ธ้วด อียิบ 5
5
โมเซ เหธา อาโลน มี่ง ฟาโล ฮู่ง วั้ว
1ฆะฮ้า โมเซ เหธา อาโลน มี่ง เถา ฟาโล ฮู่ง วั้ว ก๊อง บั๋ว นิ่น, “เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย ก๊อง, ‘ปู๋ง เยีย เญย เมี่ยน มี่ง อ๊ะ, เหว่ย ปุน นิ่น บัว มี่ง วั้ว เต่ย-ปูง-ฮวาง โหฒว นอม ยิ่น โห่ว เยีย.’”
2ฟาโล ก๊อง, “เฒี้ยว ต้ง หาย เต้า แล่? เยีย โหฒว หาย หญู่ง อ๋อย หฒุ หมวัง นิ่น เญย หว่า, ปู๋ง อิสะลาเอน เมี่ยน มี่ง? เยีย ไม้ ฮิ้ว ตุ๊ เฒี้ยว. เยีย ฒู้ง ไม้ ปุน อิสะลาเอน เมี่ยน มี่ง.”
3โมเซ เหธา อาโลน แอ๋ง ก๊อง, “ฮิบลู เมี่ยน เญย ทิน-ฮู่ง เหฌี่ย ต้าย ล์อ เยีย บัว. อี้ หฒั่น โท้ เม่ย ปุน เยีย บัว เญย หฒวัง เมี่ยน มี่ง วั้ว เต่ย-ปูง-ฮวาง ปัว ฮนอย เญย เจ๊า-ตี้ง เหว่ย เหฒี่ย ปุน เฒี้ยว, เยีย บัว เญย ทิน-ฮู่ง. ไม้ เฒย แอ๊ะ, เหฑีย นิ่น อ๋อย ปุน เยีย บัว ปุ๊ด ต้ม ววน-แป่ง ไฟ หฒุ เบ๊าะ จ๋า เญย สี่#5:3 ฮิบลู หว่า ก๊อง หฒุ หฑุ ด๊าว. ห่อย เยีย บัว เญย แหม่ง.”
4อียิบ เต่ย-ปูง เญย ฮู่ง ก๊อง, “โมเซ เหธา อาโลน อ้า! เม่ย บัว เหว่ย หาย ติ่ว อ๋อย ดั๊ว น้าย เต๋ย เมี่ยน กวั่ง นิ่น บัว เญย กง? หฑวน มี่ง โหฒว เม่ย บัว เญย กง อ๊ะ ม่าะ!” 5ฟาโล แอ๋ง ก๊อง, “หมั่ง ม่าะ! น้าย นอม เต่ย-ปูง เญย อิสะลาเอน เมี่ยน หฒะเก้ง ธั้ม ไห่. เม่ย บัว อี เต้า ขูง ดั๊ว นิ่น บัว กวั่ง กง ฮนั้ง.”
6ต้ง วั้ว ฮนอย ฟาโล หัด กุ๊น อิสะลาเอน เมี่ยน เญย กุ๊น โน่ว เมี่ยน เหธา กง-โปว-เปย๊ย, 7“เยียม น้าย มี่ง ไม้ ตู๋ง ปุน เบย้า ฆ้าว น้าย เต๋ย เมี่ยน โหฒว เนีย-ฒุน. เห่ว นิ่น บัว กั้น มี่ง ล์อ. 8มป่า อ๋อย หฒุ อ๊าบ นิ่น บัว โหฒว เถา บัวะ ตะฮนั้ง ฮนอย เญย โสว โหม่ว. ไม้ ตู๋ง ปุน นิ่น บัว โหฒะ เหยียด นอม. นิ่น บัว เหลว่ย ไห่ หธีง ต้าย เธ้ว, ‘ปุน เยีย บัว มี่ง เหฒี่ย เยีย บัว เญย ทิน-ฮู่ง ม่าะ!’ 9อ๋อย หฒุ ห่อย นิ่น บัว โหฒว กง เก้า โค้ว ฒิ่น ด่าง วั้ว. ปุน นิ่น บัว ไม้ ตี้ง ไม้ ฮิด เญย โหฒว เจี๊ยน กง มี่ง, นิ่น บัว หธีง ต้าย ไม้ ม่าย ฉัง หมวัง เมี่ยน ก๊อง-แปะ เญย หว่า.”
10วั้ว เต๋ย กุ๊น โน่ว เมี่ยน เหธา กง-โปว-เปย๊ย ฯฒฯ ธ้วด มี่ง บั๋ว อิสะลาเอน เมี่ยน, “ฟาโล ฮู่ง ฮนั้ง น้าย นอ ก๊อง, ‘เยียม น้าย มี่ง เยีย ไม้ ปุน เบย้า ฆ้าว เม่ย บัว อ๊ะ. 11มี่ง หาย ล์อ, เซว่ย เม่ย บัว กั้น มี่ง ล์อ. มป่า เม่ย บัว โหฒว เญย กง ไม้ ปุน โหฒะ เหฌี่ย เหยียด เต๋ย.’”
