Arumi 10
10
1Enehu a chijeso, rangu nirihenzaro muno mumo mwangu moyoni, na rodzidina kumuvoya Mulungu ni kukala, ao Ayahudi asena aokoke. 2Mimi ni shaidi wao kukala, ao ana chadi cha kutuwa Mulungu, ela kʼaamanyire njira ya Mulungu. 3Maana, Ayahudi asena kʼaayimanyire yo njira yiahendayo atʼu aphokerwe ni Mulungu dza enye haki. Ndo ao achiudusa yao ya kwahenda akale enye haki, na phapho achikala kʼaakubalire njira ya Mulungu yiahendayo atʼu akale enye haki mbereze. 4Maana, Kʼirisito wagamala gago ga kutsakula kukala enye haki kwa kutuwa Shariya, kwa hata atʼu osi amukuluphirao yiye, aphokerwe ni Mulungu dza enye haki.
Chila mutʼu unaidima kutivywa
5 #
Alaw 18:5
Musa ariphoandika dzulu ya kukala enye haki kwa kutuwa Shariya, waamba vivi, “Yiye mutʼu atuwaye malagizo ga Shariya, undakala na uzima kwa gago.” 6#Kʼumb 30:12-14Ela Maandiko ga Mulungu dzulu ya Mulungu aaphokeravyo atʼu dza enye haki kwa anamukuluphira, ganaamba vivi, “Mutʼu naatsʼidziuze mwakwe moyoni akaamba, ‘Ni ani yendakwenda dzulu mulunguni?’ ” (Yaani kwendamwamba Jeso Kʼirisito adze phapha duniani huripho). 7“Na mutʼu naatsʼidziuze vivyo akaamba, ‘Ni ani yendakwenda kuzimu?’ ” (Yaani kwendamufufula Jeso Kʼirisito kulaa kuzimu). 8Maana, uo udzumbe wa kuphokerwa ni Mulungu dza enye haki, urio siswi hunausumurira, mwimwi munao. Na hata Maandiko ga Mulungu manjine ganaamba, “Neno ri phephi namwi, ri mwenu milomoni na ri mwenu myoyoni.” 9Ndo mutʼu achishuhudiya mwenye mbere za atʼu kukala, Jeso ni Bwana, na akuluphire na moyowe kukala, Mulungu wamufufula Jeso Kʼirisito kulaa kuzimu, undativywa. 10Maana, mutʼu uphokerwa ni Mulungu dza mwenye haki kuchirira kumukuluphira Jeso na moyowe, na utivywa ni Mulungu kuchirira kushuhudiya mbere za atʼu kukala, Jeso ni Bwana. 11#Isa 28:16Vivyo vinagwa sawa na Maandiko ga Mulungu gaambago, “Yendamukuluphira mutʼu yiye, kʼandaifyika.” 12Na maneno gago ga dzulu ya atʼu osi, mana, Mulungu uphokera atʼu osi dza enye haki kuchirira mutʼu mumwenga, kala Muyahudi, hebu mutʼu wa kabila rinjine. Maana, Bwana wa atʼu osi ni mumwenga, na yiye unaahatsʼa muno osi amuvoyao. 13#Joel 2:32Vivyo vinagwa sawa na Maandiko ga Mulungu gaambago, “Chila yendariiha dzina ra Bwana Mulungu, undativywa.”
