2 ฒุ่น ต่อย โต้ว 10
10
อิสะลาเอน เมี่ยน แหง่ง เลโหโบอัม
(เป๊ย หมั่ง 1 ฮู่ง โต้ว 12:1-20)
1เลโหโบอัม มี่ง เซเคม ฒี่ง เหว่ย หฒุ อิสะลาเอน เญย หฒวัง เมี่ยน มี่ง เซเคม เหลียบ นิ่น โหฒว ฮู่ง. 2(วั้ว หฒั่น เนบัด เญย ตอน, เยโลโบอัม, หธ่อ เยียม อียิบ เต่ย-ปูง เหว่ย หฒุ นิ่น เปย๋า ซาโลมอน ฮู่ง มี่ง เยียม อียิบ.) เยโลโบอัม เยี้ยด ไฮ์ นิ่น บัว อ๋อย เหลียบ เลโหโบอัม โหฒว ฮู่ง, นิ่น เยียม อียิบ หฑวน. 3หฒวัง เมี่ยน ฯฒฯ ปุน เมี่ยน มี่ง เห่ว เยโลโบอัม ต้าย. เยโลโบอัม เหธา อิสะลาเอน เญย หฒวัง เมี่ยน มี่ง ล์อ เลโหโบอัม. นิ่น บัว ก๊อง, 4“เม่ย เญย เตีย, ซาโลมอน, ห่อย เยีย บัว โค้ว, ฮนั้ง ก์า เดี๋ยง-ก์า เฮนี้ย นอ. อี้ หฒั่น โท้ เม่ย ฒั้น เหฌี่ย เยีย บัว หฒุ โค้ว เญย เจ๊า หย่า ปุน เยีย บัว ก์า เญย เดี๋ยง-ก์า เก้า เฮง, เยีย บัว เหยียด ฒู้ง ฯฒฯ ฟู-สู เม่ย.”
5เลโหโบอัม ก๊อง บั๋ว นิ่น บัว, “ฒั้ว ปัว ฮนอย เม่ย บัว แอ๋ง ต้าย ล์อ เยีย.” หฒวัง เมี่ยน ฯฒฯ หฑวน อ๊ะ.
6เลโหโบอัม ฮู่ง ฯฒฯ เหธา ฒิ่น ด่าง นิ่น เญย เตีย, ซาโลมอน, เยียม เสย หฒั่ง วั้ว หฒั่น เถง นิ่น เญย เตีย โหฒว กง เญย เมี่ยน โก๋ เมี่ยน ธ่าง ล่าง. นิ่น ก๊อง, “เม่ย บัว เถง เยีย ฮนั้ม ก๋า, เยีย อ๋อย หฒุ ฮนั้ง หาย นอ เตา น้าย เต๋ย เมี่ยน?”
7นิ่น บัว เตา, “สี ก๊อง อี้ ฮนอย ฮู่ง เตี๋ย อ๋อย น้าย เต๋ย แปะ ฝีง โหฒว โปว เหยียด ลิ์ว ฟู-สู นอ, เตา หลง นิ่น บัว, ปุน นิ่น บัว อะเฮน้ย. นิ่น บัว ฯฒฯ เหยียด ลิ์ว โหฒว เม่ย เญย โปว อ๊ะ.”
8มป่า เลโหโบอัม ไม้ หล่ง น้าย เต๋ย เมี่ยน โก๋ เมี่ยน ธ่าง ล่าง เญย หว่า. นิ่น มี่ง ล์อ เหธา นิ่น โฮล ต้าย วั้ว ปาน เมี่ยน, ต้ง อี้ หฒั่น ฟู-สู นิ่น วั้ว เต๋ย เมี่ยน หลุน เมี่ยน. 9เลโหโบอัม หน่าย นิ่น บัว, “เม่ย บัว เถง เยีย ฮนั้ม หมั่ง ก๋า, เยีย บัว อ๋อย หฒุ ฮนั้ง หาย นอ เตา น้าย เต๋ย เมี่ยน? นิ่น บัว ก๊อง, ‘เม่ย เญย เตีย ปุน เยีย บัว ก์า เดี๋ยง-ก์า เฮนี้ย เญย, โท้ เม่ย กวั่ง เฮง เต๋ย.’”
