Sirac 31
31
Mga Kasurok-an tungod hin Kwarta
1An kabaraka hiunong hin kwarta makakaiban han imo timbang ug diri ka mangangaturog. 2An kabaraka hiunong han imo pakabuhi#31:2 Ha Hebreo, kabaraka…pakabuhi; ha Griego, waray katurog nga kabaraka. diri makakapakaturog ha imo sugad han grabe nga sakit.
3An mga riko nga tawo nagpipinangusog basi makadamo hin kwarta; kahuman, malingkod na la hira ngan mag-uokoy hin kinabuhi nga patakas. 4An mga kablas nga tawo nagpipinangusog liwat ngan waray sadang ipakita ngan kon napahuway na hira, kablas la hira gihapon.
5Waray tawo nga makikwarta nga paghuhukman nga waray sala hiya; an iya pagpinangusog nga magriko hiya amo an nakapabuhat ha iya hin sala.#31:5 Ha Hebreo, nakapabuhat…sala; ha Griego, maghihibang ha iya. 6Damo an mga tawo nga naghingaraot tungod hin kwarta, iginkaatubang hira hin mga kataragman. 7An kwarta usa nga bitik hadton nadadara hini, usa nga bitik nga diin an ngatanan nga lurong nadadakop.
8An tawo nga nagririko pinaagi hin diri salaan nga pagbiling, palaran hiya nga tawo. 9Nakilala ba kamo hin sugad nga tawo? Kon sugad, aton hiya paglilipayon tungod kay ginbuhat niya in usa nga milagro nga waray ini mahimo han iba. 10Kon may-ada nakadaog hini nga pagsulay, kinahanglan nga pumarayaw hiya. May-ada ba nahibaro nga makakahimo hiya nga diri hiya hisakban hin iya paglimbong ngan waray hiya magpahimulos hini? 11Kon amo ini, angay hiya han iya manggad ngan pagdadayawon hiya han ngatanan tungod han iya kamahinatagon.
An Pamatasan dida han mga Sasaro
12Kon matambong ka hin dagko nga mga sasaro, ayaw ipakita an imo ka may-ada gana hin pagkaon pinaagi hin ka diri katak-om han imo baba ngan ayaw pagsiring, “Kitaa, hin kamarasa hin pagkaon!” 13Diri nahasusubay ha maupay nga pamatasan an hinalot nga paniplat han mata; ayaw ini hingalimti. Waray butang dinhe ha kalibutan nga labi hin kahalot kay han mata, sanglit masukot#31:13 Ha Hebreo, masukot; ha Griego, ha kada bayhon. la magpanluha. 14Ayaw pagpurot han ngatanan nga imo hinkikit-an ngan ayaw sikoha an mga tawo basi makakuha ka han pagkaon. 15Paghunahunaa an iba nga tawo dida ha lamesa ngan upaya an pagdumara ha ira sugad han imo karuyag nga buhaton nira ha imo. 16Kon makakuha ka na han imo pagkaon, kaon sugad hin tawo nga maupay an ginawian. Ayaw paaringasaa an imo ngipon ngan ayaw ka lamot; waray makakaantos hito nga imo buhat. 17Tigaman han maupay nga pamatasan kon magtalinguha ka hin pakahuman dayon hin pagkaon; an labi hin kabusog diri ini nakakalipay han iba. 18Kon damo an mga tawo nga matambong han sasaro, ayaw paniguro nga mauna ka hin kaduroti. 19Igo la nga makakaon ka; an imo tuyo amo an maupay nga pakig-arangay. Labot hini, diri ka mag-uungaunga hin kabusog kon kumaturog ka na. 20An tawo nga magpatakas hin pagkaon, sasakitan han iya tiyan ngan diri mangangaturog. Kon mag-igo ka hin pagkaon, maupay an imo pagkaturog ngan pagmata mo hin sayo pagkabuwas, maupay an pamati mo han imo lawas. 21Kundi kon sakitan ka han imo tiyan tungod hin labis na nga pagkaon, kadto ha gawas ngan isuka#31:21 gawas ngan isuka; ha iba nga mga hubad, bayai anay an imo pagkaon. ngan magmamaupay an imo pamati han imo lawas. 22Anak ko, kon pamatian mo an akon yana iginsiring ngan imo ini pagtumanon, ha sano nga mga adlaw magpapasalamat ka ha akon. Ibutang ha kasadangan#31:22 Ha Hebreo, Ibutang ha kasadangan; ha Griego, Pagmaduruto. an ngatanan nga imo bubuhaton ngan diri ka masasakit.
