2 โคลินโท 6
6
1เยีย บัว เหธา ทิน-ฮู่ง จวั่ง กง โหฒว ฯฒฯ ขวิน เม่ย บัว. เม่ย บัว ฒิบ ลิ์ว ทิน-ฮู่ง เญย เอน, ไม้ ตู๋ง ปู๋ง ด๊อด. 2เหว่ย หฒุ ทิน-ฮู่ง ก๊อง,
“เยียม เยีย เหธย เอน เญย เฒี่ยง โห่, เยีย ไฮ์ เม่ย บัว เญย,
เยียม ตุ๊ เหฌียว เญย ฮนอย, เยีย หย่า เถง เม่ย บัว หมี่ อ๊ะ.”#อิสะยา 49:8
หมวัง ม่าะ! อี้ หฒั่น เซ ทิน-ฮู่ง เหธย เอน เญย เฒี่ยง โห่. อี้ ฮนอย เซ ตุ๊ เหฌียว เญย ฮนอย.
เปาโล เญย หน่าน ฒี่ง
3เยีย บัว ไม้ อ๋อย หาย เต้า ต้าน เยีย บัว โหฒว เญย กง, เยีย บัว ฯฒฯ ไม้ อ๋อย โหฒว หาย หญู่ง ปุน เมี่ยน เฆ่ม.#6:3 กีก หว่า ก๊อง, ดิ๊ หฒุ ดอบ. 4ต๋าว หฑวน เยีย บัว โหฒว หญู่งๆ เหว่ย ปุน เมี่ยน เฒียะ ตุ๊ เยีย บัว โหฒว ทิน-ฮู่ง เญย โปว. เยีย บัว ฯฒฯ หล่ง หน่อย เสี่ยว หญู่งๆ ขวน น่าน, หน่าน ฒี่ง เหธา ต้ม เฮ้ย สี่. 5เยีย บัว เสี่ยว เมี่ยน เบ๊าะ, เตี๊ย หววน โล่, หฒุ เมี่ยน เหธว หลุ่น, หฒุ โหฒว กง โค้ว, หฒุ กวั่ง มฌ่อม จ๋า หย่า เตี๊ย หง่อ.#กง-โฒ่ 16:23 6เยีย บัว โหฒว ธีง-เหฑ่ง เญย, ม่าย ว่วน ฒาง, ม่าย หน่อย เญี์ยน ตุ๊, โหฒว หลง ปุน เมี่ยน, ม่าย สีง ลี่ง หย่า หฒะเก้ง ฮนั้ม เมี่ยน ฯฒฯ ปุน ธีง เยีย บัว โหฒว ทิน-ฮู่ง เญย โปว. 7เยีย บัว ขูง ก๊อง เฒียน เล์ย ฮนั้ง หย่า ม่าย ทิน-ฮู่ง เญย ชะ. ม่าย คู้ สี่ โหฒว เบ๊าะ จ๋า เญย หวัวะ กิ่น หล่ง เบ๊าะ, หล่ง บู้ง.#6:7 กีก หว่า ก๊อง “เยียม บย่าว เจี๊ยะ เหธา หฒาย เจี๊ยะ ปั์ว”. 8เยีย บัว ตุ๊ เมี่ยน ท่าย หย่า หฒุ เมี่ยน หมั่ง เผีย, หฒุ เมี่ยน ต้าน หย่า ตุ๊ เมี่ยน เธง, หฒุ เมี่ยน ก๊อง เยีย บัว ก๊อง-แปะ ดั๊ว เมี่ยน, มป่า เยีย บัว ขูง ก๊อง เฒียน ฮนั้ง. 9เยีย บัว หฒุ เมี่ยน โหฒว ต้าย ฮนั้ง ไม้ ฮิ้ว เยีย บัว นอ, มป่า นิ่น บัว หฒะเก้ง ฮิ้ว ตุ๊ เยีย บัว เญย. เยีย บัว เซ ฮนั้ง ไต่ หมี่ อ๊ะ นอ, มป่า เม่ย บัว ปวัด เยีย บัว หธ่อ ม่าย แหม่ง เฒี่ยง เญย. หฒุ เมี่ยน เบ๊าะ#6:9 เอ๋ย เล์ย เซ หฒุ ตี่ง ฒุ์ย เบ๊าะ. มป่า ไม้ เถา ไต่, 10หฒุ เมี่ยน โหฒว ปุน เยีย บัว เฑ่า, มป่า เยีย บัว หฒั่นๆ เฌียน-โย่ว เญย. เยีย บัว ฮนั้ง จ่ม เญย มป่า ปุน เมี่ยน ธั้ม ปุ๊ด ฒ่อย. เยีย บัว ฮนั้ง ไม้ ม่าย หาย หญู่ง มป่า หญู่งๆ ม่าย ฑ่อย.
