Arumi Tʼangambere
Tʼangambere
Pʼaulo waandikira ajeso a mudzi wa Rumi baruwa yiyi kwamanyisa kukala, wakala udzila kwatsemberera. Lengore rakala niende akasagale phamwenga nao kwa chiwango, kwa aajenge, na chidzako amwavize na charoche cha kwenda itsʼi ya Sipania. Ao ajeso a mudzi wa Rumi, ákala achivoya mutʼu mbalimbali (16:5), viduu vya atʼu okala achifika kati ya mirongo mihahu, na mirongo mitsano. Mumu baruwani ukati unjine, Pʼaulo wakala achigomba kulenga ajeso anzie a Chiyahudi, na ukati unjine wakala achilenga atʼu a makabila manjine okala ni ajeso vivyo nao.
Pʼaulo ariphoalamusa na kwaambira kukala, unaenderera kwavoyera, waandikira kare riro lengo ra baruwa yiyi, ririro ni kwamba, Nguma Mbidzo yinahwambira kukala, Mulungu uphokera atʼu dza enye haki, kwa anamukuluphira Jeso tu. Maneno gaga wagadinira kulaa muyango wa kwanza, hata wa musindikizo. Rakwe rorigomba lwazu-lwazu ni kwamba, atʼu osi, yaani Ayahudi na atʼu a viryomo vyosi, ni adambi. Kwa vivyo, kʼaaidima kukala enye haki mbere za Mulungu kwa kutuwa Shariyaye. Ela Mulungu wangʼaza kwenye Nguma Mbidzo kukala, atʼu unaaphokera dza enye haki kuchirira kumukuluphira Jeso Kʼirisito tu.
Garigo Mumu
Pʼaulo unadzisema na Ngumaye Mbidzo 1:1-17
Kʼakuna yetsʼi ila mbere za Mulungu 1:18-3:20
Mulungu aphokeravyo atʼu dza enye haki 3:21-4:25
Hunapata raha, reri na uzima uphya kwa chifo cha Jeso 5:1-21
Hwavugulwa kulaa dambini 6:1-23
Hwavugulwa kulaa Shariyani ya Musa 7:1-25
Hunapata uzima uphya vivi hutuwavyo Roho wa Mulungu 8:1-39
Mupango wa Mulungu kwa Ayahudi na atʼu a makabila manjine 9:1-11:36
Ajeso anahenzwa adzilavye kumuhikirahikira Mulungu 12:1-15:13
Mipango ya Pʼaulo mwenye 15:14-33
Mwajo wa musindikizo 16:1-27
Currently Selected:
Arumi Tʼangambere: CHIDUR
Highlight
Copy
Compare
Share
Want to have your highlights saved across all your devices? Sign up or sign in