2 โคลินโท 8
8
กีตู่ เมี่ยน กั๊บ ญ่าน เญย เจ๊า
1หฒวัง ก๋อ-โย์ว อ่า, เยีย บัว อ๋อย เม่ย บัว ฮิ้ว ตุ๊ ทิน-ฮู่ง เญย เอน ฮนั้ง หาย นอ เถง มาซีโดเนีย เต่ย-ปูง เญย หฒวัง จิว-ปาง.#โลมา 15:26 2นิ่น บัว ปวั้ง ขวน น่าน ธั้ม เญย เสย นิ่น บัว, มป่า นิ่น บัว หธ่อ เฌียน-โย่ว ออน-เหลาะ ไห่, หธีง ต้าย ไม้ กุ๊น นิ่น บัว ด่ง หน่าย จ่ม, นิ่น บัว โหฒว เฮญี้ยว จั๊ง ธ้วด ฟิม กั๊บ ญ่าน. 3เยีย ไฮ่ เถง นิ่น บัว โหฒว ฒอง-เหฒง ก๊อง, หฒิว นิ่น บัว ม่าย เญย นิ่น บัว ธ้วด ฟิม กั๊บ, ฒู้ง กั๊บ เก้า ธั้ม หน่าย. เซ นิ่น บัว กั้น ม่าย เฮญี้ยว โหฒว. 4นิ่น บัว ชะ โท้ เยีย บัว ปุน นิ่น บัว ม่าย ป่วน เฑีย ยูเดีย แซ้ง, ทิน-ฮู่ง เญย เมี่ยน. 5นิ่น บัว ฒู้ง โหฒว เจี๋ย ด่าง เยีย บัว ฮนั้ม เญย. ตะเยี้ยด นิ่น บัว เฒาะ กั้น ฝูง ปุน เฒี้ยว. ฆะฮ้า เอย ทิน-ฮู่ง เญย เอ๋ย, นิ่น บัว เฒาะ กั้น ฝูง ปุน เยีย บัว. 6เหว่ย น้าย เยีย บัว โท้ ทิตัด, เหว่ย หฒุ ฒิ่น ด่าง นิ่น เถง เม่ย บัว เจี์ย กอน เบ่น กั๊บ ญ่าน เญย กง, นิ่น อ๋อย หฒุ โหฒว เจี๊ยน มี่ง เถา โหฒว เหฒียง น้าย เต๋ย ธ้วด ฟิม เฑีย เมี่ยน เญย คู้ กง. 7เม่ย บัว เยียม หญู่งๆ ม่าย ตุ๊ ฑ่อย, เยียม เสียน ฟิม, ฑุ่ย ม์า, ว่วน ฒาง. เม่ย บัว จอม เฮญี้ยว ไห่, หย่า ฮนั้ม เยีย บัว ธั้ม.#8:7 ม่าย เต๋ย โล์-ฮนอย โซว ก๊อง “เยีย บัว ฮนั้ม เม่ย บัว ธั้ม เญย”. เหว่ย น้าย เยีย โท้ เม่ย บัว หย่า โหฒว เฮญี้ยว จั๊ง ธ้วด ฟิม โหฒว น้าย เต๋ย คู้ กง.
8เยีย ฮนั้ง น้าย นอ ก๊อง เซ ไม้ เฒ์ย เหว่ย หัด เม่ย บัว. มป่า เยีย ต้อ จอม เฮญี้ยว วั้ว เต๋ย เมี่ยน เญย หญู่ง เฒ้ย ต้าย เสย หมั่ง ก๋า, เม่ย บัว หฒะเก้ง ฮนั้ม เมี่ยน ไฟ? 9เม่ย บัว ฮิ้ว ตุ๊ บัว เญย เฒี้ยว เยซู กีตู่ เญย เอน. ไม้ กุ๊น นิ่น ด่ง หน่าย ปุ๊ด ฒ่อย มป่า เหว่ย เม่ย บัว นิ่น เป๋น เมี่ยน จ่ม เมี่ยน. นิ่น เป๋น เมี่ยน จ่ม เมี่ยน เหว่ย ปุน เม่ย บัว ปุ๊ด ฒ่อย.
10เอย เยีย กั้น ฮนั้ม นอ, เม่ย บัว ปะหฮญัง เจี์ย กอน โหฒว เญย กง อ๋อย หฒุ โหฒว เถา เหฒียง เก้า หลง. วั้ว หฒั่น ไม้ ตาน เม่ย บัว โหฒว ด่าง, เม่ย บัว ฒู้ง ม่าย เฮญี้ยว ธ้วด ฟิม อ๋อย โหฒว ด่าง อ๊ะ. 11วั้ว หญู่ง, เม่ย บัว กุ๊น โหฒว เถา เหฒียง อ๊ะ ม่าะ! เม่ย บัว ฒิ่น ด่าง ฮนั้ง หาย นอ อะเฮน้ย จอม เฮญี้ยว โหฒว, อี้ หฒั่น หย่า อ๋อย หฒุ ฮนั้ง วั้ว นอ โหฒว เถา เหฒียง, หฒิว อี้ หฒั่น เม่ย บัว ม่าย หล่ง เญย. 12สี ก๊อง เม่ย บัว ม่าย เฮญี้ยว โหฒว, ทิน-ฮู่ง ฯฒฯ อะเฮน้ย ฒิบ หฒิว เม่ย บัว ม่าย เญย, ไม้ เฒ์ย หฒิว เม่ย บัว ไม้ ม่าย.
