Arumi 11
11
Mulungu kʼarema atʼue oatsagula
1 #
Afil 3:5
Gano godzigagomba, gakale ganaimanisha Mulungu waaricha atʼue? Ngʼo! Vivyo tsʼivyo kamare! Maana, hata mimi Pʼaulo nami ni Mwiziraeli, ni mutʼu wa mudzungu wa Burahemu, na mbari yangu ni ya Benjameni, na Mulungu kʼanirichire. 2Siswi Aiziraeli hwatsagulwa ni Mulungu hangu kʼadzangwe kuumba hata o urumwengu, na Mulungu kʼagalukirwe ni moyo akahurema. Mukale mwimwi kʼamuchimanya chambavyo cho chifungu cha Maandiko ga Mulungu phokala Eliya unavoya Mulungu, mavoyo ga kulalamika kwa Ayahudi? Phapho yiye waamba, 3#1 Afal 19:10, 14“Bwana Mulungu, lola ao adziulaga agomvio, na ávunza-vunza vijajavyo ulavirwapho sadaka, hata ni mimi hichiyangu tu ndimi nisereye, na ananiinza aniulage vivyo mimi nami.” 4#1 Afal 19:18Ela phapho Mulungu achimuudzidza vivi, “Mimi nidzidziikira atʼu helufu fungahe, ario kʼaamumitʼirire mavindi Baali.” 5Ndo, gago gahendekago vivi ganga gago, mana, kuna Aiziraeli achache ario anatiya kwa Mulungu waatsagula kwa mbazize mwenye. 6Na kwahivira ao anatiya kwa mbazi za Mulungu, hʼaya gago kʼagalairirana na gao ahendago. Ela kalapho ni kwa gao ahendago, zingari kukala tsʼi mbazi.
7Ndo kwagwani sambi? Chitʼu ni kwamba, Ayahudi anji átsakula kukala enye haki, na achishindwa. Ela aratʼu achache otsagulwa, áidima kuphokerwa dza enye haki, na o anjine osi achihendwa akale na myoyo mifu. 8#Kʼumb 29:4; Isa 29:10Vivi vinagwa sawa na Maandiko ga Mulungu gaambago,
“Mulungu wayihenda myoyo yao yitsʼimanye utʼu,
waagwira matso kwa atsʼone,
na waafundira masikiro kwa atsʼisikire,
na ao a vivyo hata vivi.”
9 #
Zab 69:22, 23 Mufalume Daudi naye waamba vivi dzulu yao,
“Sherehe zao nazikale muhego kwao,
na tsʼikukʼuu zao za sadaka za kutsinza zigwire.
10Matso gao nagatiywe dziza kwa hata atsʼone,
na naaturiswe ni riki tsʼiku zosi.”
11Ndo sambi, akale ano Ayahudi ákwala na kugwa magwi ga kukala hata kʼaandazuka kahiri? Ngʼo! Vivyo tsʼivyo kamare! Mulungu ao waaricha akwale kwa kuhenda dambi, kwa hata atʼu a makabila manjine o atiye, na phapho Ayahudi aaonere chidzitso hata atiye nao. 12Ndo yo dambi ya Ayahudi ya kurema kukuluphira, yaahenda atʼu a makabila manjine phapha duniani atiye muno. Na o Ayahudi achidzakuluphira, atʼu a makabila manjine phapha duniani andakaza kunoswa muno.
Ayahudi ahusiyanavyo na atʼu a makabila manjine
13Ajeso asena, gaga nigaandikago vivi, bee ninamwandikira mwimwi atʼu a makabila manjine. Mimi Pʼaulo ni muhumwa wa Jeso, na ninamuhikirahikira mwimwi atʼu a makabila manjine. Chisha, nina mumvera na Mulungu kwa yo kazi yangu, 14nichikuluphira kukala, nindaahenda atʼu a chiryomo changu amonere chidzitso, na phapho anjine ao atiye. 15Atʼu a chiryomo changu ariphohenda yiyo dambi yao, Mulungu waarema, na phapho achanza kutseka na atʼu a makabila manjine phapha duniani. Ela Mulungu achidzaaphokera Ayahudi, riro rindakala neno bomu muno hata vindakala dza kwamba ni afadzi áfufulwa kulaa kuzimu. 16Maana, kutuwirizana na dini yehu ya Chiyahudi ni kwamba, mutʼu achilavya chisiku cha kwanza cha mukahe kwa Mulungu, mukahe wosi nikukala utakatifu. Na mizi ya muhi nayo yichitakaswa, muhi wosi nikukala utakatifu.