12อิสะลาเอน เมี่ยน ฯฒฯ หฑาน มี่ง ก๋อม อียิบ เต่ย-ปูง, ก๊าด เบย้า ฆ้าว กอน ต้าย หล่ง ตี๊ เบย้า ฆ้าว. 13กุ๊น โน่ว เมี่ยน เป๊ะ นิ่น บัว, “เม่ย บัว เหยียด ฮนอย อ๋อย หฒุ โหฒว เถา ตุ๊ บัวะ ฒิ่น ด่าง เม่ย บัว ม่าย เบย้า ฆ้าว วั้ว.” 14ฟาโล เญย กุ๊น โน่ว เมี่ยน ชะ เบ๊าะ นิ่น บัว พ้าย โหฒว กง-โปว-เปย๊ย เญย อิสะลาเอน เมี่ยน หย่า หน่าย นิ่น บัว, “อะฮนอย เหธา อี้ ฮนอย เม่ย บัว ฝู่ง โหฒว ไม้ ตุ๊ หฒิว ตี่ง ต้าย เญย โสว โหม่ว ฮนั้ง ฒิ่น ด่าง นอ?”
15อิสะลาเอน เมี่ยน เญย กง-โปว-เปย๊ย ฯฒฯ มี่ง ล์อ ฟาโล ฮู่ง. นิ่น บัว ก๊อง, “เม่ย เหว่ย หาย ติ่ว ฮนั้ง น้าย นอ โหฒว ปุน เม่ย เญย โปว? 16กุ๊น โน่ว เมี่ยน ไม้ ปุน เหยียด เต๋ย เบย้า ฆ้าว เม่ย เญย โปว มป่า นิ่น บัว หธ่อ ก๊อง ‘โหฒว เนีย-ฒุน อ๊ะ ม่าะ!’ เยีย บัว, เม่ย เญย โปว, หฒุ นิ่น บัว เบ๊าะ มป่า เซ เม่ย กั้น เญย เมี่ยน โหฒว ต่อง.”
17ฟาโล ก๊อง, “เม่ย บัว เหลว่ย ไห่, หฒะเก้ง! เหลว่ย ไห่. เหว่ย น้าย เม่ย บัว หธีง ต้าย ก๊อง, ‘ปุน เยีย บัว มี่ง เหฒี่ย ปุน เฒี้ยว ม่าะ!’ 18ก๊าน มี่ง โหฒว กง อ๊ะ. นิ่น บัว ไม้ ปุน เบย้า ฆ้าว เม่ย บัว, มป่า เม่ย บัว หธ่อ อ๋อย หฒุ โหฒว เถา ตุ๊ เก๋า ตี่ง ต้าย เญย โสว โหม่ว.”
19อิสะลาเอน เมี่ยน เญย กง-โปว-เปย๊ย ไฮ์ ฮู่ง เตี๋ย ก๊อง, “เม่ย บัว อ๋อย หฒุ ฮนอยๆ โหฒว เนีย-ฒุน เก๋า ตี่ง ต้าย เญย โสว โหม่ว,” นิ่น บัว ฯฒฯ ฮิ้ว ตุ๊ นิ่น บัว หฒะเก้ง! หฒุ โค้ว อ๊ะ. 20นิ่น บัว มี่ง ฟาโล วั้ว ธ้วด ต้าย, นิ่น บัว ปวัด โมเซ เหธา อาโลน ฒั้ว เจี๊ยน นิ่น บัว. 21กง-โปว-เปย๊ย ก๊อง, “โท้ เฒี้ยว สัม หมั่ง เม่ย บัว โหฒว เญย สี่, หย่า เซี้ยม เม่ย บัว เญย ฒุ์ย. เม่ย บัว โหฒว ปุน ฟาโล เหธา นิ่น เญย หฒวัง เจียน ฑอง เยีย บัว, ฮนั้ง เฒาะ หฑุ ด๊าว ปุน นิ่น บัว นั้น เจี๊ยน ไต๋ เยีย บัว นอ.”
โมเซ ไกว๋ เฒี้ยว
22โมเซ แอ๋ง หฑวน มี่ง บั๋ว เฒี้ยว, “เฒี้ยว อ้า! เม่ย เหว่ย หาย ติ่ว ปุน น้าย เต๋ย แปะ ฝีง หฒุ ห่อย ด่ง หน่าย โค้ว? เม่ย เหว่ย หาย ติ่ว พ้าย เยีย ต้าย? 23เยียม เยีย มี่ง ฟาโล ฮู่ง วั้ว เต๊ง เม่ย เญย บั๋ว ก๊อง หว่า, นิ่น ขูง โหฒว โตะ น้าย เต๋ย เมี่ยน ฮนั้ง. เม่ย หย่า ไม้ เหฌียว เหยียด เต๋ย เม่ย เญย เมี่ยน.”
Currently Selected:
ธ้วด อียิบ 5: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
