1 โคลินโท 1
1
เจี์ย กอน หว่า
1เยีย, เปาโล, ต้ง ทิน-ฮู่ง เอย นิ่น เญย เอ๋ย พ้าย ต้าย โหฒว นิ่น เญย กง-โฒ่, เหธา เจี๊ยน บัว เญย ก๋อ-โย์ว, โสสะเทเน้ด, 2เฟี้ย น้าย เฒ้ย เฝียน ปุน เยียม โคลินโท ฒี่ง, ทิน-ฮู่ง เญย จิว-ปาง, ต้ง เหธา กีตู่ เยซู จวั่ง แหม่ง เฒี่ยง ฯฒฯ เป๋น นิ่น เญย เมี่ยน หย่า ตุ๊ ทิน-ฮู่ง เห่ว ต้าย โหฒว ธีง-เหฑ่ง เมี่ยน วั้ว เต๋ย. น้าย เฒ้ย เฝียน หย่า เฟี้ย ปุน เยียม นอมๆ ต๋อง เห่ว เจี๊ยน บัว เฒี้ยว เยซู กีตู่ เญย บั๋ว วั้ว เต๋ย. เยซู โหฒว นิ่น บัว เญย เฒี้ยว หย่า โหฒว บัว เญย เฒี้ยว.#กง-โฒ่ 18:1 3โท้ บัว เญย หฒั่ง เตี๋ย ทิน-ฮู่ง เหธา เฒี้ยว เยซู กีตู่ เหธย เอน เหธย แป้ง ออน ปุน เม่ย บัว.
ทิน-ฮู่ง หล่ง เยซู ปุน บัว ตุ๊ ต้าย เญย ฟุ
4เยีย หฒั่นๆ เหว่ย เม่ย บัว แล์ง ฒี่ง ทิน-ฮู่ง#1:4 ม่าย เต๋ย โล์-ฮนอย โซว ฟาน ต้าย ก๊อง เยีย เญย ทิน-ฮู่ง. เหว่ย หฒุ ทิน-ฮู่ง หล่ง กีตู่ เยซู เหธย เอน ปุน เม่ย บัว. 5เหว่ย หฒุ เม่ย บัว เหธา เยซู จวั่ง แหม่ง เฒี่ยง เม่ย บัว หญู่งๆ ม่าย ฑ่อย, เยียม เม่ย บัว ก๊อง เญย เหยียด ฒู้ง หว่า เหธา เม่ย บัว ม่าย เญย เหยียด ฒู้ง ว่วน ฒาง. 6เยีย บัว เถง กีตู่ โหฒว ฒอง-เหฒง วั้ว เต๋ย หว่า เหลียบ ว้วน เยียม เม่ย บัว เญย เฮญี้ยว. 7เหว่ย น้าย, เม่ย บัว ฒั้ว เจี๊ยน เฒี้ยว เยซู กีตู่ หิ่น ธ้วด วั้ว หฒั่น, เม่ย บัว ไม้ ธา สีง ลี่ง เหธย ปุน เญย เหยียด หญู่ง ฒี่ง เหญ่ย. 8ทิน-ฮู่ง หย่า อ๋อย ปุน เม่ย บัว เสียน ตุ๊ ว้วน เถา เซ้ด เมว์ย. เฒี้ยว เยซู กีตู่ แอ๋ง ต้าย เญย ฮนอย เม่ย บัว ฯฒฯ ไม้ ม่าย ต๋อง หฒุ ต้าน. 9ทิน-ฮู่ง เซ เขา ตุ๊ ว้วน เญย. นิ่น เห่ว เม่ย บัว ต้าย เหธา นิ่น เญย ตอน, บัว เญย เฒี้ยว เยซู กีตู่, ม่าย จิว ทง.
