2 ฒุ่น ต่อย โต้ว 9
9
เชบา เต่ย เญย ฮู่ง หม่า ต้าย ล์อ ซาโลมอน
(เป๊ย หมั่ง 1 ฮู่ง โต้ว 10:1-13)
1เชบา เต่ย เญย ฮู่ง หม่า หมวัง ไฮ์ ซาโลมอน เญย เม่ง เต้า, นิ่น ฯฒฯ ต้าย เถา เยลูซาเลม หล่ง อะ เญย เจ๊า เค้า ซาโลมอน. นิ่น ต้อ เจี๊ยน เหยียด ต้ม กวั้น เมี่ยน เหธา นิ่น ต้าย. ม่าย ล่อ ท่อ ทอ เจี๊ยน ดาง เญย กะน้าย, เหธา เจียม ธั้ม เญย, เหธา หละเปย๊ย-จ๋าย. ต้าย ปวั้ง ซาโลมอน วั้ว หฒั่น นิ่น เฒาะ เยียม เฮญี้ยว ฮนั้ม เถา เญย หญู่งๆ บั๋ว ซาโลมอน.#มัดทาย 12:42; ลูกา 11:31 2ซาโลมอน เฒาะ นิ่น หน่าย เญย เหยียด ฒู้ง หว่า เตา นิ่น. ไม้ ม่าย เหยียด โจ๋ว อะ เจี๋ย ด่าง ซาโลมอน ไฮ่ พ้อ เม่ง บั๋ว นิ่น. 3เชบา เต่ย เญย ฮู่ง หม่า ปวัด ซาโลมอน เญย ธง-เม่ง เหธา นิ่น เหธย เญย ฮู่ง ติ่น, 4หย่า ปวัด เยียม นิ่น เญย หฮนาง-เตี้ย เญย หญั่น ฮบ, ปวัด ฮู่ง เตี๋ย เญย โปว เหธา โปว เญย ฒอง-ฒุ, ปวัด โป้ว ติ๊ว-ฒ้าน เญย โปว เหธา นิ่น บัว เญย ฒอง-ฒุ หย่า ปวัด ฮู่ง เตี๋ย เยียม หฒั่ง เฒี้ยว เญย เปย๊า ฝ่ง ห่อ ปั๊ว เหฒี่ย เญย กะน้าย, ฮู่ง หม่า ฯฒฯ หฒะเก้ง! เผย ฝู่ ไห่, ฒู้ง ไม้ ม่าย หว่า ก๊อง อ๊ะ.
5นิ่น ก๊อง บั๋ว ฮู่ง เตี๋ย, “เยีย เยียม เยีย เญย กั๊วะ ไฮ์ ก๊อง เถา เม่ย โหฒว เญย เจ๊า-โหล่ว เหธา เม่ย เญย ธง-เม่ง, หฒะเก้ง เฒียน ไห่ อ๊ะ. 6มป่า เยีย ไม้ เสียน น้าย เต๋ย หว่า เถา เยีย กั้น ต้าย, เยีย กั้น เญย มฒีง หย่า ตุ๊ ปวัด. เม่ย เญย ธง-เม่ง หฒะเก้ง โฮล! ไห่. เมี่ยน ก๊อง บั๋ว เยีย เญย ฒู้ง ไม้ เถา เหยียด ป่วน. เซ โฮล เจี๋ย ด่าง เยีย ไฮ์ ก๊อง เญย. 7เม่ย เญย เหยียด ฒู้ง เมี่ยน#9:7 ไฟ เอ๊า. ตุ๊ ออน-เหลาะ. หฒั่นๆ โซ้ว เจี๊ยน เม่ย เญย หฑะเฮมียน หมวัง เม่ย เญย ธง-เม่ง หว่า วั้ว เต๋ย เจียน หย่า ตุ๊ ออน-เหลาะ. 8เธง เฒี้ยว, เม่ย เญย ทิน-ฮู่ง. นิ่น อะเฮน้ย เม่ย, ปุน เม่ย เฒว์ย นิ่น เญย ฮู่ง เหว่ย, เหว่ย เฒี้ยว, เม่ย เญย ทิน-ฮู่ง, โหฒว ฮู่ง. เหว่ย หฒุ เม่ย เญย ทิน-ฮู่ง ฮนั้ม อิสะลาเอน เมี่ยน หย่า ม่าย เฮญี้ยว อ๋อย เหยียด ลิ์ว เหลียบ นิ่น บัว ว้วน, นิ่น ปุน เม่ย โหฒว ฮู่ง, ปุน เม่ย หล่ง แป้ง ฟิม เหธา หอบ เญย เล์ย กุ๊น นิ่น บัว.”