13เยีย ไม้ เฒ์ย อ๋อย โป้ว วั้ว เต๋ย เฮง, ฒัด เม่ย บัว เฮนี้ย. เยีย อ๋อย อี ปูง ต๋อย-ตั่ง. 14มป่า อี้ หฒั่น เม่ย บัว ม่าย ธั้ม เญย ฯฒฯ อ๋อย หฒุ เฑีย จ่ม วั้ว เต๋ย. เถา เม่ย บัว ไม้ ม่าย เญย เฒี่ยง โห่, นิ่น บัว ม่าย ธั้ม, นิ่น บัว ฯฒฯ ไฮ่ เฑีย เม่ย บัว. ฮนั้ง หน่าย เม่ย บัว ฯฒฯ ต๋อย-ตั่ง อ๊ะ. 15ฮนั้ง กีง-โซว เฟี้ย เจี๊ยน ก๊อง นอ,
“หาย เต้า เซียว ตุ๊ ธั้ม หย่า ไม้ ม่าย เหฒ่ง,
เซียว ตุ๊ โหฒะ หย่า ไม้ ธา.”#ธ้วด อียิบ 16:18
เปาโล พ้าย ทิตัด บัว มี่ง เบ่น กั๊บ ญ่าน เญย เจ๊า
16เยีย บัว แล์ง ฒี่ง ทิน-ฮู่ง เหว่ย หฒุ นิ่น ปุน ทิตัด ฮนั้ง เยีย บัว จอม เฮญี้ยว อ๋อย เถง เม่ย บัว. 17นิ่น ไม้ ตาน ขูง เอย เยีย บัว โท้ เญย หว่า อ๋อย เถง ฮนั้ง, นิ่น กั้น ฒู้ง ม่าย เฮญี้ยว มี่ง เม่ย บัว หน่าย. 18เยีย บัว หย่า พ้าย เต้า เยียม หฒวัง จิว-ปาง ม่าย เม่ง เต้า ฒุ่น คู้ เฝียน เญย ก๋อ-โย์ว เหธา เจี๊ยน ทิตัด มี่ง. 19ไม้ ตาน น้าย ฮนั้ง, หฒวัง จิว-ปาง กิ๊น วั้ว เต้า ก๋อ-โย์ว หย่า พ้าย นิ่น เหธา เยีย บัว มี่ง เถง เจี๊ยน เยีย บัว เบ่น น้าย ธ้วด ฟิม เญย คู้ กง, เหว่ย ปุน เมี่ยน ท่าย เฒี้ยว เยซู กีตู่, หย่า ปุน ธีง เยีย บัว ม่าย เฮญี้ยว เถง เม่ย บัว.
20น้าย เต๋ย กั๊บ ต้าย เญย ญ่าน ธั้ม เญย เยีย บัว ไฝ ฟิม ฮนั้ง หาย นอ เบ่น เหว่ย ไม้ ปุน เมี่ยน ม่าย ลั่ม ไกว๋ ต๋อง. 21เยีย บัว เญย เฮญี้ยว ขูง อ๋อย โหฒว ตุ๊ หอบ, ไม้ ตาน เอย เฒี้ยว ปวัด ฮนั้ง. หย่า อ๋อย โหฒว หอบ เอย ป้าม เมี่ยน ปวัด.#ธง-เม่ง หว่า 3:4
22เยีย บัว แอ๋ง พ้าย เต้า ก๋อ-โย์ว เหธา ทิตัด บัว มี่ง. น้าย เต้า ก๋อ-โย์ว เยีย บัว เสย เจี๋ย ธั้ม-หฑุ่น หย่า ปวัด นิ่น หฒั่นๆ จอม เฮญี้ยว. อี้ หฒั่น นิ่น แอ๋ง เก้า จอม เหว่ย หฒุ นิ่น ปู๋ง ตุ๊ เฮญี้ยว เม่ย บัว. 23ทิตัด แอ๊ะ, โหฒว เยีย เญย ต่อย, เหธา เยีย จวั่ง กง โหฒว เหว่ย เถง เม่ย บัว. น้าย เต๋ย ก๋อ-โย์ว บัว เซ หฒวัง จิว-ปาง พ้าย มี่ง เญย เมี่ยน หย่า ปุน เมี่ยน ท่าย กีตู่. 24อ๋อย หฒุ ปุน ธีง เม่ย บัว ฮนั้ม น้าย เต๋ย เมี่ยน ฯฒฯ ปุน หฒวัง จิว-ปาง ฮิ้ว ตุ๊ เยีย บัว เธง เม่ย บัว วั้ว เต๋ย หว่า หฒะเก้ง เฒียน เญย.
Currently Selected:
2 โคลินโท 8: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
