Exodo 14
14
Say Imbaliw na saray Israelita ed Dayat ya Ambalanga
1Say Katawan kuantod kinen Moises, 2“Ibagam ed saray Israelita ya ompoliktar ira tan mankampo ra ed arap na Pihahirot, a nanleetan na Migdol tan Dayat ya Ambalanga, diad abay na Baalzefon. 3Nabaloan na ari a saray Israelita et manliliber-liber ira labat ed maawang ya alog tan akolung ira na kalawakan. 4Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.
5Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, “Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.” 6Impaiparaan na ari iray karwahi to tan impanparaan to ray sondalo to. 7Pinmikal a kaolup to ray amin a karwahi to, pati saray anem a lasus a sankaabigan iran karwahi to ya impangulo na saray opisyal to. 8Pinaawet na Katawan so puso na ari, kanyan inosilan to ray Israelita a sipapalabo ran ontataynan. 9Saray sondalo na Egipto, pati amin a kabayo ra, saray karwahi tan saray kutsiro ra et inmosil irad saray Israelita a nankampo ed abay na Dayat ya Ambalanga ya asingger ed Pihahirot tan Baal-zefon.
10Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan. 11Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto! 12Ag mi ta la imbagad sika kasakbayan tayon tinmaynan ya onyay nagawa? Imbaga mid sika a paolyan mo kami lan mambukbukor tan akaoley kami lan manlingkur ya ariripen na saray Egipsio. Maung niy kipapasen na aripen nen say ompatey dia ed kalawakan.”
13Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio. 14Say Katawan so mibakal a para sikayo; mandeen labat so nepeg yon gawaen.”
15Say Katawan kuantod kinen Moises, “Akin et onkekerew kay tulong ed siak? Ibagam ed saray totoo ya ituloy day kurang da. 16Iyatagey moy baston mo tan itorom ed dayat. Nabelsay so danum, et saray Israelita makapanakar irad amagan dalin diad ibaliw da. 17Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to. 18Diad panalok ed saray Egipsio naamtaan da a siak so Katawan!”
19Say anghil na Dios a gendat a manaayam ed bandad arap na saray sondalo na Israel et inmalis a nanayam ed bandad beneg da. Samay lusek a lorem et inmalis met 20tan nanayam ed nanleetan na saray Egipsio tan saray Israelita. Pinabilonget na samay lorem so kawalaan na saray Egipsio, balet pinaliwawa to so kawalaan da ray Israelita, kanyan sanlabin ag akapansinggeran iray sondalo ra.
21Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum 22tan nanakar ed amagan dalin iray Israelita diad imbaliw dad dayat; dinmalan irad nampegleyan na duaran padir a danum. 23Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra. 24Et nen mampalbangon la say Katawan, manlapud lusek ya apoy tan lusek a lorem, inosdungan to ray sondalon Egipsio tan ginegewgew to ra. 25Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”
26Say Katawan kuantod kinen Moises, “Iyonat mod dayat so limam, et tabunan na danum iray Egipsio, saray karwahi ra, tan saray kutsiro ra.” 27Kanyan inyonat nen Moises ed dayat so lima to, et nen maliwawa la pinmawil ed gendat a kaaralem to. Ginawaan na saray Egipsio so anggaay nayarian da ya ombatik, balet say Katawan imbabantak to rad dalem na dayat. 28Pinmawil so danum tan tinabunan to ra may karwahi, saramay kutsiro, tan amin da ra may Egipsion inmosil ed saray Israelita ya anggad dayat; anggapoy atilak ed sikara anggan sakey. 29Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.
30Diad saman ya agew inyagel na Katawan iray Israelita ed saray Egipsio, tan anengneng na saray Israelita a kibalatar ya inaatey ed gilig na dayat iray Egipsio. 31Nen anengneng na saray Israelita so baleg a pakayari ya impakana na Katawan diad impanalo tod saray Egipsio, tinakotan da so Katawan. Awalaan ira na pananisia ed Katawan tan diad aripen to a si Moises.
