2 โคลินโท 7
7
1ฮนั้ม เญย ก๋อ-โย์ว อ่า, ทิน-ฮู่ง แล์ง น้าย เต๋ย หว่า ปุน บัว, บัว ฯฒฯ อ๋อย หฒุ โหฒว ธีง-เหฑ่ง เญย. หาย หญู่ง ปุน บัว เญย ซิน, บัว เญย เฮญี้ยว ไม้ ธีง-เหฑ่ง อ๋อย หฒุ ซิ้ม ฆอย. อ๋อย หฒุ กั้ม เหฑีย ทิน-ฮู่ง, ฯฒฯ โหฒว ธีง-เหฑ่ง เถา ต้าว.
โคลินโท เมี่ยน ก๊อย เฮญี้ยว, เปาโล ฯฒฯ เฌียน-โย่ว
2โท้ เม่ย บัว โหฒว เฮญี้ยว จั๊ง ฒิบ เยีย บัว. เยีย บัว ไม้ โหฒว ต่อง เจี๋ย หาย เต้า, หย่า ไม้ หยัวะ หาย เต้า โหฒว เจี๋ย หว่าย สี่. เยีย บัว หย่า ไม้ โหฒว เควย เจี๋ย หาย เต้า. 3เยีย ฮนั้ง น้าย ก๊อง ไม้ เฒ์ย อ๋อย ตี่ง เม่ย บัว โหฒว ต่อง. เยีย ฒู้ง ก๊อง เจี๋ย เญย, เยีย เก้ง! ฮนั้ม ไห่ เม่ย บัว.#7:3 กีก หว่า ก๊อง “เม่ย บัว เก้ง เยียม เยีย เญย เฮญี้ยว”. ไม้ กุ๊น เฒี่ยง ไฟ ไต่, หญุ่น เหธา เม่ย บัว เหยียด ดุย. 4เยีย หฒะเก้ง ปู๋ง เฮญี้ยว เหธา เม่ย บัว ก๊อง หย่า อะเฮน้ย ไห่ เม่ย บัว. ฮนั้ง น้าย ออน ตุ๊ เยีย เญย เฮญี้ยว ไห่. เยียม เยีย บัว ปวั้ง หฒุ เญย เหยียด ฒู้ง หน่าน ฒี่ง, เยีย หย่า เฌียน-โย่ว เถา ต้าว.
5เยีย บัว มี่ง เถา มาซีโดเนีย#2 โคลินโท 2:13 วั้ว หฒั่น, เยีย บัว ไม้ ตุ๊ ฮิด เหยียด ตั้ง ขวน. เถา หาย, ปวั้ง หฒุ ขวน น่าน. เยีย บัว หฒุ เหธา เมี่ยน แฑง จ๋า, เฮญี้ยว กะญั์ว หย่า กั้ม เหฑีย เญย. 6มป่า ทิน-ฮู่ง, ต้ง เถง เฮญี้ยว เฑ่า เญย เมี่ยน ไจ๊ เฑ่า, ปุน ทิตัด ต้าย ล์อ เยีย บัว ฯฒฯ ออน เยีย บัว เญย เฮญี้ยว. 7หย่า ไม้ เฒ์ย นิ่น ขูง ต้าย ฮนั้ง. นิ่น หย่า บั๋ว เยีย บัว, เม่ย บัว ฮนั้ง หาย นอ ออน นิ่น เญย เฮญี้ยว. นิ่น ก๊อง เม่ย บัว หฒะเก้ง อ๋อย ปวัด เยีย ไห่, เม่ย บัว เฑ่า ไห่, เม่ย บัว หย่า จอม เฮญี้ยว เยีย, ฯฒฯ ปุน เยีย จา ออน-เหลาะ.
