Sirac 34
34
An mga Inop Waray Hinungdan
1An mga tawo nga waray maupay nga buot nalilipat hin mga waray hinungdan nga paglaum, sanglit nadadara hira han ira mga inop. 2An tawo nga natoo hin mga inop masusugad hira hin usa nga tawo nga nagdadakop han iya lambong ug nagbubukod han hangin. 3An imo makita dida hin inop diri tinuod sugad nga diri tinuod an nakikita dida han espeho. 4An diri matuod diri makakahimo hin butang nga tinuod sugad nga an mahugaw diri makakahimo hin butang nga malinis. 5Mga patuyaw la ito nga mga inop, mga patigo, ug mga tirimad-on. Hinkikit-an mo ha ira an karuyag mo la hikit-an.#34:5 Hinkit-an…hikit-an; ha Griego, an hunahuna mgay pag-inoino nga sugad hin babaye nga nagbabati. 6Labot kon pinadara tikang han Gihahataasi an inop, ayaw gud tuod. 7Damo nga mga tawo an naowat hin mga inop; ira ibinutang an ira pagtoo dida hin inop ngan ha kataposan nawaray hira paglaom. 8Hingpit an Balaod bisan kon waray hini nga mga buwa. An Kinaadman sumala han ginsiring han mga magtadong hingpit gihapon bisan kon waray hini nga buwa.
An Paglakaton
9An usa ka tawo nga makadamo na paglakaton#34:9 makadamo na paglakaton; ha iba nga hubad, may aram. ngan may-ada damo na nga gin-agian ha iya kinabuhi maaram hin damo nga mga butang ngan may-ada hinungdan an iya mga pulong. 10Diri damo an imo hibabaroan kon diri damo an imo gin-agian ha imo kinabuhi kundi an paglakaton makakapaabtik ha imo. 11Dida ha akon mga paglakaton, hinkit-an ko in damo nga mga butang ngan hinbaroan ko in damo pa nga akon masisiring ha iyo. 12Nakadamo ako umatubang hin kamatayon kundi dayuday nahigawas ako pinaagi ha pagsarig ko han akon hadto gin-agian ha kinabuhi.
An Kahadlok han Ginoo
13Adton mahadlok han Ginoo mabubuhi tungod kay ira ibinutang an pagtapod ha iya nga makakatalwas ha ira. 14Kahadloki an Ginoo ngan waray nimo sadang kahadlokan. Kon tumapod ka ha iya, diri ka magtatalaw. 15Palaran adton mga tawo nga nahadlok han Ginoo kay maaram hira kon hain hira pagbibiling hin tambulig. 16Nagbabantay an Ginoo hadton nahigugma ha iya; hiya an makusog nga panalipod ug madig-on nga kasasarigan. Pinapasirong niya hira han kamapaso; ginlalandongan hira niya han sirak han naudtohan nga adlaw ngan ginhahawiran hira niya nga diri hira matumba ngan mahulog. 17Ginlilipay hira ngan tinatagan hin kapawa an ira mga mata. Ihinahatag ha ira in kinabuhi ug maupay nga panlawas.
An Paghalad hin mga Sakripisyo
18Kon maghalad ka hin usa nga tutuboron nga hayop nga imo nakuha hin diri matadong nga paagi, may dum-it na ini nga halad ngan diri na ini kakarawton. 19Diri nalilipay an Gihahataasi hin mga halad nga tutuboron nga ginhimo hin mga diri nakilala hin Dyos; waray bisan ano nga halad nga tutuboron makakabayad han ira mga sala. 20An tawo nga mangawat hin hayop tikang hin usa nga kablas ngan ihalad niya nga tutuboron sugad hiya hin tawo nga nagpatay hin bata ha atubangan han iya amay. 21Kinabuhi para han mga kablas an pagkaon ngan an pag-agaw hini ha ira usa nga pagpatay. 22Kay usa nga pagpatay in pag-agaw han panginabuhi hin usa ka tawo ug paglimbong hin surugoon bahin han iya suhol.
23Kon in usa magtindog ug kahuman pagrub-on liwat hin iba, waray may nahimo labot la an makuri nga buhat. 24Kon in usa nga tawo magpakaupay ngan in lain nga tawo magpakaraot, hin-o ha ira in pamamatian han Ginoo? 25Kon magkapot ka hin patay nga lawas ngan kahuman maglinis ka pinaagi hin panhunaw, ngan kahuman magkapot ka liwat han patay nga lawas, ano an kaupayan han imo panhunaw? 26Kon magpuasa ka tungod han imo mga sala ngan magbalikbalik ka hin pagbuhat han amo la ngahaw nga mga sala, ano man an imo nakuha nga kaupayan han imo pagpuasa? Hin-o ngani in mamamati han imo mga pag-ampo?
