1 ซามูเอน 26
26
ดาวิด แอ๋ง เลี่ยว หฑุ่น เซาโล เญย แหม่ง
1สิบอา เมี่ยน มี่ง กิเบอา ฒี่ง ล์อ เซาโล, บั๋ว นิ่น, “ดาวิด ปี๋ง เจี๊ยน เยียม ฮาคีลา บง, เยซิโมน เญย ต๋อย-หง่าน.”#สีง ฑูง 54
2เซาโล ฯฒฯ ต้อ เจี๊ยน นิ่น กิ๊น ต้าย เญย ปัว ธิน เต้า อิสะลาเอน แปง, เหฌี่ย สิบอา เต่ย-ปูง-ฮวาง มี่ง ล์อ ดาวิด. 3เซาโล เหลียบ เธี้ยง เยียม ฮาคีลา บง, นิด เจ๊า-เฮลน, เยซิโมน เญย ต๋อย-หง่าน, มป่า ดาวิด หธ่อ เยียม วั้ว เต่ย-ปูง-ฮวาง. นิ่น ปวัด เซาโล ต้าย เต่ย-ปูง-ฮวาง ล์อ นิ่น, 4ดาวิด ฯฒฯ พ้าย ธ้าย จั๊วะ เมี่ยน มี่ง ฒ่า หมั่ง, ฯฒฯ ฮิ้ว ตุ๊ เซาโล หฒะเก้ง เยียม หน่าย อ๊ะ.
5ดาวิด ฯฒฯ มี่ง เซาโล เหลียบ เธี้ยง เญย ต๋อง, ปวัด เซาโล เหธา นิ่น เญย ต้ม แปง-เปย๊ย, เน เญย ตอน, อับเน, เปว๋ย เญย ต๋อง. เซาโล เปว๋ย เธี้ยง บุด๋ง. หฒวัง แปง เหลียบ เธี้ยง เว่ย ก๋อม นิ่น.
6ดาวิด หน่าย ฮิดไท เมี่ยน, อาหิเมเล้ก, เหธา เสลุยา เญย ตอน, โยอาบ เญย โย์ว, อาบีไช, “หาย เต้า อ๋อย เหธา เยีย มี่ง เซาโล เญย เธี้ยง?”
อาบีไช เตา, “เยีย เหธา เม่ย มี่ง.”
7ดาวิด เหธา อาบีไช ลู่ง ม์วน หฒั่น เหฌี่ย มี่ง เถา เซาโล เญย เธี้ยง, ปวัด เซาโล เปว๋ย เจี๊ยน เธี้ยง บุด๋ง มฌ่อม. นิ่น เญย ธัง ฑบ เจี๊ยน เดา นิด นิ่น เญย มฆ้อง. อับเน เหธา หฒวัง แปง เปว๋ย ฮวีง ก๋อม ฮู่ง เตี๋ย.
8อาบีไช ก๊อง บั๋ว ดาวิด, “อี้ ฮนอย ทิน-ฮู่ง เฒาะ เม่ย เญย วิน-วั้ง จิว ปุน เยียม เม่ย เญย ปั์ว หมี่ อ๊ะ. อี้ หฒั่น โท้ เม่ย ปุน เยีย หล่ง ธัง ฑบ นิ่น ปั่ง กะเดี๊ย เดา ตีง เจี๊ยน ม่าะ! ฑบ เหยียด หฑุ่น ฮนั้ง, ไม้ หฒุ ฑบ ตะเหญ่ย หฑุ่น.”