จิว-ปาง ปุน ฆอย
10หฒวัง ก๋อ-โย์ว อ่า, เยีย เต๊ง บัว เฒี้ยว เยซู กีตู่ เญย บั๋ว โท้ เม่ย บัว อ๋อย หฒุ ต้ง โจ๋ว หว่า ก๊อง. ไม้ ตู๋ง ปุน ฆอย โหฒว เหฒีย กวั้น. อ๋อย หฒุ หอบ ฟิม ต้ง เอ๋ย, ต้ง ติ่ว เฮญี้ยว. 11ก๋อ-โย์ว อ่า, ม่าย เต๋ย คะโลเอ เญย เปย๊า ฒง เมี่ยน บั๋ว เยีย, เยียม เม่ย บัว หน่าย ม่าย ฟิ้ว-แฑง เญย สี่. 12เยีย เญย เอ๋ย เล์ย เซ เก๊าะ-เมี่ยน ม่าย เก๊าะ-เมี่ยน เญย เจ๊า ก๊อง. ม่าย เต้า ก๊อง, “เยีย กัน เปาโล,” ม่าย เต้า ก๊อง, “เยีย กัน อาปอโล,” ม่าย เต้า ก๊อง, “เยีย กัน ปีเต,”#1:12 ฟาน หฒะ ก๊อง เคฟ้าด. เป๊ย หมั่ง โยฮัน 1:42. แอ๋ง ม่าย เต้า ก๊อง, “เยีย กัน กีตู่.”#กง-โฒ่ 18:24
13กีตู่ ปุน ฆอย โหฒว เหฒีย กวั้น ไฟ? เปาโล เหว่ย เม่ย บัว หฒุ ตีง เหฒียบ หฑั่ง จ๋า ไฟ? เม่ย บัว เต๊ง เปาโล เญย บั๋ว เจี๋ย ววม เญย เล์ย ไฟ?
14เยีย แล์ง ฒี่ง ทิน-ฮู่ง, ธ้วด ลิ์ว คะลิดปัด เหธา กายอัด, เยีย ไม้ เถง เม่ย บัว หาย เต้า เจี๋ย ววม เญย เล์ย.#กง-โฒ่ 18:8; 19:29; โลมา 16:23 15ฮนั้ง หน่าย, ไม้ ม่าย หาย เต้า ไฮ่ ก๊อง เม่ย บัว เต๊ง เยีย เญย บั๋ว เจี๋ย ววม เญย เล์ย. 16(โอ้, เฒ์ย เญย, เยีย หย่า เถง สะเทฟานัด เหธา นิ่น เญย เปย๊า ฒง เมี่ยน เจี๋ย ววม เญย เล์ย. ธ้วด ลิ์ว น้าย เต๋ย เยีย จั๋ง ไม้ ตุ๊ เยีย เถง หาย เต้า.)#1 โคลินโท 16:15 17กีตู่ ไม้ เฒ์ย พ้าย เยีย มี่ง เถง เมี่ยน เจี๋ย ววม เญย เล์ย. นิ่น พ้าย เยีย มี่ง ฒุ่น คู้ เฝียน, หย่า ไม้ เฒ์ย หล่ง ป้าม เมี่ยน ธง-เม่ง เญย หว่า ฒุ่น. เฑ่า เหย น้าย หญู่ง หว่า โหฒว ปุน เยซู เยียม เหฒียบ หฑั่ง จ๋า ไต่ เญย ชะ หฒิด หมี่ อ๊ะ.
กีตู่ โหฒว ทิน-ฮู่ง เญย ชะ, ทิน-ฮู่ง เญย ธง-เม่ง
18กีตู่ เยียม เหฒียบ หฑั่ง จ๋า ไต่ วั้ว หญู่ง โต์-เล์ย, เหว่ย อ๋อย หฒุ เหมียด เญย เมี่ยน เซ หฮงง ไห่. มป่า เหว่ย บัว ตุ๊ เหฌียว เญย เมี่ยน เซ ทิน-ฮู่ง เญย ชะ. 19เหว่ย หฒุ กีง-โซว เฟี้ย เจี๊ยน ก๊อง,
“เยีย อ๋อย เหมียด ธง-เม่ง เมี่ยน เญย ธง-เม่ง.