9เชบา เต่ย เญย ฮู่ง หม่า ฯฒฯ เฒาะ อี ธิน เฝย แป๊ะ เธี้ยด เหฒียบ หลัวะ จ้อย#9:9 ฮิบลู หว่า ก๊อง 120 ตะลัน. เซ เล่ย ไม้ โก 4,000 กีโล. เจียม เหธา ดาง เญย กะน้าย ธั้ม ไห่ เหธา หละเปย๊ย-จ๋าย ฝูง ปุน ซาโลมอน ฮู่ง. เชบา เต่ย เญย ฮู่ง หม่า ฝูง ปุน ซาโลมอน ฮู่ง น้าย เต๋ย ดาง เญย กะน้าย, ไม้ ม่าย เจี๋ย ฮนั้ง น้าย เต๋ย.
10(ฮีลาม เหธา ซาโลมอน เญย โปว ต้อ เยียม โอฟี เญย เจียม ต้าย. นิ่น บัว หย่า ต้อ ฮูง เดี๋ยง เหธา จ๋าย เญย หละเปย๊ย-เหฑว่ย. 11ฮู่ง เตี๋ย หล่ง ฮูง เดี๋ยง โหฒว หฒั่ง เฒี้ยว เญย เปย๊า เหธา ฮู่ง ติ่น เญย เทย หย่า เหว่ย ป๋าว ฑูง เญย เมี่ยน โหฒว ต้ม ต้าน ป้า เหธา ฟิ้ว-ต้าน ป้า. เยียม ยูดา เต่ย-ปูง ไม้ ม่าย หาย เต้า ปวัด เจี๋ย ฮนั้ง หน่าย อ๊ะ.)
12ซาโลมอน ฮู่ง หฒิว เชบา เต่ย เญย ฮู่ง หม่า อ๋อย เญย เหธา โท้ เญย เหยียด ฒู้ง จิว ปุน นิ่น, ฒู้ง ปุน เก้า ธั้ม ฮู่ง หม่า ต้อ ต้าย ปุน ฮู่ง เตี๋ย เญย. ฆะฮ้า ฮู่ง หม่า เหธา กัน นิ่น วั้ว เต๋ย ต๋าว ซิน หฑวน กั้น เญย เต่ย-ปูง หมี่ อ๊ะ.
ซาโลมอน เญย ฒิ่น ฒ่อย
(เป๊ย หมั่ง 1 ฮู่ง โต้ว 10:14-29)
13โม์ว หฮญัง ซาโลมอน ฮู่ง ตุ๊ เญย เจียม เหยียด ฒู้ง ม่าย เหยียด หว่าน เปยย ธิน หญี่ แป๊ะ ฟ่า เหฒียบ เป๊ด จ้อย.#9:13 ฮิบลู หว่า ก๊อง 666 ตะลัน เซ เล่ย ไม้ โก 23,000 กีโล. 14น้าย หย่า ไม้ ฝุน โล์-เป๊น เหธา แซง-เอ๋ย เมี่ยน ฝุน เปียะ เญย โฑว-ฒิ่น ไฟ อาละเบีย เต่ย-ปูง เญย ฮู่ง เหธา อิสะลาเอน เต่ย-ปูง เญย แซ้ง-เฒี้ยว ต้อ ต้าย ปุน ซาโลมอน เญย เจียม ญ่าน.