17Ndo chitʼu ni kwamba, vitai vinjine vya muzeituni wa mundani vyatemwa, na vichihwalwa vitai vya muzeituni wa weruni vichigwizanywa na o muzeituni wa mundani. Mwimwi atʼu a makabila manjine munga dza vivyo vitai vya muzeituni wa weruni, na vivi namwi munapata nguvu kulaa kwa o waziya wa o muzeituni wa mundani. 18Ndo mwimwi mutsʼiaphurye ao Ayahudi anjine otemwa dza vitai. Mwimwi tsʼidziunuleni, mana, kʼamuyipʼa nguvu mizi, hata ni yo mizi ndiyo yimupʼayo nguvu.
19Nikwenda anjine enu akaamba, “Bemba vivyo vitai vyatemwa kwa siswi hugwizanywe.” 20Ni sawa, elako manyani kukala, ao Ayahudi anjine átemwa dza vitai kwa kʼaakuluphirire, na mwimwi mudzikala dza vitai vya o muzeituni wa mundani kwa munakuluphira tu. Ndo rangu nimudinisiraro ni kwamba, mutsʼidziunule mwimwi, ela mogopheni Mulungu. 21Mwimwi muchiricha kukuluphira, Mulungu undamutema dza vitai tu. Maana, yiye waatema dza vitai hata o Ayahudi ario ndio vitai vya o muzeituni wa mundani. 22Ndo munaona vivyo arivyo Mulungu unaahendera atʼu madzo, na vivyo arivyo unaatiya akili atʼu vikali? Mulungu unaatiya akili vikali aratʼu orema kumogopha. Ela mwimwi muchenderera kumukuluphira yiye, hʼa bee undamuhendera madzo. Ela mutsʼiphohenda vivyo, Mulungu undamutema hata mwimwi namwi. 23Ayahudi nao achiuya kukuluphira, andagwizanywa mutʼu mwao mokala, mana, Mulungu unaidima kwaudza kahiri. 24Mwimwi atʼu a makabila manjine mulaako musikako, bee munga dza vitai vya muzeituni uu wa weruni. Ela mwakulaviwa kuko muchigwizanywa muzeitunini wa mundani, utʼu urio tsʼi wa kawaida. Ayahudi nao alaako asikako, ndio vitai vya o muzeituni wa mundani, hata ni vyatemwa tu. Kwa vivyo, ni neno dide muno kwa Mulungu kuvyudza phao muhini.
Mulungu una mbazi na atʼu osi
25Enehu a chijeso, ninamuhenza mumanye ujeri okala pʼindi kʼaumanywa, ela vivi ninamungʼazira kwa hata mutsʼidziunule kwa munadzona mu adzo kuchira Ayahudi. Ujeri nimuhenzao muumanye ni kwamba, Ayahudi anjine andaenderera kurema kukuluphira, hata o atʼu a makabila manjine osi otsagulwa, akale anatawalwa ni Mulungu. 26#Isa 59:20, 21Gachihendeka gago, phapho ndipho Aiziraeli osi andatiya, na vivyo vinagwa sawa na Maandiko ga Mulungu gaambago,
“Mutivyi undalaa Sayuni,
na undausa madambi gosi ga atʼu a mudzungu wa Jakobo.
27 #
Isa 27:9
Na riri lagano rangu nao rindakala richimira
ukati phondaausira dambi zao.”
