ธ้วด อียิบ 7
7
1 เฒี้ยว ก๊อง บั๋ว โมเซ, “หมั่ง ม่าะ! เยีย อ๋อย ปุน เม่ย ตอง เจี๊ยน ฟาโล เญย หฑะเฮมียน โหฒว ฮนั้ง ทิน-ฮู่ง. เม่ย เญย ก๋อ, อาโลน, หย่า อ๋อย หฒุ โหฒว เม่ย เญย โต่ว หว่า เมี่ยน. 2ตะฟ่าน เยีย พ้าย เม่ย เญย เหยียด ฒู้ง หว่า, เม่ย อ๋อย หฒุ บั๋ว เม่ย เญย ก๋อ, อาโลน. อาโลน ฯฒฯ บั๋ว ฟาโล ฮู่ง ปู๋ง อิสะลาเอน เมี่ยน ธ้วด นิ่น เญย เต่ย-ปูง. 3มป่า เยีย อ๋อย ปุน ฟาโล เญย เฮญี้ยว แหง่ง. ไม้ กุ๊น เยีย เยียม อียิบ เต่ย-ปูง โหฒว บัวะ เหฒีย หฑุ่น บัวะ ฮ่อง ไห่ เญย สี่ เหธา จั๋ง-โห่,#กง-โฒ่ 7:36 4นิ่น หย่า ไม้ หมวัง เม่ย บัว. เยีย ฯฒฯ ซูง เยีย เญย ปั์ว เจี์ย ต้าย เฮนี้ยๆ เญย ตี่ง อียิบ เมี่ยน เญย ฒุ์ย, หย่า ต้อ กวั้นๆ เยีย เญย ฝีงๆ อิสะลาเอน เมี่ยน ธ้วด ต้าย. 5เยีย ซูง ปั์ว ตี่ง อียิบ เมี่ยน เญย ฒุ์ย หย่า ต้อ อิสะลาเอน เมี่ยน เยียม นิ่น บัว บุด๋ง ธ้วด ต้าย วั้ว หฒั่น, อียิบ เมี่ยน ฯฒฯ ฮิ้ว ตุ๊ เยีย เซ เฒี้ยว. ”
6โมเซ เหธา อาโลน เอย เจี๊ยน เฒี้ยว พ้าย นิ่น บัว เญย หว่า โหฒว. 7นิ่น บัว อี เต้า มี่ง เหธา ฮู่ง เตี๋ย ก๊อง วั้ว หฒั่น, โมเซ เญย หฮญัง-เจ๊ย ตุ๊ เป๊ด เหฒียบ หฮญัง. อาโลน ตุ๊ เป๊ด เหฒียบ ฟาม.
อาโลน เญย ปย๊า-บย่า
8 เฒี้ยว ก๊อง บั๋ว โมเซ เหธา อาโลน, 9“ฟาโล หาย หฒั่น ก๊อง, ‘โหฒว บัวะ ฮ่อง เญย สี่ ปุน ธีง เม่ย บัว โหฒว เญย เจ๊า ม่าะ!’ อ๋อย หฒุ บั๋ว อาโลน, ‘เฒาะ เม่ย เญย ปย๊า-บย่า แกว๋ง เหฌี่ย ฟาโล เญย หฑะเฮมียน.’ ปย๊า-บย่า ฯฒฯ เป๋น ติ้ว นาง หมี่ อ๊ะ.”
10โมเซ เหธา อาโลน ฯฒฯ มี่ง ฟาโล ฮู่ง วั้ว, เอย เจี๊ยน เฒี้ยว ก๊อง เญย หว่า โหฒว. อาโลน เฒาะ นิ่น เญย ปย๊า-บย่า แกว๋ง เหฌี่ย ฮู่ง เตี๋ย เหธา นิ่น เญย เจียน เญย หฑะเฮมียน. ปย๊า-บย่า ฯฒฯ เป๋น ติ้ว นาง หมี่ อ๊ะ. 11ฟาโล ฯฒฯ เห่ว นิ่น เญย ไกว-เก๊าะ ฟิน-แซง เหธา โหฒว หฮวา-ญิ์น เญย เมี่ยน ต้าย. น้าย เต๋ย โหฒว ฟ้าด เญย อียิบ เมี่ยน หย่า หล่ง นิ่น บัว เญย ฟ้าด ฟี่ ฮนั้ง เญย โหฒว. 12เก๊าะ-เมี่ยน เฒาะ เก๊าะ-เมี่ยน เญย ปย๊า-บย่า แกว๋ง เหฌี่ย เดา, ปย๊า-บย่า หย่า เป๋น นาง อ๊ะ. มป่า อาโลน เญย ปย๊า-บย่า นะ เหฑ่ง นิ่น บัว เญย หมี่ อ๊ะ. 13ไม้ กุ๊น ฮนั้ง หน่าย, ฟาโล ฮู่ง เญย เฮญี้ยว หธ่อ แหง่ง, ไม้ หมวัง นิ่น บัว เญย หว่า, ฮนั้ง เฒี้ยว ก๊อง นอ.
