Sirac 38
38
An Sakit ug an Tambal
1Ihatag ha mga doktor an dungog nga angay ha ira kay an Ginoo amo an naghatag ha ira han ira pagbubuhaton#38:1 Ha Hebreo, naghatag…pagbubuhaton; ha Griego, nagtuha ha ira. 2Natikang han Gihahataasi an ira ahibaro ngan nagbalos ha ira an mga hadi tungod hini. 3Naghatag ha ira an ira hibaro hin usa nga importante nga katungdanan ngan hitaas an pagtahod ha ira han mga gamhanan nga mga tawo.
4Nagbuhat an Ginoo hin mga tanom nga makakatambal dinhe ha tuna ngan an tawo nga maupay an pamurubuot diri maghihialang hin paggamit hini nga mga tambal. 5Diri ba hadto may-ada usa nga kahoy nga nakahimo hin pagpait han tubig basi imnon nga tambal ngan dida makapakita han gahom han Ginoo?#38:5 han gahom han Ginoo; o an nakakatambal nga mga kinaiya hini. 6Ihinatag niya in hibaro hin pagtambal ngadto hin mga tawo basi pagdayawon naton hiya tungod han mga milagro nga iya nabuhat. 7-8Ginsasalagrakot ini nga mga tambal han parmasyutiko ngan ginagamit ini nga mga tambal han doktor hin pag-upay hin mga sakit ug pagpagaan han mga mag-ul-ol. Waray pagkatapos an mga buhat han Ginoo nga nahatag hin maupay nga panlawas han mga tawo han kalibutan.
9Anak, kon masakit ka, ayaw ini pagpasibay-i. Pag-ampo han Ginoo ngan tatambalon ka niya. 10Ikompisal an ngatanan mo nga sala ngan may-ada ka paglaom nga ha orhe nga mga adlaw mag-uokoy ka hin matadong nga kinabuhi. 11Paghalad hin insyenso ug inani nga pugas nga halad, an gimamaupayi sugad han imo mahimo.#38:11 Ha Hebreo, an gimamaupayi…mahimo; diri klaro ha Griego. 12Kahuman dapit hin doktor—kay ginhimo ini hiya han Ginoo—ngan ayaw pabulaga hiya ha imo; magkikinahanglan ka ha iya. 13May-ada mga takna nga masarig ka han iya hibaro. 14An doktor nag-aampo nga buligan unta hiya han Ginoo hin pagpagaan han mag-ul-ol han iya gintatambal ngan hin pag-upay ha iya. 15Bahin han tawo nga nakasala han iya Magburuhat, angay nga masakit hiya.
An Pagmasulob-on tungod hin Minatay
16Anak, kon may-ada mamatay, kinahanglan nga magmasulob-on ka. Pagtangis ngan pagnguyngoy ha pagpakita nga dako an imo kabido tungod kay nawara in kinabuhi. Andama an lawas hin angay nga paagi ngan tambong han paglubong. 17Pagtangis nga mabidoon ngan masulob-on; tumana han igo nga mga adlaw hin pagtaguminatay. Pagmasulob-on hin usa ka adlaw ug bangin hin duha ka adlaw basi diri magyinakan an mga tawo ha imo, kundi ayaw pag-inuraura hin pagmasulob-on ngan ipahiuyon an imo kaburot-on han larang han Dyos. 18An kamasulob-on makakadaot han imo maupay nga panlawas ngan bangin ngani makamatay ha imo. 19An kamasulob-on nagpapabilin kahuman han kamatay hin usa nga hinigugma kundi diri maupay nga makadara ha imo ngadto hin paghingalooy.
