1 ฒุ่น ต่อย โต้ว 21
21
ดาวิด ซ้าว อิสะลาเอน เหธา ยูดา แปะ ฝีง
(เป๊ย หมั่ง 2 ซามูเอน 24:1-25)
1ซาตาน เจี์ย ต้าย อ๋อย ห่อย อิสะลาเอน, ฯฒฯ โธะ ดาวิด ซ้าว อิสะลาเอน เมี่ยน. 2ดาวิด ฯฒฯ ก๊อง บั๋ว โยอาบ เหธา หฒวัง ต้ม แปง-เปย๊ย, “เม่ย บัว อ๋อย หฒุ มี่ง ซ้าว อิสะลาเอน เมี่ยน เยียม เบเอเชบา มี่ง เถา ดาน. ซ้าว ลิ์ว, หฑวน ต้าย บั๋ว เยีย เหว่ย ปุน เยีย ฮิ้ว ตุ๊ ม่าย บัวะ เหฒีย เต้า.”
3มป่า โยอาบ ก๊อง, “โท้ เฒี้ยว ปุน นิ่น เญย แปะ ฝีง จา หฮยาง ธั้ม อี้ หฒั่น ม่าย เญย เหยียด แป๊ะ โก๊ว. โอ เยีย เญย เฒี้ยว, ฮู่ง เตี๋ย อ้า! นิ่น บัว เหยียด ฒู้ง มต้าย เป๋น เม่ย เญย โปว ไม้ เฒ์ย? เยีย เญย เฒี้ยว เหว่ย หาย ติ่ว อ๋อย ฮนั้ง น้าย นอ โหฒว? เหว่ย หาย ติ่ว อ๋อย ปุน น้าย เต๋ย ฒุ์ย ห่อย หฒุ อิสะลาเอน เมี่ยน?”
4มป่า โยอาบ ไม้ ไฮ่ แหง่ง ไม้ ตุ๊ ฮู่ง เตี๋ย เญย หว่า. นิ่น ฯฒฯ ธ้วด มี่ง ก๋อม อิสะลาเอน เต่ย-ปูง, ฆะฮ้า หฑวน เถา เยลูซาเลม. 5โยอาบ ฯฒฯ มี่ง บั๋ว ดาวิด นิ่น ซ้าว แปะ ฝีง เญย โสว โหม่ว. อิสะลาเอน เญย หฒวัง เมี่ยน, ไฮ่ โหฒว ตุ๊ แปง วั้ว เต๋ย,#21:5 ฮิบลู หว่า ก๊อง “ไฮ่ หล่ง หฑุ ด๊าว เญย เมี่ยน”. ม่าย เหฒียบ เยี้ยด สิน เต้า. เยียม ยูดา เมี่ยน โหฒว ตุ๊ แปง วั้ว เต๋ย, ม่าย เปยย สิน เสี่ย หว่าน เต้า.
6มป่า โยอาบ ไม้ ซ้าว เลวี เหธา เบนยามิน ฝีง เญย เมี่ยน, เหว่ย หฒุ โยอาบ โหยว ไห่ ฮู่ง เตี๋ย พ้าย เญย หว่า.
7ทิน-ฮู่ง ไม้ หอบ เฮญี้ยว น้าย เต๋ย ซ้าว แปะ ฝีง เญย สี่, นิ่น ฯฒฯ ตี่ง อิสะลาเอน เมี่ยน เญย ฒุ์ย.
8ดาวิด ก๊อง บั๋ว ทิน-ฮู่ง, “เยีย โหฒว น้าย เต๋ย สี่ หฒะเก้ง ต่อง ฒุ์ย โฮล ไห่. มป่า โท้ เม่ย กวั่ง เยีย, เม่ย เญย โปว เญย ฒุ์ย. เยีย โหฒว น้าย เต๋ย สี่ หฒะเก้ง หฮงง ไห่ อ๊ะ.”
9 เฒี้ยว บั๋ว ดาวิด เญย โต่ว หว่า เมี่ยน, กาด, 10“มี่ง บั๋ว ดาวิด, ‘เฒี้ยว ฮนั้ง น้าย ก๊อง, “เยีย ม่าย ปัว หญู่ง ปุน เม่ย กิ๊น.” เม่ย กิ๊น หาย หญู่ง เยีย ฯฒฯ โหฒว วั้ว หญู่ง ปุน เม่ย.’”
