1 ฮู่ง โต้ว 9
9
เฒี้ยว หิ่น ธ้วด ปุน ซาโลมอน ตะเหญ่ย หฑุ่น
(เป๊ย หมั่ง 2 ฒุ่น ต่อย โต้ว 7:11-22)
1ซาโลมอน เหธย เหฒียง หฒั่ง เฒี้ยว เญย เปย๊า เหธา ฮู่ง ติ่น, หย่า โหฒว เหฒียง นิ่น ม่าย เฮญี้ยว โหฒว เญย เหยียด ฒู้ง. 2ฆะฮ้า เฒี้ยว แอ๋ง หิ่น ปุน นิ่น ปวัด ตะเหญ่ย หฑุ่น, ฮนั้ง ฒิ่น ด่าง เยียม กิเบโอน หิ่น ธ้วด ปุน นิ่น ปวัด นอ.#1 ฮู่ง โต้ว 3:5; 2 ฒุ่น ต่อย โต้ว 1:7 3เฒี้ยว ก๊อง บั๋ว นิ่น,
“เยีย ไฮ์ เม่ย เต๋า เก๋า โจ้ว เยีย เญย หว่า หมี่ อ๊ะ. เยีย เฒาะ เม่ย เหธย น้าย นอม เปย๊า เป๋น ธีง-เหฑ่ง เญย ต๋อง, หย่า ปุน เยีย เญย เม่ง เหยียด ลิ์ว เยียม หน่าย. เยีย เญย มฒีง หมั่ง เจี๊ยน, เยีย เญย เฮญี้ยว หย่า เยียม หน่าย เถา หม่าน โก๊ว หม่าน ต่อย.
4“เม่ย กั้น แอ๊ะ, สี ก๊อง เม่ย เฮญี้ยว หฒีง, เหฒียบ ฒัวะ เญย กัน หลง เยีย, ฮนั้ง เม่ย เญย เตีย, ดาวิด นอ, เม่ย หย่า เอย เหฑ่ง เยีย พ้าย เญย เหยียด ฒู้ง หว่า, หย่า กัน หลง เยีย เญย หลี่ง เหธา เล์ย-หลัด, 5เยีย ฯฒฯ เหลียบ ว้วน เม่ย เญย ฮู่ง เหว่ย ปุน เม่ย เญย เฒ้ย-ฟุน เหยียด ลิ์ว กุ๊น อิสะลาเอน เมี่ยน, ฮนั้ง เยีย แล์ง ปุน เม่ย เญย เตีย, ดาวิด นอ. วั้ว หฒั่น เยีย ก๊อง, ‘เม่ย เญย เฒ้ย-ฟุน เหยียด ลิ์ว ตุ๊ หฑิบ เม่ย เญย ฮู่ง เหว่ย, ไม้ ตั๋ง.’#1 ฮู่ง โต้ว 2:4
6“มป่า สี ก๊อง เม่ย ไฟ เม่ย เญย เฒ้ย-ฟุน กวั่ง, ไม้ กัน เยีย หย่า ไม้ เอย เยีย พ้าย ปุน เม่ย บัว เญย หลี่ง เหธา เล์ย-หลัด, มี่ง ฟู-สู หฒั่ง กั้น เต้า เฒี่ยน นอ, 7เยีย ฯฒฯ เฒาะ อิสะลาเอน เมี่ยน ไพ กวั่ง, ไม้ ปุน เยียม เยีย จิว ปุน นิ่น บัว วั้ว นอม เต่ย-ปูง. เลี่ยม เว่ย เยีย เญย เม่ง เยีย ปุน ธีง-เหฑ่ง น้าย นอม เปย๊า, เยีย อ๋อย กวั่ง ไม้ หมั่ง. เยีย หย่า อ๋อย ปุน อิสะลาเอน เมี่ยน เยียม หม่าน ฝีง บุด๋ง หฒุ เมี่ยน โหฒว โก๊ว ก๊อง, หฒุ เมี่ยน จั๊ด, หฒุ เมี่ยน ฮว้วด. 8น้าย นอม เปย๊า อ๋อย บาง เหฌี่ย เป๋น กะน้าย-ดุย. เจี๋ย เจ๊า เญย เมี่ยน ฯฒฯ บัวะ ฮ่อง ไห่ หย่า จั๊ด เจี๊ยน ก๊อง, ‘เฒี้ยว เหว่ย หาย ติ่ว ฮนั้ง น้าย นอ โหฒว ปุน น้าย นอม เปย๊า เหธา น้าย นอม เต่ย-ปูง?’#2 ฮู่ง โต้ว 25:9; 2 ฒุ่น ต่อย โต้ว 36:19 9เมี่ยน ฯฒฯ เตา, ‘เหว่ย หฒุ นิ่น บัว กวั่ง เฒี้ยว, นิ่น บัว เญย ทิน-ฮู่ง, ต้ง ต้อ นิ่น บัว เญย อง-ถาย ธ้วด อียิบ เต่ย-ปูง วั้ว เต้า เฒี้ยว, มี่ง ปัวะ หฒั่ง, ฟู-สู ป๋าย เหญี่ย เญย เฒี่ยน, เฒี้ยว หธีง ปุน นิ่น บัว หฒุ น้าย เต๋ย เหฒะ หน่าน.’”