9มป่า ดาวิด ก๊อง บั๋ว อาบีไช, “ไม้ ตู๋ง ไต๋ นิ่น ไต่. ม่าย หาย เต้า เหฌี่ย ปั์ว ห่อย เฒี้ยว ออน ต้าย เญย เมี่ยน, วั้ว เต้า ฒู้ง ม่าย ฒุ์ย.” 10ดาวิด ก๊อง, “เยีย เฒี้ยง เจี๊ยน เฒี่ยง เจี๊ยน เญย เฒี้ยว แล์ง หว่า, เฒี้ยว กั้น อ๋อย ไต๋ เซาโล, ไฟ ฒั้ว นิ่น กั้น เญย แหม่ง เถา โป่ว นิ่น ฯฒฯ ไต่, ไฟ ฒั้ว เถา นิ่น ธ้วด มี่ง เบ๊าะ จ๋า นิ่น ฯฒฯ หฒุ ห่อย ไต่. 11โท้ เฒี้ยว ป๊า เจี๊ยน เยีย, ไม้ ตู๋ง ปุน เยีย เหฌี่ย ปั์ว ห่อย ต้ง เฒี้ยว หล่ง โย่ว ออน ต้าย เญย เมี่ยน. อี้ หฒั่น บัว เฒาะ เยียม ฮู่ง เตี๋ย เญย มฆ้อง กะเฮลน เญย ธัง เหธา ฒ่าง ววม เญย แป้ง ต้าย, บัว ฯฒฯ มี่ง อ๊ะ.”#1 ซามูเอน 24:6
12ดาวิด ฯฒฯ เฒาะ เยียม เซาโล เญย มฆ้อง กะเฮลน เญย ธัง เหธา ฒ่าง ววม เญย แป้ง เฒียง หน่าย มี่ง หมี่ อ๊ะ. ไม้ ม่าย หาย เต้า ปวัด, ไม้ ม่าย หาย เต้า ฮิ้ว, ไม้ ม่าย หาย เต้า เญีย. เหยียด ฒู้ง มฌ่อม เหฑ่ง หมี่ อ๊ะ, เหว่ย หฒุ เฒี้ยว ปุน นิ่น บัว มฌ่อม ตุ๊ โด.
13ดาวิด ฯฒฯ เจี๋ย วั้ว หง่าน หฒิ ฮ์อง มี่ง โซ้ว เจี๊ยน บง-นี้ง กู้ หงว่าย. เยียม นิ่น บัว อี ปูง บุด๋ง ม่าย ต๋อง จั๊ง เญย. 14ดาวิด ฯฒฯ เหน่า เจี๊ยน เห่ว วั้ว เต๋ย จุน-แปง เหธา เน เญย ตอน, อับเน, “อับเน อ้า! เม่ย ไม้ เตา ไฟ?”
อับเน เตา, “เม่ย เซ หาย เต้า ก๊าม เห่ว ฮู่ง เตี๋ย?”
15ดาวิด เตา อับเน, “เม่ย ไม้ เฒ์ย เหยียด เต้า จุน-เฒ้ย เมี่ยน ไฟ? เยียม อิสะลาเอน กั๊วะ ม่าย หาย เต้า ฮนั้ง เม่ย? โหฒว หาย หญู่ง ไม้ โก๋ว หลง เม่ย เญย เฒี้ยว, ฮู่ง เตี๋ย, เหว่ย หฒุ ม่าย เต้า เมี่ยน เปียะ มี่ง อ๋อย ห่อย เม่ย เญย เฒี้ยว, ฮู่ง เตี๋ย, เญย แหม่ง. 16เม่ย ฮนั้ง น้าย นอ โหฒว หฒะเก้ง ไม้ เป๋น. เยีย เฒี้ยง เจี๊ยน เฒี่ยง เจี๊ยน เญย เฒี้ยว แล์ง หว่า ก๊อง, ‘เม่ย ฒู้ง หอบ หฒุ ไต่ เหว่ย หฒุ เม่ย ไม้ โก๋ว หลง เม่ย เญย เฒี้ยว, ต้ง ทิน-ฮู่ง หล่ง โย่ว ออน ต้าย เญย ฮู่ง เตี๋ย.’ อี้ หฒั่น ฒ่า หมั่ง ก๋า ฮู่ง เตี๋ย เญย ธัง เจี๋ย หาย หมี่ อ๊ะ? ตน ฮู่ง เตี๋ย เญย มฆ้อง กะเฮลน เญย ฒ่าง ววม แป้ง เยียม หาย?”
17เซาโล เฒียะ ตุ๊ ดาวิด เญย เฉีย ฯฒฯ ก๊อง, “เยีย เญย ตอน, ดาวิด อ้า! น้าย เม่ย เญย เฉีย ไฟ?”