11กาด ฯฒฯ มี่ง ล์อ ดาวิด หย่า ก๊อง บั๋ว นิ่น, “เฒี้ยว ฮนั้ง น้าย ก๊อง, ‘เซว่ย เม่ย กิ๊น อ๊ะ. 12หล่ง ปัว หฮญัง เญย ต้ม หง่อ ไฟ ปัว หฮลา เหญียะ หฒุ วิน-วั้ง เญย หฑุ ด๊าว หฒุ่น เม่ย บัว ไฟ ปัว ฮนอย หฒุ เฒี้ยว เญย หฑุ ด๊าว, เซ หฒุ ต้ม ววน-แป่ง, ห่อย อิสะลาเอน เมี่ยน หย่า หฒุ เฒี้ยว เญย ฟิน-เมี่ยน เยียม อิสะลาเอน นอมๆ ต๋อง โหฒว เหมียด.’ อี้ หฒั่น เม่ย ฮนั้ม หมั่ง ก๋า, เยีย อ๋อย หฒุ ฮนั้ง หาย นอ เตา พ้าย เยีย ต้าย วั้ว เต้า.”
13ดาวิด ก๊อง บั๋ว กาด, “เยีย เก้ง ไฮ์ อะ ไห่ อ๊ะ. เยีย โท้ เยียม เฒี้ยว เญย ปั์ว เหว่ย หฒุ นิ่น หฒะเก้ง ค้อ-เลี่ยน ไห่ เมี่ยน. มป่า โท้ ไม้ ตู๋ง ปุน เยีย หฒุ เยียม ป้าม เมี่ยน เญย ปั์ว-เดี๊ย.”
14 เฒี้ยว ฯฒฯ ปุน อิสะลาเอน เมี่ยน หฒุ ต้ม ววน-แป่ง. ม่าย เสี่ย หว่าน เต้า อิสะลาเอน เมี่ยน ไต่. 15ทิน-ฮู่ง หย่า พ้าย ฟิน-เมี่ยน มี่ง เหมียด เยลูซาเลม. มป่า ฟิน-เมี่ยน เหฌี่ย ปั์ว เหมียด#21:15 ม่าย เต๋ย โซว ก๊อง, “เหมียด เจี๊ยน เญย เฒี่ยง โห่”. เญย เฒี่ยง โห่, เฒี้ยว ปวัด ฯฒฯ ก๊อย หฒะเอ๋ย, ไม้ โหฒว น้าย เต๋ย เธี้ยว เญย สี่. นิ่น บั๋ว เหมียด เมี่ยน วั้ว เต้า ฟิน-เมี่ยน, “เก๋า อ๊ะ! ฮล้วด เม่ย เญย ปั์ว ม่าะ!” วั้ว หฒั่น เฒี้ยว เญย ฟิน-เมี่ยน โซ้ว เจี๊ยน เยียม เยบุด เมี่ยน, อาลาวนา,#21:15 เยียม น้าย 21 ฒาง เญย เหฒีย เหยี่ยม ม่าย อาลาวนา วั้ว นอม บั๋ว. น้าย นอม บั๋ว หฒิว ฮิบลู หว่า ก๊อง โอลานัน. เซ ต้ง อาลาวนา วั้ว นอม บั๋ว มป่า กั้น หญู่ง ธ้วด เฉีย ฮนั้ง. เญย เบ๊าะ เบย้า เธี้ยง.
16ดาวิด เธา เฮมียน หมั่ง, ปวัด เฒี้ยว เญย ฟิน-เมี่ยน เยียม ลู่ง เหธา เดา บุด๋ง. ปั์ว นั้น เจี๊ยน แปง ธ้วด ไพ้ เญย หฑุ ด๊าว ซูง เจี์ย เยลูซาเลม กู้ หงว่าย. วั้ว หฒั่น ดาวิด เหธา เมี่ยน โก๋ ฒุ เจี๊ยน ล่าม่า เดีย-โธว บ๊าบ เหฌี่ย เฮมียน เถา เดา.
17ดาวิด ก๊อง บั๋ว ทิน-ฮู่ง, “เห่ว ซ้าว แปะ ฝีง เซ ต้ง เยีย ไม้ เฒ์ย? เซ ต้ง เยีย ป์าม ฒุ์ย โหฒว น้าย เต๋ย หว่าย สี่. น้าย เต๋ย ปะกี ยู่ง ไม้ โหฒว หาย หญู่ง. โอ เฒี้ยว, เยีย เญย ทิน-ฮู่ง อ่า, โท้ ปุน เม่ย เญย ปั์ว หฒุ เยีย เหธา เยีย กั้น เญย ฮมวั้ง ต่อย ฮนั้ง. ไม้ ตู๋ง ปุน น้าย เต๋ย ต้ม ววน-แป่ง ห่อย เม่ย เญย แปะ ฝีง อ๊ะ.”
18 เฒี้ยว เญย ฟิน-เมี่ยน บั๋ว กาด, “มี่ง บั๋ว ดาวิด มี่ง เยบุด เมี่ยน, อาลาวนา, เญย เบ๊าะ เบย้า เธี้ยง เหธย นอม เหฒี่ย-ต้อง เหว่ย เฒี้ยว. 19ดาวิด ฯฒฯ หฒิว กาด เต๊ง เฒี้ยว เญย บั๋ว ก๊อง เญย หว่า มี่ง โหฒว.