Aiziraeli kʼaana cha kudzihehera
14Ela ujeri ni kwamba, atʼu kʼaaidima kumuvoya Bwana achikala kʼaadzangwe kumukuluphira. Kʼaaidima kumukuluphira achikala kʼaadzangwe kusikira udzumbe dzuluye. Kʼaaidima kusikira udzumbe dzuluye kuchikala kʼakuna mutʼu wa kwasumurira. 15#Isa 52:7Na udzumbe dzuluye, kʼawidima kusumurirwa achikala atʼu a kuusumurira kʼaahumwa. Ndo ni dza Maandiko ga Mulungu gaambavyo kukala, “Ni neno ra kuhama muno riro ra kureherwa Nguma Mbidzo.” 16#Isa 53:1Ela tsʼi osi oyikubali yo Nguma Mbidzo, mana, hata mugomvi wa Mulungu Isaya waamba, “Mwenyezi Mulungu, ni ani yekuluphira udzumbe wehu?” 17Ndo kufikira phapho, hunaonani kukala, mutʼu ukuluphira kwa usikira udzumbe. Na udzumbe nao kusikirwa, mutʼu niasumurire Nguma Mbidzo dzulu ya Jeso Kʼirisito.
18 #
Zab 19:4
Ndo swali ni, akale ano Ayahudi kʼaayisikirire yo Nguma Mbidzo? Jibure ni kwamba, hakika áyisikira, mana, hata Maandiko ga Mulungu ganaamba,
“Laka rao rigotʼa dunia yosi,
na maneno gao gafika muhadi mwisho wa urumwengu.”
19 #
Kʼumb 32:21
Swali rinjine ni: Vidze, akale Aiziraeli kʼaaelewere? Pho mwanzo Musa waudzidza na maneno gogombwa ni Mulungu achiamba,
“Nindamuhenda muaonere chidzitso atʼu a makabila manjine,
nindamutsukiza kwa kuahumira atʼu a makabila manjine ario kʼaaelewa.”
20 #
Isa 65:1
Na mugomvi wa Mulungu Isaya naye wagomba chilachu maneno gogombwa ni Mulungu kukala,
“Mimi názumbulwa ni atʼu okala kʼaanitsakula,
náalairira atʼu okala hata kʼaaniuzira.”
21 #
Isa 65:2
Ela dzulu ya Ayahudi, Mulungu wagomba kuchirira yiye Isaya achiamba,
“Násinda dii kuagolosera mikono yangu atʼu oasi,
ela ao kʼaanogophere, na ánipinga.”
Currently Selected:
Arumi 10: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Arumi 10
10
1Enehu a chijeso, rangu nirihenzaro muno mumo mwangu moyoni, na rodzidina kumuvoya Mulungu ni kukala, ao Ayahudi asena aokoke. 2Mimi ni shaidi wao kukala, ao ana chadi cha kutuwa Mulungu, ela kʼaamanyire njira ya Mulungu. 3Maana, Ayahudi asena kʼaayimanyire yo njira yiahendayo atʼu aphokerwe ni Mulungu dza enye haki. Ndo ao achiudusa yao ya kwahenda akale enye haki, na phapho achikala kʼaakubalire njira ya Mulungu yiahendayo atʼu akale enye haki mbereze. 4Maana, Kʼirisito wagamala gago ga kutsakula kukala enye haki kwa kutuwa Shariya, kwa hata atʼu osi amukuluphirao yiye, aphokerwe ni Mulungu dza enye haki.
