Sirac 39
39
1Kundi lain hini an tawo nga nag-alagad han iya kalugaringon hin pag-aram han Balaod han Gihahataasi. Ginsususi niya an kinaadman han ngatanan nga mga baraan nga magsusurat ngan gin-aadman niya an mga panagna. 2Ginsasag-ulo niya an mga pinamulong han mga bantogan nga tawo ngan maupay hiya maghubad han mga pananglitan. 3Gin-aadman niya an mga tinago nga butang han mga darahonon ngan nakakahimo hiya hin paghimangraw han mga diri masayunay hisabotan nga bahin han mga pananglitan. 4Natawag ha iya an mga dagko nga pagkatawo basi makabulig hiya ha ira ngan hinkikit-an hiya nga kaupod hadton mga pangulo. Napakadto hiya ha mga langyaw nga tuna basi la hiya mahibaro mahitungod han kaupayan ug karat-an han tawo. 5Nababatasan niya in pagmata ngan pagbuhat nga sayo pa ngan pag-ampo hin dako nga tingog ngadto han Ginoo, iya Magburuhat, pangaro han Gihahataasi nga pasayloon an iya mga sala. 6Kon karuyag han gamhanan nga Ginoo, pupun-an hiya hin sarabotan. Ipapagawas niya in damo nga mga makinaadmananon nga mga pulong ngan magpapasalamat hiya han Ginoo dida han iya pag-ampo. 7May-ada niya hibaro nga ipapaangbit ngan maupay nga sagdon nga ihahatag, sugad man nga may-ada niya pakasabot han mga tinagoan han Ginoo. 8Ipapakita niya an iya hinbaroan dida han iya pagtutdo#39:8 an iya hinbabaroan…pagtutdo; o an kinaadman han igintutdo ha iya. ngan an iya parayaw aada han Balaod han Ginoo ug an Ginsaaran. 9Dadayawon hiya han ngatanan tungod han iya kinaadman ngan diri ini mawawara tungod kay an mga tawo han tiarabot nga katulinan mahinunumdom ha iya. 10Maghihinabi an mga Hentil mahitungod han iya kinaadman ngan pagdadayawon hiya hin makusog nga tingog didto han katirok. 11Kon mabuhi hiya tubtob hin kalagas, mapatay hiya nga bantogan nga tawo, kundi kon ilubong hiya nga diri pa hiya bantogan, igo na ini para ha iya.#39:11 kon ilubong…ha iya; diri klaro ha Griego.
Usa nga Imno ha Pagdayaw han Dyos
12Sugad han bulan, bug-os ako—puno hin damo nga mga panhunahuna nga kinahanglan paghirohimangrawan. 13Pamati kamo ha akon, kamo nga akon mga madasigon nga anak, ngan pamuklad kamo sugad han tanom nga rosal ha pangpang han sapa. 14Pamuklad kamo sugad han mahamot nga lirio ngan luoba an hangin han iyo kahamot sugad hin insyenso. Pagkanta han mga pagdayaw han Ginoo ngan pagpasalamati hiya tungod han ngatanan nga iya ginbuhat. 15Ipasangyaw an iya himaya dida hin mapasinalamaton nga pagdayaw! Dinuyogan han tokar han arpa, pagkanta hini nga awit:
16An ngatanan nga ginbuhat han Dyos maupay hin duro;
an ngatanan nga iya sugo, ha maiha o madali, natuman.
17Waray bisan hin-o in magpakiana kay ano nga amo man ini an mga butang;
babatunon ini nga mga pakiana kon umabot na an igo nga panahon.
Nagsugo hiya ngan an tubig hitaas an pagtambak,
dagko nga mga pader hin tubig pinmakita han iya pagyakan.
18Bisan ano an iya igsugo, natutuman dayon;
waray katubtoban an iya gahom hin pagtalwas.
19Nakita hiya han ngatanan nga ginbubuhat han mga tawo,
waray paagi hin pagtago ha iya atubangan.
20Nakita hiya han kabug-osan han panahon,
tikang ha tinikangan ngadto ha kataposan,
ngan waray butang nga makakapahiburong ha iya.#39:20 makakapahiburong ha iya; o makatitingala gud para ha iya.
21Waray bisan hin-o in magpakiana
kay ano nga amo man ini an mga butang;
an ngatanan nga mga binuhat may-ada tuyo.
22Nalapwas an iya mga bendisyon sugad han Nilo,
nga nagpapakaupay han kalibutan pinaagi hin nakakalangbo nga baha.#39:22 Ha Hebreo, Nalapwas an iya…nga baha; ha Griego, linalapwas an kamad-an sugad hin salog ngan napapahuroman ito sugad hin baha.