Currently Selected:
Sirac 34: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 34
34
An mga Inop Waray Hinungdan
1An mga tawo nga waray maupay nga buot nalilipat hin mga waray hinungdan nga paglaum, sanglit nadadara hira han ira mga inop. 2An tawo nga natoo hin mga inop masusugad hira hin usa nga tawo nga nagdadakop han iya lambong ug nagbubukod han hangin. 3An imo makita dida hin inop diri tinuod sugad nga diri tinuod an nakikita dida han espeho. 4An diri matuod diri makakahimo hin butang nga tinuod sugad nga an mahugaw diri makakahimo hin butang nga malinis. 5Mga patuyaw la ito nga mga inop, mga patigo, ug mga tirimad-on. Hinkikit-an mo ha ira an karuyag mo la hikit-an.#34:5 Hinkit-an…hikit-an; ha Griego, an hunahuna mgay pag-inoino nga sugad hin babaye nga nagbabati. 6Labot kon pinadara tikang han Gihahataasi an inop, ayaw gud tuod. 7Damo nga mga tawo an naowat hin mga inop; ira ibinutang an ira pagtoo dida hin inop ngan ha kataposan nawaray hira paglaom. 8Hingpit an Balaod bisan kon waray hini nga mga buwa. An Kinaadman sumala han ginsiring han mga magtadong hingpit gihapon bisan kon waray hini nga buwa.
An Paglakaton
9An usa ka tawo nga makadamo na paglakaton#34:9 makadamo na paglakaton; ha iba nga hubad, may aram. ngan may-ada damo na nga gin-agian ha iya kinabuhi maaram hin damo nga mga butang ngan may-ada hinungdan an iya mga pulong. 10Diri damo an imo hibabaroan kon diri damo an imo gin-agian ha imo kinabuhi kundi an paglakaton makakapaabtik ha imo. 11Dida ha akon mga paglakaton, hinkit-an ko in damo nga mga butang ngan hinbaroan ko in damo pa nga akon masisiring ha iyo. 12Nakadamo ako umatubang hin kamatayon kundi dayuday nahigawas ako pinaagi ha pagsarig ko han akon hadto gin-agian ha kinabuhi.
An Kahadlok han Ginoo
13Adton mahadlok han Ginoo mabubuhi tungod kay ira ibinutang an pagtapod ha iya nga makakatalwas ha ira. 14Kahadloki an Ginoo ngan waray nimo sadang kahadlokan. Kon tumapod ka ha iya, diri ka magtatalaw. 15Palaran adton mga tawo nga nahadlok han Ginoo kay maaram hira kon hain hira pagbibiling hin tambulig. 16Nagbabantay an Ginoo hadton nahigugma ha iya; hiya an makusog nga panalipod ug madig-on nga kasasarigan. Pinapasirong niya hira han kamapaso; ginlalandongan hira niya han sirak han naudtohan nga adlaw ngan ginhahawiran hira niya nga diri hira matumba ngan mahulog. 17Ginlilipay hira ngan tinatagan hin kapawa an ira mga mata. Ihinahatag ha ira in kinabuhi ug maupay nga panlawas.
An Paghalad hin mga Sakripisyo
18Kon maghalad ka hin usa nga tutuboron nga hayop nga imo nakuha hin diri matadong nga paagi, may dum-it na ini nga halad ngan diri na ini kakarawton. 19Diri nalilipay an Gihahataasi hin mga halad nga tutuboron nga ginhimo hin mga diri nakilala hin Dyos; waray bisan ano nga halad nga tutuboron makakabayad han ira mga sala. 20An tawo nga mangawat hin hayop tikang hin usa nga kablas ngan ihalad niya nga tutuboron sugad hiya hin tawo nga nagpatay hin bata ha atubangan han iya amay. 21Kinabuhi para han mga kablas an pagkaon ngan an pag-agaw hini ha ira usa nga pagpatay. 22Kay usa nga pagpatay in pag-agaw han panginabuhi hin usa ka tawo ug paglimbong hin surugoon bahin han iya suhol.
23Kon in usa magtindog ug kahuman pagrub-on liwat hin iba, waray may nahimo labot la an makuri nga buhat. 24Kon in usa nga tawo magpakaupay ngan in lain nga tawo magpakaraot, hin-o ha ira in pamamatian han Ginoo? 25Kon magkapot ka hin patay nga lawas ngan kahuman maglinis ka pinaagi hin panhunaw, ngan kahuman magkapot ka liwat han patay nga lawas, ano an kaupayan han imo panhunaw? 26Kon magpuasa ka tungod han imo mga sala ngan magbalikbalik ka hin pagbuhat han amo la ngahaw nga mga sala, ano man an imo nakuha nga kaupayan han imo pagpuasa? Hin-o ngani in mamamati han imo mga pag-ampo?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984