1 ฮู่ง โต้ว 10
10
เชบา เต่ย เญย ฮู่ง หม่า ต้าย ล์อ ซาโลมอน
(เป๊ย หมั่ง 2 ฒุ่น ต่อย โต้ว 9:1-12)
1เชบา เต่ย เญย ฮู่ง หม่า ไฮ์ ก๊อง ซาโลมอน เหว่ย เฒี้ยว ตุ๊ เญย เม่ง เต้า, นิ่น ฯฒฯ ต้าย หล่ง เหฒีย หญู่ง อะ เญย เจ๊า เค้า ซาโลมอน.#มัดทาย 12:42; ลูกา 11:31 2ฮู่ง หม่า เหธา เหยียด ต้ม กวั้น นิ่น เญย เมี่ยน ต้าย เถา เยลูซาเลม, แอ๋ง ม่าย ล่อ ท่อ ทอ เจี๊ยน ดาง เญย กะน้าย, เจียม ธั้ม เญย, เหธา จ๋าย เญย หละเปย๊ย. ต้าย ปวั้ง ซาโลมอน วั้ว หฒั่น, ฮู่ง หม่า เฒาะ เยียม เฮญี้ยว ฮนั้ม เถา เญย หญู่งๆ บั๋ว ซาโลมอน. 3ซาโลมอน เตา นิ่น เญย เหยียด ฒู้ง หว่า. ไม้ ม่าย หาย หญู่ง อะ เจี๋ย ด่าง ฮู่ง เตี๋ย ไม้ ไฮ่ ก๊อง เม่ง ปุน นิ่น หมวัง. 4เชบา เต่ย เญย ฮู่ง หม่า ปวัด ซาโลมอน ม่าย เญย เหยียด ฒู้ง ธง-เม่ง เหธา นิ่น เหธย เญย ฮู่ง ติ่น, 5หย่า ปวัด เยียม นิ่น เญย หฮนาง-เตี้ย เญย หญั่น ฮบ, ปวัด นิ่น เญย เจียน เฒว์ย เจี๊ยน วั้ว, ปวัด ฟู-สู ฮู่ง เตี๋ย เญย โปว เหธา โปว เญย ฒอง-ฒุ, ปวัด โป้ว ติ๊ว-ฒ้าน เญย โปว, หย่า ปวัด ฮู่ง เตี๋ย เยียม หฒั่ง เฒี้ยว เญย เปย๊า ฝ่ง ห่อ ปั๊ว เหฒี่ย เญย กะน้าย, ฮู่ง หม่า ฯฒฯ หฒะเก้ง! เผย ฝู่ ไห่, ฒู้ง ไม้ ม่าย หว่า ก๊อง อ๊ะ.
6นิ่น ก๊อง บั๋ว ฮู่ง เตี๋ย, “เยีย เยียม เยีย เญย กั๊วะ ไฮ์ ก๊อง เถา เม่ย โหฒว ลิ์ว เญย เจ๊า-โหล่ว เซ เฒียน ไห่ อ๊ะ. 7มป่า เยีย ไม้ เสียน วั้ว เต๋ย หว่า เถา เยีย ต้าย, เยีย กั้น เญย มฒีง หย่า ตุ๊ ปวัด หมี่ อ๊ะ. เมี่ยน ก๊อง บั๋ว เยีย เญย, ฒู้ง ไม้ เถา เหยียด ป่วน. เม่ย เญย ธง-เม่ง เหธา ฒิ่น ฒ่อย ม่าย เก้า ธั้ม เจี๋ย ด่าง เมี่ยน ก๊อง เญย. 8เม่ย เญย เหยียด ฒู้ง เมี่ยน#10:8 ฮิบลู หว่า ก๊อง มจั่ง ตอน, กีก หว่า ก๊อง เอ๊า. ตุ๊ ออน-เหลาะ. หฒั่นๆ โซ้ว เจี๊ยน เม่ย เญย หฑะเฮมียน หมวัง เม่ย เญย ธง-เม่ง หว่า วั้ว เต๋ย เจียน หย่า ตุ๊ ออน-เหลาะ. 9เธง เฒี้ยว, เม่ย เญย ทิน-ฮู่ง. นิ่น อะเฮน้ย เม่ย หย่า ออน เม่ย โหฒว ฮู่ง ปุน เม่ย เฒว์ย เหว่ย กุ๊น อิสะลาเอน เมี่ยน. เหว่ย หฒุ เฒี้ยว เหยียด ลิ์ว ฮนั้ม อิสะลาเอน เมี่ยน นิ่น หธีง เหลียบ เม่ย โหฒว ฮู่ง, ปุน เม่ย หล่ง แป้ง ฟิม เหธา หอบ เญย เล์ย กุ๊น นิ่น บัว.”