23An mga tawo madayaw han tagbalay tungod han iya kamahinatagon ngan angay hiya pagdayawon. 24Kundi an ngatanan dida han bungto mangurutob kon in tagbalay halot han iya pagkaon ngan may hinungdan an ira pagngurutob.
25Ayaw ipakita an imo pagkalalake pinaagi han kadamo han imo maiinom. Damo na an naghingaraot tungod hin pag-inom. 26An kinaiya hin mapahitas-on nga tawo nasasabotan dida hin hinuboghubog nga pakiglantugi, sugad hin puthaw napupurog pinaagi han kalayo ngan itinutunlob ha tubig. 27An irinmon nakakapalaksi han imo lawas kon ibutang mo ha kasadangan. Ano daw la an kinabuhi kon waray hini? Ginhimo an irinmon basi kita magmalipay. 28Kon inmon mo ha kasadangan ngan ha igo nga panahon, makakapalaksi ini ha imo ngan makakalipay ha imo, 29kundi kon uminom ka nga aada ka hin kasina ug kasamok, tinikangan ini han paglipong han imo ulo, han kaawod ug kaalo.#31:29 Ha Hebreo, nga aada ka…kaalo; ha Griego, hin labis, tinikangan ini ha kapaitan, pakasayop, ngan katumba. 30An hubog nga lurong nawawad-an hin maupay nga panhunahuna ngan nakakadaot ha iya. An iya pag-inom nakakapaluya ha iya ngan masayunay la hiya masuntok tungod hin kasina. 31Ayaw pagbusa hin tawo kon mga hubog kamo nga duha. Ayaw pagbidoa hiya samtang nga napahalibway hiya hin pag-inom. Diri ini panahon hin pagsuson o hin pagsukot hin utang.
Currently Selected:
Sirac 31: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 31
31
Mga Kasurok-an tungod hin Kwarta
1An kabaraka hiunong hin kwarta makakaiban han imo timbang ug diri ka mangangaturog. 2An kabaraka hiunong han imo pakabuhi#31:2 Ha Hebreo, kabaraka…pakabuhi; ha Griego, waray katurog nga kabaraka. diri makakapakaturog ha imo sugad han grabe nga sakit.
3An mga riko nga tawo nagpipinangusog basi makadamo hin kwarta; kahuman, malingkod na la hira ngan mag-uokoy hin kinabuhi nga patakas. 4An mga kablas nga tawo nagpipinangusog liwat ngan waray sadang ipakita ngan kon napahuway na hira, kablas la hira gihapon.
5Waray tawo nga makikwarta nga paghuhukman nga waray sala hiya; an iya pagpinangusog nga magriko hiya amo an nakapabuhat ha iya hin sala.#31:5 Ha Hebreo, nakapabuhat…sala; ha Griego, maghihibang ha iya. 6Damo an mga tawo nga naghingaraot tungod hin kwarta, iginkaatubang hira hin mga kataragman. 7An kwarta usa nga bitik hadton nadadara hini, usa nga bitik nga diin an ngatanan nga lurong nadadakop.
8An tawo nga nagririko pinaagi hin diri salaan nga pagbiling, palaran hiya nga tawo. 9Nakilala ba kamo hin sugad nga tawo? Kon sugad, aton hiya paglilipayon tungod kay ginbuhat niya in usa nga milagro nga waray ini mahimo han iba. 10Kon may-ada nakadaog hini nga pagsulay, kinahanglan nga pumarayaw hiya. May-ada ba nahibaro nga makakahimo hiya nga diri hiya hisakban hin iya paglimbong ngan waray hiya magpahimulos hini? 11Kon amo ini, angay hiya han iya manggad ngan pagdadayawon hiya han ngatanan tungod han iya kamahinatagon.