ดาวิด เตา, “ฮู่ง เตี๋ย อ้า! เฒ์ย เญย. เยีย เญย เฉีย.” 18ดาวิด แอ๋ง ก๊อง, “เยีย เญย เฒี้ยว เหว่ย หาย ติ่ว หฒุ่น เม่ย เญย โปว? เยีย โหฒว หาย หญู่ง? เยีย เญย ปั์ว โหฒว ต่อง หาย หญู่ง? 19อี้ หฒั่น โท้ เยีย เญย เฒี้ยว, ฮู่ง เตี๋ย, หมวัง เม่ย เญย โปว เญย หว่า. สี ก๊อง เฒี้ยว โธะ เม่ย โหฒว ปุน เยีย นอ, โท้ เฒี้ยว ฒิบ ฝ่ง ห่อ เญย กะน้าย. มป่า สี ก๊อง เมี่ยน โธะ เม่ย นอ, โท้ ปุน นิ่น บัว เยียม เฒี้ยว เญย หฑะเฮมียน หฒุ เหฒียว. เหว่ย หฒุ อี้ ฮนอย นิ่น บัว หฒุ่น เยีย ธ้วด มี่ง, ไม้ ปุน เยีย หฑิบ เฒี้ยว เหธย ปุน เยีย หฑิบ เญย ป่วน. นิ่น บัว ก๊อง, ‘มี่ง อ๊ะ. มี่ง ฟู-สู เหญี่ย เญย เฒี่ยน ม่าะ!’ 20เหว่ย น้าย, อี้ หฒั่น ไม้ ตู๋ง ปุน เยีย เล่ย เฒี้ยว โก, หฒุ ฑย้าม เหลี่ยว เหฌี่ย เดา, เหว่ย หฒุ อิสะลาเอน เญย ฮู่ง ธ้วด ต้าย อ๋อย เฒาะ เยีย เญย แหม่ง,#26:20 น้าย เซ หฒิว กีก หว่า เญย โซว ฟาน ต้าย. ฮิบลู หว่า ก๊อง “...อ๋อย เฒาะ นอม จู๊-มัว”. ฮนั้ง เหยียด เต้า เมี่ยน เยียม บง หฒุ่น นอม เหนาะ เจี้ย นอ.”
21เซาโล ก๊อง, “เยีย โหฒว ต่อง อ๊ะ. เยีย เญย ตอน, ดาวิด อ้า! กุ๊น หฑวน ต้าย เหว่ย หฒุ อี้ ฮนอย เม่ย ฝุน เยีย เญย แหม่ง จ๋าย. เยียม น้าย มี่ง เยีย ไม้ แอ๋ง เจี์ย เฮญี้ยว ห่อย เม่ย อ๊ะ. เยีย โหฒว หฮงง เญย เจ๊า หย่า โหฒว ต่อง โฮล ไห่.”
22ดาวิด เตา, “โอ ฮู่ง เตี๋ย อ้า! เม่ย เญย ธัง เยียม น้าย. กุ๊น พ้าย เต้า เม่ย เญย เมี่ยน หลุน เมี่ยน ต้าย น้าย เฒาะ มี่ง. 23เฒี้ยว เหธย ฒี่ง เหญ่ย ปุน เต้าๆ เมี่ยน หฒิว นิ่น บัว โหฒว ตุ๊ หอบ หย่า เหฒียบ ฒัวะ เญย โหฒว. เหว่ย หฒุ อี้ ฮนอย เฒี้ยว เฒาะ เม่ย จิว ปุน เยียม เยีย เญย ปั์ว-เดี๊ย. เยีย ไม้ เหฌี่ย ปั์ว ห่อย เฒี้ยว หล่ง โย่ว ออน ต้าย เญย เมี่ยน. 24อี้ ฮนอย เยีย ปวัด ฮู่ง เตี๋ย เญย แหม่ง จ๋าย. โท้ เฒี้ยว หย่า ปวัด เยีย เญย แหม่ง จ๋าย หย่า เหฌียว เยีย เปย๋า ดุ๊ด เหยียด ฒู้ง โค้ว หน่าน เญย เจ๊า.”
25เซาโล ก๊อง บั๋ว ดาวิด, “เยีย เญย ตอน, ดาวิด อ้า! โท้ ทิน-ฮู่ง เหธย ฟุ ปุน เม่ย. เม่ย ฒู้ง อ๋อย โหฒว เหฒียๆ หญู่ง สี่ หย่า โหฒว ตุ๊ เหฒียง.”
ดาวิด ฯฒฯ กัน นิ่น เญย เจ๊า มี่ง อ๊ะ. เซาโล หย่า หฑวน นิ่น เญย ฮู่ง ติ่น หมี่ อ๊ะ.
Currently Selected:
1 ซามูเอน 26: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