10เชบา เต่ย เญย ฮู่ง หม่า เฒาะ อี ธิน เฝย แป๊ะ เธี้ยด เหฒียบ หลัวะ จ้อย#10:10 ฮิบลู หว่า ก๊อง 120 ตะลัน. เซ เล่ย ไม้ โก 4,000 กีโล. เจียม เหธา ดาง เญย กะน้าย ธั้ม เหธา จ๋าย เญย หละเปย๊ย-เหฑว่ย จิว ปุน ซาโลมอน ฮู่ง. ฝูง ปุน ฮู่ง เตี๋ย น้าย เต๋ย ดาง เญย กะน้าย ฆะฮ้า ฮี้ง ไม้ ม่าย หาย เต้า ฝูง ด่ง น้าย เต้า ฮู่ง หม่า ฝูง เญย ธั้ม.
11ธ้วด ลิ์ว น้าย เต๋ย, ฮีลาม เญย ฑั้ง เยียม โอฟี ทอ เจียม ต้าย หย่า ทอ ฮูง เดี๋ยง เหธา จ๋าย เญย หละเปย๊ย-เหฑว่ย. 12ฮู่ง เตี๋ย หล่ง ฮูง เดี๋ยง โหฒว หฒั่ง เฒี้ยว เญย เปย๊า เหธา ฮู่ง ติ่น เญย กู้ง กั่ง เดี๋ยง หย่า เหว่ย ป๋าว ฑูง เญย เมี่ยน โหฒว อี หญู่ง ต้าน ป้า. เถา อี้ จ๋า ฮนอย ไม้ ม่าย หาย เต้า ต้อ ฮูง เดี๋ยง ด่ง น้าย ธั้ม เปียะ กั๊วะ ไฟ ปวัด ฮูง เดี๋ยง ด่ง น้าย ธั้ม.
13เชบา เต่ย เญย ฮู่ง หม่า อ๋อย เญย เหธา โท้ เญย เหยียด ฒู้ง ซาโลมอน จิว ปุน นิ่น, หย่า หฒิว นิ่น โหฒว ฮู่ง ม่าย เญย เหยียด ฒู้ง กะน้าย เฒาะ เต๋ย จิว ปุน นิ่น, ฮนั้ง หน่าย, ฮู่ง หม่า เหธา นิ่น เญย เหยียด ฒู้ง เมี่ยน หฑวน กั้น เญย เต่ย-ปูง.
ซาโลมอน เญย ฒิ่น ฒ่อย
(เป๊ย หมั่ง 2 ฒุ่น ต่อย โต้ว 9:13-28)
14โม์ว หฮญัง ซาโลมอน ฮู่ง ตุ๊ เญย เจียม เหยียด ฒู้ง ม่าย เหยียด หว่าน เปยย ธิน หญี่ แป๊ะ ฟ่า เหฒียบ เป๊ด จ้อย.#10:14 ฮิบลู หว่า ก๊อง 666 ตะลัน. เซ เล่ย ไม้ โก 23,000 กีโล. 15น้าย ไม้ ฝุน โล์-เป๊น เหธา ม์าย หม่าย เญย เมี่ยน ฝูง เปียะ เญย โฑว-ฒิ่น ไฟ อาละเบีย เต่ย-ปูง เญย เหยียด ฒู้ง ฮู่ง เตี๋ย เหธา อิสะลาเอน เต่ย-ปูง เญย แซ้ง-เฒี้ยว ฝูง เปียะ เญย เจียม.