20Ayaw pagmabidoon hin duro; isalikway ini.#38:20 isalikway ini; o hingalimti an tawo. Panumdom nga mapatay kita ngatanan ha san-o nga adlaw. 21Waray paagi nga mabuhi liwat in usa nga patay nga tawo. An ngatanan nimo nga kabidoan diri pagpupulsan niya ngan makakadaot ha imo. Ayaw ini hingalimti. 22Mapatay ka sugad nga mamatay hiya. Yana iya turno ngan buwas imo man liwat. 23Kon ilubong na an mga minatay, himoa nga mapara an pagdomdom ha ira. Kahuman han pagtalikod nira ha kadayonan, kinahanglan nga magmadinasigon ka.
An Pagtuon ug an Iba nga mga Tirimangnoon
24An usa nga nagtutuon kinahanglan nga may-ada panahon hin pag-aram kon karuyag niya nga magkamay-ada hiya hin kinaadman; kinahanglan nga ma waray niya iba nga katungdanan. 25Uunanhon man hin usa nga mag-uruma hin pakaangkon hin hibaro kon an iya la tinguha amo an pagmangno han baka ngan gamiton para hin pag-uma, kon an iya la nahiaaraan nga paghimangraw amo an mahitungod hin mga kahayupan? 26Nagkakabudlay hiya hin pag-arado hin matadong nga tudling ngan magpapadayon hiya hin pagbuhat ngadto ha tabis han kagab-ihon basi la makapanubong hiya han iya mga hayop.
27Amo gihapon ini bahin han mga nagbubuhat hin arte ug mga panday. Nagbubuhat hira adlaw gab-i hin pagtigib ngan pagsilsil hin mga mahal nga bato, ginhihinay an buhat hin mga bag-o nga dibuho. Dako gud an ira pagkabudlay basi la makahimo hira hin ladawan kon estatuwa sugad kadako han tawo ngan nag-aagma hira basi la makahuman han buhat.
28Amo man ini gihapon bahin han mga panday hin puthaw dida han iya landasan. Naghunahuna hira kon ano an maupay himoon tikang hin usa ka pedaso nga puthaw. An kamapaso han kalayo nakakasunog han iya panit samtang ginpapamalhas hiya hin paniguro dida han hasuhasan ha pandayan. An aringasa han maso nakakapabungol ha iya#38:28 nakakapabungol ha iya; ha Griego, ginbabag-o an iya mga durunggan. dida nga nagbabantay hiya nga an iya ginbubuhat nga butang mamay-ada na hitsura. Gintatalinguha gud niya nga mahuman an iya buhat sanglit nagaagma hiya ngadto ha tabis han kagab-ihon basi la matuhay an iya buhat.
29Amo gihapon ini bahin han mga parahimo hin daba, nga nalingkod dida han iya kaliding ngan ginbibirik ini han iya tiil, dayuday an iya hunahuna aada han iya buhat, ngan gintitigamnan niya kon pira an mahihimo niya. 30Ginpipikpik niya an lapok pinaagi han iya mga tiil ngan ginpoporma ini han iya mga kamot; ngan iya gud ini ginhahamis ngan magaagma hiya hin paglinis han luunan.
31Ini ngatanan nga mga tawo maaram maggamit han ira mga kamot, an tagsa ha ira maaram han iya kalugaringon nga buhat. 32Kon waray hini nga mga tawo, waray man liwat mga syudad; waray may maukoy o makadto hin dapit nga diri ini hiagian nga mga buhat. 33Ini nga mga tawo diri ginbibiling hin pag-alagad ha mga konseho han mga tawo ngan waray ha ira nakaangkon hin hitaas nga katungdanan. Waray hira mag-alagad hin ka maghurukom, ngan diri hira nasabot bahin hin mga balaodnon nga paagi. Waray nira hibaro ngan diri ini hira kilala tungod hin kinaadman. Diri kamo makakabati ha ira nga magyakan hira hin mga darahonon ug pananglitan. 34Kundi an buhat nga ira gintutuman amo an nakapadig-on han kalibutan. Kon nagtutuman hira han ira buhat, sugad la ini nga naghahalad hira hin pag-ampo.#38:34 Kon nagtutuman…pag-ampo; o Kon nag-aampo hira, hiunong ini han ira buruhaton.