An Pamatasan dida han mga Sasaro
12Kon matambong ka hin dagko nga mga sasaro, ayaw ipakita an imo ka may-ada gana hin pagkaon pinaagi hin ka diri katak-om han imo baba ngan ayaw pagsiring, “Kitaa, hin kamarasa hin pagkaon!” 13Diri nahasusubay ha maupay nga pamatasan an hinalot nga paniplat han mata; ayaw ini hingalimti. Waray butang dinhe ha kalibutan nga labi hin kahalot kay han mata, sanglit masukot#31:13 Ha Hebreo, masukot; ha Griego, ha kada bayhon. la magpanluha. 14Ayaw pagpurot han ngatanan nga imo hinkikit-an ngan ayaw sikoha an mga tawo basi makakuha ka han pagkaon. 15Paghunahunaa an iba nga tawo dida ha lamesa ngan upaya an pagdumara ha ira sugad han imo karuyag nga buhaton nira ha imo. 16Kon makakuha ka na han imo pagkaon, kaon sugad hin tawo nga maupay an ginawian. Ayaw paaringasaa an imo ngipon ngan ayaw ka lamot; waray makakaantos hito nga imo buhat. 17Tigaman han maupay nga pamatasan kon magtalinguha ka hin pakahuman dayon hin pagkaon; an labi hin kabusog diri ini nakakalipay han iba. 18Kon damo an mga tawo nga matambong han sasaro, ayaw paniguro nga mauna ka hin kaduroti. 19Igo la nga makakaon ka; an imo tuyo amo an maupay nga pakig-arangay. Labot hini, diri ka mag-uungaunga hin kabusog kon kumaturog ka na. 20An tawo nga magpatakas hin pagkaon, sasakitan han iya tiyan ngan diri mangangaturog. Kon mag-igo ka hin pagkaon, maupay an imo pagkaturog ngan pagmata mo hin sayo pagkabuwas, maupay an pamati mo han imo lawas. 21Kundi kon sakitan ka han imo tiyan tungod hin labis na nga pagkaon, kadto ha gawas ngan isuka#31:21 gawas ngan isuka; ha iba nga mga hubad, bayai anay an imo pagkaon. ngan magmamaupay an imo pamati han imo lawas. 22Anak ko, kon pamatian mo an akon yana iginsiring ngan imo ini pagtumanon, ha sano nga mga adlaw magpapasalamat ka ha akon. Ibutang ha kasadangan#31:22 Ha Hebreo, Ibutang ha kasadangan; ha Griego, Pagmaduruto. an ngatanan nga imo bubuhaton ngan diri ka masasakit.
23An mga tawo madayaw han tagbalay tungod han iya kamahinatagon ngan angay hiya pagdayawon. 24Kundi an ngatanan dida han bungto mangurutob kon in tagbalay halot han iya pagkaon ngan may hinungdan an ira pagngurutob.
25Ayaw ipakita an imo pagkalalake pinaagi han kadamo han imo maiinom. Damo na an naghingaraot tungod hin pag-inom. 26An kinaiya hin mapahitas-on nga tawo nasasabotan dida hin hinuboghubog nga pakiglantugi, sugad hin puthaw napupurog pinaagi han kalayo ngan itinutunlob ha tubig. 27An irinmon nakakapalaksi han imo lawas kon ibutang mo ha kasadangan. Ano daw la an kinabuhi kon waray hini? Ginhimo an irinmon basi kita magmalipay. 28Kon inmon mo ha kasadangan ngan ha igo nga panahon, makakapalaksi ini ha imo ngan makakalipay ha imo, 29kundi kon uminom ka nga aada ka hin kasina ug kasamok, tinikangan ini han paglipong han imo ulo, han kaawod ug kaalo.#31:29 Ha Hebreo, nga aada ka…kaalo; ha Griego, hin labis, tinikangan ini ha kapaitan, pakasayop, ngan katumba. 30An hubog nga lurong nawawad-an hin maupay nga panhunahuna ngan nakakadaot ha iya. An iya pag-inom nakakapaluya ha iya ngan masayunay la hiya masuntok tungod hin kasina. 31Ayaw pagbusa hin tawo kon mga hubog kamo nga duha. Ayaw pagbidoa hiya samtang nga napahalibway hiya hin pag-inom. Diri ini panahon hin pagsuson o hin pagsukot hin utang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984