2 โคลินโท 9
9
เสียน เยซู เญย เมี่ยน จ่ม เมี่ยน
1เยีย ไม้ เฒ์ย เฉียม หฒุ เฟี้ย เฝียน ก๊อง กั๊บ ญ่าน เฑีย ทิน-ฮู่ง เญย เมี่ยน, 2เหว่ย หฒุ เยีย ฮิ้ว ตุ๊ เม่ย บัว ฒู้ง ม่าย เฮญี้ยว เถง. เยีย ฯฒฯ เธง เม่ย บัว ปุน มาซีโดเนีย เมี่ยน หมวัง. เยีย บั๋ว นิ่น บัว, อาคายา แซ้ง เญย เมี่ยน ปะหฮญัง เบ่น เหฒียง เถง อ๊ะ. เม่ย บัว ฮนั้ง หน่าย จอม เฮญี้ยว ฯฒฯ ต์ง หฒุ เมี่ยน ธั้ม ม่าย เฮญี้ยว อ๋อย เหธา เจี๊ยน โหฒว. 3มป่า เยีย พ้าย น้าย เต๋ย ก๋อ-โย์ว มี่ง เม่ย บัว หน่าย ด่าง เหว่ย หฒุ ไม้ อ๋อย ปุน เยีย บัว เธง เม่ย บัว วั้ว เต๋ย หว่า ด๊อด. อ๋อย เม่ย บัว หฒิว เยีย ก๊อง เญย หว่า หลิ่ว เล์ย เหฒียง. 4ไม้ เฒย แอ๊ะ, สี ก๊อง ม่าย เต๋ย มาซีโดเนีย เมี่ยน เหธา เยีย มี่ง เถา เม่ย บัว หน่าย หย่า ปวัด เม่ย บัว ไม้ แก้ง หลิ่ว เล์ย, ไม้ ตาน เม่ย บัว หฒุ ป่าย เฮมียน, เยีย บัว หย่า อ๋อย หฒุ ป่าย เฮมียน อ๊ะ, เหว่ย หฒุ เยีย บัว ปู๋ง เฮญี้ยว เม่ย บัว. 5เยีย ฯฒฯ ฮนั้ม ต้าย หอบ หฒุ โท้ น้าย เต๋ย ก๋อ-โย์ว มี่ง เม่ย บัว หน่าย ด่าง, หลิ่ว เล์ย เหฒียง เม่ย บัว แล์ง ฝ่ง ห่อ เญย ฒี่ง เหญ่ย. ฒั้ว เยีย เถา เญย เฒี่ยง โห่ เม่ย บัว ฯฒฯ เบ่น ฑ่อย หมี่ อ๊ะ, ปุน ธีง เมี่ยน ปวั๊ง เฮญี้ยว ปุน, ไม้ เฒ์ย เมี่ยน อ๊าบ เม่ย บัว ธ้วด.
หฒวัง ธั้ม เซียว ธั้ม, หฒวัง โหฒะ เซียว โหฒะ
6จั๋ง เจี๊ยน โอ่. หาย เต้า หฒวัง โหฒะ ฯฒฯ เซียว ตุ๊ โหฒะ. หาย เต้า หฒวัง ธั้ม ฯฒฯ เซียว ตุ๊ ธั้ม. 7โม์ว เต้า อ๋อย หฒุ ปุน หฒิว กั้น เญย เฮญี้ยว ตี่ง อ๋อย ปุน เญย. ปุน หย่า อ๋อย หฒุ ปวั๊ง เฮญี้ยว, ไม้ ตู๋ง ค้อ-ฟิ, เหว่ย หฒุ ทิน-ฮู่ง ฮนั้ม เญย เซ ฆอย เอ๋ย ปุน เญย เมี่ยน. 8ทิน-ฮู่ง ไฮ่ เหธย หญู่งๆ เอน ธั้มๆ เญย ปุน เม่ย บัว. เม่ย บัว ฯฒฯ หฒั่นๆ ม่าย เก๋า, ฒู้ง ม่าย ธั้ม เหว่ย โหฒว หญู่งๆ คู้ สี่. 9ฮนั้ง กีง-โซว ก๊อง นอ,
“นิ่น โหฒว เฮญี้ยว จั๊ง เฑีย เมี่ยน จ่ม เมี่ยน.
นิ่น โหฒว หลง เญย เจ๊า เหยียด ลิ์ว เยียม.”#สีง ฑูง 112:9
10ทิน-ฮู่ง เหธย ญิม ปุน หฒวัง เญย เมี่ยน หย่า เหธย หฮนาง ปุน เมี่ยน หญั่น. นิ่น อ๋อย ปุน เม่ย บัว ม่าย ฑ่อย เม่ย บัว เฉียม หล่ง เญย ญิม, หย่า ปุน ญิม โฮล ต้าย. เม่ย บัว โหฒว หลง เญย สี่ ฯฒฯ ฮนั้ง ธุน-แกง นอ, ปู๋ง-หฒัวะ.#อิสะยา 55:10 11นิ่น อ๋อย ปุน เม่ย บัว หญู่งๆ ม่าย ตุ๊ ฑ่อย, หฒั่นๆ โหฒว ตุ๊ เฮญี้ยว จั๊ง. ฮนั้ง หน่าย, เมี่ยน ธั้ม อ๋อย เหว่ย เม่ย บัว จิว ปุน เยีย บัว ต้อ เญย ฒี่ง เหญ่ย แล์ง ฒี่ง ทิน-ฮู่ง. 12เหว่ย หฒุ เม่ย บัว กั๊บ ญ่าน เฑีย ทิน-ฮู่ง เญย เมี่ยน ไม้ ตาน เถง นิ่น บัว ตุ๊ เฉียม หล่ง เญย กะน้าย ฮนั้ง, มป่า ปุน เมี่ยน ธั้ม แล์ง ฒี่ง ทิน-ฮู่ง. 13เม่ย บัว ฮนั้ง น้าย นอ กั๊บ ญ่าน เฑีย เมี่ยน, เมี่ยน ธั้ม ฯฒฯ อ๋อย เธง ทิน-ฮู่ง, เหว่ย หฒุ เม่ย บัว โหฒว เฮญี้ยว จั๊ง เถง นิ่น บัว หย่า เถง หฒวัง เมี่ยน, ฯฒฯ ปุน ธีง เม่ย บัว เหญี่ยม กีตู่ หย่า กัน หลง กีตู่ เญย คู้ เฝียน. 14นิ่น บัว เก้ง! อ๋อย จั๋ง ไห่ เม่ย บัว, ฯฒฯ เถง เม่ย บัว เต๋า เก๋า เหว่ย หฒุ ทิน-ฮู่ง เหธย นิ่น เญย ต้ม เอน ปุน เม่ย บัว. 15บัว อ๋อย หฒุ แล์ง ฒี่ง ทิน-ฮู่ง เหว่ย นิ่น ปุน ต้ง เลี่ยม ไม้ ม่าย หว่า ก๊อง ตุ๊ เถา เญย ฒี่ง เหญ่ย.
Currently Selected:
2 โคลินโท 9: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
