1 ฒุ่น ต่อย โต้ว 23
23
1ดาวิด หฮญัง-เจ๊ย โก๋ ไห่ อ๊ะ, นิ่น เหลียบ นิ่น เญย ตอน, ซาโลมอน, โหฒว อิสะลาเอน เญย ฮู่ง.#1 ฮู่ง โต้ว 1:1-40
เลวี เมี่ยน
2ดาวิด เห่ว อิสะลาเอน เญย หฒวัง เปย๊ย เฒ้ย เหธา ไซ เมี่ยน เหธา เลวี เมี่ยน ต้าย ฒุ้น. 3นิ่น บัว ซ้าว เลวี เมี่ยน ฟ่า เหฒียบ หฮญัง ฝาว แหมง เญย มจั่ง ตอน, เหยียด ฒู้ง ม่าย ปัว หว่าน เหฮยียด ธิน เต้า. 4ดาวิด ก๊อง, “เยียม น้าย เต๋ย เมี่ยน กะญั์ว อ๋อย หฒุ ม่าย อี หว่าน เปยย ธิน เต้า กุ๊น หฒั่ง เฒี้ยว เญย เปย๊า เญย กง. ม่าย จุ๊ ธิน อ๋อย หฒุ โหฒว เจียน เหธา ต้ม เจียน.#23:4 ไฟ “เฟี้ย โซว-ตาน เญย เจียน เหธา ตุ๋น สี่ เมี่ยน”. 5ม่าย เปยย ธิน เต้า อ๋อย หฒุ โหฒว ฒั้ว แก้ง เมี่ยน, แอ๋ง ม่าย เปยย ธิน เต้า อ๋อย หฒุ หล่ง เยีย หลิ่ว เล์ย เหฒียง โหฒว ฑูง เญย จา-สี่ เธง เฒี้ยว. ”
6ดาวิด เฒาะ เลวี เมี่ยน ปุน ฆอย หฒิว เลวี เญย ตอน, เกโซน, โคฮ้าด เหธา เมลาลี เญย ปู้ง ป่วน.
เกโซน เมี่ยน
7เกโซน ม่าย อี เต้า ตอน ลาดาน เหธา ซิเมอี.
8ลาดาน ม่าย ปัว เต้า ตอน. ตอน-โฮล เห่ว เยฮีเอน แอ๋ง ม่าย เสทาม เหธา โยเอน.
9ซิเมอี ม่าย ปัว เต้า ตอน.#23:9 ซิเมอี เยียม ตะจั๊ว เหยี่ยม น้าย เต๋ย ปัว เต้า ตอน เญย บั๋ว เหธา ตะเหฒียบ เหยี่ยม ซิเมอี เญย ตอน เญย บั๋ว หฒิว ฮิบลู หว่า ปุน ไม้ หนั่ง เม่ง. ม่าย เซโลโม้ด, ฮาซีเอน เหธา ฮาลาน. น้าย เซ ลาดาน เญย ปู้ง ป่วน เปย๊ย เฒ้ย.
10ซิเมอี ม่าย เปยย เต้า ตอน. ม่าย ยาหาด, ฒีฒา,#23:10 ม่าย เต๋ย โล์-ฮนอย โซว ก๊อง ฒีซา. ฮิบลู หว่า เญย โซว เก้า ธั้ม เจี๋ย ก๊อง ฒีนา. เยอูด เหธา เบลียา. น้าย เต๋ย เปยย เต้า โหฒว ซิเมอี เญย ตอน. 11ยาหาด โหฒว ตอน-โฮล, ฒีซา ตอน-ตะไหน. มป่า เยอูด เหธา เบลียา ไม้ ม่าย ตอน ธั้ม ฯฒฯ ฝุน เป๋น เหยียด ปู้ง หย่า หฒิว เหยียด ปู้ง เมี่ยน พ้าย กง.
โคฮ้าด เมี่ยน
12โคฮ้าด ม่าย เปยย เต้า ตอน. ม่าย อัมลาม, อิดฮา, เฮโบโลน เหธา อุดซีเอน.
13อัมลาม เญย ตอน ม่าย อาโลน เหธา โมเซ. อาโลน เหธา นิ่น เญย เฒ้ย-ฟุน กั้น หธะเหล่ง ตุ๊ กิ๊น ธ้วด ต้าย เหว่ย เหยียด ลิ์ว โก๋ว เก้า ธีง-เหฑ่ง เจี๋ย เญย กะน้าย, เหว่ย เยียม เฒี้ยว เญย หฑะเฮมียน ปั๊ว ฮูง ฟู-สู นิ่น, เต๊ง นิ่น เญย เม่ง ปวัง หว่า เถา เหยียด ลิ์ว.#ธ้วด อียิบ 28:1 14ทิน-ฮู่ง เญย เมี่ยน, โมเซ, เญย เฒ้ย-ฟุน ฝุน เปียะ เลวี ฝีง.
15โมเซ เญย ตอน ม่าย เกโซม เหธา เอลีเยเซ.
16เกโซม เญย ตอน-โฮล, เซบูเอน.#23:16 ม่าย เต๋ย โซว ก๊อง เซบูเอน โหฒว ตอน-โฮล, ม่าย เต๋ย โซว ก๊อง เซบูเอน โหฒว เปย๊ย เฒ้ย.
17เอลีเยเซ เญย ตอน-โฮล, เลหับยา. เอลีเยเซ ไม้ ม่าย กั้น เต้า ตอน มป่า เลหับยา ม่าย ตอน ธั้ม! เญย.
18อิดฮา เญย ตอน โฮล, เซโลมิด.