Currently Selected:
Sirac 38: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 38
38
An Sakit ug an Tambal
1Ihatag ha mga doktor an dungog nga angay ha ira kay an Ginoo amo an naghatag ha ira han ira pagbubuhaton#38:1 Ha Hebreo, naghatag…pagbubuhaton; ha Griego, nagtuha ha ira. 2Natikang han Gihahataasi an ira ahibaro ngan nagbalos ha ira an mga hadi tungod hini. 3Naghatag ha ira an ira hibaro hin usa nga importante nga katungdanan ngan hitaas an pagtahod ha ira han mga gamhanan nga mga tawo.
4Nagbuhat an Ginoo hin mga tanom nga makakatambal dinhe ha tuna ngan an tawo nga maupay an pamurubuot diri maghihialang hin paggamit hini nga mga tambal. 5Diri ba hadto may-ada usa nga kahoy nga nakahimo hin pagpait han tubig basi imnon nga tambal ngan dida makapakita han gahom han Ginoo?#38:5 han gahom han Ginoo; o an nakakatambal nga mga kinaiya hini. 6Ihinatag niya in hibaro hin pagtambal ngadto hin mga tawo basi pagdayawon naton hiya tungod han mga milagro nga iya nabuhat. 7-8Ginsasalagrakot ini nga mga tambal han parmasyutiko ngan ginagamit ini nga mga tambal han doktor hin pag-upay hin mga sakit ug pagpagaan han mga mag-ul-ol. Waray pagkatapos an mga buhat han Ginoo nga nahatag hin maupay nga panlawas han mga tawo han kalibutan.
9Anak, kon masakit ka, ayaw ini pagpasibay-i. Pag-ampo han Ginoo ngan tatambalon ka niya. 10Ikompisal an ngatanan mo nga sala ngan may-ada ka paglaom nga ha orhe nga mga adlaw mag-uokoy ka hin matadong nga kinabuhi. 11Paghalad hin insyenso ug inani nga pugas nga halad, an gimamaupayi sugad han imo mahimo.#38:11 Ha Hebreo, an gimamaupayi…mahimo; diri klaro ha Griego. 12Kahuman dapit hin doktor—kay ginhimo ini hiya han Ginoo—ngan ayaw pabulaga hiya ha imo; magkikinahanglan ka ha iya. 13May-ada mga takna nga masarig ka han iya hibaro. 14An doktor nag-aampo nga buligan unta hiya han Ginoo hin pagpagaan han mag-ul-ol han iya gintatambal ngan hin pag-upay ha iya. 15Bahin han tawo nga nakasala han iya Magburuhat, angay nga masakit hiya.
An Pagmasulob-on tungod hin Minatay
16Anak, kon may-ada mamatay, kinahanglan nga magmasulob-on ka. Pagtangis ngan pagnguyngoy ha pagpakita nga dako an imo kabido tungod kay nawara in kinabuhi. Andama an lawas hin angay nga paagi ngan tambong han paglubong. 17Pagtangis nga mabidoon ngan masulob-on; tumana han igo nga mga adlaw hin pagtaguminatay. Pagmasulob-on hin usa ka adlaw ug bangin hin duha ka adlaw basi diri magyinakan an mga tawo ha imo, kundi ayaw pag-inuraura hin pagmasulob-on ngan ipahiuyon an imo kaburot-on han larang han Dyos. 18An kamasulob-on makakadaot han imo maupay nga panlawas ngan bangin ngani makamatay ha imo. 19An kamasulob-on nagpapabilin kahuman han kamatay hin usa nga hinigugma kundi diri maupay nga makadara ha imo ngadto hin paghingalooy.