Chila mutʼu unaidima kutivywa
5 #
Alaw 18:5
Musa ariphoandika dzulu ya kukala enye haki kwa kutuwa Shariya, waamba vivi, “Yiye mutʼu atuwaye malagizo ga Shariya, undakala na uzima kwa gago.” 6#Kʼumb 30:12-14Ela Maandiko ga Mulungu dzulu ya Mulungu aaphokeravyo atʼu dza enye haki kwa anamukuluphira, ganaamba vivi, “Mutʼu naatsʼidziuze mwakwe moyoni akaamba, ‘Ni ani yendakwenda dzulu mulunguni?’ ” (Yaani kwendamwamba Jeso Kʼirisito adze phapha duniani huripho). 7“Na mutʼu naatsʼidziuze vivyo akaamba, ‘Ni ani yendakwenda kuzimu?’ ” (Yaani kwendamufufula Jeso Kʼirisito kulaa kuzimu). 8Maana, uo udzumbe wa kuphokerwa ni Mulungu dza enye haki, urio siswi hunausumurira, mwimwi munao. Na hata Maandiko ga Mulungu manjine ganaamba, “Neno ri phephi namwi, ri mwenu milomoni na ri mwenu myoyoni.” 9Ndo mutʼu achishuhudiya mwenye mbere za atʼu kukala, Jeso ni Bwana, na akuluphire na moyowe kukala, Mulungu wamufufula Jeso Kʼirisito kulaa kuzimu, undativywa. 10Maana, mutʼu uphokerwa ni Mulungu dza mwenye haki kuchirira kumukuluphira Jeso na moyowe, na utivywa ni Mulungu kuchirira kushuhudiya mbere za atʼu kukala, Jeso ni Bwana. 11#Isa 28:16Vivyo vinagwa sawa na Maandiko ga Mulungu gaambago, “Yendamukuluphira mutʼu yiye, kʼandaifyika.” 12Na maneno gago ga dzulu ya atʼu osi, mana, Mulungu uphokera atʼu osi dza enye haki kuchirira mutʼu mumwenga, kala Muyahudi, hebu mutʼu wa kabila rinjine. Maana, Bwana wa atʼu osi ni mumwenga, na yiye unaahatsʼa muno osi amuvoyao. 13#Joel 2:32Vivyo vinagwa sawa na Maandiko ga Mulungu gaambago, “Chila yendariiha dzina ra Bwana Mulungu, undativywa.”
Aiziraeli kʼaana cha kudzihehera
14Ela ujeri ni kwamba, atʼu kʼaaidima kumuvoya Bwana achikala kʼaadzangwe kumukuluphira. Kʼaaidima kumukuluphira achikala kʼaadzangwe kusikira udzumbe dzuluye. Kʼaaidima kusikira udzumbe dzuluye kuchikala kʼakuna mutʼu wa kwasumurira. 15#Isa 52:7Na udzumbe dzuluye, kʼawidima kusumurirwa achikala atʼu a kuusumurira kʼaahumwa. Ndo ni dza Maandiko ga Mulungu gaambavyo kukala, “Ni neno ra kuhama muno riro ra kureherwa Nguma Mbidzo.” 16#Isa 53:1Ela tsʼi osi oyikubali yo Nguma Mbidzo, mana, hata mugomvi wa Mulungu Isaya waamba, “Mwenyezi Mulungu, ni ani yekuluphira udzumbe wehu?” 17Ndo kufikira phapho, hunaonani kukala, mutʼu ukuluphira kwa usikira udzumbe. Na udzumbe nao kusikirwa, mutʼu niasumurire Nguma Mbidzo dzulu ya Jeso Kʼirisito.
18 #
Zab 19:4
Ndo swali ni, akale ano Ayahudi kʼaayisikirire yo Nguma Mbidzo? Jibure ni kwamba, hakika áyisikira, mana, hata Maandiko ga Mulungu ganaamba,
“Laka rao rigotʼa dunia yosi,
na maneno gao gafika muhadi mwisho wa urumwengu.”
19 #
Kʼumb 32:21
Swali rinjine ni: Vidze, akale Aiziraeli kʼaaelewere? Pho mwanzo Musa waudzidza na maneno gogombwa ni Mulungu achiamba,
“Nindamuhenda muaonere chidzitso atʼu a makabila manjine,
nindamutsukiza kwa kuahumira atʼu a makabila manjine ario kʼaaelewa.”
20 #
Isa 65:1
Na mugomvi wa Mulungu Isaya naye wagomba chilachu maneno gogombwa ni Mulungu kukala,
“Mimi názumbulwa ni atʼu okala kʼaanitsakula,
náalairira atʼu okala hata kʼaaniuzira.”
21 #
Isa 65:2
Ela dzulu ya Ayahudi, Mulungu wagomba kuchirira yiye Isaya achiamba,
“Násinda dii kuagolosera mikono yangu atʼu oasi,
ela ao kʼaanogophere, na ánipinga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in