16ซาโลมอน ฮู่ง ต๊า หญี่ แป๊ะ นอม ต้ม ท้อง-ป้าย. โม์ว นอม หล่ง อี จ้อย เธี้ยด ลู์ง เจียม.#10:16 ฮิบลู หว่า ก๊อง 600 เบคา. เซ เล่ย ไม้ โก 3.5 กีโล. 17นิ่น แอ๋ง ต๊า ฟาม-แป๊ะ นอม ท้อง-ป้าย เก้า ไฝ, โม์ว นอม ม่าย เหยียด จ้อย หญี่ ลู์ง เญย ต๋อง.#10:17 ฮิบลู หว่า ก๊อง 3 มีนา. เซ เล่ย ไม้ โก 1.7 กีโล. นิ่น หย่า ต้อ น้าย เต๋ย ท้อง-ป้าย มี่ง เฮยี้ยด เจี๊ยน ม่าย บั๋ว เห่ว เลบานอน เก้ม วั้ว นอม เปย๊า.
18นิ่น หล่ง ฒ์าง-ญ่า โหฒว นอม ต้ม เหว่ย หย่า หล่ง เฒียน เจี๋ย เญย เจียม ปวัง เจี๊ยน. 19น้าย นอม เหว่ย ม่าย จุ๊ คัง เทย. เหว่ย เญย ฆะฮ้า แหมง กู้ หงว่าย จุ้น เญย. เหว่ย เญย กะเฮลน ม่าย อี ปูง หลอง ปั์ว เญย ต๋อง. หลอง ปั์ว เญย ต๋อง เหยียด ปูง ม่าย เต้า เซี่ยน โซ้ว กะเฮลน. 20น้าย เต๋ย จุ๊ คัง เทย, คังๆ อี ปูง กะเฮลน หย่า ม่าย เต้า เซี่ยน โซ้ว เจี๊ยน. ไม้ ม่าย หาย นอม กั๊วะ ฮนั้ง น้าย นอ โหฒว เจี๋ย, 21ซาโลมอน ฮู่ง เญย เหยียด ฒู้ง ฒ้าน หล่ง เจียม โหฒว ต้าย. เลบานอน เก้ม วั้ว นอม เปย๊า เญย จา-ต๋อง หย่า หล่ง เจียม โหฒว ต้าย. ไม้ ม่าย หาย หญู่ง หล่ง ญ่าน โหฒว, เหว่ย หฒุ ซาโลมอน เญย ลู่ง เดี๊ย ไม้ ฝุน ญ่าน จ๋าย. 22ฮู่ง เตี๋ย ม่าย กวั้น ฑั้ง#10:22 ไฟ ทานซิด เญย ฑั้ง. น้าย โจ๋ว ก๊อง หฒุ แฑง กัน ค้อย มี่ง โหฒว แซง-เอ๋ย เญย ฑั้ง. เหธา ฮีลาม เญย ฑั้ง เหยียด หฮญัง ปัว หฑุ่น ทอ เจี๊ยน เจียม, ญ่าน, ฒ์าง-ญ่า เหธา บีง เหธา บีง-เจี๊ยะ#10:22 ไฟ ต้ม เหนาะ เจียม-ฒิ่น. ต้าย.