15ซาโลมอน ฮู่ง ต๊า หญี่ แป๊ะ นอม หล่ง เจียม โหฒว ต้าย เญย ต้ม ท้อง-ป้าย. โม์ว นอม หล่ง เปยย จ้อย เหฒียบ เหญ่ย ลู์ง#9:15 ฮิบลู หว่า ก๊อง 600 เซเขน. เซ เล่ย ไม้ โก 7 กีโล. เจียม. 16นิ่น แอ๋ง ต๊า ฟาม-แป๊ะ นอม เจียม-ท้อง-ป้าย เก้า ไฝ. โม์ว นอม ม่าย อี จ้อย เธี้ยด ลู์ง#9:16 ฮิบลู หว่า ก๊อง, 300 เซเขน. เซ เล่ย ไม้ โก 3.5 กีโล. เฒียน เจียม. น้าย เต๋ย ท้อง-ป้าย, ฮู่ง เตี๋ย ต้อ มี่ง อัน เลบานอน เก้ม เญย ฮู่ง ติ่น.
17ฮู่ง เตี๋ย หล่ง ฒ์าง-ญ่า โหฒว นอม ต้ม เหว่ย หย่า หล่ง เฒียน เจี๋ย เญย เจียม ปวัง เจี๊ยน. 18น้าย นอม เหว่ย ม่าย จุ๊ คัง เทย, แอ๋ง ม่าย หลอง เหฒา เญย เจียม-ตน เหธา เหว่ย เฒี่ยง เจี๊ยน. เหว่ย เญย กะเฮลน ม่าย อี ปูง หลอง ปั์ว เญย ตั๋ง. หลอง ปั์ว เญย ตั๋ง ม่าย เต้า เซี่ยน โซ้ว กะเฮลน, เหยียด เต้า เหยียด ปูง. 19น้าย เต๋ย จุ๊ คัง เทย ม่าย เหฒียบ เหญ่ย เต้า เซี่ยน. คังๆ อี ปูง กะเฮลน ม่าย เต้า เซี่ยน โซ้ว เจี๊ยน. ไม้ ม่าย หาย นอม กั๊วะ ฮนั้ง น้าย นอ โหฒว เจี๋ย. 20ซาโลมอน ฮู่ง เญย เหยียด ฒู้ง ติ๊ว-ฒ้าน หล่ง เจียม โหฒว ต้าย. เลบานอน เก้ วั้ว นอม เปย๊า เญย จา-ต๋อง หย่า หล่ง เจียม โหฒว ต้าย. ไม้ ม่าย หาย หญู่ง หล่ง ญ่าน โหฒว, เหว่ย หฒุ ซาโลมอน เญย ลู่ง เดี๊ย ไม้ ฝุน ญ่าน จ๋าย. 21ฮู่ง เตี๋ย ม่าย กวั้น ฑั้ง เหธา ฮีลาม เญย ฑั้ง-เจียน#9:21 ไฟ ฮีลาม เญย ฑั้ง. ปัว หฮญัง มี่ง หฑุ่น ทานซิด, ทอ เจี๊ยน เจียม, ญ่าน, ฒ์าง-ญ่า เหธา บีง เหธา ต้ม เหนาะ เจียม-ฒิ่น#9:21 ไฟ บีง-เจี๊ยะ. หฑวน.