เมี่ยน ไกว เมี่ยน เญย หฒะเอ๋ย เยีย หย่า อ๋อย ปุน ด๊อด.”#อิสะยา 29:14
20วั้ว หญู่ง, อี้ จ๋า เญย ธง-เม่ง เมี่ยน, โหะ ฮลัง เญย เมี่ยน, เหธา ฑุ่ย บย่าง เญย เมี่ยน ฮนั้ง หาย นอ? ทิน-ฮู่ง โหฒว ปุน น้าย ป้าม เกน เญย ธง-เม่ง หฮงง หมี่ อ๊ะ.#โย้บ 12:17; อิสะยา 19:12; 33:18; 44:25
21ทิน-ฮู่ง หล่ง นิ่น กั้น เญย ธง-เม่ง ปุน เมี่ยน ไม้ ไฮ่ เขา นิ่น บัว กั้น เญย ธง-เม่ง ฮิ้ว ตุ๊ นิ่น. ต๋าว หฑวน, ทิน-ฮู่ง อะเฮน้ย หล่ง ต้ง เมี่ยน ฝุน หฮงง เญย ฒุ่น โต์ หว่า, เหฌียว เสียน นิ่น เญย เมี่ยน. 22ยิวไท เมี่ยน โท้ จั๋ง-โห่, จั๋น-กีก หย่า ล์อ ธง-เม่ง. 23มป่า เยีย บัว ฒุ่น กีตู่ หฒุ ตีง เหฒียบ หฑั่ง จ๋า ไต่ เญย เจ๊า. ยิวไท เมี่ยน โหย่ว เฆ่ม หฒิ ฒุ์ย#1:23 กีก หว่า ก๊อง “ปุน เมี่ยน ดิ๊ หฒุ ดอบ เญย กะน้าย”. นิ่น บัว. จั๋น หย่า ฝุน หฮงง, 24มป่า เหว่ย ทิน-ฮู่ง กิ๊น ต้าย เญย เมี่ยน, ไม้ กุ๊น ยิวไท เมี่ยน ไฟ จั๋น, บัว ฮิ้ว ตุ๊ กีตู่ เซ ทิน-ฮู่ง เญย ต้ม ชะ หย่า ต้ง ทิน-ฮู่ง เญย ธง-เม่ง. 25เหว่ย หฒุ ทิน-ฮู่ง หฮงง เญย สี่, ฒู้ง เก้า ไกว ป้าม เมี่ยน เญย ธง-เม่ง. ทิน-ฮู่ง เมา เญย ต๋อง, หธ่อ เก้า เฮ้น ป้าม เมี่ยน เญย ชะ.
26ก๋อ-โย์ว อ่า, ฮนั้ม หมั่ง ก๋า! ทิน-ฮู่ง เห่ว เม่ย บัว ต้าย วั้ว หฒั่น, เอย ป้าม เมี่ยน ปวัด, ธง-เม่ง เญย เมี่ยน ไม้ ม่าย ธั้ม. ม่าย หัด ม์า เญย เมี่ยน เหธา หฒั่ง ตั๊ง เญย เมี่ยน หย่า ไม้ ม่าย ธั้ม. 27มป่า ป้าม เมี่ยน ฝุน หฮงง เญย, ทิน-ฮู่ง กิ๊น ต้าย เหว่ย ปุน ธง-เม่ง เญย เมี่ยน ไญ้. ป้าม เมี่ยน ฝุน เมา เญย, ทิน-ฮู่ง หย่า กิ๊น ต้าย เหว่ย ปุน เฮ้น วั้ว เต๋ย ไญ้. 28ป้าม เมี่ยน ฝุน ห่า ตั๊ง เญย, หมั่ง เผีย เญย, ไม้ ลั่ม หล่ง เญย, ทิน-ฮู่ง กิ๊น ต้าย เหว่ย เหมียด ต้ง ป้าม เมี่ยน ฝุน หล่ง เจี๊ยน เญย. 29ฮนั้ง หน่าย, ไม้ ม่าย หาย เต้า เยียม ทิน-ฮู่ง เญย หฑะเฮมียน ไฮ่ ปู๋ง หว่า-เหมา. 30ทิน-ฮู่ง ปุน เม่ย บัว เหธา กีตู่ เยซู จวั่ง แหม่ง เฒี่ยง, หย่า ปุน กีตู่ โหฒว บัว เญย ธง-เม่ง. ทิน-ฮู่ง หล่ง กีตู่ ปุน บัว เหธา นิ่น หอบ เฮญี้ยว, เป๋น นิ่น เญย ธีง-เหฑ่ง เมี่ยน, หฒัวะ บัว หฑวน, เล่ย ดุ๊ด ฒุ์ย. 31ฮนั้ง หน่าย, เซ ฮนั้ง กีง-โซว เฟี้ย เจี๊ยน ก๊อง,
“หาย เต้า อ๋อย ปู๋ง หว่า-เหมา,
อ๋อย หฒุ ปู๋ง หว่า-เหมา ก๊อง เฒี้ยว โหฒว เญย สี่.”#เยเลมี 9:24
Currently Selected:
1 โคลินโท 1: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
