1 ฒุ่น ต่อย โต้ว 20
20
ดาวิด ฮู่ง เบ๊าะ ป่าย ลับบา ฒี่ง
(เป๊ย หมั่ง 2 ซามูเอน 12:26-31)
1เถา ธุน-เกน ฮนอย, ต้ง หฒวัง ฮู่ง เตี๋ย เหยียด เกา ต้อ จุน-แปง ธ้วด มี่ง เบ๊าะ จ๋า เญย เฒี่ยง โห่, โยอาบ ต้อ จุน-แปง ธ้วด มี่ง เบ๊าะ ป่าย อัมโมน เมี่ยน เญย เต่ย-ปูง, แอ๋ง มี่ง เว่ย เจี๊ยน อ๋อย เบ๊าะ ลับบา ฒี่ง. มป่า ดาวิด หธ่อ เยียม เจี๊ยน เยลูซาเลม เญย.#2 ซามูเอน 11:1 โยอาบ แอ๋ง เบ๊าะ ลับบา ฒี่ง แอ๋ง ป่าย หว่าย เหฑ่ง หมี่ อ๊ะ. 2ดาวิด หมวน นิ่น บัว เญย ฮู่ง เตี๋ย#20:2 ฮู่ง เตี๋ย ไฟ มินโคม. เซ โมเล้ก เฒี่ยน. ด๋ง เญย เจียม-นี้ง. น้าย นอม ฮู่ง นี้ง ม่าย เฮนี้ย-ต้าว หญี่ เหฒียบ เยี้ยด จ้อย.#20:2 21 จ้อย ฮิบลู หว่า ก๊อง เหยียด ตะลัน, เซ เล่ย ไม้ โก 34 กีโล. เยียม วั้ว นอม ฮู่ง นี้ง ม่าย นอม จ๋าย ไห่ เญย หละเปย๊ย. เมี่ยน แอ๋ง เฒาะ น้าย นอม ฮู่ง นี้ง ด๋ง เจี๊ยน ดาวิด เญย มฆ้อง. นิ่น หย่า ธ้าง ตุ๊ วั้ว นอม ฒี่ง เญย กะน้าย ธั้ม เญย, 3แอ๋ง ต้อ เยียม ฒี่ง กะญั์ว เญย เมี่ยน ธ้วด ต้าย หัด นิ่น บัว หล่ง เหฌียว, หล่ง พอง เหธา โป๊ว โหฒว กง. ดาวิด หย่า ฟี่ ฮนั้ง เญย โหฒว ปุน อัมโมน เมี่ยน เญย นอมๆ ฒี่ง เญย เมี่ยน. ฆะฮ้า ดาวิด เหธา นิ่น เญย หฒวัง จุน-แปง หฑวน เยลูซาเลม.
เหธา ฟีลิสะเตีย เมี่ยน เบ๊าะ จ๋า
(เป๊ย หมั่ง 2 ซามูเอน 21:18-22)
4โฮ์ ต้าย อิสะลาเอน เมี่ยน เยียม เกเซ ฒี่ง เหธา ฟีลิสะเตีย เมี่ยน เบ๊าะ จ๋า. วั้ว หฒั่น หุซา เมี่ยน, สิบเบไค, ไต๋ เต้า โฮล ฮลัง เมี่ยน เญย เฒ้ย-ฟุน, สิบไป. ฟีลิสะเตีย เมี่ยน หย่า หฒุ เซวย หมี่ อ๊ะ.
5แอ๋ง ม่าย หฑุ่น อิสะลาเอน เมี่ยน เหธา ฟีลิสะเตีย เมี่ยน เบ๊าะ จ๋า, ม่าย จาอี เญย ตอน, เอนฮานัน, ไต๋ กัด เมี่ยน, โกลิอัด,#1 ซามูเอน 17:4-7 เญย โย์ว, ลามี. น้าย เต้า เมี่ยน เญย ธัง-แป๋ง ล่ม เหฑ่น สุย ดั๊ด เดีย เญย ปย๊า โฮล.
6แอ๋ง ม่าย หฑุ่น เยียม กัด ฒี่ง เบ๊าะ จ๋า. เยียม วั้ว ม่าย เต้า โฮล ฮลัง เญย เมี่ยน, เหยียด เจี๊ยะ ปั์ว ม่าย จุ๊ นอม ปั์ว-โด๊ะ, อี เจี๊ยะ ฟี่ ฮนั้ง เญย. เหฒา เหยียด ปูง ม่าย จุ๊ นอม เหฒา-โด๊ะ, อี ปูง ฟี่ ฮนั้ง เญย. เลี่ยม ปั์ว เลี่ยม เหฒา ม่าย หญี่ เหฒียบ เฝย นอม. นิ่น หย่า โหฒว โล์-ฮนอย โฮล ฮลัง เญย เมี่ยน เญย เฒ้ย-ฟุน. 7นิ่น ฮว้วด อิสะลาเอน เมี่ยน วั้ว หฒั่น, ดาวิด เญย ก๋อ, ซิเมอา เญย ตอน, โยนาทาน, ธ้วด มี่ง ไต๋ นิ่น อ๊ะ.
8น้าย เซ เยียม กัด ฒี่ง โฮล ฮลัง เมี่ยน เญย เฒ้ย-ฟุน. นิ่น บัว หฒุ เยียม ดาวิด เหธา นิ่น เญย โปว เญย ปั์ว-เดี๊ย หฒุ ไต๋.
Currently Selected:
1 ฒุ่น ต่อย โต้ว 20: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
