ธ้วด อียิบ 16
16
มานา เหธา เหนาะ บุ้น
1อิสะลาเอน เญย หฒวัง เมี่ยน เยียม เอลิม ธ้วด เจ๊า มี่ง เถา สิน เต่ย-ปูง-ฮวาง, เยียม เอลิม เต่ย เหธา ซีนาย บง บุด๋ง. นิ่น บัว เถา สิน เต่ย-ปูง-ฮวาง วั้ว ฮนอย เซ ต๋อย หฒุ ธ้วด อียิบ เต่ย-ปูง ตะเหญ่ย นอม หฮลา เหฒียบ ฮม์ วั้ว ฮนอย. 2เยียม วั้ว เต่ย-ปูง-ฮวาง หฒวัง เมี่ยน งบ โมเซ เหธา อาโลน. 3นิ่น บัว ก๊อง, “เฝย ตุ๊ เยียม อียิบ เต่ย-ปูง เฒี้ยว กั้น ไต๋ เหฑ่ง เยีย บัว. เยียม วั้ว เยีย บัว เฒว์ย เจี๊ยน อ๊อ-แธง เฮลน, หาย หฒั่น หย่า ตุ๊ หญั่น เป๊ว. มป่า เม่ย บัว ต้อ เยีย บัว ต้าย เยียม น้าย เต่ย-ปูง-ฮวาง ปุน เยีย บัว หฒวัง เมี่ยน หง่อ ไต่ เหฑ่ง อ๊ะ.”#ธ้วด อียิบ 14:12; 17:3
4 เฒี้ยว ก๊อง บั๋ว โมเซ, “อี้ หฒั่น เยีย อ๋อย ปุน ล่าง หฒิ เยียม วั้ว ลู่ง เหฌี่ย ฮนั้ง ตุ้ย บยู่ง นอ. ฮนอยๆ แปะ ฝีง อ๋อย หฒุ ธ้วด มี่ง เซียว, เหยียด ฮนอย เซียว เก๋า เหยียด ฮนอย หญั่น ฮนั้ง. เยีย ฯฒฯ ฮนั้ง น้าย นอ เสย นิ่น บัว, หมั่ง ก๋า นิ่น บัว หมวัง เยีย พ้าย เญย หว่า ไฟ ไม้ หมวัง.#โยฮัน 6:31 5เถา ตะหลัวะ ฮนอย วั้ว ฮนอย, นิ่น บัว อ๋อย หฒุ หลิ่ว เล์ย เหฒียง นิ่น บัว เซียว เปียะ ต้าย เญย กะน้าย หย่า เซียว เก้า ธั้ม ฮนอยๆ เซียว เญย เหยียด ป่วน.”
6โมเซ เหธา อาโลน ก๊อง บั๋ว อิสะลาเอน เญย หฒวัง เมี่ยน, “อี้ ฮนอย ลู่ง ม์าน-หฮมวัง เม่ย บัว ฯฒฯ ฮิ้ว ตุ๊, ต้อ เม่ย บัว ธ้วด อียิบ เต่ย-ปูง วั้ว เต้า เซ เฒี้ยว. 7ฌัง ดอม เม่ย บัว ตุ๊ ปวัด เฒี้ยว เญย ฌัง-หล่าง, เหว่ย หฒุ เม่ย บัว งบ นิ่น เญย หว่า, เฒี้ยว ไฮ์ หมี่ อ๊ะ. เยีย บัว เป๋น หาย หญู่ง เมี่ยน เม่ย บัว หธีง ต้าย งบ เยีย บัว?” 8โมเซ แอ๋ง ก๊อง, “ลู่ง ม์าน-หฮมวัง, เฒี้ยว อ๋อย ปุน อ๊อ เม่ย บัว หญั่น. ลู่ง ดอม อ๋อย ปุน เม่ย บัว ตุ๊ ล่าง หฒิ หญั่น เป๊ว, เหว่ย หฒุ นิ่น ไฮ์ เม่ย บัว งบ นิ่น เญย หว่า. เม่ย บัว งบ เยีย บัว เซ ไม้ เฒ์ย งบ หฒุ เยีย บัว. เม่ย บัว งบ หฒุ เฒี้ยว. ”
9โมเซ ก๊อง บั๋ว อาโลน, “บั๋ว อิสะลาเอน เญย หฒวัง เมี่ยน ต้าย กั๊บ ฒุ้น เยียม เฒี้ยว เญย หฑะเฮมียน เหว่ย หฒุ นิ่น ไฮ์ เม่ย บัว งบ นิ่น เญย หว่า.”
