Sirac 33
33
1Waray karat-an nga maabot hin tawo nga nahadlok han Ginoo; magkadiano hin kadamo han mga kataragman, tatalwason hiya han Ginoo. 2An tawo nga diri magtuman han Balaod waray maupay nga pamurubuot ngan adton diri kinasingkasing an pagtuman ig-aanod sugad hin sakayan nga inabotan hin bagyo ha kalawdan. 3Kon karuyag nga may-ada ka kinaadman, kinahanglan nga matoo ka han Balaod; kasasarigan ini sugad nga kasasarigan an mga baraan nga pagripa.
4Andama an imo igyayakan ngan an mga tawo mamamati ha imo. Gamita an imo hinbaroan san-o ka magtikang hin pagyakan. 5An hunahuna hin usa nga lurong nga tawo sugad hin kaliding hin karomata; magbibinirikbirik la ini. 6An sangkay nga diri katataporan sugad hin mailayat nga kabayo nga mahirihiri bisan hin-o in sumakay.
Diri Parapreho an mga Tawo
7Kay ano nga may-ada man mga adlaw nga labi hin kabaraan kay han iba bisan kon amo la gihapon nga adlaw an nasirang ikinaadlaw han bug-os nga tuig? 8Tungod kay an Dyos an nagbuot nga magkalain hira pinaagi hin paghimoa in mga adlaw nga iglilihi ngan in iba nga mga pyesta. 9Ginhimo niya in mga adlaw nga baraan ug importante ngan an iba na man mga ordinaryo la nga adlaw.
10Ngatanan nga mga tawo ginhimo tikang ha tuna sugad kan Adan. 11Kundi an Ginoo tungod han iya kinaadman, ginhimo hira nga diri magpareho ngan ihinatag ha ira in magkadirodilain nga mga buruhaton. 12Ginbendisyonan niya an iba; ginhimo niya nga mga dungganan ug baraan ngan ginpaharani ha iya. An iba iya gintunglo, iya ginpaubos ngan ginpaiwas hira dida han ira hinmumutangan. 13Kon an lapok dida ha kamot han parapikpik hin daba ginpoporma sugad han iya karuyag amo man kita dida ha mga kamot han Magburuhat basi magbuhat hiya sugad han iya karuyag.
14An maupay atbang han maraot, an kinabuhi atbang han kamatayon ngan an sala atbang han pag-alagad sa Ginoo. 15Panumdom hini: ginhimo han Gihahataasi nga padispadis an ngatanan nga butang, an usa nga butang ka atbang hin lain nga butang.
16Mahitungod ha akon, ako an kataposan nga inmabot hin pagtuman han akon buhat, sugad nga nagsudoy ako han urubasan nga uma hin pagtimod han nahisalin nga mga nahibayaan han mga nanguha han mga ubas. Kundi ginpakaupay ako han Ginoo ngan maupay an pagtuman#33:16 maupay an pagtuman; o gin-unhan an iba. ko sugad han manguruha hin mga ubas nga ginpuno hin mga ubas an piriihan. 17Kundi karuyag ko nga makasabot kamo nga waray ko ini pagbuhata para la ha akon kundi para han ngatanan nga karuyag hin pag-aram. 18Pamati kamo, mga dagko nga pangulo! Ngatanan kamo nga mga pangulo han katig-uban, pamati kamo han akon igyayakan!
Ayaw Pagsarig ha Iba nga mga Tawo
19Ayaw gud itugot, samtang nga buhi ka pa, nga pagbut-an ka—ma imo anak, asawa, bugto, kon sangkay. Ayaw ihatag an imo hiaagi hin bisan hin-o; bangin magbalyo ka han imo hunahuna ngan imo liwat ini bawion. 20Samtang nga naginhawa ka pa, ayaw itugot nga pagladngan ka hin iba. 21Mauruupay kon an imo mga anak amo in pagbut-an mo, diri kay ikaw an pagbut-an han imo mga anak. 22Ibutang ha kasadangan an imo mga buhat; ayaw itugot nga kadum-itan an imo maupay nga dungog. 23Ihulat tubtob han kataposan nga takna han imo kinabuhi, ha kataposan mo nga pagginhawa ngan amo na an imo pagbahinbahin han imo mga hiaagi ngadto han imo mga sumurunod.