28Ayahudi ariphorema kukuluphira Nguma Mbidzo, ákala adawa a Mulungu, na vivyo vichimwaviza mwimwi atʼu a makabila manjine. Elako, Ayahudi ndiotsagulwa ni Mulungu kukala, atʼu a mudzungu wao andakala asenae tsʼiku zosi. 29Mulungu kʼagaluza maazoge dzulu ya goapʼa atʼu dza manoso, na golaga kwahendera. 30Mwimwi atʼu a makabila manjine pʼindi mwakala kʼamumogopha Mulungu. Ela vivi Mulungu unamonera mbazi kulairirana na Ayahudi kutsʼamogopha yiye Mulungu. 31Ndo o Ayahudi nao vivi kʼaamogopha Mulungu, kwa hata kulairirana na vivyo monerwavyo mbazi mwimwi, ao nao aonerwe mbazi ni Mulungu. 32Maana, atʼu osi árema kumogopha Mulungu, ndipho naye achiaricha atuwe uo wa kutsʼamogopha, kwa adze aaonere mbazi osi, kala Ayahudi, hebu atʼu a makabila manjine.
Naalikwe muno Mulungu
33 #
Isa 55:8
Ajeso asena, naalikwe muno Mulungu, kwakukala, unaahenza muno atʼu osi, una hekima muno, na unamanya muno gosi. Kʼakuna mutʼu aidimaye kusema wamuziwe, na kʼakuna mutʼu aidimaye kumanya njiraze! 34#Isa 40:13Gago ganagwa sawa na Maandiko ga Mulungu gaambago,
“Kʼakuna mutʼu aidimaye kumanya maazo ga Bwana Mulungu,
hebu kumupʼa utumia.
35 #
Ayu 41:11
Na kʼakuna mutʼu aidimaye kumukopesha utʼu Bwana Mulungu,
kwa hata naye adze ariphwe utʼu uo ni yiye!”
36 #
1 Akor 8:6
Maana, Mulungu ndiyeumba vyosi, yiye ndiye avihendaye vyosi vikaleko, na vyosi vi kuko kwa dzuluye. Ndo Mulungu naalikwe hata kare na kare! Amina.
Currently Selected:
Arumi 11: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Arumi 11
11
Mulungu kʼarema atʼue oatsagula
1 #
Afil 3:5
Gano godzigagomba, gakale ganaimanisha Mulungu waaricha atʼue? Ngʼo! Vivyo tsʼivyo kamare! Maana, hata mimi Pʼaulo nami ni Mwiziraeli, ni mutʼu wa mudzungu wa Burahemu, na mbari yangu ni ya Benjameni, na Mulungu kʼanirichire. 2Siswi Aiziraeli hwatsagulwa ni Mulungu hangu kʼadzangwe kuumba hata o urumwengu, na Mulungu kʼagalukirwe ni moyo akahurema. Mukale mwimwi kʼamuchimanya chambavyo cho chifungu cha Maandiko ga Mulungu phokala Eliya unavoya Mulungu, mavoyo ga kulalamika kwa Ayahudi? Phapho yiye waamba, 3#1 Afal 19:10, 14“Bwana Mulungu, lola ao adziulaga agomvio, na ávunza-vunza vijajavyo ulavirwapho sadaka, hata ni mimi hichiyangu tu ndimi nisereye, na ananiinza aniulage vivyo mimi nami.” 4#1 Afal 19:18Ela phapho Mulungu achimuudzidza vivi, “Mimi nidzidziikira atʼu helufu fungahe, ario kʼaamumitʼirire mavindi Baali.” 5Ndo, gago gahendekago vivi ganga gago, mana, kuna Aiziraeli achache ario anatiya kwa Mulungu waatsagula kwa mbazize mwenye. 6Na kwahivira ao anatiya kwa mbazi za Mulungu, hʼaya gago kʼagalairirana na gao ahendago. Ela kalapho ni kwa gao ahendago, zingari kukala tsʼi mbazi.