10อาโลน เหธา อิสะลาเอน เญย หฒวัง เมี่ยน หธ่อ ก๊อง เจี๊ยน หว่า วั้ว หฒั่น, นิ่น บัว ฮวิน หมั่ง เต่ย-ปูง-ฮวาง ฯฒฯ ปวัด เฒี้ยว เญย ฌัง-หล่าง หิ่น ธ้วด เยียม ต๊อ บ๋วน.
11 เฒี้ยว ก๊อง บั๋ว โมเซ, 12“อิสะลาเอน เมี่ยน งบ เญย หว่า เยีย ไฮ์ หมี่ อ๊ะ. บั๋ว นิ่น บัว, ‘เถา เหฑียม-ย่าง เญย เฒี่ยง โห่ เม่ย บัว อ๋อย ตุ๊ อ๊อ หญั่น. ลู่ง ดอม เม่ย บัว อ๋อย ตุ๊ ล่าง หฒิ หญั่น เป๊ว. ฮนั้ง หน่าย, เม่ย บัว ฯฒฯ ฮิ้ว ตุ๊ เยีย เซ เฒี้ยว, เม่ย บัว เญย ทิน-ฮู่ง.’”
13เถา ลู่ง ม์าน-หฮมวัง เญย เฒี่ยง โห่, ม่าย เหนาะ บุ้น ได๋ ต้าย เยียม ปวั๊ง เหฑ่ง ด๊บ-ลิ่ว เธี้ยง. ลู่ง ดอม หย่า ม่าย บยู่ง-ซุ้ย เหฌี่ย ฮวีง ก๋อม เธี้ยง. 14บยู่ง-ซุ้ย ฆาย มี่ง ม่าย หญู่ง กะน้าย เปียะ เญย, เบ้ย เญย, เยียม เดา-เป้ย, หย่า หม่วน เญย ฮนั้ง ซอง นอ. 15อิสะลาเอน เมี่ยน ปวัด, นิ่น บัว ไม้ ฮิ้ว ตุ๊ เป๋น หาย หญู่ง กะน้าย. ล่าน หน่าย ล่าน, “น้าย หาย หญู่ง เอ้าะ?”#16:15 เป๊ย หมั่ง ธ้วด อียิบ 16:31.
โมเซ ก๊อง บั๋ว นิ่น บัว, “น้าย เซ เฒี้ยว ปุน เม่ย บัว หญั่น เญย กะน้าย.#1 โคลินโท 10:3 16เฒี้ยว หัด เม่ย บัว, หฒิว เม่ย บัว เฉียม หฒุ บัวะ เหฒีย เซียว บัวะ วั้ว. เยียม เม่ย บัว เญย ด๊บ-ลิ่ว ม่าย บัวะ เหฒีย เต้า อ๋อย หฒุ ฝุน เหยียด เต้า อี เมาะ.”#16:16 ฮิบลู หว่า ก๊อง เหยียด โอเม. เซ เล่ย ไม้ โก 2 ลิด. เยียม ธ้วด อียิบ 16:18, 32-33 ฟี่ ฮนั้ง เญย.