10เหธา นิ่น โฮล ต้าย น้าย เต๋ย เมี่ยน หลุน เมี่ยน ก๊อง, “น้าย เต๋ย แปะ ฝีง ก๊อง บั๋ว ฮู่ง เตี๋ย, ‘เม่ย เญย เตีย ปุน เยีย บัว ก์า เดี๋ยง-ก์า เฮนี้ย, โท้ เม่ย ปุน เยีย บัว เฮง เต๋ย.’ ฮู่ง เตี๋ย อ๋อย หฒุ บั๋ว น้าย เต๋ย เมี่ยน, ‘เยีย เญย ปั์ว-โด๊ะ-ตอน เก้า โฮ์ เยีย เญย เตีย เญย จ๊าย. 11เยีย เญย เตีย ปุน เม่ย บัว ก์า เดี๋ยง-ก์า เฮนี้ย. เยีย ฒู้ง อ๋อย ปุน เม่ย บัว เก้า เฮนี้ย. เยีย เญย เตีย หล่ง ปย๊า-ปิน เบ๊าะ เม่ย บัว. เยีย อ๋อย หล่ง เหฒียบ เหญ่ย ด้าง ปิน เบ๊าะ เม่ย บัว.’”
12เถา ตะฟาม ฮนอย, เยโลโบอัม เหธา หฒวัง แปะ ฝีง แอ๋ง ต้าย ล์อ เลโหโบอัม ฮนั้ง ฮู่ง เตี๋ย ก๊อง นอ. นิ่น ก๊อง, “ฒั้ว ปัว ฮนอย แอ๋ง ต้าย ล์อ เยีย.” 13ฮู่ง เตี๋ย หล่ง หว่า เธี้ยว เญย เตา แปะ ฝีง. นิ่น ไม้ หล่ง วั้ว เต๋ย เมี่ยน โก๋ เมี่ยน ธ่าง ล่าง เญย หว่า. 14เลโหโบอัม ฮู่ง หล่ง เมี่ยน หลุน เมี่ยน ธ่าง ล่าง เญย หฒะเอ๋ย. นิ่น ก๊อง, “เยีย เญย เตีย ปุน เม่ย บัว ก์า เดี๋ยง-ก์า เฮนี้ย. เยีย ฒู้ง อ๋อย ปุน เม่ย บัว ก์า เก้า เฮนี้ย. เยีย เญย เตีย หล่ง ปย๊า-ปิน เบ๊าะ เม่ย บัว. เยีย อ๋อย หล่ง เหฒียบ เหญ่ย ด้าง ปิน เบ๊าะ เม่ย บัว.” 15ฮู่ง เตี๋ย ฯฒฯ ไม้ หมวัง แปะ ฝีง โท้ เญย หว่า. น้าย เต๋ย สี่ เซ เอย ทิน-ฮู่ง เญย หฒะเอ๋ย เหว่ย ปุน ต๋อย เฒี้ยว หล่ง ซีโล เมี่ยน, อาหิยา, โต่ว ปุน เนบัด เญย ตอน เยโลโบอัม, เญย หว่า.
16อิสะลาเอน เญย หฒวัง เมี่ยน ปวัด ฮู่ง เตี๋ย ไม้ หมวัง นิ่น บัว, นิ่น บัว ฯฒฯ ก๊อง บั๋ว ฮู่ง เตี๋ย,
“เยีย บัว เหธา ดาวิด ม่าย หาย หญู่ง ป่วน?
เยีย บัว เหธา เจียดซี เญย ตอน ไม้ ม่าย เยีย บัว หฑิบ เญย ป่วน.
โอ อิสะลาเอน เมี่ยน อ่า, เก๊าะ-เมี่ยน หฑวน เก๊าะ-เมี่ยน เญย เปย๊า อ๊ะ.
โอ ดาวิด อ่า, โก๋ว เม่ย กั้น เญย ฮู่ง โต้ว ม่าะ!”
อิสะลาเอน เมี่ยน ฯฒฯ หฑวน เปย๊า หมี่ อ๊ะ.#2 ซามูเอน 20:1 17มป่า เลโหโบอัม หธ่อ กุ๊น เยียม ยูดา เต่ย เญย ฒี่ง เญย อิสะลาเอน เมี่ยน.
18เลโหโบอัม ฮู่ง พ้าย อาโดนีลัม,#10:18 ม่าย เต๋ย ก๊อง ฮาโดลัม. ต้ง เถง นิ่น กุ๊น หฒุ อ๊าบ โหฒว กง เญย เมี่ยน, มี่ง อิสะลาเอน เมี่ยน วั้ว, มป่า อิสะลาเอน เมี่ยน หล่ง หละเปย๊ย ฒง ไต่ นิ่น. เลโหโบอัม ฮู่ง ฯฒฯ เซี้ยบๆ เญย ฝาว นิ่น เญย เบ๊าะ จ๋า ม์า-เธีย เปย๋า หฑวน เยลูซาเลม. 19ฮนั้ง หน่าย อิสะลาเอน เมี่ยน แหง่ง เจี๊ยน ดาวิด เญย ฮู่ง โต้ว เถา อี้ จ๋า ฮนอย.
Currently Selected:
2 ฒุ่น ต่อย โต้ว 10: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
