ดาง เญย เฉีย ฝาว หย่า เยียม วั้ว เธี้ย เหฒี่ย. 29เยีย ก๊อง บั๋ว นิ่น บัว, เม่ย บัว มี่ง วั้ว เต๋ย ฮลัง เญย ต๋อง เซ หาย หญู่ง?”’” (วั้ว เต๋ย ฮลัง เญย ต๋อง เห่ว บามา เถา อี้ จ๋า ฮนอย.)#20:29 บามา เญย เอ๋ย เล์ย เซ เยียม ฮลัง หฒั่ง เฒี่ยน เญย ต๋อง.
30“เหว่ย น้าย เม่ย อ๋อย หฒุ ก๊อง บั๋ว อิสะลาเอน เญย เฒ้ย-ฟุน, ‘เฒี้ยว ทิน-ฮู่ง ฮนั้ง น้าย ก๊อง, “เม่ย บัว อ๋อย ฮนั้ง เม่ย บัว เญย อง-ถาย ปุน กั้น ม่าย หวุย ฯฒฯ มี่ง ต่อง เจ๊า ป๋าย นิ่น บัว กั้ม เฑี้ย ไห่ เญย หมิ่ว-ฝัง ไฟ? 31เม่ย บัว ฝ่ง ห่อ เญย เฒี่ยง โห่ หย่า เฒาะ เม่ย บัว เญย ฒี่ง เหญ่ย, เซ เม่ย บัว เญย ตอน, หล่ง โต์ว ปั๊ว เหฒี่ย,#20:31 เป๊ย หมั่ง เอเสเคน 20:26. เม่ย บัว หลาย น้าย เต๋ย หมิ่ว-ฝัง โหฒว ปุน กั้น ม่าย หวุย เถา อี้ จ๋า ฮนอย. โอ อิสะลาเอน เญย เฒ้ย-ฟุน อ้า! เยีย หอบ หฒุ ปุน เม่ย บัว ต้าย หน่าย เยีย ไฟ?”’ เฒี้ยว ทิน-ฮู่ง ก๊อง, ‘เยีย เฒี้ยง เจี๊ยน เยีย กั้น เญย แหม่ง ก๊อง, เยีย ไม้ ปุน เม่ย บัว ต้าย หน่าย เยีย.
32“‘เม่ย บัว เยียม เฮญี้ยว ฮนั้ม ต้าย, “เยีย บัว อ๋อย ฮนั้ง กั้น ฝีง เมี่ยน เหธา กั้น กั๊วะ เมี่ยน ป๋าย เดี๋ยง เหธา หละเปย๊ย.” มป่า น้าย เต๋ย สี่ เหยียด ลิ์ว ไม้ ไฮ่ ม่าย.’
เฒี้ยว แล์ง เหลียบ อิสะลาเอน ฮนั้ง โล์ วั้ว นอ
33“เฒี้ยว ทิน-ฮู่ง ก๊อง, ‘เยีย เฒี้ยง เจี๊ยน เยีย กั้น เญย แหม่ง ก๊อง, เยีย อ๋อย ซูง เยีย เฮ้น ไห่ เญย ปั์ว, หล่ง ต้ม ชะ, หย่า ปุน เยีย เญย กะเฉีย แป๊ด ธ้วด. เยีย หย่า อ๋อย โหฒว ฮู่ง กุ๊น เม่ย บัว. 34เยีย ฒู้ง อ๋อย ซูง เยีย เฮ้น ไห่ เญย ปั์ว, หล่ง ต้ม ชะ, หย่า ปุน เยีย เญย กะเฉีย แป๊ด ธ้วด ปุน เม่ย บัว ฟ้าด หฑาน เญย เยียม หม่าน กั๊วะ หม่าน ฝีง บุด๋ง ต้อ เม่ย บัว ธ้วด ต้าย กั๊บ ฒุ้น. 35เยีย อ๋อย ต้อ เม่ย บัว เปียะ มี่ง เยียม หม่าน กั๊วะ เญย เต่ย-ปูง-ฮวาง. เยียม หน่าย เยีย ฯฒฯ เหธา เม่ย บัว เฮมียน ต๋อย เฮมียน เซี้ยม เม่ย บัว เญย ฒุ์ย. 36เยีย เยียม อียิบ เญย เต่ย-ปูง-ฮวาง เซี้ยม เม่ย บัว เญย อง-ถาย เญย ฒุ์ย ฮนั้ง หาย นอ, เยีย ฯฒฯ ฮนั้ง วั้ว นอ เซี้ยม เม่ย บัว เญย ฒุ์ย.’ น้าย เซ เฒี้ยว ทิน-ฮู่ง ก๊อง เญย หว่า. 37‘เยีย อ๋อย ปุน เม่ย บัว ฑุน เจี๋ย เยีย เญย ปย๊า กะเดี๊ย, ปุน เม่ย บัว อ๋อย หฒุ เอย เจี๊ยน เหธา เยีย แล์ง เจี๋ย เญย แหง่ง หว่า. 38เยีย อ๋อย เฒาะ ธ้วด เหฑ่ง เยียม เม่ย บัว บุด๋ง เฮญี้ยว แหง่ง เญย เมี่ยน. เลี่ยม เบี๊ยน เฮญี้ยว ปุน เยีย วั้ว เต๋ย, เยีย อ๋อย เฒาะ นิ่น บัว ธ้วด นิ่น บัว เยียม เญย เต่ย-ปูง มป่า นิ่น บัว ไม้ ตุ๊ เปียะ อิสะลาเอน เต่ย-ปูง. เม่ย บัว ฯฒฯ ฮิ้ว ตุ๊ เยีย เซ เฒี้ยว. ’
39“อิสะลาเอน เญย เฒ้ย-ฟุน อ้า! เฒี้ยว ทิน-ฮู่ง ฮนั้ง น้าย ก๊อง, ‘เม่ย บัว เต้าๆ แอ๊ะ, สี ก๊อง เม่ย บัว ไม้ หมวัง เยีย, เยียม น้าย มี่ง กุ๊น มี่ง ป๋าย เม่ย บัว เญย หมิ่ว-ฝัง ม่าะ! มป่า เม่ย บัว ไม้ ตุ๊ แอ๋ง หล่ง เม่ย บัว ฝ่ง ห่อ เญย กะน้าย ไฟ หมิ่ว-ฝัง ปุน เยีย เญย ธีง-เหฑ่ง บั๋ว ม่าย หวุย.’ 40เฒี้ยว ทิน-ฮู่ง ก๊อง, ‘เยียม เยีย เญย ธีง-เหฑ่ง บง, เซ อิสะลาเอน เญย บง-ฮลัง เญย ต๋อง, อิสะลาเอน เญย เหยียด ฒู้ง เฒ้ย-ฟุน, เซ เต้าๆ, อ๋อย เยียม วั้ว นอม เต่ย-ปูง ฟู-สู เยีย. เยียม วั้ว เยีย อ๋อย ฒิบ นิ่น บัว. เยียม วั้ว เยีย อ๋อย หล่ง เม่ย บัว ฝ่ง ห่อ เญย กะน้าย เหธา เม่ย บัว กิ๊น เก้า หลง เจี๋ย เญย ฒี่ง เหญ่ย#20:40 ไฟ “เม่ย บัว ต้าว ถอง เญย ธุน-แกง”. เหธา เจี๊ยน เม่ย บัว ฝ่ง ห่อ เหฒี่ย ธีง-เหฑ่ง เญย กะน้าย. 41เยีย เยียม หม่าน ฝีง บุด๋ง ต้อ เม่ย บัว ธ้วด ต้าย วั้ว หฒั่น, หย่า เยียม เม่ย บัว หฒุ ฟ้าด หฑาน เญย เยียม กั้น กั๊วะ, ต้อ เม่ย บัว ต้าย กั๊บ ฒุ้น. เยีย ฯฒฯ ฒิบ เม่ย บัว ฮนั้ง เป๋น หอบ เฮญี้ยว เญย เฉีย-ดาง. เยีย หย่า