An Pagdumara han mga Oripon
24Kinahanglan nga tagan an asno han iya banwa nga hangrabon ug han iya darad-on ngan kinahanglan liwat nga paglatigohon hiya. Kinahanglan nga tagan an oripon han iya pagkaon ug han iya buruhaton ngan kinahanglan liwat nga disiplinahon hiya. 25Kon tagan mo hin buruhaton an imo oripon, murayaw an imo panhunahuna. Kon diri mo hiya paglingawon pinaagi hin mga buruhaton, magbibiling hiya hin kagawasan. 26Magamit ka hin montura ug yugo basi magmaanad an hayop ngan an oripon mahimo liwat nga imo pagpaantoson didto ha prisohan. 27Dayuday tagi hiya hin buruhaton ngan ayaw itugot nga ma waray hiya buhat; kay an kawaray buhat makakatutdo la ha iya hin pagbiling hin samok. 28An buhat amo an iya kinahanglan. Kon diri hiya magsugot ha imo, kadenahi hiya.
29Kundi ayaw pagmaisog hin duro ngan kinahanglan waray nimo pinalabi. 30Kon may-ada ka oripon, upaya an pagdumara ha iya basi liwat upayon an pagdumara ha imo; ginpalit mo hiya hin imo binalhasan nga kwarta. 31Pagdumara hiya nga imo bugto; magkikinahanglan ka ha iya sugad han imo kalugaringon. Kon diri nimo upayon an pagdumara ha iya ngan kumalagiw hiya, hain man nimo hiya pagbibilnga?
Currently Selected:
Sirac 33: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 33
33
1Waray karat-an nga maabot hin tawo nga nahadlok han Ginoo; magkadiano hin kadamo han mga kataragman, tatalwason hiya han Ginoo. 2An tawo nga diri magtuman han Balaod waray maupay nga pamurubuot ngan adton diri kinasingkasing an pagtuman ig-aanod sugad hin sakayan nga inabotan hin bagyo ha kalawdan. 3Kon karuyag nga may-ada ka kinaadman, kinahanglan nga matoo ka han Balaod; kasasarigan ini sugad nga kasasarigan an mga baraan nga pagripa.
4Andama an imo igyayakan ngan an mga tawo mamamati ha imo. Gamita an imo hinbaroan san-o ka magtikang hin pagyakan. 5An hunahuna hin usa nga lurong nga tawo sugad hin kaliding hin karomata; magbibinirikbirik la ini. 6An sangkay nga diri katataporan sugad hin mailayat nga kabayo nga mahirihiri bisan hin-o in sumakay.
Diri Parapreho an mga Tawo
7Kay ano nga may-ada man mga adlaw nga labi hin kabaraan kay han iba bisan kon amo la gihapon nga adlaw an nasirang ikinaadlaw han bug-os nga tuig? 8Tungod kay an Dyos an nagbuot nga magkalain hira pinaagi hin paghimoa in mga adlaw nga iglilihi ngan in iba nga mga pyesta. 9Ginhimo niya in mga adlaw nga baraan ug importante ngan an iba na man mga ordinaryo la nga adlaw.
10Ngatanan nga mga tawo ginhimo tikang ha tuna sugad kan Adan. 11Kundi an Ginoo tungod han iya kinaadman, ginhimo hira nga diri magpareho ngan ihinatag ha ira in magkadirodilain nga mga buruhaton. 12Ginbendisyonan niya an iba; ginhimo niya nga mga dungganan ug baraan ngan ginpaharani ha iya. An iba iya gintunglo, iya ginpaubos ngan ginpaiwas hira dida han ira hinmumutangan. 13Kon an lapok dida ha kamot han parapikpik hin daba ginpoporma sugad han iya karuyag amo man kita dida ha mga kamot han Magburuhat basi magbuhat hiya sugad han iya karuyag.