8ไม้ กุ๊น เยีย ฒิ่น ด่าง เฟี้ย ปุน เม่ย บัว วั้ว เฒ้ย เฝียน ปุน เม่ย บัว เฑ่า, เยีย หย่า ไม้ ฮนั้ม-หฑวน. เยีย ไฮ่ ฮนั้ม-หฑวน เหว่ย หฒุ ปวัด เม่ย บัว เฑ่า เหยียด หธาม. 9มป่า อี้ หฒั่น เยีย เฌียน-โย่ว อ๊ะ, ไม้ เฒ์ย เหว่ย เยีย ปุน เม่ย บัว เฑ่า, มป่า เหว่ย น้าย เต๋ย เฑ่า เญย เจ๊า ปุน เม่ย บัว ก๊อย เฮญี้ยว. เม่ย บัว เอย ทิน-ฮู่ง เญย เอ๋ย เฑ่า. ฮนั้ง หน่าย, ไม้ เฒ์ย เยีย บัว ห่อย หาย ติ่ว เม่ย บัว. 10เหว่ย หฒุ เมี่ยน เอย ทิน-ฮู่ง เญย เอ๋ย เฑ่า, น้าย หญู่ง เฑ่า ไฮ่ ปุน เมี่ยน ก๊อย เฮญี้ยว, ฯฒฯ ตุ๊ เหฌียว. ฮนั้ง หน่าย เมี่ยน ฯฒฯ ไม้ ฮนั้ม-หฑวน. มป่า เอย ป้าม เมี่ยน เญย หฒะเอ๋ย เฑ่า นอ, ขูง ปุน เมี่ยน หฒุ ไต่ ฮนั้ง.
11ฮนั้ม หมั่ง ก๋า! ทิน-ฮู่ง ฮนั้ง หาย นอ หล่ง เม่ย บัว เญย โยว-เฑ่า เถง เม่ย บัว. เม่ย บัว เญย โยว-เฑ่า ปุน เม่ย บัว จอม เฮญี้ยว, เยียม หญู่งๆ สี่ อ๋อย ปุน ธีง เม่ย บัว ไม้ ต่อง. เม่ย บัว เญย โยว-เฑ่า หย่า ปุน เม่ย บัว เฉีย เจี์ย, เฮญี้ยว มุน, หย่า ไฮ์ กั้ม เหฑีย เญย. เม่ย บัว หฒะเก้ง จั๋ง เถา เยีย, เม่ย บัว หย่า จอม เฮญี้ยว ต้าย, หย่า ตี่ง โหฒว ต่อง เญย เมี่ยน เญย ฒุ์ย. เยียม วั้ว เต๋ย เหยียด ฒู้ง สี่ ปุน ธีง เม่ย บัว ไม้ ต่อง หาย หญู่ง อ๊ะ.
12เหว่ย น้าย ไม้ กุ๊น เยีย เฟี้ย วั้ว เฒ้ย เฝียน, เยีย ไม้ เฒ์ย หลาย โหฒว ต่อง วั้ว เต้า เมี่ยน เฟี้ย, หย่า ไม้ เฒ์ย หลาย หฒุ เตี๊ย เมี่ยน โหฒว ต่อง วั้ว เต้า เฟี้ย. เยีย เฟี้ย เญย เซ อ๋อย ปุน เม่ย บัว เฒียะ ตุ๊ เอย ทิน-ฮู่ง ปวัด, เม่ย บัว หฒะเก้ง จอม เฮญี้ยว กัน เยีย บัว. 13น้าย เต๋ย เหยียด ฒู้ง สี่ ฯฒฯ ออน เยีย บัว เญย เฮญี้ยว. ไม้ ตาน ตุ๊ ออน เฮญี้ยว ฮนั้ง, เม่ย บัว ปุน ทิตัด เญย เฮญี้ยว ตุ๊ แป้ง ออน, ออน-เหลาะ, เยีย บัว ฯฒฯ เหยียด เฒย ออน-เหลาะ. 14เยีย เธง เม่ย บัว ปุน ทิตัด หมวัง, เม่ย บัว หย่า ไม้ ปุน เยีย บัว หฒุ ไญ้ อ๊ะ. เยีย บัว หาย หฒั่น เหธา เม่ย บัว ก๊อง, เยีย บัว ขูง ก๊อง เฒียน เญย ฮนั้ง. ฒิ่น ด่าง เยีย บัว เธง เม่ย บัว ปุน ทิตัด หมวัง. อี้ หฒั่น เม่ย บัว ปุน ธีง เยีย บัว ก๊อง เฒียน ฟี่ ฮนั้ง เญย. 15ทิตัด จั๋ง หฒุ เม่ย บัว หฒวัง เมี่ยน หฒะเก้ง หมวัง นิ่น เญย หว่า, หย่า จั๋ง หฒุ ฒิบ นิ่น วั้ว หฒั่น เม่ย บัว กั้ม เหฑีย, ซิน หฒิน เจี๊ยน เญย ฒิบ. นิ่น ฯฒฯ จา ฮนั้ม เม่ย บัว เก้า ธั้ม. 16เยีย หฒะเก้ง ออน-เหลาะ ไห่ เหว่ย หฒุ เยีย ไฮ่ ปู๋ง เฮญี้ยว เม่ย บัว เถา ต้าว.
Currently Selected:
2 โคลินโท 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
