Popular Bible Verses from 1 โค​ลิน​โท 1

Share

มป่า ป้าม เมี่ยน ฝุน หฮงง เญย, ทิน-ฮู่ง กิ๊น ต้าย เหว่ย ปุน ธง-เม่ง เญย เมี่ยน ไญ้. ป้าม เมี่ยน ฝุน เมา เญย, ทิน-ฮู่ง หย่า กิ๊น ต้าย เหว่ย ปุน เฮ้น วั้ว เต๋ย ไญ้.

กี​ตู่ เยียม เหฒียบ หฑั่ง จ๋า ไต่ วั้ว หญู่ง โต์-เล์ย, เหว่ย อ๋อย หฒุ เหมียด เญย เมี่ยน เซ หฮงง ไห่. มป่า เหว่ย บัว ตุ๊ เหฌียว เญย เมี่ยน เซ ทิน-ฮู่ง เญย ชะ.

เหว่ย หฒุ ทิน-ฮู่ง หฮงง เญย สี่, ฒู้ง เก้า ไกว ป้าม เมี่ยน เญย ธง-เม่ง. ทิน-ฮู่ง เมา เญย ต๋อง, หธ่อ เก้า เฮ้น ป้าม เมี่ยน เญย ชะ.

ทิน-ฮู่ง เซ เขา ตุ๊ ว้วน เญย. นิ่น เห่ว เม่ย บัว ต้าย เหธา นิ่น เญย ตอน, บัว เญย เฒี้ยว เย​ซู กี​ตู่, ม่าย จิว ทง.

หฒวัง ก๋อ-โย์ว อ่า, เยีย เต๊ง บัว เฒี้ยว เย​ซู กี​ตู่ เญย บั๋ว โท้ เม่ย บัว อ๋อย หฒุ ต้ง โจ๋ว หว่า ก๊อง. ไม้ ตู๋ง ปุน ฆอย โหฒว เหฒีย กวั้น. อ๋อย หฒุ หอบ ฟิม ต้ง เอ๋ย, ต้ง ติ่ว เฮญี้ยว.

วั้ว หญู่ง, อี้ จ๋า เญย ธง-เม่ง เมี่ยน, โหะ ฮลัง เญย เมี่ยน, เหธา ฑุ่ย บย่าง เญย เมี่ยน ฮนั้ง หาย นอ? ทิน-ฮู่ง โหฒว ปุน น้าย ป้าม เกน เญย ธง-เม่ง หฮงง หมี่ อ๊ะ.