23Ginhimo niya nga maasin an tubig nga matab-ang,
ngan ipinadapat an iya kasina ngadto han mga nasod.
24Para hadton mga mag-inampoon, matadong an iya mga dalan,
para hadton magraogdaog, binutangan ini hin mga bitik.
25Tikang ha tinikangan naghimo hiya hin mag-upay nga mga butang para hadton mga mag-upay,
ngan mga makalilisang nga mga butang para hadton mga makasasala.
26An una nga mga kinahanglan han kinabuhi amo ini:
tubig, kalayo, puthaw ug asin,
arina, dugos, ngan gatas,
bino, bado, ngan lana.
27Ini ngatanan nga mga butang mag-upay para hadton mga mainampoon,
kundi mahihimo ini nga magraot para hadton mga makasasala.
28May-ada mga hangin nga ginbuhat basi magdara hin sirot,
makusog kaupay hin pagbantad hin kabukiran.#39:28 Ha Hebreo, pagbantad han kabukiran; ha Griego, paglatob hin makusog.
Ha panahon hin paghukom, binubul-iwan nira an ira kusog,
ngan pinapahugpoy nira an kasina han ira magburuhat.
29-30An magpintas nga mga mananap, mga bungad ug mga halas,
ngan espada nga nagpuo han mga magraogdaog;
an kalayo, uranos hin yelo, gutom, ug sakit;
ginbuhat ini ngatanan basi gamiton hin pagsirot.
31Ini ngatanan malipayon hira hin pagsugot han sugo han Ginoo
ngan andam ini hira hin pag-alagad ha iya dinhe ha tuna;
kon an pagtuman han ira buhat naabot,
diri gud hira nasupak.
(32Naiha na nga natoo ako hini, sanglit kahuman ko hin paghunahuna hini, akon ini ginsurat.#39:32 ginsurat; o ginbayaan.)
33An ngatanan nga mga binuhat han Ginoo mag-upay;
gintutuman an ngatanan nga kinahanglanon ha igo nga panahon.
34Waray may makakasiring nga may-ada mga butang nga maraot-raot kay han iba,
kay an ngatanan mag-upay ha iya dida han iya kalugaringon nga dapit.
35Sanglit yana, pagkanta kamo hin pagdayaw ha bug-os niyo nga kasingkasing,
ngan dayawa niyo an ngaran han Ginoo!
Currently Selected:
Sirac 39: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 39
39
1Kundi lain hini an tawo nga nag-alagad han iya kalugaringon hin pag-aram han Balaod han Gihahataasi. Ginsususi niya an kinaadman han ngatanan nga mga baraan nga magsusurat ngan gin-aadman niya an mga panagna. 2Ginsasag-ulo niya an mga pinamulong han mga bantogan nga tawo ngan maupay hiya maghubad han mga pananglitan. 3Gin-aadman niya an mga tinago nga butang han mga darahonon ngan nakakahimo hiya hin paghimangraw han mga diri masayunay hisabotan nga bahin han mga pananglitan. 4Natawag ha iya an mga dagko nga pagkatawo basi makabulig hiya ha ira ngan hinkikit-an hiya nga kaupod hadton mga pangulo. Napakadto hiya ha mga langyaw nga tuna basi la hiya mahibaro mahitungod han kaupayan ug karat-an han tawo. 5Nababatasan niya in pagmata ngan pagbuhat nga sayo pa ngan pag-ampo hin dako nga tingog ngadto han Ginoo, iya Magburuhat, pangaro han Gihahataasi nga pasayloon an iya mga sala. 6Kon karuyag han gamhanan nga Ginoo, pupun-an hiya hin sarabotan. Ipapagawas niya in damo nga mga makinaadmananon nga mga pulong ngan magpapasalamat hiya han Ginoo dida han iya pag-ampo. 7May-ada niya hibaro nga ipapaangbit ngan maupay nga sagdon nga ihahatag, sugad man nga may-ada niya pakasabot han mga tinagoan han Ginoo. 8Ipapakita niya an iya hinbaroan dida han iya pagtutdo#39:8 an iya hinbabaroan…pagtutdo; o an kinaadman han igintutdo ha iya. ngan an iya parayaw aada han Balaod han Ginoo ug an Ginsaaran. 9Dadayawon hiya han ngatanan tungod han iya kinaadman ngan diri ini mawawara tungod kay an mga tawo han tiarabot nga katulinan mahinunumdom ha iya. 10Maghihinabi an mga Hentil mahitungod han iya kinaadman ngan pagdadayawon hiya hin makusog nga tingog didto han katirok. 11Kon mabuhi hiya tubtob hin kalagas, mapatay hiya nga bantogan nga tawo, kundi kon ilubong hiya nga diri pa hiya bantogan, igo na ini para ha iya.#39:11 kon ilubong…ha iya; diri klaro ha Griego.