20อาลาวนา เหธา นิ่น เญย เปยย เต้า ตอน เยียม เบ๊าะ เบย้า เธี้ยง เบ๊าะ เจี๊ยน เบย้า วั้ว หฒั่น, อาลาวนา ฮวิน หฑวน ปวัด วั้ว เต้า ฟิน-เมี่ยน. อาลาวนา เญย เปยย เต้า ตอน ฯฒฯ ปี๋ง หมี่ อ๊ะ. 21อาลาวนา หมั่ง ปวัด ดาวิด หูง เจี๊ยน นิ่น ต้าย, นิ่น ฯฒฯ เยียม เบ๊าะ เบย้า เธี้ยง ธ้วด มี่ง บ๊าบ เหฌี่ย, เฮมียน เถา เดา.
22ดาวิด ก๊อง บั๋ว อาลาวนา, “โท้ เม่ย เฒาะ เม่ย เญย เบ๊าะ เบย้า เธี้ยง เญย เดา หม่าย ปุน เยีย, หย่า หม่าย ปวั๊ง จ๋า-ฒิ่น. เยีย อ๋อย เหว่ย เฒี้ยว เหธย นอม เหฒี่ย-ต้อง ปุน แปะ ฝีง ปุ๊ด น้าย เต๋ย ต้ม ววน-แป่ง ตี้ง.”
23อาลาวนา ก๊อง บั๋ว ดาวิด, “เม่ย กุ๊น หล่ง อ๊ะ. เซว่ย เยีย เญย เฒี้ยว, ฮู่ง เตี๋ย, โหฒว หฒิว เม่ย ปวัด หอบ หฒุ โหฒว เญย. เยีย เฒาะ น้าย เต๋ย ง่ง เหว่ย โหฒว ปั๊ว เหฒี่ย เญย กะน้าย, เฒาะ เบ๊าะ เบย้า เญย จา-สี่ เหว่ย โหฒว ฒ่าง ปั๊ว, หย่า เฒาะ น้าย เต๋ย เบย้า เหว่ย โหฒว ฝ่ง ห่อ เหฒี่ย เญย ล่าง หฒิ. น้าย เต๋ย เหยียด ฒู้ง เยีย ฝูง ปุน เม่ย อ๊ะ.”
24มป่า ดาวิด ก๊อง บั๋ว อาลาวนา, “ไม้ เฒ์ย เหลาะ. อ๋อย หฒุ ปุน ปวั๊ง หม่าย เญย จ๋า-ฒิ่น. เยีย ไม้ หล่ง เม่ย เญย กะน้าย ฝ่ง ห่อ ปุน เฒี้ยว, หย่า ไม้ หล่ง แปะๆ ตุ๊ ต้าย เญย กะน้าย เหว่ย ปั๊ว เหฒี่ย.”
25ดาวิด ฯฒฯ เฑียง เปยย จ้อย เหฒียบ เฝย ลู์ง#21:25 ฮิบลู หว่า ก๊อง 600 เซเขน. เซ เล่ย ไม้ โก 7 กีโล. เจียม ปุน อาลาวนา เหว่ย ม์าย วั้ว นอม ต๋อง เญย เดา. 26ดาวิด ฯฒฯ เยียม หน่าย เหว่ย เฒี้ยว เหธย นอม เหฒี่ย-ต้อง หย่า เหฒี่ย ฝ่ง ห่อ ปั๊ว เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย. นิ่น โท้ เฒี้ยว, เฒี้ยว หย่า เตา นิ่น, ปุน โต์ว เยียม ลู่ง เหฌี่ย ต้าย เยียม ปั๊ว เหฒี่ย เญย กะน้าย เญย เหฒี่ย-ต้อง กู้ หงว่าย.
27 เฒี้ยว ฯฒฯ หัด ฟิน-เมี่ยน, ฟิน-เมี่ยน เฒาะ นิ่น เญย หฑุ ทับ เจี๊ยน ไพ้.
28วั้ว หฒั่น ดาวิด ปวัด เฒี้ยว เยียม เยบุด เมี่ยน, อาลาวนา, เญย เบ๊าะ เบย้า เธี้ยง เตา นิ่น, นิ่น ฯฒฯ เยียม วั้ว เฒาะ กะน้าย ฝ่ง ห่อ เหฒี่ย. 29โมเซ เยียม เต่ย-ปูง-ฮวาง โหฒว หฒั่ง เฒี้ยว เญย ด๊บ-ลิ่ว เหธา ปั๊ว เหฒี่ย เญย กะน้าย เญย เหฒี่ย-ต้อง เซ เยียม กิเบโอน ฮลัง เญย ต๋อง. 30มป่า ดาวิด ไม้ ไฮ่ มี่ง วั้ว หน่าย ทิน-ฮู่ง เหว่ย หฒุ นิ่น กั้ม เหฑีย เฒี้ยว เญย ฟิน-เมี่ยน เญย หฑุ ด๊าว.
Currently Selected:
1 ฒุ่น ต่อย โต้ว 21: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
