2 ซามูเอน 9
9
ดาวิด เหธา เมฟีโบเซ้ด
1ดาวิด หน่าย ก๋า, “เซาโล เญย โต้ว ฒง ม่าย เมี่ยน เหฒ่ง ไฟ ไม้ ม่าย? เยีย อ๋อย เหว่ย โยนาทาน วิ่น ฒี่ง เอน ปุน นิ่น.”#1 ซามูเอน 20:15-17
2เยียม เซาโล เญย เปย๊า ม่าย เต้า โปว, บั๋ว เห่ว ซิบา. นิ่น บัว เห่ว นิ่น ต้าย ดาวิด วั้ว. ฮู่ง เตี๋ย ฯฒฯ หน่าย นิ่น, “เม่ย เซ ซิบา ไฟ?”
ซิบา เตา, “เฒ์ย เญย. เยีย เซ ซิบา.”
3ฮู่ง เตี๋ย หน่าย ก๋า, “เซาโล เญย โต้ว ฒง หธ่อ ม่าย เมี่ยน เหฒ่ง ไฟ ไม้ ม่าย, เหว่ย ปุน เยีย ไฮ่ หฒิว ทิน-ฮู่ง เญย เอน โหฒว หลง ปุน นิ่น บัว ไฟ?”
ซิบา ก๊อง บั๋ว ฮู่ง เตี๋ย, “หธ่อ ม่าย เต้า โยนาทาน เญย ตอน. นิ่น เญย เหฒา ไบ เญย.”#2 ซามูเอน 4:4
4ฮู่ง เตี๋ย หน่าย นิ่น, “นิ่น เยียม หาย?”
ซิบา ก๊อง, “นิ่น เยียม โลเดบา, เยียม อัมมีเอน เญย ตอน, มาคีเล, เญย เปย๊า.”
5ฮู่ง เตี๋ย ฯฒฯ พ้าย เมี่ยน มี่ง เถา โลเดบา, อัมมีเอน เญย ตอน, มาคีเล, เญย เปย๊า.
6เซาโล เญย ฟุน, โยนาทาน เญย ตอน, เมฟีโบเซ้ด, ต้าย ล์อ ดาวิด ฯฒฯ พัวะ เหฌี่ย เดา ป๋าย. ดาวิด ก๊อง, “เมฟีโบเซ้ด อ้า!”
เมฟีโบเซ้ด เตา, “เยีย เซ เม่ย เญย โปว อ๊ะ.”
7ดาวิด ก๊อง บั๋ว นิ่น, “ไม้ ตู๋ง กั้ม เหฑีย. เยีย ฒู้ง อ๋อย เหว่ย เม่ย เญย เตีย, โยนาทาน, โหฒว หลง ปุน เม่ย. เยีย อ๋อย เฒาะ เม่ย เญย อง, เซาโล, เญย เหยียด ฒู้ง เดา ฝูง หฑวน ปุน เม่ย. เม่ย หย่า ตุ๊ หฒั่นๆ จวั่ง เยีย เญย เตี้ย หญั่น หฮนาง.”
8เมฟีโบเซ้ด แอ๋ง ป๋าย ฮู่ง เตี๋ย ก๊อง, “เยีย, เม่ย เญย โปว, ต๋อง ฮนั้ง เหยียด เต้า จู๊-ไต่. ฮู่ง เตี๋ย ฝู่ง ด่ง หน่าย ค้อ-เลี่ยน เยีย?”
9ฮู่ง เตี๋ย แอ๋ง เห่ว เซาโล เญย โปว, ซิบา, ต้าย ก๊อง บั๋ว นิ่น, “ตะฟ่าน เซาโล เหธา นิ่น เญย โต้ว ฒง เญย เหยียด ฒู้ง กะน้าย เยีย จิว ปุน เม่ย เญย เฒี้ยว เญย ฟุน. 10เม่ย เหธา เม่ย เญย ตอน, เม่ย เญย โปว, อ๋อย หฒุ เถง เม่ย เญย เฒี้ยว เญย ฟุน โหฒว ลี่ง เต่ย, เซียว แกง-หฒวัง ต้าย เหว่ย ปุน เม่ย เญย เฒี้ยว เญย ฟุน ม่าย หญั่น ฮบ. มป่า เม่ย เญย เฒี้ยว เญย ฟุน, เมฟีโบเซ้ด, อ๋อย หฒุ หฒั่นๆ เฒว์ย เยีย เญย เตี้ย หญั่น หฮนาง.” ซิบา ม่าย เหฒียบ ฮม์ เต้า ตอน เหธา หญี่ เหฒียบ เต้า โปว.
11ซิบา ก๊อง บั๋ว ฮู่ง เตี๋ย, “ตะฟ่าน เยีย เญย เฒี้ยว, ฮู่ง เตี๋ย, พ้าย เยีย, เม่ย เญย โปว, เยีย, เม่ย เญย โปว, ฯฒฯ เอย เจี๊ยน โหฒว.” เมฟีโบเซ้ด ฯฒฯ เยียม ฮู่ง เตี๋ย เญย เตี้ย หญั่น ฮนั้ง ฮู่ง เตี๋ย เญย เหยียด เต้า ตอน นอ.
12เมฟีโบเซ้ด ม่าย เต้า ตอน-ไฝ เห่ว มีคา. เยียม ซิบา เญย เปย๊า เญย เต้าๆ เมี่ยน เหยียด ฒู้ง โหฒว เมฟีโบเซ้ด เญย โปว. 13ฮนั้ง หน่าย เมฟีโบเซ้ด เยียม เยลูซาเลม, เหว่ย หฒุ นิ่น หฒั่นๆ เยียม ฮู่ง เตี๋ย เญย เตี้ย หญั่น หฮนาง. นิ่น เญย อี เจี๊ยะ เหฒา ฒู้ง ไบ เญย.
Currently Selected:
2 ซามูเอน 9: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
