Arumi 12
12
Hunahenzwa hudzilavye humuhumikire Mulungu
1Enehu a chijeso, mwimwi mudzona vivyo arivyo Mulungu wamonera mbazi muno. Ndo ninamuvoya mudzilavye kwa Mulungu mwimwi enye mwiri dza sadaka, kwa kudzilavya kumuhumikira yiye tu, na kwa kuhenda gago gamuhamirago yiye tu. Vivi ndivyo huhenzwavyo kumuvoya Mulungu. 2Mwimwi muricheni Mulungu agaluze genu ga myoyoni, kwa mwidime kumanya vyenye henzo ra Mulungu, yaani maneno madzo, maneno gamuhamirago yiye, na maneno gotsʼi ila yoyosi. Ela mutsʼituwe maneno gahendwago ni atʼu a chidunia.
3Mulungu mimi wanitsagula nikale muhumwa wa Jeso Kʼirisito kwa mbazize mwenye. Kwa vivyo, ninamukanya mosi kukala, mutsʼidzone mu abomu. Mwimwi dzitsukulireni na vivyo vyenu vyenye murivyo, vivyo arivyo Mulungu wamupʼa chila mumwenga wenu kutuwirizana na kuluphirore. 4#1 Akor 12:12Maana, hata yiyi miiri yehu yina vilungo vinji, ela chila chilungo china kaziye. 5Ndo dza siswi ajeso naswi. Siswi hu anji, ela hu mwiri umwenga, kwa Jeso Kʼirisito. Na chila mumwenga wehu ni chilungo cha o mwiri, na nihugwiraneni phamwenga ndipho huhendeni kazi zosi chividzo. 6#1 Akor 12:4-11Ndo hosini hwahewa vipaji tafauti-tafauti ni Mulungu kwa mbazize mwenye. Kwa vivyo, yehewa cha kugomba udzumbe wa Mulungu, naagombe ukati achikala unakuluphira kukala, Mulungu unagomba kuchirira yiye. 7Yehewa chipaji cha kwahikirahikira anjine, naahikirehikire chividzo. Yehewa chipaji cha kufunza, naafunze chividzo. 8Na yehewa chipaji cha kwatiya moyo anjine, naatiye moyo. Yehewa chipaji cha moyo wa kulavya, naalavye na moyo umwenga. Yehewa chipaji cha ulongozi, naahende vyakwe vyosi aidimavyo alongoze chividzo, na yehewa chipaji cha kwaaviza anjine, naavize na nyemi.
Kuhenzana
9Ajeso asena, ahenzeni atʼu jeri photsʼi ulumakwiri. Mwimwi menani kuhenda mai, na mugwiririre wa kuhenda madzo. 10Mwimwi henzanani dza ndugu mwenga, na chila mutʼu naatsʼidzone ni chitʼu, naamone yiye munziwe ni chitʼu. 11Mwimwi tsʼikaleni akaha, ela muhikirenihikireni Bwana na myoyo yenu yosi. 12Mwimwi hamirwani kwa gago genu mulolerago kugapata kwa Bwana. Muchigwirwa ni shenene, mwi vumirirani, na voyani tsʼiku zosi. 13Enye navyo, naapʼe ajeso ario ana haja, na apigeni karibu ajeni mwenu midzini.
14 #
Mat 5:44; Luk 6:28 Avoyereni madzo ao amuhenderao mauku. Ao tsʼialaphizeni, hata mwi tuwani wa kwavoyera madzo tu. 15Atʼu achikala anahamirwa, hamirwani phamwenga nao. Na achikala anashononeka, shononekani phamwenga nao. 16#Ndar 3:7Mwimwi erekezanani, tsʼidziunuleni, na tsʼidzoneni mu abomu, hata mwi agwireni usena aratʼu atʼu a tsʼini.
17Mutʼu achimuhendera mai, tsʼimuripheni mai, itsʼiphokala, mwi tuwani wa kuhenda maneno gaonewago ni chila mutʼu ni madzo. 18Vichiidimikika, hendani vyenu vyosi mwidimavyo, musagale na reri na atʼu osi. 19#Kʼumb 32:35Ajeso asena nimuhenzao, mutʼu achimukosa, tsʼidziriphizeni. Yiye muricheni tu, na Mulungu undamona. Maana, hata Mulungu mwenye mumo mwakwe Maandikoni waamba,
“Ga kuriphiza chisasi ni gangu,
mimi nindadziriphiza.”
20 #
Ndar 25:21, 22 Ndo tsʼidziriphizeni, hata mwi tuwani gaga Maandiko ga Mulungu gaambago,
“Mudawao achikala una nzala, mupʼe leu arye.
Achikala una chʼiru, mupʼe madzi anwe,
mana, uchihenda vivyo,
undakala ni dza kwamba udzimubandikira
makala ga moho mwakwe chitswani.”
21Mwimwi mutsʼikubali kushindwa ni gago mai, ela mai gashindeni kwa kuhenda madzo.
