Sirac 32
32
1Kon ikaw an napili hin pagpangulo hin usa nga sasaro, ayaw pagparayaw. Hunahunaa la nga sugad ka la han iba nga mga tawo. Panimangnoa an mga dinapit san-o ka lumingkod ha pangaraonan. 2Kahuman nimo pagtuman han imo buruhaton, amo na an imo paglingkod ngan pagliaw-libang upod han iba. Tatahuron ka nira tungod kay maupay an imo pagtuman han imo buruhaton.
3Kon magurang ka han kadam-an nga mga gindapit, makahimo ka hin pagyakan. Imo ini katungod. Kundi kinahanglan maaram ka han imo igyayakan ngan ayaw paundanga an tokar. 4Kon may-ada gin-andam para hin pagliaw-libang, ayaw ipadayon an hirohimangraw; diri ini an angay nga panahon hin pagpakita han imo kamaaram. 5An tokar ug kanta dida hin usa nga sasaro diin may-ada tagay nga irinmon sugad ini hin rubi nga itinaod dida hin bulawan. 6An maupay nga tokar ngan kanta ug maupay nga irinmon—usa ini nga bato nga esmeralda nga itinaod dida hin bulawan.
7Kon batan-on ka, ayaw pagyakan kon diri ka sidngon, kundi ayaw paglapos hin makaduha ngan dida la kon may-ada mauna hin pagyakan ha imo. 8Igyakan dayon an imo karuyag sidngon ngan ayaw damoa in mga pulong. Ipakita nga diri ka surumatan la kundi hilom la. 9Ayaw pagsugara ngan itupong ha imo an mga importante nga tawo ngan ayaw itugot nga ikaw an tinikangan hin kamaaringasa pinaagi hin damo nga mga pakiana ha ira.#32:9 Ha Hebreo, itugot nga ikaw…pakiana ha ira; ha Griego, pagyinakan kon may-ada naghihimangraw. 10An maupay nga dungog hin maligdong nga tawo nasunod ha iya sugad nga an kikidlat nasunod han dalugdog.
11Pagsarit hin pag-uli ha igo nga panahon ngan ayaw gud pagpaorhi hin paglakat. Ayaw paglangan dida ha may porta; uli dayon ngadto ha imo balay. 12Didto makakahimo ka hin pagliaw-libang sugad han imo karuyag kundi ayaw gud hin paghinambog. 13Ngan ayaw hingalimot hin pagpasalamat han imo Magburuhat nga tinugotan ka hin pagpahimulos hin damo nga mga mag-upay nga butang.
An Paghubad han Balaod
14Kon tinuod nga nahadlok ka han Ginoo, kakarawaton mo an iya mga pagsaway. Bebendisyonan niya adton magmata hin sayo ha kaagahon hin pag-ampo. 15Pagton-i an iya Balaod ngan igsaulo hin maupay. Labot kon diri kinasingkasing an imo pagtoon, kawang la an imo pag-aram. 16Kon may pagkahadlok ka han Ginoo, makakasabot kon ano an matadong ngan dadayawon ka tungod kay waray nimo pinalabi. 17Para han makasasala, waray gamit an pagsaway ngan paghuhubaron nira an Balaod sugad han ira karuyag.
18An may-ada buot nga mga tawo maghuhunahuna han tagsa nga ipinahayag nga pulong kundi an mapahitas-on#32:18 Ha Hebreo, mapahitas-on; ha Griego, langyaw ngan mapahitas-on. nga tawo diri matugot nga may-ada magbalabag ha ira. 19Ayaw pagbuhat hin bisan ano kon diri ka anay manhunahuna hin maupay ngan kon nakabuhat ka na, ayaw na paglingi ngan pagbasol. 20Ayaw paghimo hin buhat nga puno hin kataragman ngan ayaw pagbuhat hin amo ngahaw nga sayop makaduha.#32:20 Ha Hebreo, pagbuhat…makaduha; ha Griego, katumba ha kababtoan. 21Ayaw tapod ha imo kalugaringon bisan kon baga masayunay an paagi. 22Dayuday pagbantay kon tikain ka.#32:22 Ha Hebreo, pagbantay kon tikain ka; ha Griego, bantayi an imo mga anak. 23Kon ano an imo buhaton, pag-ikmat;#32:23 Ha Hebreo, pag-ikmat; ha Griego, tapod ha imo ngahaw. amo ini an pagtuman han mga sugo han Ginoo.
24An pagtoo han Balaod amo an pagtuman han mga sugo han Ginoo. Kon tumapod ka han Ginoo, diri ka madadaog.