Usa nga Imno ha Pagdayaw han Dyos
12Sugad han bulan, bug-os ako—puno hin damo nga mga panhunahuna nga kinahanglan paghirohimangrawan. 13Pamati kamo ha akon, kamo nga akon mga madasigon nga anak, ngan pamuklad kamo sugad han tanom nga rosal ha pangpang han sapa. 14Pamuklad kamo sugad han mahamot nga lirio ngan luoba an hangin han iyo kahamot sugad hin insyenso. Pagkanta han mga pagdayaw han Ginoo ngan pagpasalamati hiya tungod han ngatanan nga iya ginbuhat. 15Ipasangyaw an iya himaya dida hin mapasinalamaton nga pagdayaw! Dinuyogan han tokar han arpa, pagkanta hini nga awit:
16An ngatanan nga ginbuhat han Dyos maupay hin duro;
an ngatanan nga iya sugo, ha maiha o madali, natuman.
17Waray bisan hin-o in magpakiana kay ano nga amo man ini an mga butang;
babatunon ini nga mga pakiana kon umabot na an igo nga panahon.
Nagsugo hiya ngan an tubig hitaas an pagtambak,
dagko nga mga pader hin tubig pinmakita han iya pagyakan.
18Bisan ano an iya igsugo, natutuman dayon;
waray katubtoban an iya gahom hin pagtalwas.
19Nakita hiya han ngatanan nga ginbubuhat han mga tawo,
waray paagi hin pagtago ha iya atubangan.
20Nakita hiya han kabug-osan han panahon,
tikang ha tinikangan ngadto ha kataposan,
ngan waray butang nga makakapahiburong ha iya.#39:20 makakapahiburong ha iya; o makatitingala gud para ha iya.
21Waray bisan hin-o in magpakiana
kay ano nga amo man ini an mga butang;
an ngatanan nga mga binuhat may-ada tuyo.
22Nalapwas an iya mga bendisyon sugad han Nilo,
nga nagpapakaupay han kalibutan pinaagi hin nakakalangbo nga baha.#39:22 Ha Hebreo, Nalapwas an iya…nga baha; ha Griego, linalapwas an kamad-an sugad hin salog ngan napapahuroman ito sugad hin baha.
23Ginhimo niya nga maasin an tubig nga matab-ang,
ngan ipinadapat an iya kasina ngadto han mga nasod.
24Para hadton mga mag-inampoon, matadong an iya mga dalan,
para hadton magraogdaog, binutangan ini hin mga bitik.
25Tikang ha tinikangan naghimo hiya hin mag-upay nga mga butang para hadton mga mag-upay,
ngan mga makalilisang nga mga butang para hadton mga makasasala.
26An una nga mga kinahanglan han kinabuhi amo ini:
tubig, kalayo, puthaw ug asin,
arina, dugos, ngan gatas,
bino, bado, ngan lana.
27Ini ngatanan nga mga butang mag-upay para hadton mga mainampoon,
kundi mahihimo ini nga magraot para hadton mga makasasala.
28May-ada mga hangin nga ginbuhat basi magdara hin sirot,
makusog kaupay hin pagbantad hin kabukiran.#39:28 Ha Hebreo, pagbantad han kabukiran; ha Griego, paglatob hin makusog.
Ha panahon hin paghukom, binubul-iwan nira an ira kusog,
ngan pinapahugpoy nira an kasina han ira magburuhat.
29-30An magpintas nga mga mananap, mga bungad ug mga halas,
ngan espada nga nagpuo han mga magraogdaog;
an kalayo, uranos hin yelo, gutom, ug sakit;
ginbuhat ini ngatanan basi gamiton hin pagsirot.
31Ini ngatanan malipayon hira hin pagsugot han sugo han Ginoo
ngan andam ini hira hin pag-alagad ha iya dinhe ha tuna;
kon an pagtuman han ira buhat naabot,
diri gud hira nasupak.
(32Naiha na nga natoo ako hini, sanglit kahuman ko hin paghunahuna hini, akon ini ginsurat.#39:32 ginsurat; o ginbayaan.)
33An ngatanan nga mga binuhat han Ginoo mag-upay;
gintutuman an ngatanan nga kinahanglanon ha igo nga panahon.
34Waray may makakasiring nga may-ada mga butang nga maraot-raot kay han iba,
kay an ngatanan mag-upay ha iya dida han iya kalugaringon nga dapit.
35Sanglit yana, pagkanta kamo hin pagdayaw ha bug-os niyo nga kasingkasing,
ngan dayawa niyo an ngaran han Ginoo!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984