Currently Selected:
Arumi 12: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Arumi 12
12
Hunahenzwa hudzilavye humuhumikire Mulungu
1Enehu a chijeso, mwimwi mudzona vivyo arivyo Mulungu wamonera mbazi muno. Ndo ninamuvoya mudzilavye kwa Mulungu mwimwi enye mwiri dza sadaka, kwa kudzilavya kumuhumikira yiye tu, na kwa kuhenda gago gamuhamirago yiye tu. Vivi ndivyo huhenzwavyo kumuvoya Mulungu. 2Mwimwi muricheni Mulungu agaluze genu ga myoyoni, kwa mwidime kumanya vyenye henzo ra Mulungu, yaani maneno madzo, maneno gamuhamirago yiye, na maneno gotsʼi ila yoyosi. Ela mutsʼituwe maneno gahendwago ni atʼu a chidunia.
3Mulungu mimi wanitsagula nikale muhumwa wa Jeso Kʼirisito kwa mbazize mwenye. Kwa vivyo, ninamukanya mosi kukala, mutsʼidzone mu abomu. Mwimwi dzitsukulireni na vivyo vyenu vyenye murivyo, vivyo arivyo Mulungu wamupʼa chila mumwenga wenu kutuwirizana na kuluphirore. 4#1 Akor 12:12Maana, hata yiyi miiri yehu yina vilungo vinji, ela chila chilungo china kaziye. 5Ndo dza siswi ajeso naswi. Siswi hu anji, ela hu mwiri umwenga, kwa Jeso Kʼirisito. Na chila mumwenga wehu ni chilungo cha o mwiri, na nihugwiraneni phamwenga ndipho huhendeni kazi zosi chividzo. 6#1 Akor 12:4-11Ndo hosini hwahewa vipaji tafauti-tafauti ni Mulungu kwa mbazize mwenye. Kwa vivyo, yehewa cha kugomba udzumbe wa Mulungu, naagombe ukati achikala unakuluphira kukala, Mulungu unagomba kuchirira yiye. 7Yehewa chipaji cha kwahikirahikira anjine, naahikirehikire chividzo. Yehewa chipaji cha kufunza, naafunze chividzo. 8Na yehewa chipaji cha kwatiya moyo anjine, naatiye moyo. Yehewa chipaji cha moyo wa kulavya, naalavye na moyo umwenga. Yehewa chipaji cha ulongozi, naahende vyakwe vyosi aidimavyo alongoze chividzo, na yehewa chipaji cha kwaaviza anjine, naavize na nyemi.
Kuhenzana
9Ajeso asena, ahenzeni atʼu jeri photsʼi ulumakwiri. Mwimwi menani kuhenda mai, na mugwiririre wa kuhenda madzo. 10Mwimwi henzanani dza ndugu mwenga, na chila mutʼu naatsʼidzone ni chitʼu, naamone yiye munziwe ni chitʼu. 11Mwimwi tsʼikaleni akaha, ela muhikirenihikireni Bwana na myoyo yenu yosi. 12Mwimwi hamirwani kwa gago genu mulolerago kugapata kwa Bwana. Muchigwirwa ni shenene, mwi vumirirani, na voyani tsʼiku zosi. 13Enye navyo, naapʼe ajeso ario ana haja, na apigeni karibu ajeni mwenu midzini.
14 #
Mat 5:44; Luk 6:28 Avoyereni madzo ao amuhenderao mauku. Ao tsʼialaphizeni, hata mwi tuwani wa kwavoyera madzo tu. 15Atʼu achikala anahamirwa, hamirwani phamwenga nao. Na achikala anashononeka, shononekani phamwenga nao. 16#Ndar 3:7Mwimwi erekezanani, tsʼidziunuleni, na tsʼidzoneni mu abomu, hata mwi agwireni usena aratʼu atʼu a tsʼini.
17Mutʼu achimuhendera mai, tsʼimuripheni mai, itsʼiphokala, mwi tuwani wa kuhenda maneno gaonewago ni chila mutʼu ni madzo. 18Vichiidimikika, hendani vyenu vyosi mwidimavyo, musagale na reri na atʼu osi. 19#Kʼumb 32:35Ajeso asena nimuhenzao, mutʼu achimukosa, tsʼidziriphizeni. Yiye muricheni tu, na Mulungu undamona. Maana, hata Mulungu mwenye mumo mwakwe Maandikoni waamba,
“Ga kuriphiza chisasi ni gangu,
mimi nindadziriphiza.”
20 #
Ndar 25:21, 22 Ndo tsʼidziriphizeni, hata mwi tuwani gaga Maandiko ga Mulungu gaambago,
“Mudawao achikala una nzala, mupʼe leu arye.
Achikala una chʼiru, mupʼe madzi anwe,
mana, uchihenda vivyo,
undakala ni dza kwamba udzimubandikira
makala ga moho mwakwe chitswani.”
21Mwimwi mutsʼikubali kushindwa ni gago mai, ela mai gashindeni kwa kuhenda madzo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in