1 ซามูเอน 27
27
ดาวิด มี่ง เหธา ฟีลิสะเตีย เมี่ยน เยียม
1ดาวิด เยียม เฮญี้ยว ฮนั้ม, “ม่าย นอม ฮนอย เยีย ฒู้ง อ๋อย หฒุ เซาโล ไต๋ เยีย อ๊ะ. เยีย เปย๋า มี่ง เยียม ฟีลิสะเตีย เมี่ยน เญย เต่ย-ปูง เก้า หลง เจี๋ย. เซาโล ฯฒฯ ไม้ เยียม อิสะลาเอน เต่ย-ปูง กะญั์ว หฒุ่น เยีย, เยีย ฯฒฯ ไฮ่ เปย๋า ดุ๊ด เซาโล เญย ปั์ว-เดี๊ย.”
2ดาวิด เหธา เจี๊ยน กัน นิ่น วั้ว เต๋ย หลัวะ แป๊ะ เต้า เมี่ยน ฯฒฯ มี่ง ล์อ กัด มู้ง เญย ฮู่ง เตี๋ย, มาโอก เญย ตอน, อาคิด. 3ดาวิด เหธา กัน นิ่น เญย เหยียด ฒู้ง เมี่ยน มี่ง เยียม กัด ฒี่ง, อาคิด ฮู่ง วั้ว. เก๊าะ-เมี่ยน ต้อ เจี๊ยน เก๊าะ-เมี่ยน เญย ฮมวั้ง ต่อย มี่ง. ดาวิด หย่า ต้อ นิ่น เญย อี เต้า เอ๊า, เซ ยิดเลเอน เมี่ยน, อาหิโนอัม, เหธา นาบาน เญย เอ๊า-กว๊า, คานเมน เมี่ยน, อาบีกายิน. 4ม่าย เมี่ยน มี่ง ก๊อง บั๋ว เซาโล, ดาวิด เปย๋า มี่ง เยียม กัด มู้ง หมี่ อ๊ะ. เซาโล ฯฒฯ กวั่ง ไม้ ล์อ ดาวิด.
5ดาวิด ก๊อง บั๋ว อาคิด, “สี ก๊อง เยีย หอบ ฮู่ง เตี๋ย เญย เฮญี้ยว นอ, โท้ พ้าย นอม มู้ง ปุน เยีย เยียม วั้ว. เยีย, เม่ย เญย โปว, เหว่ย หาย ติ่ว อ๋อย หฒุ เหธา ฮู่ง เตี๋ย เยียม ต้ม ฒี่ง กะญั์ว?”
6วั้ว ฮนอย อาคิด ฯฒฯ เฒาะ สิกล้าก ฒี่ง จิว ปุน ดาวิด. สิกล้าก ฒี่ง ฯฒฯ เกวย ยูดา ฮู่ง เถา อี้ จ๋า ฮนอย. 7ดาวิด เปียะ มี่ง เยียม ฟีลิสะเตีย เต่ย-ปูง เหยียด หฮญัง เหธา เปยย หฮลา เหญียะ.
8ดาวิด เหธา กัน นิ่น เญย เมี่ยน ฝาว มี่ง ลู้ เกซู เมี่ยน, เกเซ เมี่ยน เหธา อามาเล้ก เมี่ยน, เหว่ย หฒุ เยียม โล์-ฮนอย ต้าย น้าย เต๋ย เมี่ยน มต้าย เยียม วั้ว นอม เต่ย-ปูง, เซ เยียม โก เถา ซูวา มู้ง แอ๋ง มี่ง เถา อียิบ เต่ย-ปูง. 9ดาวิด เบ๊าะ วั้ว นอม เต่ย-ปูง, ไม้ กุ๊น มจั่ง มเซียะ, นิ่น ไม้ เลี่ยว เหยียด เต้า. นิ่น บัว ลู้ เหฑ่ง ปะกี ยู่ง, ง่ง, ล่อ, ล่อ ท่อ, เหธา ลุย-โหว, ฆะฮ้า หฑวน อาคิด วั้ว.
10อาคิด หาย หฒั่น หน่าย, “อี้ ฮนอย เม่ย มี่ง ลู้ หาย นอม เต่ย-ปูง ต้าย?”
ดาวิด เตา, “มี่ง ลู้ ยูดา เต่ย-ปูง เญย น่าม ปูง,”#27:10 น่าม ปูง ฟาน หฒะ ก๊อง เนเกบ. ไฟ “มี่ง ลู้ เยลาเมเอน เมี่ยน เญย น่าม ปูง,” ไฟ “มี่ง ลู้ เคไน เมี่ยน เญย น่าม ปูง.” 11ดาวิด ไม้ เลี่ยว เหยียด เต้า มจั่ง มเซียะ ตุ๊ ธ้วด สีง แหม่ง, ไฮ่ ต้อ เฝียน มี่ง วั้ว กัด ฒี่ง. นิ่น เยียม เฮญี้ยว ฮนั้ม, “เหฑีย นิ่น บัว ไฮ่ เฒาะ เยีย บัว โหฒว เญย สี่ ก๊อง บั๋ว เมี่ยน แอ๋ง ก๊อง ดาวิด ฮนั้ง น้าย ฮนั้ง วั้ว โหฒว.” น้าย เซ ดาวิด เยียม ฟีลิสะเตีย เมี่ยน เญย เต่ย-ปูง เญย เฒี่ยง โห่ โหฒว เญย สี่. 12อาคิด ปู๋ง เฮญี้ยว ดาวิด. นิ่น เยียม เฮญี้ยว ฮนั้ม, “นิ่น โหฒว ปุน นิ่น จวั่ง ฝีง เญย อิสะลาเอน เมี่ยน ฑอง ไห่ นิ่น. ฮนั้ง หน่าย นิ่น ฯฒฯ เหยียด ลิ์ว โหฒว เยีย เญย โปว อ๊ะ.”
Currently Selected:
1 ซามูเอน 27: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