ซาโลมอน โหฒว เญย หญู่งๆ กง
(เป๊ย หมั่ง 2 ฒุ่น ต่อย โต้ว 8:1-18)
10ซาโลมอน หล่ง หญี่ เหฒียบ หฮญัง เหธย หฒั่ง เฒี้ยว เญย เปย๊า เหธา ฮู่ง ติ่น, 11นิ่น ฯฒฯ เฒาะ หญี่ เหฒียบ นอม กาลิลี เญย ฒี่ง ปุน ไทละ เญย ฮู่ง, ฮีลาม, เหว่ย หฒุ ฮีลาม ปุน สีดา ฒ่ง เดี๋ยง เหธา ฒ่ง เดี๋ยง เหธา เจียม หฒิว ซาโลมอน ฮู่ง เฉียม หล่ง เญย. 12มป่า ฮีลาม เยียม ไทละ ธ้วด มี่ง หมั่ง ซาโลมอน ปุน นิ่น วั้ว เต๋ย ฒี่ง, นิ่น ไม้ ปวั๊ง เฮญี้ยว วั้ว เต๋ย ฒี่ง อ๊ะ. 13นิ่น ฯฒฯ ก๊อง, “โย์ว อ่า, เม่ย ปุน เยีย น้าย เต๋ย ฒี่ง เป๋น หาย หญู่ง ฒี่ง แล่?” นิ่น ฯฒฯ ธ้วด น้าย เต๋ย ฒี่ง เญย บั๋ว เห่ว คาบุน เต่ย.#9:13 คาบุน เญย เอ๋ย เล์ย เซ ไม้ ลั่ม หล่ง. น้าย เต๋ย ฒี่ง หย่า ฮนั้ง วั้ว นอ เห่ว เถา อี้ จ๋า ฮนอย. 14ฮีลาม ฝูง ปุน ซาโลมอน เญย เจียม เหยียด ฒู้ง ม่าย อี ธิน เฝย แป๊ะ เธี้ยด เหฒียบ หลัวะ จ้อย.#9:14 ฮิบลู หว่า ก๊อง 120 ตะลัน. เซ เล่ย ไม้ โก 4,000 กีโล.
15ต๋าว น้าย มี่ง ก๊อง ซาโลมอน ฮู่ง อ๊าบ เมี่ยน โหฒว กง เญย เจ๊า. นิ่น อ๊าบ เมี่ยน เหธย หฒั่ง เฒี้ยว เญย เปย๊า เหธา ฮู่ง ติ่น เหธา มินโล#9:15 เป๊ย หมั่ง 2 ซามูเอน 5:9. เหธา เยลูซาเลม เญย ฒี่ง หลาด เหธา ฮาโซ เหธา เมกิดโด เหธา เกเซ. 16(อียิบ เญย ฟาโล ฮู่ง ต้าย เบ๊าะ หย่า ธ้าง ตุ๊ เกเซ ฒี่ง. นิ่น หล่ง โต์ว ปั๊ว หย่า ไต๋ เหฑ่ง เยียม ฒี่ง กะญั์ว เญย คานาอัน เมี่ยน. ฆะฮ้า ปู๋ง นิ่น เญย เซียะ ปุน ซาโลมอน หล่ง โหฒว เอ๊า วั้ว หฒั่น, นิ่น เฒาะ น้าย นอม ฒี่ง โหฒว ฒี่ง เหญ่ย ปุน นิ่น เญย เซียะ. 17ซาโลมอน ฯฒฯ เซียง-เหธย เจี์ย เกเซ.) นิ่น หย่า เหธย วั้ว เดี๊ย วั้ว นอม เบดโฮโลน, 18เลี่ยม บาอาลัด เหธา เยียม ยูดา เต่ย-ปูง-ฮวาง เญย ทามา ฒี่ง.#9:18 ม่าย เต๋ย โซว ก๊อง ทัดโม. 19นิ่น บัว หย่า เหธย นิ่น เซียว กะน้าย เญย ฒี่ง เหธา เซียว เบ๊าะ จ๋า เญย ม์า-เธีย เญย ฒี่ง หย่า เหว่ย นิ่น เญย ม์า,#9:19 ม์า ไฟ “ฒ้าง ม์า-เธีย เญย แปง”. เหธา นิ่น ม่าย เฮญี้ยว เยียม เยลูซาเลม เหธา เลบานอน เหธา นิ่น กุ๊น ก๋อม เญย กั๊วะ เหธย เญย หญู่งๆ.