ตะเยี้ยด หญู่ง เหฒะ หน่าน, ววม เป๋น ฑย้าม
14 เฒี้ยว แอ๋ง ก๊อง บั๋ว โมเซ, “ฟาโล ฮู่ง เญย เฮญี้ยว แหง่ง ไห่, ไม้ คั้ง ปู๋ง แปะ ฝีง มี่ง. 15ฌัง ดอม ฟาโล มี่ง ไนอา ด้าย วั้ว หฒั่น, เม่ย อ๋อย หฒุ มี่ง วั้ว ปวั้ง นิ่น. แอ๋ง นั้น เจี๊ยน ไฮ่ เป๋น นาง วั้ว ติ้ว ปย๊า-บย่า มี่ง เยียม วั้ว ด้าย เฮลน ฒั้ว นิ่น. 16เม่ย หย่า อ๋อย หฒุ บั๋ว นิ่น, ‘เฒี้ยว, ฮิบลู เมี่ยน เญย ทิน-ฮู่ง, พ้าย เยีย ต้าย บั๋ว เม่ย “ปู๋ง เยีย เญย แปะ ฝีง มี่ง วั้ว เต่ย-ปูง-ฮวาง หฒั่ง เยีย. มป่า เถา อี้ หฒั่น เม่ย หย่า ไม้ หมวัง.” 17เฒี้ยว ฮนั้ง น้าย นอ ก๊อง, “เม่ย หมั่ง เยีย โหฒว เญย สี่ ฯฒฯ เฒียะ ตุ๊ เยีย ต้ง หาย เต้า อ๊ะ. หมั่ง โอ่. เยีย หล่ง เยีย เญย ปย๊า-บย่า เบ๊าะ ด้าย, ด้าย ฯฒฯ เป๋น ฑย้าม อ๊ะ.#หล่าว ย่าง 16:4 18เยียม ด้าย เญย เบย์า หฒุ ไต่. ด้าย หย่า เหฒวย เหฑ่ง. อียิบ เมี่ยน ฒู้ง ฮบ ไม้ ตุ๊ ด้าย เญย ววม.”’”
19 เฒี้ยว บั๋ว โมเซ, “เม่ย อ๋อย หฒุ ก๊อง บั๋ว อาโลน, ‘หล่ง เม่ย เญย ปย๊า-บย่า ซูง เจี๋ย อียิบ เต่ย-ปูง เญย ววม กู้ หงว่าย, เซ ด้าย, โด๊ะ, ฌ่าง, หาย เดา ม่าย ววม เญย ต๋อง.’ ววม ฯฒฯ เป๋น ฑย้าม เหฑ่ง หมี่ อ๊ะ. เยียม อียิบ เต่ย-ปูง หาย เดา, เลี่ยม เดี๋ยง-โฒ่ เหธา หละเปย๊ย-อ๋ง เญย ววม, เป๋น ฑย้าม เหฑ่ง.”
20โมเซ เหธา อาโลน ฯฒฯ เอย เจี๊ยน เฒี้ยว พ้าย เญย หว่า โหฒว เหฑ่ง. ตอง เจี๊ยน ฟาโล ฮู่ง เหธา นิ่น เญย เจียน เญย หฑะเฮมียน, อาโลน ย่าม นิ่น เญย ปย๊า-บย่า เจี๋ย ไนอา ด้าย กู้ หงว่าย เบ๊าะ ววม. น้าย เต๋ย ววม เหยียด ฒู้ง ฯฒฯ เป๋น ฑย้าม เหฑ่ง. 21เยียม ด้าย เญย เบย์า ไต่. ววม หย่า เหฒวย ไห่, อียิบ เมี่ยน ฒู้ง ฮบ ไม้ ตุ๊. อียิบ เต่ย-ปูง หาย เดา หย่า ม่าย ฑย้าม เหฑ่ง.
22มป่า อียิบ เญย หฮวา-ญิ์น เมี่ยน หล่ง นิ่น บัว เญย ฟ้าด ฟี่ ฮนั้ง เญย โหฒว. ฟาโล ฮู่ง เญย เฮญี้ยว ฯฒฯ ฟี่ ฮนั้ง เญย แหง่ง. นิ่น ไม้ คั้ง หมวัง โมเซ เหธา อาโลน เญย หว่า ฮนั้ง เฒี้ยว ก๊อง นอ. 23ฟาโล ฮู่ง ไม้ เกวน ไม้ สี่ เญย หฑวน มี่ง เปียะ นิ่น เญย ฮู่ง ติ่น หมี่ อ๊ะ. 24อียิบ เต่ย-ปูง เญย หฒวัง เมี่ยน เว้ด วั้ว ไนอา ด้าย เฮลน ล์อ ววม ฮบ, เหว่ย หฒุ ด้าย เญย ววม ไม้ เป๋น ฮบ.
ตะเหญ่ย หญู่ง เหฒะ หน่าน, แก๊ง ฟ้าน
25 เฒี้ยว เบ๊าะ ลิ์ว ไนอา ด้าย, ฆะฮ้า เจี๋ย ลิ์ว เสี่ย ฮนอย.
Currently Selected:
ธ้วด อียิบ 7: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
