ธ้วด อียิบ 6
6
1 เฒี้ยว ก๊อง บั๋ว โมเซ, “อี้ หฒั่น เม่ย อ๋อย ตุ๊ ปวัด เยีย ฮนั้ง หาย นอ โหฒว ปุน ฟาโล ฮู่ง. เยีย อ๋อย หล่ง เยีย เญย ต้ม ชะ#6:1 ฟาน หฒะ ฮิบลู หว่า ก๊อง “เยีย เญย เฮ้น ไห่ เญย ปั์ว”. อ๊าบ นิ่น ปู๋ง เยีย เญย แปะ ฝีง ธ้วด. หลาย เยีย เญย ปั์ว เญย ต้ม ชะ, นิ่น ฒู้ง อ๋อย หฒุ่น อิสะลาเอน เมี่ยน ธ้วด นิ่น เญย เต่ย-ปูง.”#กง-โฒ่ 13:17
ทิน-ฮู่ง แอ๋ง พ้าย หฑุ่น โมเซ
2ทิน-ฮู่ง แอ๋ง บั๋ว โมเซ. “เยีย เซ เฒี้ยว #ทิน เต่ย โต้ว 17:1; 28:3; 35:11; ธ้วด อียิบ 3:13-15 3เยีย หิ่น ธ้วด ต้าย ปุน อับลาฮัม, อีสัก, เหธา ยาโค้บ ปวัด, ปุน นิ่น บัว ฮิ้ว ตุ๊ เยีย เซ เน่น เจี๋ย เญย ทิน-ฮู่ง.#6:3 ฮิบลู หว่า ก๊อง เอนซัดได. มป่า ต้ง เยีย เห่ว เฒี้ยว วั้ว นอม บั๋ว, เยีย ไม้ หล่าว ย่าง ปุน นิ่น บัว ฮิ้ว. 4เยีย หย่า เหธา นิ่น บัว เหลียบ เจี์ย แหง่ง หว่า, แล์ง เฒาะ คานาอัน เต่ย-ปูง จิว ปุน นิ่น บัว, ต้ง ฒิ่น ด่าง นิ่น บัว โหฒว แคะ เมี่ยน เยียม วั้ว นอม เต่ย-ปูง. 5ไม้ ตาน บัวะ น้าย. อิสะลาเอน เมี่ยน หฒุ อียิบ เมี่ยน ห่อย โหฒว โน่ว โค้ว, ฌุ่น เญย เฉีย เยีย หย่า ไฮ์ หมี่ อ๊ะ. เยีย แอ๋ง จั๋ง หฒุ เยีย แล์ง เจี๋ย เญย แหง่ง หว่า.
6“เหว่ย น้าย เม่ย อ๋อย หฒุ บั๋ว อิสะลาเอน เมี่ยน, ‘เยีย เซ เฒี้ยว หย่า อ๋อย ต้อ เม่ย บัว ธ้วด อียิบ เมี่ยน เญย ปั์ว-เดี๊ย, เปย๋า ดุ๊ด หฒุ โหฒว โน่ว เญย โค้ว หน่าน. เยีย อ๋อย ซูง ธ้วด เยีย เฮ้น ไห่ เญย ปั์ว เจี์ย ต้าย เฮนี้ยๆ เญย ตี่ง อียิบ เมี่ยน เญย ฒุ์ย หย่า หฒัวะ เม่ย บัว. 7เยีย อ๋อย ปุน เม่ย บัว โหฒว เยีย กั้น เญย แปะ ฝีง หย่า อ๋อย โหฒว เม่ย บัว เญย ทิน-ฮู่ง. เม่ย บัว ฯฒฯ ฮิ้ว ตุ๊ เยีย โหฒว เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อียิบ เมี่ยน ห่อย เม่ย บัว เญย โค้ว หน่าน. 8เยีย อ๋อย ต้อ เม่ย บัว มี่ง เถา เยีย เหธา อับลาฮัม, อีสัก, เหธา ยาโค้บ โฮ้ว เจี๊ยน แล์ง ปุน นิ่น บัว วั้ว นอม เต่ย-ปูง. เยีย อ๋อย เฒาะ วั้ว นอม เต่ย-ปูง จิว ปุน เม่ย บัว, เป๋น เม่ย บัว หฑิบ เญย ป่วน. เยีย เซ เฒี้ยว ’”
9โมเซ เฒียง น้าย เต๋ย หว่า บั๋ว อิสะลาเอน เมี่ยน มป่า นิ่น บัว ไม้ หมวัง, เหว่ย หฒุ นิ่น บัว ปะหละ เฑ่า ไห่, หฒุ เตี๊ย โหฒว โน่ว โค้ว ธูง มี่ง.