17อิสะลาเอน เมี่ยน เอย เจี๊ยน โมเซ เญย หว่า เซียว. ม่าย เต๋ย เซียว ธั้ม, ม่าย เต๋ย เซียว โหฒะ. 18เซียว ต้าย ฮลาว หมั่ง, เซียว ตุ๊ ธั้ม เญย หย่า ไม้ ม่าย เหฒ่ง. เซียว ตุ๊ โหฒะ เญย หย่า ไม้ ธา. เก๊าะ-เมี่ยน หฒิว เก๊าะ-เมี่ยน เฉียม หฒุ เญย เซียว.#2 โคลินโท 8:15
19โมเซ ก๊อง บั๋ว นิ่น บัว, “หาย เต้า ไม้ ตู๋ง เลี่ยว เหฒ่ง เหฌี่ย เญย เถา ตะเหญ่ย ดอม.”
20มป่า ม่าย เต๋ย ไม้ หมวัง โมเซ เญย หว่า, เลี่ยว เต๋ย เถา ลู่ง ดอม. ตะเหญ่ย ดอม ปวัด วั้ว เต๋ย กะน้าย ปุ๊ด แกง เหฑ่ง, ต้ม เฒว์ย-ฮู้. โมเซ เฉีย เจี์ย ไห่ นิ่น บัว.
21ดอมๆ เก๊าะ-เมี่ยน เซียว เก๋า เก๊าะ-เมี่ยน หญั่น. หญุด ธ้วด ต้าย จอม, เยียม เดา เหฒ่ง เหฌี่ย เญย วั้ว เต๋ย, หยุ เหฑ่ง หมี่ อ๊ะ. 22เถา ตะหลัวะ ฮนอย นิ่น บัว เซียว ธั้ม เหยียด ป่วน, เหยียด ล่าน เมี่ยน เซียว เปยย เมาะ.#16:22 ฮิบลู หว่า ก๊อง 2 โอเม. เซ เล่ย ไม้ โก เปยย เมาะ (4.5 ลิด). อิสะลาเอน เมี่ยน เญย เหยียด ฒู้ง เปย๊ย เฒ้ย มี่ง บั๋ว โมเซ. 23โมเซ บั๋ว นิ่น บัว, “เฒี้ยว ฮนั้ง น้าย นอ หัด เม่ย บัว. ‘ฌัง ฮนอย เซ ฮิด ขวน ฮนอย, เซ ฝูง ปุน เฒี้ยว เญย ธีง-เหฑ่ง ตี้ง กง ฮนอย. อี้ ฮนอย อ๋อย ฒิ เญย กุ๊น ฒิ อ๊ะ. อ๋อย โฒ้ว เญย กุ๊น โฒ้ว อ๊ะ. เหฒ่ง เหฌี่ย วั้ว เต๋ย, เลี่ยว ฌัง ฮนอย หญั่น.’”#ธ้วด อียิบ 20:8-11
24เอย โมเซ หัด เญย หว่า, เหฒ่ง เหฌี่ย วั้ว เต๋ย นิ่น บัว เลี่ยว เถา ตะเหญ่ย ดอม มป่า ไม้ ปุ๊ด แกง, ไม้ เหฒวย.
25โมเซ ก๊อง, “อี้ ฮนอย หญั่น น้าย เต๋ย อ๊ะ, เหว่ย หฒุ อี้ ฮนอย เซ ฝูง ปุน เฒี้ยว เญย ตี้ง กง ฮนอย. อี้ ฮนอย เม่ย บัว ล์อ ไม้ ปวัด น้าย หญู่ง กะน้าย เยียม น้าย ปั๊วะ ต๋อง. 26จุ๊ ฮนอย อ๋อย หฒุ ฮนอยๆ เซียว น้าย เต๋ย หญั่น เญย กะน้าย. มป่า เสี่ย ฮนอย วั้ว ฮนอย, เซ ตี้ง กง ฮนอย, ไม้ ม่าย เหยียด เต๋ย น้าย หญู่ง กะน้าย.”