23เป๊ย ลู่ง เดี๊ย เญย ฮู่ง เตี๋ย, ซาโลมอน ฮู่ง เก้า เป๋น เจี๋ย, เก้า ม่าย ธง-เม่ง เจี๋ย. 24ลู่ง เดี๊ย เญย หฒวัง เมี่ยน อ๋อย ต้าย ล์อ ซาโลมอน, อ๋อย หมวัง ทิน-ฮู่ง เหธย ปุน นิ่น เยียม เฮญี้ยว เญย ธง-เม่ง หว่า. 25ต้าย เญย เมี่ยน เหยียด ฒู้ง ต้อ เจี๊ยน ฒี่ง เหญ่ย ต้าย, เซ เจียม ญ่าน โหฒว ต้าย เญย จา-สี่, ฒอง-ฒุ เญย กะน้าย, เบ๊าะ จ๋า เญย หวัวะ กิ่น, ดาง เญย กะน้าย เหธา ล่อ ม์า. หฮญัง เจี๋ย หฮญัง นิ่น บัว ฮนั้ง น้าย นอ โหฒว.
ซาโลมอน เญย เบ๊าะ จ๋า เธีย เหธา ม์า
(เป๊ย หมั่ง 2 ฒุ่น ต่อย โต้ว 1:14-17; 9:25-28)
26ซาโลมอน เซียว เบ๊าะ จ๋า เญย ม์า-เธีย เหธา ม์า. นิ่น ม่าย เหยียด ธิน เฝย แป๊ะ นอม เบ๊าะ จ๋า ม์า-เธีย หย่า ม่าย เหยียด หว่าน อี ธิน เต้า ม์า.#10:26 ไฟ “ฒ้าง ม์า-เธีย เญย แปง”. ม์า เหธา ม์า-เธีย นิ่น อัน เจี๊ยน เซียว เบ๊าะ จ๋า เธีย เญย ฒี่ง. หย่า ม่าย เต๋ย เหธา นิ่น เยียม เยลูซาเลม.#1 ฮู่ง โต้ว 4:26 27ฮู่ง เตี๋ย เยียม เยลูซาเลม ปุน ญ่าน ธั้ม, เป๋น โพว-ทง เญย กะน้าย ฮนั้ง หละเปย๊ย นอ. สีดา ฒ่ง เดี๋ยง หย่า ด่ง บง-ไอ๊ ต๋อง เญย ง่ง หญอ เดี๋ยง ธั้ม.#หฑั่ม เล์ย-หลัด 17:17 28ซาโลมอน เญย ม์า เซ เยียม อียิบ#10:28 ไฟ มูซี. เซ เยียม ซีลีเซีย เญย เต่ย. เหธา คูเอ#10:28 ต๋าย ก๊อง หฒุ ซีลีเซีย เต่ย. ต้อ ต้าย. ฮู่ง เตี๋ย เญย แซง-เอ๋ย เมี่ยน หฒิว ตี่ง เญย จ๋า-ฒิ่น ม์าย คูเอ เญย ม์า.#หฑั่ม เล์ย-หลัด 17:16 29เยียม อียิบ ม์าย ต้าย เญย เบ๊าะ จ๋า เธีย เหยียด นอม เปยย จ้อย เหฒียบ เฝย ลู์ง#10:29 ฮิบลู หว่า ก๊อง 600 เซเขน. เซ เล่ย ไม้ โก 7 กีโล. ญ่าน. เหยียด เต้า ม์า เหยียด จ้อย หญี่ ลู์ง.#10:29 ฮิบลู หว่า ก๊อง 150 เซเขน. เซ เล่ย ไม้ โก 1.7 กีโล. นิ่น บัว หย่า หม่าย มี่ง ปุน ฮิดไท เมี่ยน เหธา ซีเลีย#10:29 ซีเลีย เญย กั้น นอม บั๋ว เซ อาลัม. เญย หฒวัง ฮู่ง เตี๋ย.
Currently Selected:
1 ฮู่ง โต้ว 10: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