10 เฒี้ยว แอ๋ง บั๋ว โมเซ, 11“มี่ง บั๋ว อียิบ เต่ย-ปูง เญย ฟาโล ฮู่ง ปู๋ง อิสะลาเอน เมี่ยน ธ้วด นิ่น เญย เต่ย-ปูง อ๊ะ.”
12มป่า โมเซ เตา เฒี้ยว, “อิสะลาเอน เมี่ยน ฒู้ง ไม้ อ๋อย หมวัง เยีย เญย หว่า. ฟาโล ฮู่ง ฝู่ง อ๋อย หมวัง? เหว่ย หฒุ เยีย ก๊อง หว่า ไม้ บย่าง.”
13 เฒี้ยว บั๋ว โมเซ เหธา อาโลน, “อ๋อย หฒุ ก๊อง บั๋ว อิสะลาเอน เมี่ยน เหธา อียิบ เต่ย-ปูง เญย ฟาโล ฮู่ง, เฒี้ยว พ้าย เม่ย บัว อี เต้า ต้อ อิสะลาเอน เมี่ยน ธ้วด อียิบ เต่ย-ปูง.”
โมเซ เหธา อาโลน เญย โต้ว ฒง
14น้าย เซ อิสะลาเอน เมี่ยน เญย ปู้ง ป่วน เปย๊ย เฒ้ย เญย บั๋ว.#ทิน เต่ย โต้ว 46:8-11; ซ้าว เมี่ยน 26:5-14
ยาโค้บ#6:14 ยาโค้บ ฮิบลู หว่า ก๊อง อิสะลาเอน. เซ ยาโค้บ เญย กั้น นอม บั๋ว. เญย ตอน-โฮล, ลูเบน, ม่าย เปยย เต้า ตอน, บั๋ว เห่ว ฮาโน้ก, ปันลู, เฮ้ดโลน, เหธา คานมี. น้าย เต๋ย เซ ลูเบน เญย ปู้ง ป่วน.
15สิเมโอน ม่าย จุ๊ เต้า ตอน, บั๋ว เห่ว เยมูเอน, ยามีน, โอหาด, ยาคีน, โสหา, ซาอุน. ซาอุน เซ นิ่น เญย คานาอัน เมี่ยน เอ๊า ยู์ง เญย ตอน. น้าย เต๋ย โหฒว สิเมโอน เญย ปู้ง ป่วน.
16น้าย เซ เลวี เญย ตอน เหยียด ต่อย เจี๋ย เหยียด ต่อย เญย บั๋ว.#ซ้าว เมี่ยน 3:17-20; 26:57-58; 1 ฒุ่น ต่อย โต้ว 6:1,16-19 เลวี ม่าย ปัว เต้า ตอน, บั๋ว เห่ว เกโซน, โคฮ้าด เหธา เมลาลี. เลวี เญย หฮญัง-เจ๊ย เฒี่ยง ตุ๊ เหยียด แป๊ะ ฟ่า เหฒียบ เธี้ยด หฮญัง.
