1 ฒุ่น ต่อย โต้ว 22
22
1ดาวิด ก๊อง, “หฒั่ง เฒี้ยว ทิน-ฮู่ง เญย เปย๊า อ๋อย หฒุ เยียม น้าย. เหว่ย อิสะลาเอน เมี่ยน ปั๊ว เหฒี่ย เญย กะน้าย เญย เหฒี่ย-ต้อง หย่า อ๋อย หฒุ เยียม น้าย.”
หลิ่ว เล์ย เหธย หฒั่ง ทิน-ฮู่ง เญย เปย๊า
2ดาวิด หัด เยียม อิสะลาเอน เต่ย-ปูง เญย กั้น ฝีง เมี่ยน ต้าย ฒุ้น. เยียม นิ่น บัว บุด๋ง นิ่น พ้าย เต๋ย โหฒว หฒุ หละเปย๊ย-หฒั่ง หลิ่ว เล์ย หละเปย๊ย เหว่ย เหธย หฒั่ง ทิน-ฮู่ง เญย เปย๊า. 3ดาวิด แอ๋ง หลิ่ว เล์ย เฮลียะ ธั้ม เญย เหว่ย โหฒว หลาด แก้ง เญย ตีง เหธา เฮลียะ-ฌับ, หย่า หลิ่ว เล์ย ต้ง ซิ ธั้ม เญย, ฒู้ง เฑียง ไม้ ฮี่ง. 4นิ่น แอ๋ง หลิ่ว เล์ย สีดา ฒ่ง เดี๋ยง ธั้ม ไห่, ฒู้ง ซ้าว ไม้ ฮี่ง อ๊ะ, เหว่ย หฒุ ไซดอน เหธา ไทละ เมี่ยน ต้อ เดี๋ยง ธั้ม! ไห่ ปุน ดาวิด.
5ดาวิด ก๊อง, “เยีย เญย ตอน, ซาโลมอน, หฮญัง-เจ๊ย หธ่อ หลุน เญย, หย่า ไม้ แก้ง ตุ๊ โหะ ฮิ้ว หาย หญู่ง ธั้ม. อ๋อย เหว่ย เฒี้ยว เหธย วั้ว นอม เปย๊า หย่า อ๋อย หฒุ หฒะเก้ง โหฒว เหฑว่ย, ม่าย ฌัง-หล่าง, ม่าย เม่ง เต้า หลง ก๋อม ลู่ง เดี๊ย หม่าน กั๊วะ. เหว่ย น้าย เยีย อ๋อย หลิ่ว เล์ย เหฒียง กะน้าย เหธย วั้ว นอม เปย๊า.” ดาวิด ไม้ แก้ง เกวย เสย นิ่น ฯฒฯ เบ่น เหฒียง กะน้าย ธั้ม เญย.
6ดาวิด เห่ว นิ่น เญย ตอน, ซาโลมอน, ต้าย จา หว่า บั๋ว นิ่น, นิ่น อ๋อย หฒุ เหว่ย เฒี้ยว, อิสะลาเอน เมี่ยน เญย ทิน-ฮู่ง, เหธย นอม เปย๊า. 7ดาวิด ก๊อง บั๋ว นิ่น เญย ตอน, ซาโลมอน, “เยีย เญย ตอน อ่า, เยีย ม่าย เฮญี้ยว เหว่ย เฒี้ยว, เยีย เญย ทิน-ฮู่ง, เญย เม่ง เหธย นอม เปย๊า.#2 ซามูเอน 7:1-16; 1 ฒุ่น ต่อย โต้ว 17:1-14 8มป่า เยีย ตุ๊ เฒี้ยว เญย หว่า ก๊อง บั๋ว เยีย, ‘เม่ย ปุน เมี่ยน เญย ฑย้าม เหลี่ยว ธ้วด ธั้ม ไห่ หย่า เบ๊าะ ต้ม จ๋า ธั้ม-หฑุ่น. เม่ย ไม้ ตุ๊ เหว่ย เยีย เญย เม่ง เหธย นอม เปย๊า เหว่ย หฒุ เม่ย เยียม เยีย เญย หฑะเฮมียน เหลี่ยว เมี่ยน เญย ฑย้าม ธ้วด เหฌี่ย เดา-เป้ย ธั้ม ไห่. 9หมั่ง ม่าะ! เม่ย อ๋อย ตุ๊ เต้า ตอน, เซ โหฒว ถาย-แป้ง เญย ตอน. เยีย อ๋อย ปุน นิ่น ถาย-แป้ง เญย เยียม, ไม้ หฒุ เว่ย ก๋อม เญย วิน-วั้ง ห่อย. นิ่น เญย บั๋ว อ๋อย เห่ว ซาโลมอน.#22:9 ซาโลมอน น้าย นอม บั๋ว ต๋าย เยียม ซาโลม น้าย โจ๋ว ฮิบลู หว่า ธ้วด ต้าย. เอ๋ย เล์ย เซ แป้ง ออน, ถาย-แป้ง. นิ่น กุ๊น เญย ฮนอย-เหญียะ เยีย อ๋อย ปุน อิสะลาเอน แป้ง ออน ถาย-แป้ง เญย เยียม. 10นิ่น อ๋อย เหว่ย เยีย เญย เม่ง เหธย นอม เปย๊า. นิ่น อ๋อย โหฒว เยีย เญย ตอน, เยีย หย่า อ๋อย โหฒว นิ่น เญย เตีย. เยีย อ๋อย เหลียบ นิ่น เญย ฮู่ง เหว่ย เยียม อิสะลาเอน เถา เหยียด ลิ์ว.’