20Ayaw pagmabidoon hin duro; isalikway ini.#38:20 isalikway ini; o hingalimti an tawo. Panumdom nga mapatay kita ngatanan ha san-o nga adlaw. 21Waray paagi nga mabuhi liwat in usa nga patay nga tawo. An ngatanan nimo nga kabidoan diri pagpupulsan niya ngan makakadaot ha imo. Ayaw ini hingalimti. 22Mapatay ka sugad nga mamatay hiya. Yana iya turno ngan buwas imo man liwat. 23Kon ilubong na an mga minatay, himoa nga mapara an pagdomdom ha ira. Kahuman han pagtalikod nira ha kadayonan, kinahanglan nga magmadinasigon ka.
An Pagtuon ug an Iba nga mga Tirimangnoon
24An usa nga nagtutuon kinahanglan nga may-ada panahon hin pag-aram kon karuyag niya nga magkamay-ada hiya hin kinaadman; kinahanglan nga ma waray niya iba nga katungdanan. 25Uunanhon man hin usa nga mag-uruma hin pakaangkon hin hibaro kon an iya la tinguha amo an pagmangno han baka ngan gamiton para hin pag-uma, kon an iya la nahiaaraan nga paghimangraw amo an mahitungod hin mga kahayupan? 26Nagkakabudlay hiya hin pag-arado hin matadong nga tudling ngan magpapadayon hiya hin pagbuhat ngadto ha tabis han kagab-ihon basi la makapanubong hiya han iya mga hayop.
27Amo gihapon ini bahin han mga nagbubuhat hin arte ug mga panday. Nagbubuhat hira adlaw gab-i hin pagtigib ngan pagsilsil hin mga mahal nga bato, ginhihinay an buhat hin mga bag-o nga dibuho. Dako gud an ira pagkabudlay basi la makahimo hira hin ladawan kon estatuwa sugad kadako han tawo ngan nag-aagma hira basi la makahuman han buhat.
28Amo man ini gihapon bahin han mga panday hin puthaw dida han iya landasan. Naghunahuna hira kon ano an maupay himoon tikang hin usa ka pedaso nga puthaw. An kamapaso han kalayo nakakasunog han iya panit samtang ginpapamalhas hiya hin paniguro dida han hasuhasan ha pandayan. An aringasa han maso nakakapabungol ha iya#38:28 nakakapabungol ha iya; ha Griego, ginbabag-o an iya mga durunggan. dida nga nagbabantay hiya nga an iya ginbubuhat nga butang mamay-ada na hitsura. Gintatalinguha gud niya nga mahuman an iya buhat sanglit nagaagma hiya ngadto ha tabis han kagab-ihon basi la matuhay an iya buhat.
29Amo gihapon ini bahin han mga parahimo hin daba, nga nalingkod dida han iya kaliding ngan ginbibirik ini han iya tiil, dayuday an iya hunahuna aada han iya buhat, ngan gintitigamnan niya kon pira an mahihimo niya. 30Ginpipikpik niya an lapok pinaagi han iya mga tiil ngan ginpoporma ini han iya mga kamot; ngan iya gud ini ginhahamis ngan magaagma hiya hin paglinis han luunan.
31Ini ngatanan nga mga tawo maaram maggamit han ira mga kamot, an tagsa ha ira maaram han iya kalugaringon nga buhat. 32Kon waray hini nga mga tawo, waray man liwat mga syudad; waray may maukoy o makadto hin dapit nga diri ini hiagian nga mga buhat. 33Ini nga mga tawo diri ginbibiling hin pag-alagad ha mga konseho han mga tawo ngan waray ha ira nakaangkon hin hitaas nga katungdanan. Waray hira mag-alagad hin ka maghurukom, ngan diri hira nasabot bahin hin mga balaodnon nga paagi. Waray nira hibaro ngan diri ini hira kilala tungod hin kinaadman. Diri kamo makakabati ha ira nga magyakan hira hin mga darahonon ug pananglitan. 34Kundi an buhat nga ira gintutuman amo an nakapadig-on han kalibutan. Kon nagtutuman hira han ira buhat, sugad la ini nga naghahalad hira hin pag-ampo.#38:34 Kon nagtutuman…pag-ampo; o Kon nag-aampo hira, hiunong ini han ira buruhaton.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984