ธ้วด อียิบ 17
17
ววม เยียม หละเปย๊ย ธ้วด
(เป๊ย หมั่ง ซ้าว เมี่ยน 20:1-13)
1หฒวัง อิสะลาเอน เมี่ยน ธ้วด สิน เต่ย-ปูง-ฮวาง, เอย เฒี้ยว ก๊อง เญย หว่า เหยียด คัง ซุ้ย เจี๋ย เหยียด คัง. ซุ้ย เจี๊ยน มี่ง ฯฒฯ เหลียบ เธี้ยง เยียม เลฟีดิม. วั้ว นอม ต๋อง หย่า ไม้ ม่าย ววม ปุน แปะ ฝีง ฮบ. 2นิ่น บัว ฯฒฯ งบ โมเซ. นิ่น บัว ก๊อง, “ล์อ ววม ปุน เยีย บัว ฮบ ม่าะ!”
โมเซ เตา, “เม่ย บัว งบ เยีย โหฒว หาย หญู่ง? เม่ย บัว เหว่ย หาย ติ่ว เสย เฒี้ยว. ”
3มป่า หฒวัง เมี่ยน จาง ฆ้าด ตุ๊ โค้ว ไห่, ฯฒฯ งบ โมเซ. นิ่น บัว ก๊อง, “เม่ย เหว่ย หาย ติ่ว ต้อ เยีย บัว ธ้วด อียิบ เต่ย-ปูง? อ๋อย ปุน เยีย บัว เหธา เยีย บัว เญย ฝุเจว๊ย เหธา เยีย บัว เญย แซง-คู้ หง่อ ววม ไต่?” 4โมเซ ชะ เต๋า เก๋า โท้ เฒี้ยว, “เยีย อ๋อย หฒุ ฮนั้ง หาย นอ ต้อ น้าย เต๋ย เมี่ยน? นิ่น บัว ฒู้ง อ๋อย เฒาะ หละเปย๊ย ฒง ไต่ เยีย อ๊ะ.”
5 เฒี้ยว ก๊อง บั๋ว โมเซ, “ต้อ อี เหฒีย เต้า อิสะลาเอน เมี่ยน เญย เมี่ยน โก๋ เจี๋ย แปะ ฝีง เญย วั้ว ด่าง แหมง มี่ง. หย่า ต้อ เจี๊ยน เม่ย หล่ง เบ๊าะ ไนอา ด้าย วั้ว ติ้ว ปย๊า-บย่า มี่ง. 6เยียม ซีนาย บง เยีย อ๋อย เยียม เม่ย บัว เญย หฑะเฮมียน โซ้ว เจี๊ยน หละเปย๊ย-ฒอง กู้ หงว่าย. เม่ย เบ๊าะ หละเปย๊ย, หละเปย๊ย ฯฒฯ ธ้วด ววม ปุน แปะ ฝีง ฮบ.” โมเซ ฯฒฯ ตอง เจี๊ยน อิสะลาเอน เญย เมี่ยน โก๋ ฮนั้ง น้าย นอ โหฒว.
7วั้ว นอม ต๋อง โมเซ ธ้วด บั๋ว เห่ว มัดสา#17:7 มัดสา น้าย นอม บั๋ว เญย เอ๋ย เล์ย เซ เสย ก๋า. เหธา เมลีบา#17:7 เมลีบา น้าย นอม บั๋ว เญย เอ๋ย เล์ย เซ แฑง ไฟ งบ. เหว่ย หฒุ ต้ง วั้ว นอม ต๋อง อิสะลาเอน เมี่ยน งบ หย่า อ๋อย เสย เฒี้ยว. นิ่น บัว เสย หมั่ง ก๋า, “เฒี้ยว หฒะเก้ง เหธา บัว เยียม ไฟ ไม้ เยียม?”
เหธา อามาเล้ก เมี่ยน เบ๊าะ จ๋า
8อามาเล้ก เมี่ยน ต้าย เหธา อิสะลาเอน เมี่ยน เบ๊าะ จ๋า เยียม เลฟีดิม เต่ย. 9โมเซ บั๋ว โยซูวา, “กิ๊น เต๋ย บัว เญย เมี่ยน ธ้วด มี่ง เหธา อามาเล้ก เมี่ยน เบ๊าะ จ๋า. ฌัง ฮนอย เยีย นั้น เจี๊ยน ทิน-ฮู่ง เญย ปย๊า-บย่า โซ้ว เจี๊ยน บง-นี้ง กู้ หงว่าย.”
10โยซูวา ฯฒฯ เอย เจี๊ยน โมเซ เญย หว่า โหฒว, ธ้วด มี่ง เหธา อามาเล้ก เมี่ยน เบ๊าะ จ๋า. โมเซ, อาโลน เหธา ฮูอา ฝาว วั้ว เจี๋ย บง-นี้ง. 11ตะฟ่าน โมเซ ซูง เจี๊ยน ปั์ว, อิสะลาเอน เมี่ยน ฮี่ง. โมเซ ปู๋ง ปั์ว เหฌี่ย นอ, อามาเล้ก เมี่ยน เจี์ย กอน ฮี่ง อ๊ะ. 12โมเซ ซูง เกา ปั์ว, ปั์ว หญุย ไห่. อาโลน เหธา ฮูอา ฯฒฯ ล์อ นอม หละเปย๊ย ปุน นิ่น เฒว์ย เจี๊ยน, เหยียด เต้า เยียม ปูง, ป๊า เจี๊ยน โมเซ เญย ปั์ว. นิ่น เญย ปั์ว ฯฒฯ ซูง เจี๊ยน เถา บะฮนอย ม้วด. 13โยซูวา ฯฒฯ หล่ง หฑุ ด๊าว เบ๊าะ ฮี่ง อามาเล้ก เมี่ยน.
14 เฒี้ยว ก๊อง บั๋ว โมเซ, “น้าย เต๋ย สี่ อ๋อย หฒุ เฟี้ย เจี๊ยน โซว-หฌุ่น เหว่ย ปุน เมี่ยน จั๋ง, หย่า อ๋อย หฒุ บั๋ว โยซูวา, เยีย อ๋อย โหฒว ปุน อามาเล้ก เมี่ยน หฒุด เหฑ่ง. เยียม น้าย ลู่ง เดี๊ย เลี่ยม ไม้ ม่าย หาย เต้า จั๋ง ตุ๊ นิ่น บัว.”#หฑั่ม เล์ย-หลัด 25:17-19; 1 ซามูเอน 15:2-9
15โมเซ เหธย นอม เหฒี่ย-ต้อง ธ้วด บั๋ว เห่ว, “เฒี้ยว เซ เยีย เญย เก้.”#17:15 ฮิบลู หว่า ก๊อง เยโฮวา นิดซี. 16นิ่น ก๊อง, “ม่าย ปั์ว ซูง เจี๊ยน เฒี้ยว เญย เหว่ย#17:16 น้าย โจ๋ว ฮิบลู หว่า เซ ไม้ หนั่ง เม่ง. ม่าย เต๋ย โซว ฟาน ต้าย ก๊อง “นั้น เจี๊ยน เฒี้ยว เญย เก้”. เฒี้ยว โฮ้ว เจี๊ยน หว่า อ๋อย ต่อย เจี๋ย ต่อย เหธา อามาเล้ก เมี่ยน เบ๊าะ จ๋า.”
Currently Selected:
ธ้วด อียิบ 17: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