22เหว่ย น้าย เป๊ย ลู่ง เดี๊ย เญย ฮู่ง เตี๋ย, ซาโลมอน ฮู่ง เก้า เป๋น เจี๋ย, เก้า ม่าย ธง-เม่ง เจี๋ย. 23ลู่ง เดี๊ย เญย ฮู่ง เตี๋ย อ๋อย ต้าย ล์อ ซาโลมอน, อ๋อย หมวัง ทิน-ฮู่ง เหธย ปุน นิ่น เยียม เฮญี้ยว เญย ธง-เม่ง หว่า. 24ต้าย เญย เมี่ยน, เต้าๆ ต้อ เจี๊ยน ฒี่ง เหญ่ย ต้าย, เซ เจียม ญ่าน โหฒว ต้าย เญย จา-สี่, ฒอง-ฒุ เญย กะน้าย, เบ๊าะ จ๋า เญย หวัวะ กิ่น, ดาง เญย กะน้าย เหธา ล่อ ม์า. หฮญัง เจี๋ย หฮญัง นิ่น บัว ฮนั้ง น้าย นอ โหฒว.
25ซาโลมอน ม่าย เปยย ธิน ฉง ปุน ม์า เหธา เบ๊าะ จ๋า เญย ม์า-เธีย เยียม. นิ่น ม่าย เหยียด หว่าน อี ธิน เต้า เก้ ม์า แปง.#9:25 ไฟ “ฒ้าง ม์า-เธีย เญย แปง”. ม์า เหธา ม์า-เธีย นิ่น อัน เจี๊ยน เซียว เบ๊าะ จ๋า เธีย เญย ฒี่ง. หย่า ม่าย เต๋ย เหธา นิ่น เยียม เยลูซาเลม.#1 ฮู่ง โต้ว 4:26 26นิ่น กุ๊น หฒวัง ฮู่ง เตี๋ย เยียม ยูเฟติด ด้าย มี่ง เถา ฟีลิสะเตีย เมี่ยน เญย เต่ย-ปูง, ฒู้ง เถา อียิบ เญย กั๊บ-จ๋าย กะเฮลน.#ทิน เต่ย โต้ว 15:18; 1 ฮู่ง โต้ว 4:21 27ฮู่ง เตี๋ย เยียม เยลูซาเลม ปุน ญ่าน ธั้ม, เป๋น โพว-ทง เญย กะน้าย ฮนั้ง หละเปย๊ย นอ. สีดา ฒ่ง เดี๋ยง หย่า ด่ง บง-จั๊วะ ต๋อง#9:27 ฟาน หฒะ ก๊อง เซเฟลา. เญย ง่ง หญอ เดี๋ยง ธั้ม. 28ซาโลมอน เญย ม์า เซ เยียม อียิบ เหธา นอมๆ กั๊วะ ต้าย เญย ม์า.#หฑั่ม เล์ย-หลัด 17:16
ซาโลมอน เกวย เสย
(1 ฮู่ง โต้ว 11:41-43)
29ซาโลมอน โหฒว เหฒ่ง เหฌี่ย เญย เหยียด ฒู้ง สี่, เยียม กอน เถา เซ้ด เมว์ย, เฟี้ย เจี๊ยน เยียม โต่ว หว่า เมี่ยน, นาทัน, เญย โซว-ตาน, เหธา ซีโล เมี่ยน, อาหิยา, โต่ว เญย หว่า, หย่า เยียม ก๊อง ฒิ่น โฮ์ หว่า วั้ว เต้า อิดโด ปวัด หล่าว ย่าง ก๊อง เถา เนบัด เญย ตอน, เยโลโบอัม, เญย เจ๊า-โหล่ว. 30ซาโลมอน เยียม เยลูซาเลม กุ๊น ก๋อม อิสะลาเอน เฝย เหฒียบ หฮญัง. 31ซาโลมอน เกวย เสย หมี่ อ๊ะ,#9:31 เป๊ย หมั่ง 1 ฮู่ง โต้ว 1:21. หย่า หฒัง เจี๊ยน นิ่น เญย เตีย, ดาวิด, เญย ฒี่ง. นิ่น เญย ตอน, เลโหโบอัม, หฑิบ เจี๊ยน นิ่น โหฒว ฮู่ง.
Currently Selected:
2 ฒุ่น ต่อย โต้ว 9: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