Currently Selected:
Exodo 14: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Exodo 14
14
Say Imbaliw na saray Israelita ed Dayat ya Ambalanga
1Say Katawan kuantod kinen Moises, 2“Ibagam ed saray Israelita ya ompoliktar ira tan mankampo ra ed arap na Pihahirot, a nanleetan na Migdol tan Dayat ya Ambalanga, diad abay na Baalzefon. 3Nabaloan na ari a saray Israelita et manliliber-liber ira labat ed maawang ya alog tan akolung ira na kalawakan. 4Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.
5Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, “Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.” 6Impaiparaan na ari iray karwahi to tan impanparaan to ray sondalo to. 7Pinmikal a kaolup to ray amin a karwahi to, pati saray anem a lasus a sankaabigan iran karwahi to ya impangulo na saray opisyal to. 8Pinaawet na Katawan so puso na ari, kanyan inosilan to ray Israelita a sipapalabo ran ontataynan. 9Saray sondalo na Egipto, pati amin a kabayo ra, saray karwahi tan saray kutsiro ra et inmosil irad saray Israelita a nankampo ed abay na Dayat ya Ambalanga ya asingger ed Pihahirot tan Baal-zefon.
10Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan. 11Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto! 12Ag mi ta la imbagad sika kasakbayan tayon tinmaynan ya onyay nagawa? Imbaga mid sika a paolyan mo kami lan mambukbukor tan akaoley kami lan manlingkur ya ariripen na saray Egipsio. Maung niy kipapasen na aripen nen say ompatey dia ed kalawakan.”
13Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio. 14Say Katawan so mibakal a para sikayo; mandeen labat so nepeg yon gawaen.”
15Say Katawan kuantod kinen Moises, “Akin et onkekerew kay tulong ed siak? Ibagam ed saray totoo ya ituloy day kurang da. 16Iyatagey moy baston mo tan itorom ed dayat. Nabelsay so danum, et saray Israelita makapanakar irad amagan dalin diad ibaliw da. 17Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to. 18Diad panalok ed saray Egipsio naamtaan da a siak so Katawan!”
19Say anghil na Dios a gendat a manaayam ed bandad arap na saray sondalo na Israel et inmalis a nanayam ed bandad beneg da. Samay lusek a lorem et inmalis met 20tan nanayam ed nanleetan na saray Egipsio tan saray Israelita. Pinabilonget na samay lorem so kawalaan na saray Egipsio, balet pinaliwawa to so kawalaan da ray Israelita, kanyan sanlabin ag akapansinggeran iray sondalo ra.
21Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum 22tan nanakar ed amagan dalin iray Israelita diad imbaliw dad dayat; dinmalan irad nampegleyan na duaran padir a danum. 23Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra. 24Et nen mampalbangon la say Katawan, manlapud lusek ya apoy tan lusek a lorem, inosdungan to ray sondalon Egipsio tan ginegewgew to ra. 25Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”
26Say Katawan kuantod kinen Moises, “Iyonat mod dayat so limam, et tabunan na danum iray Egipsio, saray karwahi ra, tan saray kutsiro ra.” 27Kanyan inyonat nen Moises ed dayat so lima to, et nen maliwawa la pinmawil ed gendat a kaaralem to. Ginawaan na saray Egipsio so anggaay nayarian da ya ombatik, balet say Katawan imbabantak to rad dalem na dayat. 28Pinmawil so danum tan tinabunan to ra may karwahi, saramay kutsiro, tan amin da ra may Egipsion inmosil ed saray Israelita ya anggad dayat; anggapoy atilak ed sikara anggan sakey. 29Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.
30Diad saman ya agew inyagel na Katawan iray Israelita ed saray Egipsio, tan anengneng na saray Israelita a kibalatar ya inaatey ed gilig na dayat iray Egipsio. 31Nen anengneng na saray Israelita so baleg a pakayari ya impakana na Katawan diad impanalo tod saray Egipsio, tinakotan da so Katawan. Awalaan ira na pananisia ed Katawan tan diad aripen to a si Moises.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983