7Ndo kwagwani sambi? Chitʼu ni kwamba, Ayahudi anji átsakula kukala enye haki, na achishindwa. Ela aratʼu achache otsagulwa, áidima kuphokerwa dza enye haki, na o anjine osi achihendwa akale na myoyo mifu. 8#Kʼumb 29:4; Isa 29:10Vivi vinagwa sawa na Maandiko ga Mulungu gaambago,
“Mulungu wayihenda myoyo yao yitsʼimanye utʼu,
waagwira matso kwa atsʼone,
na waafundira masikiro kwa atsʼisikire,
na ao a vivyo hata vivi.”
9 #
Zab 69:22, 23 Mufalume Daudi naye waamba vivi dzulu yao,
“Sherehe zao nazikale muhego kwao,
na tsʼikukʼuu zao za sadaka za kutsinza zigwire.
10Matso gao nagatiywe dziza kwa hata atsʼone,
na naaturiswe ni riki tsʼiku zosi.”
11Ndo sambi, akale ano Ayahudi ákwala na kugwa magwi ga kukala hata kʼaandazuka kahiri? Ngʼo! Vivyo tsʼivyo kamare! Mulungu ao waaricha akwale kwa kuhenda dambi, kwa hata atʼu a makabila manjine o atiye, na phapho Ayahudi aaonere chidzitso hata atiye nao. 12Ndo yo dambi ya Ayahudi ya kurema kukuluphira, yaahenda atʼu a makabila manjine phapha duniani atiye muno. Na o Ayahudi achidzakuluphira, atʼu a makabila manjine phapha duniani andakaza kunoswa muno.
Ayahudi ahusiyanavyo na atʼu a makabila manjine
13Ajeso asena, gaga nigaandikago vivi, bee ninamwandikira mwimwi atʼu a makabila manjine. Mimi Pʼaulo ni muhumwa wa Jeso, na ninamuhikirahikira mwimwi atʼu a makabila manjine. Chisha, nina mumvera na Mulungu kwa yo kazi yangu, 14nichikuluphira kukala, nindaahenda atʼu a chiryomo changu amonere chidzitso, na phapho anjine ao atiye. 15Atʼu a chiryomo changu ariphohenda yiyo dambi yao, Mulungu waarema, na phapho achanza kutseka na atʼu a makabila manjine phapha duniani. Ela Mulungu achidzaaphokera Ayahudi, riro rindakala neno bomu muno hata vindakala dza kwamba ni afadzi áfufulwa kulaa kuzimu. 16Maana, kutuwirizana na dini yehu ya Chiyahudi ni kwamba, mutʼu achilavya chisiku cha kwanza cha mukahe kwa Mulungu, mukahe wosi nikukala utakatifu. Na mizi ya muhi nayo yichitakaswa, muhi wosi nikukala utakatifu.
17Ndo chitʼu ni kwamba, vitai vinjine vya muzeituni wa mundani vyatemwa, na vichihwalwa vitai vya muzeituni wa weruni vichigwizanywa na o muzeituni wa mundani. Mwimwi atʼu a makabila manjine munga dza vivyo vitai vya muzeituni wa weruni, na vivi namwi munapata nguvu kulaa kwa o waziya wa o muzeituni wa mundani. 18Ndo mwimwi mutsʼiaphurye ao Ayahudi anjine otemwa dza vitai. Mwimwi tsʼidziunuleni, mana, kʼamuyipʼa nguvu mizi, hata ni yo mizi ndiyo yimupʼayo nguvu.