Currently Selected:
Sirac 32: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 32
32
1Kon ikaw an napili hin pagpangulo hin usa nga sasaro, ayaw pagparayaw. Hunahunaa la nga sugad ka la han iba nga mga tawo. Panimangnoa an mga dinapit san-o ka lumingkod ha pangaraonan. 2Kahuman nimo pagtuman han imo buruhaton, amo na an imo paglingkod ngan pagliaw-libang upod han iba. Tatahuron ka nira tungod kay maupay an imo pagtuman han imo buruhaton.
3Kon magurang ka han kadam-an nga mga gindapit, makahimo ka hin pagyakan. Imo ini katungod. Kundi kinahanglan maaram ka han imo igyayakan ngan ayaw paundanga an tokar. 4Kon may-ada gin-andam para hin pagliaw-libang, ayaw ipadayon an hirohimangraw; diri ini an angay nga panahon hin pagpakita han imo kamaaram. 5An tokar ug kanta dida hin usa nga sasaro diin may-ada tagay nga irinmon sugad ini hin rubi nga itinaod dida hin bulawan. 6An maupay nga tokar ngan kanta ug maupay nga irinmon—usa ini nga bato nga esmeralda nga itinaod dida hin bulawan.
7Kon batan-on ka, ayaw pagyakan kon diri ka sidngon, kundi ayaw paglapos hin makaduha ngan dida la kon may-ada mauna hin pagyakan ha imo. 8Igyakan dayon an imo karuyag sidngon ngan ayaw damoa in mga pulong. Ipakita nga diri ka surumatan la kundi hilom la. 9Ayaw pagsugara ngan itupong ha imo an mga importante nga tawo ngan ayaw itugot nga ikaw an tinikangan hin kamaaringasa pinaagi hin damo nga mga pakiana ha ira.#32:9 Ha Hebreo, itugot nga ikaw…pakiana ha ira; ha Griego, pagyinakan kon may-ada naghihimangraw. 10An maupay nga dungog hin maligdong nga tawo nasunod ha iya sugad nga an kikidlat nasunod han dalugdog.
11Pagsarit hin pag-uli ha igo nga panahon ngan ayaw gud pagpaorhi hin paglakat. Ayaw paglangan dida ha may porta; uli dayon ngadto ha imo balay. 12Didto makakahimo ka hin pagliaw-libang sugad han imo karuyag kundi ayaw gud hin paghinambog. 13Ngan ayaw hingalimot hin pagpasalamat han imo Magburuhat nga tinugotan ka hin pagpahimulos hin damo nga mga mag-upay nga butang.
An Paghubad han Balaod
14Kon tinuod nga nahadlok ka han Ginoo, kakarawaton mo an iya mga pagsaway. Bebendisyonan niya adton magmata hin sayo ha kaagahon hin pag-ampo. 15Pagton-i an iya Balaod ngan igsaulo hin maupay. Labot kon diri kinasingkasing an imo pagtoon, kawang la an imo pag-aram. 16Kon may pagkahadlok ka han Ginoo, makakasabot kon ano an matadong ngan dadayawon ka tungod kay waray nimo pinalabi. 17Para han makasasala, waray gamit an pagsaway ngan paghuhubaron nira an Balaod sugad han ira karuyag.
18An may-ada buot nga mga tawo maghuhunahuna han tagsa nga ipinahayag nga pulong kundi an mapahitas-on#32:18 Ha Hebreo, mapahitas-on; ha Griego, langyaw ngan mapahitas-on. nga tawo diri matugot nga may-ada magbalabag ha ira. 19Ayaw pagbuhat hin bisan ano kon diri ka anay manhunahuna hin maupay ngan kon nakabuhat ka na, ayaw na paglingi ngan pagbasol. 20Ayaw paghimo hin buhat nga puno hin kataragman ngan ayaw pagbuhat hin amo ngahaw nga sayop makaduha.#32:20 Ha Hebreo, pagbuhat…makaduha; ha Griego, katumba ha kababtoan. 21Ayaw tapod ha imo kalugaringon bisan kon baga masayunay an paagi. 22Dayuday pagbantay kon tikain ka.#32:22 Ha Hebreo, pagbantay kon tikain ka; ha Griego, bantayi an imo mga anak. 23Kon ano an imo buhaton, pag-ikmat;#32:23 Ha Hebreo, pag-ikmat; ha Griego, tapod ha imo ngahaw. amo ini an pagtuman han mga sugo han Ginoo.
24An pagtoo han Balaod amo an pagtuman han mga sugo han Ginoo. Kon tumapod ka han Ginoo, diri ka madadaog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984