Popular Bible Verses from ธ้วด อี​ยิบ 5

Share

ฆะฮ้า โม​เซ เหธา อา​โลน มี่ง เถา ฟา​โล ฮู่ง วั้ว ก๊อง บั๋ว นิ่น, “เฒี้ยว, อิ​สะ​ลา​เอน เมี่ยน เญย ทิน-ฮู่ง, ฮนั้ง น้าย ก๊อง, ‘ปู๋ง เยีย เญย เมี่ยน มี่ง อ๊ะ, เหว่ย ปุน นิ่น บัว มี่ง วั้ว เต่ย-ปูง-ฮวาง โหฒว นอม ยิ่น โห่ว เยีย.’”

เยียม เยีย มี่ง ฟา​โล ฮู่ง วั้ว เต๊ง เม่ย เญย บั๋ว ก๊อง หว่า, นิ่น ขูง โหฒว โตะ น้าย เต๋ย เมี่ยน ฮนั้ง. เม่ย หย่า ไม้ เหฌียว เหยียด เต๋ย เม่ย เญย เมี่ยน.”

โม​เซ แอ๋ง หฑวน มี่ง บั๋ว เฒี้ยว, “เฒี้ยว อ้า! เม่ย เหว่ย หาย ติ่ว ปุน น้าย เต๋ย แปะ ฝีง หฒุ ห่อย ด่ง หน่าย โค้ว? เม่ย เหว่ย หาย ติ่ว พ้าย เยีย ต้าย?

ฟา​โล ก๊อง, “เฒี้ยว ต้ง หาย เต้า แล่? เยีย โหฒว หาย หญู่ง อ๋อย หฒุ หมวัง นิ่น เญย หว่า, ปู๋ง อิ​สะ​ลา​เอน เมี่ยน มี่ง? เยีย ไม้ ฮิ้ว ตุ๊ เฒี้ยว. เยีย ฒู้ง ไม้ ปุน อิ​สะ​ลา​เอน เมี่ยน มี่ง.”

มป่า อ๋อย หฒุ อ๊าบ นิ่น บัว โหฒว เถา บัวะ ตะฮนั้ง ฮนอย เญย โสว โหม่ว. ไม้ ตู๋ง ปุน นิ่น บัว โหฒะ เหยียด นอม. นิ่น บัว เหลว่ย ไห่ หธีง ต้าย เธ้ว, ‘ปุน เยีย บัว มี่ง เหฒี่ย เยีย บัว เญย ทิน-ฮู่ง ม่าะ!’ อ๋อย หฒุ ห่อย นิ่น บัว โหฒว กง เก้า โค้ว ฒิ่น ด่าง วั้ว. ปุน นิ่น บัว ไม้ ตี้ง ไม้ ฮิด เญย โหฒว เจี๊ยน กง มี่ง, นิ่น บัว หธีง ต้าย ไม้ ม่าย ฉัง หมวัง เมี่ยน ก๊อง-แปะ เญย หว่า.”