อ๋อย เยียม เม่ย บัว บุด๋ง ตอง เจี๊ยน หม่าน ฝีง ปุน ธีง เยีย ธีง-เหฑ่ง. 42เยีย ต้อ เม่ย บัว เปียะ อิสะลาเอน เต่ย-ปูง, เซ เยีย โฮ้ว ปุน เม่ย เญย อง-ถาย เญย เต่ย-ปูง วั้ว หฒั่น เม่ย บัว ฯฒฯ ฮิ้ว ตุ๊ เยีย เซ เฒี้ยว. 43เยียม วั้ว เม่ย บัว ฯฒฯ จั๋ง หฒุ เม่ย บัว เญย เจ๊า เหธา เม่ย บัว โหฒว เญย เหยียด ฒู้ง สี่, ต้ง เม่ย บัว โหฒว ปุน กั้น ม่าย หวุย. เม่ย บัว ฯฒฯ ฑอง เม่ย บัว กั้น หลาย เม่ย บัว โหฒว เญย เหยียด ฒู้ง เอ๊าะ สี่.’ 44เฒี้ยว ทิน-ฮู่ง ก๊อง, ‘โอ อิสะลาเอน เญย เฒ้ย-ฟุน อ้า! เยีย เหว่ย เยีย กั้น เญย เม่ง โหฒว, ไม้ เฒ์ย เอย เม่ย บัว โหฒว เญย หว่าย สี่ เหธา โหฒว เญย เอ๊าะ สี่ โหฒว ปุน เม่ย บัว. เม่ย บัว ฯฒฯ ฮิ้ว ตุ๊ เยีย เซ เฒี้ยว. ’”
โต่ว หว่า ก๊อง น่าม ปูง หฒุ ตี่ง ฒุ์ย
45เยีย แอ๋ง ตุ๊ ฒิบ เฒี้ยว เญย หว่า ก๊อง, 46“ป้าม เมี่ยน อ้า! เม่ย อ๋อย หฒุ ฮวิน เฮมียน มี่ง น่าม ปูง ฒุ่น ก๊อง น่าม ปูง แหมง หย่า โต่ว หว่า ก๊อง น่าม ปูง#20:46 เซ เยียม เนเกบ. เญย เดี๋ยง-หล่ม. 47อ๋อย หฒุ ก๊อง บั๋ว น่าม ปูง เญย เดี๋ยง-หล่ม, ‘อ๋อย หฒุ หมวัง เฒี้ยว เญย หว่า. เฒี้ยว ทิน-ฮู่ง ฮนั้ง น้าย ก๊อง, “เยีย อ๋อย เยียม เม่ย กะญั์ว เตี๊ยม เหฒียะ โต์ว, ฯฒฯ ปั๊ว ชุย เยียม เม่ย บุด๋ง เญย ติ้วๆ เดี๋ยง-เญี์ยม เหธา ติ้วๆ เดี๋ยง-ฆาย. เหฒียะ เจี๊ยน หฮยาง ไห่ เญย โต์ว หย่า ไม้ หน่อย ตุ๊ ไต่. เยียม น่าม ปูง เถา ป๊ะ ปูง, เต้าๆ เญย เฮมียน อ๋อย หฒุ โต์ว ปั๊ว ล์าว. 48เหยียด ฒู้ง ป้าม เมี่ยน ฯฒฯ เฒียะ ตุ๊ เซ เยีย, เฒี้ยว, เตี๊ยม เหฒียะ โต์ว, หย่า ไม้ ม่าย หาย เต้า หน่อย ตุ๊ โต์ว ไต่.”’”
49เยีย ฯฒฯ ก๊อง, “อ๊า, เฒี้ยว ทิน-ฮู่ง อ้า! เมี่ยน เฒี้ยง เจี๊ยน เยีย ก๊อง, ‘นิ่น ไม้ เฒ์ย ขูง ก๊อง หว่า-เป๊ย ไฟ?’”
Currently Selected:
เอเสเคน 20: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