20เหฒ่ง เหฌี่ย เญย อาโมไล เมี่ยน, ฮิดไท เมี่ยน, เปลิดซี เมี่ยน, ฮีไว เมี่ยน เหธา เยบุด เมี่ยน, ต้ง ไม้ เฒ์ย อิสะลาเอน เมี่ยน, 21เซ ต้ง อิสะลาเอน เมี่ยน ไม้ ไฮ่ เหมียด ไม้ เหฑ่ง วั้ว เต๋ย เมี่ยน เญย เฒ้ย-ฟุน, ซาโลมอน อ๊าบ โหฒว โน่ว ฮนั้ง อี้ จ๋า ฮนอย. 22มป่า ซาโลมอน ไม้ ปุน อิสะลาเอน เมี่ยน หฒุ โหฒว โน่ว. นิ่น บัว โหฒว นิ่น เญย แปง, นิ่น เญย เจียน เหธา แปง-เปย๊ย เหธา ฒ้าง ม์า-เธีย เญย ต้ม แปง-เปย๊ย เหธา เก้ ม์า แปง. 23ม่าย ฮม์ แป๊ะ ฮม์ เหฒียบ เต้า ต้ม เจียน กุ๊น กง-เมี่ยน โหฒว ซาโลมอน เญย หญู่งๆ กง.
24ฟาโล เญย เซียะ เยียม ดาวิด เญย ฒี่ง ฝาว ต้าย เยียม ซาโลมอน เหว่ย นิ่น เหธย วั้ว นอม ฮู่ง ติ่น. ฆะฮ้า ซาโลมอน เหธย มินโล.#9:24 เป๊ย หมั่ง 2 ซามูเอน 5:9.
25ซาโลมอน เหยียด หฮญัง ปัว หฑุ่น เยียม นิ่น เหธย วั้ว นอม เหฒี่ย-ต้อง ฝ่ง ห่อ ปั๊ว เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย. นิ่น หย่า เยียม เฒี้ยว เญย หฑะเฮมียน ปั๊ว ฮูง. ฮนั้ง หน่าย นิ่น เหธย หฒั่ง เฒี้ยว เญย เปย๊า เญย กง โหฒว เหฒียง เหฑ่ง.#ธ้วด อียิบ 23:17; 34:23; หฑั่ม เล์ย-หลัด 16:16
26ซาโลมอน ฮู่ง หย่า เยียม เอซีโอนเกเบ, เอโดม เต่ย, ค้อย-ซิ กะเฮลน,#9:26 ม่าย เต๋ย โซว ก๊อง หลัวะ ติ ค้อย. นิด เอลัด#9:26 ม่าย เต๋ย โซว ก๊อง เอโล้ด. กั๊บ ฑั้ง. 27ฮีลาม พ้าย เต๋ย นิ่น กั้น เญย ฑั้ง-โน่ว, ต้ง เกว๋น ค้อย เญย เมี่ยน, มี่ง เหธา ซาโลมอน เญย ฑั้ง-โน่ว โหฒว กง. 28นิ่น บัว แฑง ฑั้ง มี่ง เถา โอฟี, ต้อ เหฮยียด ธิน จั๊ว แป๊ะ เธี้ยด เหฒียบ หลัวะ จ้อย#9:28 ฮิบลู หว่า ก๊อง 420 ตะลัน. เซ เล่ย ไม้ โก 14,500 กีโล. เจียม หฑวน ซาโลมอน ฮู่ง วั้ว.
Currently Selected:
1 ฮู่ง โต้ว 9: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