27เสี่ย ฮนอย วั้ว ฮนอย, ม่าย เต๋ย เมี่ยน ธ้วด มี่ง เซียว น้าย เต๋ย หญั่น เญย กะน้าย, มป่า นิ่น บัว ล์อ ไม้ ปวัด เหยียด เต๋ย. 28เฒี้ยว หน่าย โมเซ, “เม่ย บัว อ๋อย แหง่ง เยีย เญย เล์ย เหธา เยีย เญย เล์ย-หลัด ด่ง หาย เล่า? 29จั๋ง เจี๊ยน โอ่. เยีย, เฒี้ยว, เหธย ตี้ง กง ฮนอย ปุน เม่ย บัว. เหว่ย น้าย ตะหลัวะ ฮนอย วั้ว ฮนอย นิ่น ปุน ล่าง หฒิ เก๋า เม่ย บัว อี ฮนอย. ตะเธี้ยด ฮนอย วั้ว ฮนอย, เก๊าะ-เมี่ยน อ๋อย หฒุ เยียม เก๊าะ-เมี่ยน เญย ต๋อง, ไม้ ตู๋ง มี่ง หาย เดา. 30ฮนั้ง หน่าย, เถา ตะเธี้ยด ฮนอย อิสะลาเอน เมี่ยน ฮิด ขวน.”
31วั้ว หญู่ง หญั่น เญย กะน้าย อิสะลาเอน เมี่ยน เห่ว มานา. มานา เซ ฮนั้ง เยี่ยน ซี ญิม นอ, เซ้ด เฒ้ย แปะ เญย. นิ่น เญย เหมวย ฮนั้ง ฌั้ว-เปียะ หฒอบ เมว์ย-ต้อง นอ.#ซ้าว เมี่ยน 11:7-8 32โมเซ ก๊อง, “เฒี้ยว หัด บัว ‘อ๋อย หฒุ เฒาะ อี เมาะ มานา#16:32-33 เป๊ย หมั่ง ธ้วด อียิบ 16:16. เลี่ยว เจี๊ยน ปุน บัว ต่อย เจี๋ย ต่อย เญย เฒ้ย-ฟุน หมั่ง, เหว่ย ปุน นิ่น บัว ปวัด ต้อ เม่ย บัว ธ้วด อียิบ เต่ย-ปูง, เยียม เต่ย-ปูง-ฮวาง วั้ว หฒั่น, เยีย ปุน เม่ย บัว หญั่น เญย กะน้าย.’”
33โมเซ บั๋ว อาโลน, “เฒาะ อี เมาะ มานา ตั๊บ เจี๊ยน อ๋ง, ตน เจี๊ยน เฒี้ยว เญย หฑะเฮมียน เลี่ยว เจี๊ยน เหยียด ต่อย เจี๋ย เหยียด ต่อย.”#ฮิบลู 9:4 34อาโลน ฯฒฯ เอย เฒี้ยว บั๋ว โมเซ เญย หว่า เฒาะ วั้ว อ๋ง มานา อัน เจี๊ยน แล์ง แหง่ง หว่า ฟาง หฑะเฮมียน แหมง, เหว่ย เลี่ยว เจี๊ยน เหยียด ต่อย เจี๋ย เหยียด ต่อย. 35อิสะลาเอน เมี่ยน หญั่น เฝย เหฒียบ หฮญัง มานา เถา นิ่น บัว ตุ๊ เปียะ คานาอัน เต่ย-ปูง เญย กั๊บ-จ๋าย, ต้ง ม่าย เมี่ยน เยียม เจี๊ยน วั้ว นอม เต่ย-ปูง เญย กั๊บ-จ๋าย.#โยซูวา 5:12 36(โล์-ฮนอย หล่ง ฮลาว กะน้าย เญย ดาน เซ เล่ย ไม้ โก หญี่ เหฒียบ เหญ่ย เมาะ. หย่า ม่าย เหฒียบ โก๊ว เญย เหยียด โก๊ว ฝุน ต้าย เล่ย ไม้ โก อี เมาะ เล่ง ติ๊ เตียน.)#16:36 น้าย เหยี่ยม ฟาน หฒะ ฮิบลู หว่า ก๊อง “เหยียด โอเม เซ เหยียด เอฟา เหฒียบ โก๊ว เญย เหยียด โก๊ว.” เซ เล่ย ไม้ โก 2 ลิด.
Currently Selected:
ธ้วด อียิบ 16: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