11เธียน ฮนั้ม เญย โคลินโท ก๋อ-โย์ว อ้า! เยีย บัว เหธา เม่ย บัว ก๊อง หฒะ, ไม้ ปี๋ง. เยีย บัว แมะ ฆอย บะฑิว ปุน เม่ย บัว หมั่ง. 12สี ก๊อง ม่าย หาย ติ่ว แฆะ เจี๊ยน เซ ไม้ เฒ์ย เยียม เยีย บัว. เซ เยียม เม่ย บัว กั้น เญย เฮญี้ยว. 13เยีย เหธา เม่ย บัว ก๊อง ฮนั้ง เตีย เหธา นิ่น เญย ฝุเจว๊ย ก๊อง นอ. โท้ เม่ย บัว แมะ ฆอย บะฑิว วิ่น เยีย บัว.
เสียน เญย เหธา ไม้ เสียน เญย ไม้ ไฮ่ จวั่ง
14เสียน เญย เมี่ยน เหธา ไม้ เสียน เญย เมี่ยน ไม้ ตู๋ง จิว ต่อย. คู้ สี่ เหธา หว่าย สี่ ฮนั้ง หาย นอ ไฮ่ จิว ทง? ฌัง เหธา หฮมวัง ฮนั้ง หาย นอ ไฮ่ จวั่ง เยียม? 15กีตู่ เหธา เบลีอัน#6:15 เบลีอัน เซ เมี้ยน เญย ฮู่ง, ซาตาน, เญย กั้น นอม บั๋ว. ฮนั้ง หาย นอ ไฮ่ ตะก้อย? เสียน เญย เมี่ยน เหธา ไม้ เสียน เญย เมี่ยน ม่าย หาย หญู่ง จวั่ง เจี๊ยน เญย ป่วน? 16ทิน-ฮู่ง เญย สีง ติ่น เหธา หมิ่ว-ฝัง ฮนั้ง หาย นอ ไฮ่ ต๋อย-ต้ง? เหว่ย หฒุ เยีย บัว โหฒว เฒี่ยง เจี๊ยน เญย ทิน-ฮู่ง เญย สีง ติ่น. ฮนั้ง ทิน-ฮู่ง ก๊อง นอ,
“เยีย อ๋อย เหธา เยีย เญย แปะ ฝีง เยียม,
อ๋อย เยียม นิ่น บัว บุด๋ง.
เยีย ฯฒฯ โหฒว นิ่น บัว เญย ทิน-ฮู่ง,
นิ่น บัว หย่า โหฒว เยีย เญย แปะ ฝีง.”#เลวี 26:12; เยเลมี 32:38; เอเสเคน 37:27; 1 โคลินโท 3:16; 6:19
17เหว่ย น้าย เฒี้ยว ก๊อง,
“เม่ย บัว เยียม นิ่น บัว บุด๋ง,
อ๋อย หฒุ ธ้วด ต้าย.
อ๋อย หฒุ เหธา นิ่น บัว ปุน ฆอย.
ไม้ ตู๋ง มัวะ ม่าย หวุย เญย กะน้าย,
เยีย ฯฒฯ ฒิบ เม่ย บัว อ๊ะ.”#อิสะยา 52:11; เอเสเคน 20:34,41
18“เยีย อ๋อย โหฒว เม่ย บัว เญย เตีย,
เม่ย บัว ฯฒฯ เป๋น เยีย เญย น่าม โญ์ว.
เน่น เจี๋ย เญย เฒี้ยว ฮนั้ง น้าย นอ ก๊อง.”#2 ซามูเอน 7:14; 1 ฒุ่น ต่อย โต้ว 17:13; อิสะยา 43:6; เยเลมี 31:9
Currently Selected:
2 โคลินโท 6: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