19เฮโบโลน เญย ตอน ม่าย เยลียา โหฒว ตอน-โฮล, อามาลิยา โหฒว ตะเหญ่ย เต้า, ยาซีเอน โหฒว ตะฟาม, เยคาเมอัม โหฒว ตะเฝย.
20อุดซีเอน เญย ตอน ม่าย มีคา โหฒว ตอน-โฮล, อิดซียา โหฒว ตะเหญ่ย.
เมลาลี เมี่ยน
21เมลาลี เญย ตอน ม่าย มาลี เหธา มูซี.
มาลี เญย ตอน ม่าย เอเลอาซา เหธา คี้ด. 22เอเลอาซา ไม้ ม่าย ตอน, นิ่น ไต่ หมี่ อ๊ะ. นิ่น ขูง ม่าย เซียะ ฮนั้ง. นิ่น บัว เญย แป๊ะ-มั์ว ต่อย, คี้ด, เญย ตอน หล่ง นิ่น บัว โหฒว เอ๊า.
23มูซี ม่าย ปัว เต้า ตอน. ม่าย มาลี, เอเด เหธา เยเลโม้ด.
24น้าย เซ เลวี เญย เฒ้ย-ฟุน หฒิว นิ่น บัว เญย ปู้ง ป่วน, เซ นิ่น บัว เญย ปู้ง ป่วน เปย๊ย เฒ้ย, หฒิว โม์ว เต้า เมี่ยน เญย บั๋ว เญย โสว โหม่ว เฟี้ย เจี๊ยน หญี่ เหฒียบ หฮญัง ฝาว แหมง เญย มจั่ง ตอน, เยียม หฒั่ง เฒี้ยว เญย เปย๊า ฟู-สู วั้ว เต๋ย. 25ดาวิด ก๊อง, “เหว่ย หฒุ เฒี้ยว, อิสะลาเอน เญย ทิน-ฮู่ง, ปุน นิ่น เญย แปะ ฝีง ตุ๊ แป้ง ออน, นิ่น ฯฒฯ ตุ๊ เหยียด ลิ์ว เยียม เยลูซาเลม. 26เลวี เมี่ยน ฯฒฯ ไม้ หฒุ แกง หฒั่ง ทิน-ฮู่ง เญย ด๊บ-ลิ่ว เหธา เยียม ด๊บ-ลิ่ว หล่ง เญย จา-สี่.”#หฑั่ม เล์ย-หลัด 10:8 27หฒิว ดาวิด พ้าย เญย เซ้ด เมว์ย หว่า, อ๋อย หฒุ ซ้าว เลวี เมี่ยน เญย มจั่ง ตอน เยียม หญี่ เหฒียบ หฮญัง ฝาว แหมง.
28เลวี เมี่ยน เญย กง เซ อ๋อย หฒุ เถง อาโลน เญย เฒ้ย-ฟุน โหฒว นิ่น บัว ฟู-สู หฒั่ง เฒี้ยว เญย เปย๊า เญย กง. ม่าย กง หลิ่ว เล์ย หลาด กะญั์ว เญย ต๋อง เหธา เว่ย ก๋อม เญย ฉงๆ, หย่า อ๋อย หฒุ สา เหยียด ฒู้ง ธีง-เหฑ่ง เญย กะน้าย หย่า โหฒว หญู่งๆ กง เหว่ย ฟู-สู หฒั่ง ทิน-ฮู่ง เญย เปย๊า.#ซ้าว เมี่ยน 3:5-9 29นิ่น บัว อ๋อย หฒุ หลิ่ว เล์ย เก๋ง เญย ฌั้ว, ฝ่ง ห่อ เหฒี่ย เญย ล่าง หฒิ เญย บ๊วน-หม่วน, ไม้ ม่าย ปี๊ง เญย ฌั้ว-เปียะ, ฒิ ต้าย เญย ฌั้ว, หฒอบ เจี๊ยน กะลั้น โย่ว เญย ฌั้ว, แอ๋ง หลิ่ว เล์ย หญู่งๆ ฮลาว เหธา เดาะ เญย กะน้าย. 30นิ่น บัว อ๋อย หฒุ ดอมๆ โซ้ว เจี๊ยน แล์ง ฒี่ง เธง เฒี้ยว. ม์วนๆ ฟี่ ฮนั้ง เญย โหฒว. 31เถา ตี้ง กง ฮนอย เหธา เซียง-หฮลา เหธา เหยียด ฒู้ง ตี่ง ต้าย เญย ฒิบ, หาย หฒั่น ต้อ ปั๊ว เหฒี่ย เญย กะน้าย ฝ่ง ห่อ ปุน เฒี้ยว เญย เฒี่ยง โห่, หย่า อ๋อย หฒุ แล์ง ฒี่ง, เธง เฒี้ยว หฒิว ตี่ง ต้าย เฉียม หล่ง เญย เมี่ยน ธั้ม โหฒะ เญย โสว โหม่ว เหว่ย หฒั่นๆ เยียม เฒี้ยว เญย หฑะเฮมียน ฟู-สู.
32ฮนั้ง หน่าย เลวี เมี่ยน ฯฒฯ โก๋ว หวุ่ย ปวั้ง เญย ด๊บ-ลิ่ว เหธา ธีง-เหฑ่ง เญย ต๋อง หย่า เถง นิ่น บัว เญย ก๋อ-โย์ว, อาโลน เญย เฒ้ย-ฟุน, โหฒว หฒั่ง เฒี้ยว เญย เปย๊า ฟู-สู เญย กง.
Currently Selected:
1 ฒุ่น ต่อย โต้ว 23: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