17เกโซน เญย ตอน หฒิว นิ่น บัว เญย ปู้ง ป่วน เห่ว ลิบนี เหธา ซิเมอี.
18โคฮ้าด ม่าย เปยย เต้า ตอน, บั๋ว เห่ว อัมลาม, อิดฮา, เฮโบโลน, อุดซีเอน. โคฮ้าด เญย หฮญัง-เจ๊ย เฒี่ยง ตุ๊ เหยียด แป๊ะ ฟ่า เหฒียบ ฟาม หฮญัง.
19เมลาลี ม่าย อี เต้า ตอน, บั๋ว เห่ว มาลี เหธา มูซี. น้าย เซ เลวี เญย ปู้ง ป่วน เอย เจี๊ยน นิ่น บัว เญย โต้ว ฒง.
20อัมลาม หล่ง นิ่น เญย เตีย เญย หมั่ว, โยเคเบด. โยเคเบด ยู์ง ตุ๊ อาโลน เหธา โมเซ ปุน อัมลาม. อัมลาม เญย หฮญัง-เจ๊ย เฒี่ยง ตุ๊ เหยียด แป๊ะ ฟ่า เหฒียบ เธี้ยด หฮญัง.#ซ้าว เมี่ยน 26:58-60
21อิดฮา ม่าย ปัว เต้า ตอน, บั๋ว เห่ว โคลา, เนเฟ้ก เหธา สิกลี.
22อุดซีเอน หย่า ม่าย ปัว เต้า ตอน, บั๋ว เห่ว มิซาเอน, เอนซาฟาน เหธา สิดลี.
23อาโลน หล่ง อัมมีนาดับ เญย เซียะ, นาโซน เญย หมั่ว, เอลีเชบา. เอลีเชบา ยู์ง ตุ๊ นาดับ, อาบีฮู, เอเลอาซา เหธา อิทามา.
24โคลา ม่าย ปัว เต้า ตอน, บั๋ว เห่ว อัดสี, เอนคานา, เหธา อาบียาสาบ. น้าย เต๋ย โหฒว โคลา เญย ปู้ง ป่วน.
25อาโลน เญย ตอน, เอเลอาซา, หล่ง เต้า ปูทิเอน เญย เซียะ. วั้ว เต้า เซียะ ยู์ง ตุ๊ เต้า ตอน, บั๋ว เห่ว ฟีเนหัด, ปุน นิ่น.
น้าย เซ เลวี เมี่ยน เญย ปู้ง ป่วน เปย๊ย เฒ้ย.
26อาโลน เหธา โมเซ, ต้ง น้าย เต๋ย อี เต้า อ๊ะ, เฒี้ยว ก๊อง บั๋ว นิ่น บัว, “อ๋อย หฒุ ต้อ ฝีงๆ อิสะลาเอน เมี่ยน เหยียด กวั้น เหยียด กวั้น เญย ธ้วด อียิบ เต่ย-ปูง.” 27มี่ง บั๋ว อียิบ เต่ย-ปูง เญย ฟาโล ฮู่ง ปู๋ง อิสะลาเอน เมี่ยน ธ้วด เซ ต้ง น้าย เต๋ย อี เต้า, โมเซ เหธา อาโลน.
เฒี้ยว พ้าย โมเซ เหธา อาโลน
28โมเซ เยียม อียิบ เต่ย-ปูง วั้ว หฒั่น เฒี้ยว บั๋ว นิ่น, 29“เยีย เซ เฒี้ยว. เยีย ก๊อง เญย เหยียด ฒู้ง หว่า เม่ย อ๋อย หฒุ โต่ว มี่ง บั๋ว อียิบ ฮู่ง, ฟาโล.”
30มป่า โมเซ เตา, “เยีย ก๊อง หว่า ไม้ บย่าง. ฮู่ง เตี๋ย ฝู่ง อ๋อย หมวัง เยีย?”
Currently Selected:
ธ้วด อียิบ 6: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