14An maupay atbang han maraot, an kinabuhi atbang han kamatayon ngan an sala atbang han pag-alagad sa Ginoo. 15Panumdom hini: ginhimo han Gihahataasi nga padispadis an ngatanan nga butang, an usa nga butang ka atbang hin lain nga butang.
16Mahitungod ha akon, ako an kataposan nga inmabot hin pagtuman han akon buhat, sugad nga nagsudoy ako han urubasan nga uma hin pagtimod han nahisalin nga mga nahibayaan han mga nanguha han mga ubas. Kundi ginpakaupay ako han Ginoo ngan maupay an pagtuman#33:16 maupay an pagtuman; o gin-unhan an iba. ko sugad han manguruha hin mga ubas nga ginpuno hin mga ubas an piriihan. 17Kundi karuyag ko nga makasabot kamo nga waray ko ini pagbuhata para la ha akon kundi para han ngatanan nga karuyag hin pag-aram. 18Pamati kamo, mga dagko nga pangulo! Ngatanan kamo nga mga pangulo han katig-uban, pamati kamo han akon igyayakan!
Ayaw Pagsarig ha Iba nga mga Tawo
19Ayaw gud itugot, samtang nga buhi ka pa, nga pagbut-an ka—ma imo anak, asawa, bugto, kon sangkay. Ayaw ihatag an imo hiaagi hin bisan hin-o; bangin magbalyo ka han imo hunahuna ngan imo liwat ini bawion. 20Samtang nga naginhawa ka pa, ayaw itugot nga pagladngan ka hin iba. 21Mauruupay kon an imo mga anak amo in pagbut-an mo, diri kay ikaw an pagbut-an han imo mga anak. 22Ibutang ha kasadangan an imo mga buhat; ayaw itugot nga kadum-itan an imo maupay nga dungog. 23Ihulat tubtob han kataposan nga takna han imo kinabuhi, ha kataposan mo nga pagginhawa ngan amo na an imo pagbahinbahin han imo mga hiaagi ngadto han imo mga sumurunod.
An Pagdumara han mga Oripon
24Kinahanglan nga tagan an asno han iya banwa nga hangrabon ug han iya darad-on ngan kinahanglan liwat nga paglatigohon hiya. Kinahanglan nga tagan an oripon han iya pagkaon ug han iya buruhaton ngan kinahanglan liwat nga disiplinahon hiya. 25Kon tagan mo hin buruhaton an imo oripon, murayaw an imo panhunahuna. Kon diri mo hiya paglingawon pinaagi hin mga buruhaton, magbibiling hiya hin kagawasan. 26Magamit ka hin montura ug yugo basi magmaanad an hayop ngan an oripon mahimo liwat nga imo pagpaantoson didto ha prisohan. 27Dayuday tagi hiya hin buruhaton ngan ayaw itugot nga ma waray hiya buhat; kay an kawaray buhat makakatutdo la ha iya hin pagbiling hin samok. 28An buhat amo an iya kinahanglan. Kon diri hiya magsugot ha imo, kadenahi hiya.
29Kundi ayaw pagmaisog hin duro ngan kinahanglan waray nimo pinalabi. 30Kon may-ada ka oripon, upaya an pagdumara ha iya basi liwat upayon an pagdumara ha imo; ginpalit mo hiya hin imo binalhasan nga kwarta. 31Pagdumara hiya nga imo bugto; magkikinahanglan ka ha iya sugad han imo kalugaringon. Kon diri nimo upayon an pagdumara ha iya ngan kumalagiw hiya, hain man nimo hiya pagbibilnga?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984