19Nikwenda anjine enu akaamba, “Bemba vivyo vitai vyatemwa kwa siswi hugwizanywe.” 20Ni sawa, elako manyani kukala, ao Ayahudi anjine átemwa dza vitai kwa kʼaakuluphirire, na mwimwi mudzikala dza vitai vya o muzeituni wa mundani kwa munakuluphira tu. Ndo rangu nimudinisiraro ni kwamba, mutsʼidziunule mwimwi, ela mogopheni Mulungu. 21Mwimwi muchiricha kukuluphira, Mulungu undamutema dza vitai tu. Maana, yiye waatema dza vitai hata o Ayahudi ario ndio vitai vya o muzeituni wa mundani. 22Ndo munaona vivyo arivyo Mulungu unaahendera atʼu madzo, na vivyo arivyo unaatiya akili atʼu vikali? Mulungu unaatiya akili vikali aratʼu orema kumogopha. Ela mwimwi muchenderera kumukuluphira yiye, hʼa bee undamuhendera madzo. Ela mutsʼiphohenda vivyo, Mulungu undamutema hata mwimwi namwi. 23Ayahudi nao achiuya kukuluphira, andagwizanywa mutʼu mwao mokala, mana, Mulungu unaidima kwaudza kahiri. 24Mwimwi atʼu a makabila manjine mulaako musikako, bee munga dza vitai vya muzeituni uu wa weruni. Ela mwakulaviwa kuko muchigwizanywa muzeitunini wa mundani, utʼu urio tsʼi wa kawaida. Ayahudi nao alaako asikako, ndio vitai vya o muzeituni wa mundani, hata ni vyatemwa tu. Kwa vivyo, ni neno dide muno kwa Mulungu kuvyudza phao muhini.
Mulungu una mbazi na atʼu osi
25Enehu a chijeso, ninamuhenza mumanye ujeri okala pʼindi kʼaumanywa, ela vivi ninamungʼazira kwa hata mutsʼidziunule kwa munadzona mu adzo kuchira Ayahudi. Ujeri nimuhenzao muumanye ni kwamba, Ayahudi anjine andaenderera kurema kukuluphira, hata o atʼu a makabila manjine osi otsagulwa, akale anatawalwa ni Mulungu. 26#Isa 59:20, 21Gachihendeka gago, phapho ndipho Aiziraeli osi andatiya, na vivyo vinagwa sawa na Maandiko ga Mulungu gaambago,
“Mutivyi undalaa Sayuni,
na undausa madambi gosi ga atʼu a mudzungu wa Jakobo.
27 #
Isa 27:9
Na riri lagano rangu nao rindakala richimira
ukati phondaausira dambi zao.”
28Ayahudi ariphorema kukuluphira Nguma Mbidzo, ákala adawa a Mulungu, na vivyo vichimwaviza mwimwi atʼu a makabila manjine. Elako, Ayahudi ndiotsagulwa ni Mulungu kukala, atʼu a mudzungu wao andakala asenae tsʼiku zosi. 29Mulungu kʼagaluza maazoge dzulu ya goapʼa atʼu dza manoso, na golaga kwahendera. 30Mwimwi atʼu a makabila manjine pʼindi mwakala kʼamumogopha Mulungu. Ela vivi Mulungu unamonera mbazi kulairirana na Ayahudi kutsʼamogopha yiye Mulungu. 31Ndo o Ayahudi nao vivi kʼaamogopha Mulungu, kwa hata kulairirana na vivyo monerwavyo mbazi mwimwi, ao nao aonerwe mbazi ni Mulungu. 32Maana, atʼu osi árema kumogopha Mulungu, ndipho naye achiaricha atuwe uo wa kutsʼamogopha, kwa adze aaonere mbazi osi, kala Ayahudi, hebu atʼu a makabila manjine.
Naalikwe muno Mulungu
33 #
Isa 55:8
Ajeso asena, naalikwe muno Mulungu, kwakukala, unaahenza muno atʼu osi, una hekima muno, na unamanya muno gosi. Kʼakuna mutʼu aidimaye kusema wamuziwe, na kʼakuna mutʼu aidimaye kumanya njiraze! 34#Isa 40:13Gago ganagwa sawa na Maandiko ga Mulungu gaambago,
“Kʼakuna mutʼu aidimaye kumanya maazo ga Bwana Mulungu,
hebu kumupʼa utumia.
35 #
Ayu 41:11
Na kʼakuna mutʼu aidimaye kumukopesha utʼu Bwana Mulungu,
kwa hata naye adze ariphwe utʼu uo ni yiye!”
36 #
1 Akor 8:6
Maana, Mulungu ndiyeumba vyosi, yiye ndiye avihendaye vyosi vikaleko, na vyosi vi kuko kwa dzuluye. Ndo Mulungu naalikwe hata kare na kare! Amina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in