11“เยีย เญย ตอน อ่า, โท้ เฒี้ยว เหธา เม่ย เยียม, ปุน เม่ย โหฒว ตุ๊ ทง หย่า เหว่ย เฒี้ยว, เม่ย เญย ทิน-ฮู่ง, เหธย นอม เปย๊า, ฮนั้ง นิ่น ก๊อง เม่ย อ๋อย โหฒว นอ. 12โท้ เฒี้ยว เหธย ธง-เม่ง ปุน เม่ย ไฮ่ เม่ง แปะ เหว่ย นิ่น ปุน เม่ย กุ๊น อิสะลาเอน เต่ย-ปูง วั้ว หฒั่น เม่ย ไฮ่ เอย เจี๊ยน เฒี้ยว, เม่ย เญย ทิน-ฮู่ง, เญย เล์ย-หลัด. 13ฮนั้ง หน่าย สี ก๊อง เม่ย กัน หลง เฒี้ยว หล่ง โมเซ จิว ปุน อิสะลาเอน เญย เล์ย-หลัด เหธา เล์ย เม่ย ฯฒฯ โหฒว ตุ๊ ทง. เม่ย อ๋อย หฒุ เฮ้น หย่า ต๊าม โฮล. ไม้ ตู๋ง กั้ม เหฑีย ไฟ เฮญี้ยว หนัม.
14“เยีย โหฒว ตุ๊ โค้ว เญย, หลิ่ว เล์ย โหฒว เฒี้ยว เญย เปย๊า. ม่าย เจียม หญี่ เหฒียบ เยี้ยด สิน จ้อย,#22:14 ฮิบลู หว่า ก๊อง 100,000 ตะลัน. น้าย เซ เล่ย ไม้ โก 3,450,000 กีโล. ญ่าน หญี่ แป๊ะ เหฒียบ สิน จ้อย,#22:14 ฮิบลู หว่า ก๊อง 1,000,000 ตะลัน. เซ เล่ย ไม้ โก 34,500,000 กีโล. ต้ง ซิ เหธา เฮลียะ ธั้ม! ไห่, ฒู้ง ไม้ ไฮ่ เฑียง. เยีย หย่า หลิ่ว เล์ย เดี๋ยง เหธา หละเปย๊ย. เม่ย หธ่อ แอ๋ง อ๋อย จา เต๋ย ตุ๊ เญย. 15เม่ย หย่า ม่าย หฒั่ง เมี่ยน ธั้ม ไห่. ม่าย หฒุ หละเปย๊ย เญย หฒั่ง, เหธย เปย๊า เญย หฒั่ง, เดี๋ยง-หฒั่ง เหธา ม่าย ปั้น เหฒ่ย โหฒว หญู่งๆ กง เญย หฒั่ง เมี่ยน 16หล่ง เจียม ญ่าน, ต้ง ซิ เหธา เฮลียะ โหฒว หญู่งๆ. อี้ หฒั่น เจี์ย กอน อ๊ะ ม่าะ! โท้ เฒี้ยว เหธา เม่ย เยียม.”
17ดาวิด แอ๋ง พ้าย อิสะลาเอน เมี่ยน เญย หฒวัง เปย๊ย เฒ้ย เถง นิ่น เญย ตอน, ซาโลมอน. 18นิ่น ก๊อง บั๋ว นิ่น บัว, “เฒี้ยว, เม่ย บัว เญย ทิน-ฮู่ง, เหธา เม่ย บัว เยียม ไม้ เฒ์ย? นิ่น หย่า ปุน เม่ย บัว เฝย ปูง ถาย-แป้ง เญย ไม้ เฒ์ย? เหว่ย หฒุ นิ่น เฒาะ น้าย นอม เต่ย-ปูง เญย แปะ ฝีง จิว ปุน เยียม เยีย เญย ปั์ว-เดี๊ย. น้าย นอม เต่ย-ปูง เหธา น้าย นอม เต่ย-ปูง เญย เมี่ยน ฯฒฯ เยียม เฒี้ยว เหธา นิ่น เญย แปะ ฝีง เญย ปั์ว-เดี๊ย. 19อี้ หฒั่น เม่ย บัว อ๋อย หฒุ เหลียบ เฟียม เหลียบ เอ๋ย ล์อ เฒี้ยว, เม่ย บัว เญย ทิน-ฮู่ง. เจี์ย กอน เหธย เฒี้ยว ทิน-ฮู่ง เญย สีง ติ่น อ๊ะ. ฮนั้ง หน่าย เม่ย บัว ไฮ่ ต้อ เฒี้ยว เญย แล์ง แหง่ง หว่า ฟาง เหธา ทิน-ฮู่ง เญย ธีง-เหฑ่ง จา-สี่ เปียะ ต้าย อัน เจี๊ยน เหว่ย เฒี้ยว เญย เม่ง เหลียบ ต้าย เญย เปย๊า.”
Currently Selected:
1 ฒุ่น ต่อย โต้ว 22: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
